إقتراح

[علي(عماد)رفاعية]

تسلمو يا شعراءنا الكبار ودمتم ذخراً للمنتدى

[حمود للاتصالات]

إخوتي الشعراء السلام عليكم ....

ما بعرف كيف بدي اشكركم على تلبية الدعوة

وبا لفعل عبرتو وعطيتو للناس والمتابعين درس كبير

با المحبّة التي دائما منشوفها با أهالي جبعدين

والله لا يحرمنا منّا وطلعتو أهل وكفو للنخوة

وعطيتو الصورة الي حكيت عنها با الردة

(حب الناس وحب الجار..بيعطي عن أهلك صورة)

جزاكم الله كل خير ...

الأخ الشاعر أبو عامر المحترم مع إني ما عرفتك

بشكرك شكر خاص

من أعماق قلبي على المشاركة والكلمات المعبرة

وأخي وحبيبي أبو الفوز الغالي متل ما توقعت

منك كبير وبتضل كبير وعركاتنا وتحدياتنا مستمرة

وجهز حالك منيح شباب الضيعة متابعينا تمام

و الله يديم ها المنتدى ويجمعنا عا الخير

ولأخي وحبيبي الغالي ورفيق دربي شاعرنا

الديوان ما بعرف كيف أشكرك وشو ما قلت عنك

قليل ملتقانا با الحفلة يا غالي و ما بدك توصاية

شاعرنا الغالي طالب مو قليل وإنت مو قليل انشاالله

تحياتي للجميع والسلام عليكم .....

[حمود للاتصالات]

بو عامر الله يئويك ... مرورك غالي يا غالي

ما شالله عندك تكتيك ... سيّد بين الزجّالي

ببعت مرسالي يا شريك...ولمّا يوصل مرسالي

استقبل والباري يخليك ... روحي بقلبو مطمورة

......................
فوزي الله الهمّة يجير ... شو بدّي أكتب عنّك

عزمتك عا لصلحة بكير... وناطر تا إسمع منّك

تا تجاوب فكرنا كتير ... وشو بتوقّع من فنّك

حكمة وفهم وعقل كبير ... روحي بفنّك مسحورة
.....................

يا تاريخ الشعر سآال ... عن مجدك عن ديوانك

بتلاقي بيحضر با الحال... وبا الصّلح معلّي شانك

بوجودو مسرحنا طال ... البدر العالي بميدانك

وبغيابو منبرنا قال ... عنّي الحكمة مهجورة

........................

[محمود قاسم صالح]

فوزي وديوان وحمود ....طيور بمنبرنا الراقي

ديوان البستان ورود..... وفوزي من الحكمة ساقي

ويسلم تمك يا حمود ....لها المنبر مونة باقي

وبيقول بصوتو محمود ...تلاتة وتلاتة نسورا

........................................ .........
ومن بعد المدح ومن بعد..... ما تحاورنا يا اخوان

اللي ما بدو يشوف السعد......بحربي يشرف عالميدان

ويا فوزي مقابيل الرعد..... وياديوان من البركان

لو ما قدرتو توفّو الوعد ......بدرسكون عالسبورة

[علي(عماد)رفاعية]

شفتو القمر بدارو ................. ديوان الشعّر جارو


وكل الشعّار احتارو .................. وبديوانو الصارم غارو


الكل استنّى اشعارو .................... بكرا نشوفا بالغارة

.......................................


فوزي وردة بالبستان ................... ضوّا الموقع بوجودك


شعرك متل خشب الزان .................. السّيف مابيكسر عودَك


اسمك بأي مكان ...................القلعة بيكسر اسوارا



......................................



زئفة كبيرة ياجمهور .....................لشاعر شعرو موزون


ولواجتمعو هالنسور ....................... حمّود سيفو مسنون


شعرو خالي من الكسور ..................... بمعاني وقوافي مدرارا

........................................ ....................



بموقعنا شاعر مشهور ........................ شعرو أبداً ما بيسود


وبشعرو العالم مبهور ....................... تسلم شاعرنا محمود


فوهِة بركانو بتفور ........................ بالحفلة فضّي الحرارة

[عمار سيلان(ماهر)]

السلام عليكم ورحمة الله وبركاته

وعذرا عن الانقطا ع الطويل والمتواصل بسبب ظروف العمل


اما عن اقتراح الأخ فوزي فهو ممتاز وما بعرف الأخوة ليش تحسسو منو مع انو هوي مجرد تقسيم لا أكثر
وأنا مع فكرة المواضيع لأنو بلاها رح تضيع الطاسة متل موصاير هلأوكل واحد عم يغني على ليلو
الردات الي عم نشوفا من الشباب الجدد كتير حلوة ورائعة
بس المواضيع أحلى وأرقى وخلونا ايد بايد ننظم الشعر كلنا سوى من شان ما يصير
فوضى وكلنا أهل وحبايب وهاالشي ما بيمنع المنافسة الشريفة والتقسيم لفرق
مع احترامي لجميع الآراء والأعضاء وأشعارهم

[فيلسوف المنتدى]

أنا خلوني بس عم إسمع و إقرا
بس ياريت تكتبو شعر ديني
مدح الصحابة والدفاع عن الرسول