ردة معنا للشمس

[محمود قاسم صالح]

كلما يا شمس الصبح ردتي تشرقي....الضي بعيوني بتاخدي وبتسرقي
ووقت العلا دروبي ما صرتي تمرقي... بين الجسم والروح عم بتفرقي
ومتل البرق غمزة عيونك تبرقي.....وعاقلبي المعذب ما عدتي تشفقي
دخلك تعي ومن تمر حبي تذوقي.......تغدي غزل فيكي وحنان تروقي
قومي رجعي بكرا ما فيكي تلحقي....تعودي وما بعرف مين راح ومين بقي
وببحر حبي ما تخافي انزلي............وضلي اسبحي حتا بحبي تغرقي

[فيلسوف المنتدى]

قصيدة رائعة محمود شكرااااااااااااااااً

[أحمد عيسى]

محمود يا لمعة نـبـوغ وْ بـارقـة ....................
لولا شفتْ شمس العلالي شارقة
لا تفتكر من نورها اللّيـل انجلى ....................
بتكون كمشـة نـور منّك سـارقـة