المساعد الشخصي الرقمي

مشاهدة النسخة كاملة : زجليات ترحيب الاعضاء

نبيل فيصل
23-10-2006, 02:19 AM
[align=center:0164625153][b][font=Arial:0164625153][size=24]
السلام عليكم :

احببت ان انقل ما كتبناه في صفحات التشريفات بترحيب الاعضاء لهذه الصفحة و ذلك لعدة اسباب :

- لان الترحيب كان بابيات الزجل وانواعه

- لكي نستفيد من الفكرة وكيفية الاستفادة من الاسم وتحويله وصياغته بردة زجل

- ليتم ارشفة الزجل في المغارة

- لنتذكر الاعضاء الذين رحبنا بهم وغابو عنا لاسباب مجهولة او معروفة ولكي يبقى جميع الاعضاء بذاكرتنا

- ليختار اي عضو اجمل ترحيب وفكرة اذا اراد ان يشاركنا ذلك

***********************************
كما نامل ان لانكون قد ازعجناكم بقراءة الزجليات مرة اخرى

والله من وراء القصد

ودمتم
نبيل فيصل
23-10-2006, 02:24 AM
[font=Arial:412cb998ec]ترحيب بالاعضاء القدامى

بقلم نبيل فيصل :

هالموقع ) اتْعمّر أساسو عالهُدى ....... وبين المواقع هالاسم صرلو صدى

و مني انا رح قولها و غيظ العِـدا ....... فيكن (الموقع ) صار احلى منتدى

وْ ترحيبي انا بـِيْكون عاطول المدا ....... من قلب صافي والقلب إلْكن فِـــدا

وّ بالزجل رحّبت القدامى بالجدد ......... وّ ترحيب (بالزجّال) ما رحّـب حدا

*******************************
بقلم محمد منير :

بنبدى بنبيـل يلي إسموا بينصفوا................ وعامل بهــالموقـع كلام معرفــوا

وكل القدامى يلي قبلوا إستأنفوا...................وكل الجدد يلــي لـعنا شرفـــــوا

أهلا وسهلا ومرحبا بكل الشبـاب...................يلي غلاهم من القلوب بيقطفوا

**************************[/font:412cb998ec]
نبيل فيصل
23-10-2006, 02:35 AM
[font=Arial:81f0b1b278]
**************************

ترحيب بالاخ ( الاستاذ )

من عندي جاي التقصير ....طوّل بالك يا استاز

موقعنا حساس كتير .... صفحاتو كلها من قْزاز

وانشالله بكرا بيصير ..... اسمك يعلا متل الباز

بْتعطينا درسك بكير ..... ولا تنسى جيب العُـكّاز

********************************

ترحيب بالاخ ( فانتاستك(الرائع)

بْـإسمك (رائع ) تِــتْــهنّـا ..... حْــروفو من زهر المنتور

ما شفنا حْـروفـك عِـنـّا ......... شرّف شاركنا الْميسـور

**************************[/font:81f0b1b278]
نبيل فيصل
23-10-2006, 02:43 AM
[font=Arial:1bf8a66ed1]**************************

ترحيب بالاخت ( اسلام )

كلْ عضو جايي بالمحـــبّة عاملُــو >>>> وْ(اسلام) عضو جْديد ما رح جاملو

الاســلام دين المحبة و مـن هـيك >>>>> منْحـب كلْ ميـن هالاســـم حاملـو

**************************
ترحيب بالاخت ( بيلسان )

يا بيلسان الـــورد عبّى المنتدى..... وصار الورد عالمنتدى يقطر ندى

و غير ما رحّـــب أنا فيــكي ....... ::: كأنّـــو فيك مــا رحّـــب حــــدا

**************************
ترحيب بالاخ ( الشاعر)

بيقولـوا بـْـفن الأمثال ....... ( طب الجرة عا تمّا)

يا بْـتطلَع متلي زجّال ....... أو يبعتلك شي حمّى

**************************[/font:1bf8a66ed1]
نبيل فيصل
23-10-2006, 02:47 AM
[font=Arial:cb8c8628aa]**************************
ترحيب بالاخ ( محمد راتب )

محمد راتب عنا اليوم ...... بالموقع عم يتْــأمّــلْ

انشالله تبقى عنا دوم ..... و عنا تْناوب ع الأول

***********************************

ترحيب بالاخ ( بسام حمود )

يا مرحبا ( بسّام) عالموقع دنا ....... بلّش بهالصفحات يغزل دندنا

و بلش الاعجاب يظهر لبسّام........ و أول الاعجاب من عندي انا

******************************
ترحيب بالاخ ( نور الدين الهادي )

هالنور لمّا بْصفحــة الموقع همَـا ..... فـوق المراتـب عالعــرش علاّ و سَمَـا

وسبحان من حط الاسامي فيك ......... نور السما ودين السما وهادي السما

*************************
ترحيب بالاخ ( محمد طه الطويل)

عن ( أبو طه) للقمر قومو اسألو ...... عنّو قمر نيسان خبّر شو حلو !!

محمد و طه هالاسم ما بْـيحمْلو ........ الا ( شخص ) قلبو لـ ألله وصّلو

و ّ واجب عليّي ابن خالي دلّلــو ....... و كلْ الزجل ترحيب بدّي حـوّلـو

عندي الزجل غالي عليي كالضّنا..... وْ كرمال خالي بْيرخص الغالي إلو

****************************** [/font:cb8c8628aa]
نبيل فيصل
23-10-2006, 02:57 AM
[font=Arial:b55cccd8a4]
******************************
ترحيب بالاخ ( عبد الله )
بقلم محمد منير

كل يوم بيكبر ويزيد............مـوقعنا و بيتحـلى

وبترجع أيام العيــد............بوجودك يا عبدالله

**************************************** ****

ترحيب بالاخ ( كتكوت جبعدين )

بقلم محمد منير :

الكتكوت إل عالمنبر طل ..............ومنو المنبر عطرو فاح

لما بشـعـرو علينا هـل...............مثـل البـدر إل نـو رو لاح

وبنطــلب قــدام الكـــل ... .............يغّني المنبر كلما صاح

حـتى يكبر ها لـكتكـوت..............و يصـير الد يك الـصداح

******************************
ترحيب بالاخ ( باز جبعدين )

بقلم المعارض

باز الضيعة علّي........... فــوق جبالا وانقّلي

أخبارا ودخلك قلّي....... كيف عْصافيرا يا باز

بقلم نبيل فيصل :

باز الضيعة لمّا طلْ ...... ورفرف بجْناحو عالتلْ

مهما طار وعلاّ كْتير...... بْموقعنا عشّو بيضلْ

******************************
أخبار الضيعة بْـتـنـْحبّ ......... وكلّْها واللّه بــِـتـْـهمـْـنا

وباز الضيعة احلى شب ....... بيتجوّز ما بْــيعزمنا !!!!

**************************

نحنـا بـدْنـا البـاز يْـطير ...... فـوق الضيعة ليل نـْهار

يرفرف بجناحو عالشّير .... و يحـمل عالموقع اخبار

و لمّا بيــقول المــديـر : ....... الباز بْـموقعنا مغوار

شو ما بالضيعة بيصير ...... الواجب هوّي يـِـعْـلمْـنا

********************************** [/font:b55cccd8a4]
نبيل فيصل
23-10-2006, 03:01 AM
[font=Arial:279a8c0d33]******************************

ترحيب بالدكتور تاج الدين الطويل وابو ياسر

الدكتور وّ ابو ياسر على طول المدى ...... بقلبي أنا و الـروح كُرمالن فِـدا

ابو ياسر مَلك !! لكن.. بَـلا تاج !!!! ..... و انت يا تاج الدين .. تاج المنتدى

*************************
ردة خاصة للاخ ) ابو ياسر ) :

بو ياسر الله يهْــديك ؟؟........ قالـوا :الغيرة للنسوان

نحنا ما رحبنــا فيـك ........... كَــونك فارس بالميدان

لكن لو بدك بعطيــك ............ سرّي تا تكتب قصدان

وخرْزة زرقا رح بهْديك ... تصونك من عين الشيطان [/font:279a8c0d33]
نبيل فيصل
23-10-2006, 03:04 AM
[font=Arial:a28360d32e]ترحيب بالاخ ( البرنس )

ابن المير بْيبقى مـِـير ..... متلك يا بْرنْس الغالي

الشغلة ما بدها تفكير ..... الردة بْـتِـطْـلع طـوّالي

محسوبك بعد التقدير ..... بْـيبقى بْرنس الزجّالي

و انت بالموقع بتْصير ..... بْرنس النادي السرياني

**************************************** **************

ترحيب بالاخ عمار عدوان من رنكوس

يا رنكوس بـْـعرض و طـول -------- فوق النـجـْـــمات تــْــعلـّي

انت مِبــْــنيّـة عأْصـــــول --------- بالوادي وفــــوق التلـّــــــة

كـل الأعضا عم بتْــقو ل ---------- و مديــر الموقع قـلـّـــــي

يا جايي بـْـموقعنا تْـجول ---------- أهـــلا و سهلا بهالطلـّـــة

***************************************

ترحيب بالاخ ( المعارض )

يا مْــعارض عارض بالحــقّْ ...... مكشوف وسرّك بالْبير ْ

أوعــك تبقــى متــل البــــقّ ...... تِــزعجنا وينْ ما بــِطّيـر

************************************[/font:a28360d32e]
نبيل فيصل
23-10-2006, 03:06 AM
[font=Arial:023b52ae46]
************************************
ترحيب بالشاع الاخ ( الواوي )

(الواوي) شاعر عنّا طـلْ ......... يغنـّي مْعنّى و قرادي

وّجـــودو عنّـا متـل الفـل.. ..... وصوتو كالطير الشادي

الواوي معروف مْن الكل......... بْـيتْخبـّـى من الصيّادي

يا ربي (هالواوي ) يّضل .... و ما يهرب صوب الوادي

**************************************** ********************
ترحيب بالاخ ( ابو العلاء )

اهلا و سهلا بالزجل مِنْـقولْـها ..... من شعر صافي من قوافي دانيي

كِلْماتك بو علاء بيّنت مفعولْـها ...... و شفْـنا المعرّي فيك مرة ثانية !!

**************************************** *****************
ترحيب بالاخ ( معمر السعدي )

موقعنا بيبقى عاطول ..... بزْنود السُّمر معمّر

و كلْ لبنة منّو بتقول ..... اهلا وسهلا يا معمّر

**************************[/font:023b52ae46]
نبيل فيصل
23-10-2006, 03:10 AM
[font=Arial:2ed3504a0a]**************************
ترحيب بالاخ ابو ثائر ( القلب الكبير)

بْكلْماتي ما رح انجــــحْ ........ مهما غمّقت التفكير

و بو ثائر عندي بْـيفْتح ........ بْواب الكلْمة والتعبير

و موقعنا صار بْـيسمح ....... احـكي ردة بالتقـديــر

عنّا أعضــا عمْ تِـمزح ........و اعضا بتـْعلّي و تطّير

واعضا ما عم تِـتْزحزح ...... و اعضا لازمْها تشفير

و ( موقعنا) بلّش ينجح ..... وصار النادي كْبير كْتير

و لُو ما في عنّا مطــرح :......بْـيوســعنا قلبك لِـكْـبير

**************************************** ******
ترحيب بالاخ ( محمد سقال )

يا محمد الحب الحقيقي موهبي ....... واسمك بحب الرب أعلى مرتبي

وحبّيناك نحنا متل توقيعك تمامْ .......... يعني المحبة بْـعهد ألله والنبي

**************************************** ******************
ترحيب بالاخت ( ايناس )

( ايناس ) قلنا مرحبا و رد الصدى :... جايب من البستان هالــوردة معـو

من اليوم شدّي همْتك بهالمنتدى ....... و اسمك بْكل موضوع لازم نقشعو

**************************************** *********************[/font:2ed3504a0a]
نبيل فيصل
23-10-2006, 03:15 AM
[font=Arial:f62559b857]ترحيب بالاخ ( الناطور )


يا حــلوين بالموقـــع اكْبــروا ....... بْصفحات للحلا و بالحب ملياني

ومن قلبي هالمحبة اعصروا .......... و الزجــــل مـــن دمّ شريانــي

وكل يوم لا تْخافوا . اسهروا ..... ( الناطور) عينو عالامن سهراني

**************************************** ****************
ترحيب بالاخ ( عاشق جبعدين )

الترحيب من فترة قريبـة بـِـعمْـلو ....... ما كنْت وقتا عا زمانك سجّلو

وكرمال هالاسم اِللّي انت حامْلو ........ يا محمـد الترحيب لازم تِـقبلو

كلْ عضو بالترحيب بدي اسـألو :........ بيقول: نيّـالو الشعر ما أجملو

و نـيّـال موقعنا بمشرف ألمعي ........ و نيّال ضيعتنا بعاشقْها الحلو !

**************************************** ******************
ترحيب بالاخ الشاعر ( محمد منير )

مبروك ( موقعنا ) ظلامو راح ....... وْ لاح الصبح من وهج مصباح الْمنير

و إنت بموقعـنا صــرت مصبـاح ...... نوّرت عنـّـا هالْمغــارة يا ( منير)! !

**************************************** *********************
ترحيب بالاخت ( سريانية )

(سريانية) نور العَين ... نور الضيعة الربّاني

لازم نفرح بالاسمَين ..... سريانية وسرياني


سريانية أمّ و أبّ ...... بدعيلا يحميها الربْ

ياربي يبعتلا شب ..... متلي شاعر سرياني

**************************************** *********
ترحيب بالاخ ( عبد الهادي الاغبر )

عبد الهادي بالنادي ..... قهوة سكّرها زْيادي

عمبيقولو هالاحباب..... أهلا يا عبد الهادي

**************************************** **********
ترحيب بالاخت ( نور الايمان )

يا اهلا و سهلا يا نور ........ نـوّرتِ اســم النادي

اسمك نور ومنك نور ..... جايي من الرب الهادي


اسمك منحة من ألله ..... و هيك الرحمن :

خلاّ اسمك يتْجلّى .......... نــور و ايمــان

**************************************** ***********[/font:f62559b857]
نبيل فيصل
23-10-2006, 03:18 AM
[font=Arial:481451ed0c]ترحيب بالاخ المهندس ( طه فيصل )

بقلم محمد منير:

كــــل الأعضاء الحلوين..........فيهن نحنا بنتباهى

وخصوصي المهندسين..........وشيخون أستاذ طه

بقلم نبيل فيصل :
كل الاعضاء الحلوين ..... فيهن نحنا بنتباهى

من برّا ومن جبعدين .... وْ اوّلهن خيّي (طه)


يا ( طه ) موقعـنا صـار ..... دار الفكرة والافكار

و عنّا جنينة جـوّا الـدار ..... بوجودك ما أحلاها .

بقلم محمد منير :
جنينة فيهاورود تميل .......من كل عصر ومن كل جيل

جمال، خالد مع نبيـل..........و ( طه ) ...يللي حلاهـــا

بقلم نبيل فيصل :
هـالموقـع لامع لمعة ...... بْـشعّارو صرلو سُـمعة

وْ أمثال مْحمد شمعة ..... الصفحة بْشعرو ضوّاها ...


بقلم محمد منير :
الموقع ضـــوا بالأحبــــاب..........يلـي بقربن قلبي داب

نحنا صحاب بنبقى صحاب..........وصحبتكون.ما بنساها

**************************************** *************************
ترحيب بالاخ المهندس ( ابو وسام )علي علوش

بقلم محمد منير :

كلما بنــاء يكون بالعالي علــــي...... بيكون في توفيق من ربي العلي

ولما بشوف بروج بتناطح سحاب.... بتذكرك بفخر يا مهندس ( علـي )

**************************[/font:481451ed0c]
نبيل فيصل
23-10-2006, 03:21 AM
[font=Arial:4fe0b764e2]**************************
ترحيب بالاخت ( سلام )

سلام الـْ بدها ترحيب .... الفكرة عندي عم بتْغيب

يللّي اسمو ردة شعر...... مْنين الفكرة بدّو يْجيبْ

**************************************** *********
ترحيب بالاخ ( ابو معاذ )

كلْ عضو بصمّملو بَـيْـت ..... و من شعري بيشمّ الطِّــيْب

لكن ..عنّـا ( آل البَـيـت )..... مـا بـدْهُــن منّــي تـــرحــيب

**************************************** **
ترحيب بالاخ الدكتور ( تلمنيني )

مهما اسمك صــدفة دار ....... او اصْـلك من تل منين

ومهما جابو من الازهار...... جوري معْ فل وياسْمين

عم بيـقولوا هالشّـُعار: ...... و كـل الاعضاء الحلوين

( تلمنيني ) عنـّـا صـار ..... سريـاني من ( جبعدين )

************************************
ترحيب بالاخت ( اليتيمة )

( نبينا ) اعــطى افـكار ...... لليتيمـِـة بْـ مـيـزانا

هالحلوة متل الازهار ..... جايي من ريحةْ (قانا)

وبْـ توقيعا نور وْ نار ...... متـْميـّـز من عـنوانا

عنوانا موقعنا صار ...... و بْــ موقعنا كفـْــلانا !

وبعد ان اصبحت اليتيمة ( اليتيم ) :.......

طـوّلتْ بالي ع اليتيمـة إنـّما ............ طـالت المزحة و ما قدرنا نهضما

شب و بنت شرفو لعنـّا عالحِمى ........ كلْ عين تقشع نور من بعد العما

و كنّو اليتيم زْغير لسّا ما نما ........... معليش هالردة لحالو بيفهما !!

قدرنا بموقعنا نـْـردّو و صار شب ..... لكن مفينا نـْرد ّ بيّـو من السما !!

**************************************** *********************** [/font:4fe0b764e2]
نبيل فيصل
23-10-2006, 03:24 AM
[font=Arial:3ac885dd32]
ترحيب باصغر الاعضاء سنا (علاء جمال الطويل)

هيدا ( علاء ) مْن العُـلا لمّا هـما ......... عْرفنا بأنـّـو الشبل جايي من الاسد

يارب احمي الاسد من عين العمى ....... ويارب احمي الشبل من عين الحسد

**************************************** **********************
ترحيب بالاخ الشاعر ( احمد عيسى )

يا قوافي الشعر أوعك تهربي ............. من بحر شعري هالقوافي اشربي

احمد بهالترحيب عنّــو اكتبي :............. اهلا و سهــلا شاعر بْـهالمسكبة

سبحان اسمك من حروف الموهبة.......... عــلاّك فـيها مرتبــة عا مرتبة

اسمك اخذ من اسم سيدنا المسيح .... ... واول اسم مكتوب من اسم النبي !!

**************************************** ***********************
بقلم احمد عيسى :

إسمي أنا جمّع أسامي بكل جيل >>>>>>>> أسماء حرّة بذكرها بنروي الغليل

أحمد نبينا لْ ما لنا عنّو بديل >>>>>> وعيسى المسيح لْ كان يشفي كل عليل

و إسمك إنت يا صاحبي منّو قليل >>>>>> أحلى من الدّر لْ على العنق الجميل

باعك طويل وْإنْتْ من بيت الطويل >>>>>>> وْ بالشعر ما لقينا لموهبتك مثيل

و إسمك نبيل عْلى مسمّى بينحسب >>>>>>> وْ بالفعل فعلك متل إسمك يانبيل

**************************************** *********************** [/font:3ac885dd32]
جمال فيصل
23-10-2006, 03:40 AM
جمع موفق
ومدرسة ما شاء الله في الزجل
وجهود كبيرة
بارك الله بك