شو رأيكم نغني دلعونا

[محمد بن قاسم علوش]

[size=18]السلام عليكم ورحمة الله
اساتذتي الاكارم اخوتي في منتدانا الرائع:
ان من تراثنا الشعبي والفلكلور الاغاني الشعبية يجب ان نعطيها حقها مثل الزجل وان لا نهملها شو رايكم نعمل وصلة دلعونا كنوع من التنويع وبشرط ان لا نهمل الاقسام الاخرى0
انا من بعد اذنكم رح بلش بالدلعونا ويلي واتمنى من الجميع المشاركة0
يلا تفضلوا:
-
-
ويلي ويل حالي ويلي دلعونا 000000000000نحنا ما بننسى يلي نسيونا
ضيعتنا الحلوة ويلي ماحلاها00000000000 بندعي ل الله يخللنا ياها
هيي عم تشمخ بمنتداها00000000000وانا عم اشمخ فيكن ياعيونا

[محمد بن قاسم علوش]

<div align="center"><span style="font-family:Arial">]العضو اليتيمي يعرف عن حالو 000000000 حاجة المنتدى شاغلو بالو
وجنس البنات ان كان بيحلالو 000000000 يالله تنسمي اسمو ميسونا</span></div>

[خيال الزرقا]

يا سلام عليك ردة جميلة وبانتظار باقي الشعار

[admin]

حلوة وملعوبة وشغل معلمين يا بو قاسم

[أبو عبد الرحمن]

بانتظار العضو ميسون .......

حتى يضربلنا شي وحدة دلعونا


يسلم ايديك يا ابو قاسم

هذا هو الفن بزاتو ...( فن الحركشة )

[جمال فيصل]

هكذا قال ابو ياسر
لكننا لانقبل لاالحركشة ولا التلطيش:: ولا الغزل الا بشروط المنتدى


هكذا قال ابو ياسر ::
يسلم ايديك يا ابو قاسم

هذا هو الفن بزاتو ...( فن الحركشة )

[محمد بن قاسم علوش]

<div align="center"><span style="font-family:Arial">مش قصدي لطش ولا حتى غازل ------------ ولا حتى هدّم اعلى المنازل
لكني قاصد كيد العوازل ------------ حتى بمزحتهم ما يطويلونا</span></div>

[محمد بن قاسم علوش]

<div align="center"><span style="font-family:Arial">الشعر بيعرفني من طولة عمرو ------------- حتى شربني حلوو مع مُرو
مني تحية لكل ل المرو ------------------ ويمكن شعارنا بيطنشونا</span></div>

[admin]

حلو يا بو قاسم
ودعوة لكل من يكتب الزجل للمشاركة في هذا الموضوع
والدلعونا تراث جميل نحبه جميعاً
وكتابته سهله بالنسبة للزجالة

ولهذا سنهاجم ونقاطع ونزاجل كل شاعر زجل لا يشارك بهذا الموضوع

[محمد بن قاسم علوش]

<div align="center"><span style="font-family:Arial">ياموقعنا يلي تركتك من مدة ------- وجفني عافراقك الدمعات مندي
رجعتلك حامل غصن المودة ------- نحنا مانسينا يلي نـســـــــيونــا</span></div>

[نبيل فيصل]

حلووووووووووووو
يابو قاسم يا ملك الدلعونا

وسوف اشاركك الدلعونا غدا انشاء الله

[عاشق جبعدين]

طيب كتبو الشعر بلغة السريانية

[فوزي سيلان]

حلوة كتير بارك الله فيك بس هالفن ليس متل الزجل ولذلك لاتحصرو المشاركة بالزجالة لازم الكل يشاركو لأنو هالون خفيف وسهل وتركونا للأصعب ولا شو رأي الشعار؟؟؟
يباركلك ربي عاهالغنيّة ـــــــــــــــ وبنعدها منك أجمل هدية
يا أبو قاسم بتسوى ميّة(100) ـــــــــ عالردة الحلوة يا نور عيونا
وأنا عذروني على عدم مشاركتي لأنو عندي إلتزامات شعرية بهالفترة ونشالله بتشوفوها قريبا

[myeyeball2u]

دلعن يا مدلعن على موقعنا........................
................................. بكل كلمة حلوة هوي جامعنا
والعالم كلو بدو يسمعنا.................................. .
................................ وصوت السرياني يعلا بالكونا

[محمد بن قاسم علوش]

<div align="center"><span style="font-family:Arial">فوزي سيلان شاعر مثالي 00000 غالي عالموقع وع قلبي غالي
يابوحسان وشمعة وبوعلي00000 بتمنى منـكم تمــروا لــهونــ0ـــا</span></div>

[محمد بن قاسم علوش]

[font=Arial:75ea81585e][size=24]ويـــــــن الــــــــــــــــــــشباب ------------------- ويــــــــــــــــــــنهم

[أبو عبد الرحمن]

والله لو كنت بعرف.......... كنت ربيتكم كلكم


بس معقولة ردة دلعونة ...تعد تلت تيام وما تطلع معي ...مو معقولة

[جمال فيصل]

دلعونا
وهواااارة
وعتابا


وزجل

وغزل


وين بقية المواضيع؟؟؟؟؟؟؟؟؟؟؟؟؟؟!!!!!!!!!!!!!!!!!!

[محمد بن قاسم علوش]

[font=Arial:b940bb08ae][size=24]شكرا عالمرور ياشباب
بس اي مواضيع استاذ جمال
اذا الدلعونة ما لقينا دعم فيها من باقي الاعضاء كيف بدنا نفتح مواضيع جديدة؟
انت لاحظ ان صاروا بينعدوا ع الاصابع الاعضاء يلي عم يفوتو
وين الناس بدنا نحي المنتدى ونقويه
مزبوط ولا غلطان؟

[محمد بن قاسم علوش]

<div align="center"><span style="font-family:Arial">يا منتـدانا يلي غابـوا أحبابك ـــــــــــ قلبـن دايـب والله ع فـراقــك
هن اخواتك وأهلك وصحابك ــــــــــ من بعد الغيبة رح يـرجعونا</span></div>

وينهم 0000000000000000000000000000000000

[ابو حسان]

بحي من قلبي كل الشباني..............بتبقو بفكري كل الزماني

كلكن بعيوني الكن مكاني............وأهلا وسهلا بلي يحبونا
هي عالسريع بجوز مو ظابطة كتير بس مبدئيا ماشي حالا

[محمد بن قاسم علوش]

[font=Arial:68638c4948][size=24]مشكور أخي ابو حسان على المشاركة وبالعكس حلوة كتير ونتمنى نشوف المزيد

[محمد بن قاسم علوش]

<div align="center"><span style="font-family:Arial">يلي من الغيرة زعلانة مني
وقلتي هالشاعر مابيسأل عني
كرمال عيونك ل بطل غني
وأقعد ناطور بكرم الزيتونا</span></div>

[ريم البوادي]

دلعن دلعونا دلعن دلعونا السمر بيجرحو البيض يداوونا
مابدي امي ولا بدي بيي بدي هالمنتدىبيسوى ها لكونا
على دلعونا وليش دلعتيني عرفتيني مجوز ليش اخدتيني
لاكتب كتابك عا ورق تينة واجعل طلاقك حبة زيتونا

[محمد بن قاسم علوش]

الله عليكي ياريم مشكور ع المرور ونتمنى منك المزيد

[محمد بن قاسم علوش]

الله عليكي ياريم مشكورة ع المرور ونتمنى منك المزيد

[ريم البوادي]

هلا اخ محمد حياك الله وابشر انشاء الله

[ريم البوادي]

[[align=center:27b51db9a6][font=Symbol:27b51db9a6]color=green]سرياني موقع ما بعده موقع
يلي العزال منه يغارونا
تعو لعنا شوفو لغتنا
الله من عنده محلي هالكونا[/color]
:cry:

[ريم البوادي]

[size=24]سرياني موقع ما بعده موقع
يلي العزال منه يغارونا
تعو لعنا شوفو لغتنا
الله من عنده محلي هالكونا

[ريم البوادي]

هي ترجمة يلي فوق هههههههه

[عاشق جبعدين]

الله الله حلو كتير

[محمد بن قاسم علوش]

ههههههههههههههههههههههههههه
الله عليكي حلوة الترجمة

[خيال الزرقا]

حلوة الدلعونة بس هيي الكتابة بانو لغة ههههه

[محمد بن قاسم علوش]

<div align="center"><span style="font-family:Arial">نحنا سوريي واخلصنا النية
عشنا ع محبة الله وسوريا
فلتحية رجالك هالسريانية
وياأهل الموقع يانور عيونــــــــــــــــــــــــــــــــا</span></div>

[عاشق جبعدين]

[quote][font=Arial:9a2f9b2459][size=24]نحنا سوريي واخلصنا النية
عشنا ع محبة الله وسوريا
فلتحية رجالك هالسريانية
وياأهل الموقع يانور عيونــــــــــــــــــــــــــــــــا


يا سلام

[محمد بن قاسم علوش]

<div align="center"><span style="font-family:Arial">يلعن ألمرت ويلعن ليكودو
عابو موسادو هو وجعودو
بشار الاسد هو واسودو
لابوش يهمن ولا صهيونـــــــــــــــا</span></div>

[محمد بن قاسم علوش]

<span style="font-family:Arial">عضـو المـنتدى يا جبـعديني
عفتـح الـقدس بُكرة لاقـيني
وعبواب الأقصى بنحط الزينة
ومندعس على علم صهيونا</span>

[محمد بن قاسم علوش]

<div align="center"><span style="font-family:Arial">ياريت بيرجع عصر الجندرما
وخبز التنور وكشك بقوارما
ونخلص من صرعة جيل الشاورما
وجيل الهمبرغر والمعكرونا</span></div>

[شادي]

<div align="center">موقع((سـرياني))بي قلبي واقع ......... فــاق بجـمـالـو كــل المـواقـع
شي خيلة كتير كتير وشـي رائع ......... وأعضاؤوو أحلى ناس بهالكونا</div>

[ابو العلا]

اهلا ومرحبا بك يا اخي شادي في مغارتك ...تحياتي الك ..وشكرا على مشاركتك الجميلة
**********************
بوجودك شادي نرفع راييتنا **** تنضاهي نجوم السما بعزتنا

يا هلا بشادي عضو بعيلتنا **** منحطك جوا القلب وعيونا

[بديع]

اهلا وسهلا بأحلى شادي ####بأحلى سهرية على سطح الوادي
صوتك بقلبي تغريد الشادي####بعتبرك اغلى من كل اولادي



نورت المنتدى

[محمد بن قاسم علوش]

اخي ربيع اسمحلي بعد اذنك صحح الدلعونة وكملك ياها ومشكور لسعة صدرك



<span style="font-family:Arial">يااهلا وسهلا بأحلى شادي ------ بـأجمل سـهرية بـربوع الـوادي

صوتك بقلبي تغريد الشادي ------ فجّر اشواقي وقلبي الحنونـا</span>

مع قبول تحياتي

[محمد بن قاسم علوش]

؟؟؟

[محمد بن قاسم علوش]

اخي ربيع اسمحلي بعد اذنك صحح الدلعونة وكملك ياها ومشكور لسعة صدرك



<span style="font-family:Arial">يااهلا وسهلا بأحلى شادي ------ بـأجمل سـهرية بـربوع الـوادي

صوتك بقلبي تغريد الشادي ------ فجّر اشواقي وقلبي الحنونـا</span>

مع قبول تحياتي

[محمد بن قاسم علوش]

<div align="center"><span style="font-family:Arial">لـربـيـع الـغـالـي بـقـدم تحـيـة 0000 بـبــعـتـلو يـاهـا من لســعوديـة

ان شالله نتلاقى بأجمل سهرية 0000 بسهرات الضيعة الحلوة المزيونا</span></div>

[نبيل فيصل]

ابو قاسم الله يعطيك الف عافية

[شادي]

على دلعونا وعلى دلعووونا

انتو من العيلة وبتقربووووونا


تغــريد وربيــع رحّبــو فيـنـي

وترحيبن فيني والله يكفّيني

وكل واحد منكن يلا يلاقيني

تنخلّي الدنيا تشتّي دلعوونا




لكم محبتي

[بديع]

على دلعونا و على دلعونا



تكرم عينيكن ياللي دعيتونا

~~~~~~~~~~


على دلعونا تكرم عينيكن


قلبي وْ مفتاحو بين ايديكن





غمزة ما بحمُلْ حَرام عْليكين

عيونك بوقاسم بيهزو الكونا

[بديع]

شادي بقلبي ووردةعـا جبينـي


وبوقاسم بروحي وعمري وتكويني




بموت وبتضـلا ذكرى بسنينـي


مهمـا تغربـنـا أو غربـونـا

[شادي]

على دلعوووونا وعلى دلعوووونا ........... ربيع الغالي يا ضي عيوونا



الأغبر غمرني بعطفـو وحنيـنو ........... ريتو يسلملي قلبو وجْبيـنو

وريتـن يسـلـموو يلّي مـربّـينـو ........... أغلى جوهرة صاغو بهالكونا

[بديع]

على دلعونة ياطير الشادي

كلك حنية ورقة ولاطافي

ناوي لعيونك اكتب قرادي

واشكلها بصدري متل الايقونا

[خيال الزرقا]

<div align="center">وبكتب لك غنوة أحلى ما يكونا</span></div>

[شادي]

<div align="center">على دلعووونا وعلى دلعوووونا

يا ويل ويلو القرّب لهوووووووونا



بعـد التحـــية وبعـد السّــلامي

وبعــد ما نلتــو كــل احتـــرامي

لو جينا نبلّــش بالشعـر الحامي

ولو جابرتوني اشـهـر حُسـامي

مافيكم شاعــر يسْـبـت إدامي

شي بيطير منكم شي بيحلقونا </div>

[ابو العلا]

<div align="right">وانْ ايدك مرّة علي تمدّا ===== علّق مشنقتك عالمندلونا </div>

[شادي]

<div align="center">
صحيـح كلامـك قدّك مش قّـدي

من هِيك قلتلي يا شادي هدّي

منّك مستـاهل تـَ عْليك مد يدّي

بنفخة عالمتلك بيخرْيطووووووونا </div>

[ابو العلا]

<div align="right"> </div>
<div align="right"> </div>
<div align="right">تسلب البصر من بوبّو عيووونا</div>

[شادي]

<div align="center">بالعادة عليي بتفهم بالـوما

شو صابك كنّو صابك العمى

لو إنّي بطلّع عنجـوم السما

بيطـفــو كلـجـمْـر وبيرمّــدونا </div>

[ابو العلا]

شادي بتفكيرو ما فيني لومو

بَقلّو شمس يحكي عنجومو

نجومو من حول الشمس بحومو

من نور المولى يضووا عالكوونا

[شادي]

<div align="center">الشّمس يا غالي قلّي شو هيّ

ما هيّ نجـــمـة بْسَـما الـعالـيّة

تغريد الغــالي بشـــوفـو بعينيّ

قــمــر بـِ نورو ضوّا هالـــــكووونا



على دلعوووونا وعلى دلعوووونا

عيوني مـنْ نورك بيــفونســــونا </div>

[ابو العلا]

شمسي عالكون تبقى مضوية

مش هي نجمة بفضا الكونية

تكوير السورة الرّحمانية

تخلّيك تتعمّق بسْرار الكونا




على دلعونا وعلى دلعونا

من شعر شادي زهر هالكونا

[شادي]

<div align="center">شو بك يا غالي وشو الي جارلك

بقلك يمـينـك تعطـينـي شـمالك

خلّـي القضــيّة لصْــحــاب الفـلك

وخلينا نحنا نغنّي دلعووووووووونا </div>

[ابو العلا]

بلّش بالعركة وافتح موضوعك

غزل او هجا تلاقيني طوعك


وخلّي السميعة تشرب ينبوعك

وفي بحر شعري يتسبحونا

[محمد بن قاسم علوش]

شادي بيطار ل غنى موالو

عيون الحبايب شغلولو بالو

لتغـريد الـغالي العالم قالوا

بو كاسم مات بسود العيونا</span>[/b]</span></div>

[ابو العلا]

سلامتك ابو قاسم

شو الموضوع

غزل ولا سمرا وبيضا

واذا بتحبّوا منحكي بموضوع جديد (شامية وفلاحة) اقصد البنت الاكابر والبنت الفلاحة
خبروني شو الموضوع لحتى نغني

بو كاسم مات بسحر الغزالة

رميتوا بسهم عيونا القتالة

وأنا من العشق متكركب حالي

دموعي من شوقي ما ينشفونا

[غفران الطويل]

الله يعطيك اللف عافيةةةةةةةةةة

[ابو العلا]

حوا يا حوا شو عملت في .... عا نبض قلبي بسهر ليلية

بحلم بنجوم السما حْوالية .....واسبح معاك ب فضا الكونا

*****
ويلي دلعونا ويلي دلعونا ... صبايا الضيعة راح يهدونا

*****
اطّلّعت فيني بنظرة سحرية ...سهام من رموشا رشقت علي

حطّوع أنا ب سلك الجوية ... تتعلم صد سهام من عيونا

****

[ابو العلا]

جيت لمنتدى اسمو سرياني .... وكل فكري لاقي من يتحدّاني

شفت شبابن تمشي سكرانة .... الصبايا عندن يتْكحّلونا

[بديع]

على دلعونا و على دلعونا.....ورد البريّة يتحلاّ بلونا



شفتا بالصدفة زهرة محلاّية
بعطرا غمرتني عملتني حكاية



كلاّ لطافة ذوق و ترباية
والله مش عارف ردّلا ديونا

[ابو العلا]

اســـــــقى الله يوم ال كنا نتلاقى .... تخبينا التينة تحتا بوراقا

تغزل عاصدري خيوطا الشرنقة ... وتنسج مودة بهداب عيونا

[بديع]

يا طير الطاير وصّل قوافي

لمحبوبي الغالي تقللوا عوافي

إسمو غنيّي ترندحها شفافي

قلبي ودقّاتو نغمي حنونا

[ابو العلا]

ربيع العاشق غنّى موالو ... وصاير يتغنى بالشاغل بالو

محروق بقلبو ومعتر حالو ... من جنس حوا الْ ما يرحمونا

[بديع]

على دلعونا يا شهد وسكر


حبك بقلبي بعدو ما تغيرّ


والباب عليي لو كنو مسكّر


مابرضى غيرك لو بعِدونا

[ابو العلا]

بدّي اتجوز منهن شي تلاتة ... من جبعدين ونعنش حياتي

وكيد العزال وكيد الشمّاتي ... وقلّع عيون اللي يحسدونا

[بديع]

ويلي دلعونا ويلي دلعونا**** والله لا والله ما رح ينسونا

قالوا انتهينا وراح اللي راحو

والله من دوني ما رح يرتاحو

بغنيّي وزقفه الكيف وأفراحو

وما بيهنى العيش إلا بدلعونا

[ريم البوادي]

ماشاء الله تبارك الله ما خلصتوا دلعونا
وما خلصت الكلمات

تابعوا نريد المزيد

[ابو العلا]

من سحر عيونك بكتب كلماتي

وبهجو اعدائي بموجي العاتي

ربيع الاغبر شب الاسباتي

و فوزي سيلان شب البستونا


مع احترامي

لعيونك يا زولة اعلناها حرب

[بديع]

بولعلا عالرغم الأول بصفوفو ــــــــــــــــ جنـّوا الطليان بفلتات حروفو
ولما منتلاقى مأكّد رح شوفو ـــــــــــــــ عم يقتل حالو من شب البستونا

[بديع]

نسر المنابر من مدة حايم

ومن طيش جناحو فلتو النسايم

لو دق المدفع بيضلو صايم

مافي ولا وجبة تعبي العيونـا

[ريم البوادي]

على دلعونة ولك جننتوني

ابو العلا وربيع البستوني

علقانة حربكن بالسكتوني

والدلعونة معكن صارت مجنونا ؟؟؟؟؟؟؟؟؟؟

[ابو العلا]

نسرك عا كتفي نايم خليتو

قصّيت جناحو وريشو هرّيتو

ومتل م ُ مْعوّد أنا طعميتو

جيفة من صيدي تعبيلو عيونا

**********

[ابو العلا]

يصدح بفلا الاكوان حسّي

يملّي في مابين الخلق أنسي

ولمن عا شبّك لحشت أسّي

بلّيت تيابك , من هطل عيونا

[بديع]

شبي بيعمرك حقق مكاسب

بلعبة هلشدة والشغل مناسب

ولوكان في عندو بالماضي حاسب

ماضل بحقلة بيك زيتونا

[بديع]

ما بين المُهْرة و ما بين النمرة
ما فيك تْميّز ! شو هالشّطارة
عصفور الدوري عم يعمل غارة
عالنسر الجارح !!! بالله هَدّونا
=========
إنســـــى المركوب وْ فَكّر بالراكب
وْ من بحري اُغْرف حكمة و مواهب
بْلون الدّلعونة يا إبني : راســـــب
فـِل ّ بْريشــــــــاتك يا هَل حسّونا

[ابو العلا]

شبّك مش قادر يدفع عن حالو

رهن باللعبة شْماخو وعْقالو

عشْباب الشدّة هالخلق قالو

جنب الصبايا عم يركعونا

[ابو العلا]

نسرك هالجارح مالو مخالب

طلع تحليلو للهمة سالب

قلّي ربيع مبارح شو شارب

تا صقري الجارح شفتو حسونا

[بديع]

شبي يومية كان يعمل رحلة
تحت اليموني يحاكي الصبية
وكترت ماملعط عينا بلكحلة
بتظن التينة شجرة ليمونا

[بديع]

ما بدّي إعلق بين صغرة وكبرة..
نسري الجارح صار عنده خبرة
ما بدي صقرك ولا بدّي مهرة
بقيمك من أرضك وحدي بلا عونا

حاجي عاملني الشغلة و العمله
إنّك تغلبني.. مش قصّة سهله
بسبق ردّاتك وأنا عا مهلي
وإنت و مستعجل ما بتسبقونا

[بديع]

على دلعونا وعلى دلعونا
الله خالقهم تا يمرمرونا

يا بنت حوا يا بنت حوا
شوفي هواكي فيي شو سوا
بتمشي مقابيلي وقلبي بيتلوى
وخليتي قلبي عندك مرهونا

يلي خليتي قلبي رهينة
بين ايديكي الحرية اعطيني
حبك والله بنارو كاويني
نار وشعلاني يانور العيونا

قالت لي دخلك شو عم تستنى
ما دام وصالي يا روحي بتتمنى
من رأيي تشرب القهوة عنا
وبعدا باسبوع عند المأذونا

رحت لأبوها وقلتلو يا عمي
القرب منكم والله كل همي
قال بدنا عريس يكون عندوا همة
يدفع كمشة مصاري مهر المزيونة

مهرها يا ابني ما فيك تطالو
اللي متلك يابني شو راسمالو
انا مهر بنتي مليون بحالو
وانت ما عندك خزاين قارونا