المساعد الشخصي الرقمي

مشاهدة النسخة كاملة : المعكرونة السريعة

ريم البوادي
16-04-2009, 03:06 PM
هي الاكلة للعزابية خفيفة وسريعة وطيبة واليكم الطريقة كمان بسرعة

اول شي المقادير:

كيس واحد معكرونة خواتم - مكعبين ماجي - راسين فليفلة - علبة فطر مقطع -ملح -ملعقتين كبار مايونيز
ملعتين كبار كتشب - ملعقة صغيرةفلفل وشطة - بصلتين مفروم ناعم - علبة قشطة -ملعتين سمنة
اذا بدكن تضيفولها قطع صدور دجاج ممكن بس انا بفضلها هيك من دون شي
والطريقة :

نسلق المعكرونة بماء مغلي وملح وزيت كالعادة ومكعبين الماجي حتى تنضج ونصفيها

طبعا نحن منكون عم نجهز البصل منلفحه بالسمنة حتى يشقر شوي ومنضيف الفطر والفليفلة المقطعة مكعبات والمايونيز والكتشب والقشطة ومنخلطون مع بعض ومنحط فوقن المعكرونة المسلوقة ومنزبط الملح والفلفل ومنقلبون شوي ومنطفي الغاز يعني شي دقيقتين بس وبتكون الاكلة جاهزة
بدكن اسرع من هيك وصحة وهنا وهي الشكل تبعها

http://up2.m5zn.com/photo/2009/4/16/05/200k3caa8.jpg/jpg (http://up2.m5zn.com)
ومأكول الهنا
خيال الزرقا
17-04-2009, 03:35 PM
والله هيي سهلة بس العزابي الله يعينو مقضيها على المعلبات
ريم البوادي
18-04-2009, 06:32 AM
المفروض اخي خيال انو العزابي وغير العزابي وكبير ولا صغير ما حدى ياكل معلبات كتير
لانهامضرة على الصحة لاحتوائها المواد الحافظة ولو الانسان بياكل خبزة حاف احسن من المعلبات
تحياتي لمرورك الكريم و شكرا الك
ابو حسان
19-04-2009, 01:59 AM
ولي اذا كل هي واكلة سهلة لكان الاكلة الصعبة كيف بتكون
شكرا عالاكلات السهلة يلي عم نزليا للعزابية بكرا نزليلنا قبوات كمان اكلة سهلة كتير للعزابية متل هي تبع المعكرونة خلينا نجربا
ريم البوادي
19-04-2009, 06:20 AM
شو بعرفني يا ابو حسان هلاء هي الاكلة طلعت معي مشان الشباب يلي طلبوا
ولا انا بالنسبة الي هي اكلة سريعة ودغري بتصير معي عالحالك
اما الشباب الكسلانين بلاقوها صعبة عليهن مو ....
شو بدك اسهل من هيك يا ابو حسان ؟؟؟؟؟؟؟؟؟؟؟؟؟؟؟؟؟؟
على كل يسلمو اديك على المرور
محمود قاسم صالح
19-04-2009, 11:27 PM
بصراحة يا أخت ريم هي الأكلة صعبة شوي بس بتتدبر ربي يسلم دياتك ويهني أهل بيتك

http://syriany.com/forum/picture.php?albumid=10&pictureid=86
ريم البوادي
20-04-2009, 03:29 AM
ليش ملاقينها صعبة ما بعرف يمكن لانو غراضها كتيرة بتفكروها صعبة
اكيد لما تتدوقوها رح تنسووا صعوبتها
مرورك اسعدني اخ محمود
فوزي سيلان
20-04-2009, 12:13 PM
أنا بقترح لا عاد تحطيلنا صور الأكلات لأنو من كتر مو مبينة الأكلة طيبة بالصورة شطت ريالتي
الله يعطيكي العافية ويسلمو إيديكي وبوعدك حاول ساويها وفاجئ زوجتي والله يسترنا من النتائج
محمود قاسم صالح
20-04-2009, 07:50 PM
أنا معك أخ فوزي بالشي يلي قلتو لأنو الصور عم تخلينا نتحسر و نتمنى ندوق هالأكلات الطيبة ونصيحتي ما تجرب تعمل الأكلة بالبيت أول شي تدرب عليها برات البيت وبعدين فاجئ المدام فيها وبدعيلك تتوفق.

http://syriany.com/forum/picture.php?albumid=10&pictureid=86
قمر الزمان @
20-04-2009, 09:21 PM
بدك الصراحة انا بحب المعكرونة شلون ما نطبخت يعني حتى لو مسلوقة بحبها

بس يلي بدي أعرفو المايونيز مو حلو شلون بتطلع طعمتو فيها :confused:

و لا قلك ساويها و عزميني عليها لدوقها و بقلك رأيي فيها :D
شاهين شاهين
20-04-2009, 09:44 PM
مشكوره اخت ريم بس والله انا والمعكرونه حرب شي اكلي تاني للعزابيي بعد اذنك
ريم البوادي
01-05-2009, 10:33 PM
تحياتي للي غردوا بصفحتي واقتراحاتكم قيد التفكير ومن ثم التنفيذ
اهلا بكم جميع حياكم الله
استاذ فوزي عم استنى النتيجة الله يستر بس لازم تخبرني شو الانطباعات
واخي شاهين تكرم عينك بدورلك على شي طبخة

وقمورة المايونيز مو حلو كتير وبعدين هي نكهة الكتشب والمايونيز مع بعض هي سر الخلطة وبتعطيها لون حلو زهري شوي وانتي بتشرفيني والله
فوزي سيلان
01-05-2009, 10:47 PM
والله عملتها وطلعت طيبة كتير بشهادة جميع أفراد الأسرة وفي أعضاء بالمنتدى أكلو منها وعجبتن كتير ولما قالو منين جايب هالأكلة قلتلهن من المنتدى وتفاجأوا وبتمنى إذا دخلوا عالمغارة يعطونا رأيهن
شكرا إلك والأكلة طلعت بتجنن
ريم البوادي
02-05-2009, 12:23 AM
اخ منيح منيح اخي فوزي عملتلي دعاية ببلاش هلاء ضمنت الزباين لمطعمي
ان شاء الله صحة وهنا على قلوب الكل ومأكول الهنا