?? المندي .................

[ريم البوادي]

جبت طريقة المندي يلي انا بساويه طبعا بالمطاعم بساووه بالفرن الارضي المحفور بقلب الارض بسموه
برميل وبالفحم
لكن بطريقتي بالبيت بساويه من غير فحم

المقادير
رز شعلان - بصل - زيت عافية - بهارات مشكلة حب ومطحونة - ملح - صلصة -دجاج او لحم -
ماء - زبيب -جزر - حمص صغير مقشر -حسب الرغبة اذا بتحبوا
الطريقة

لما بتكون عندك كل المقادير دغري بتصير الاكلة وفي الها طريقتي شغل اذا مو موجود الفرن الخاص بالمندي يعني بامكانكم انو تساووه بالفرن العادي تبع البيت

اولا بنخلط البهارات المطحونة كلها مع بعض بزبدية صغيرة وملح ومنخلطهن بشوية مي مشان ندهن
الدجاج او اللحم والبهارات هي

( بهارات كبسة + كركم +ملح_ فلفل+ كزبرة مطحونة + شطة + صبغة الزعفران الصفرا)
هي الي بتخلي الدجاج اصفر

- ندهن ونتبل الدجاج بهاد الخليط
- نضع في طنجرة تانية البصل المفروم + الزيت + ملعتين صلصة + كمون حب + كزبرة حب
قرفة حب + قرنفل + الجزر _ مكعب ماجي + الحمص + لومي شي حبتين _ شيبة شوي +
زبيب +ملح + ماء ليكفي كمية الرز +هيل حب
طبعا الرز ما بدو نقع على طول غسليه وحطيه وزبطي المي عليه وضعيه بالفرن
رح اتركم مع الصور مشان توضح الطريقة


http://up2.m5zn.com/photo/2009/3/28/07/k7dwe7vzv.jpg/jpg (http://up2.m5zn.com)




http://up2.m5zn.com/photo/2009/3/28/08/ipmk1nmx1.jpg/jpg (http://up2.m5zn.com)

http://up2.m5zn.com/photo/2009/3/28/08/7ephilz34.jpg/jpg (http://up2.m5zn.com)


وهاد شكل الفرن الخاص بالمندي


http://up2.m5zn.com/photo/2009/3/28/08/ue4vewqp8.jpg/jpg (http://up2.m5zn.com)


http://up2.m5zn.com/photo/2009/3/28/08/nu6hcfxwi.jpg/jpg (http://up2.m5zn.com)


والان الصورة الاخيرة


http://up2.m5zn.com/photo/2009/3/28/08/d7mxb3qi4.jpg/jpg (http://up2.m5zn.com)


وهي السفرة فيها مندي دجاج ساويتها قبل هيك


http://up2.m5zn.com/photo/2009/3/28/08/ypxdi0y6r.jpg/jpg (http://up2.m5zn.com)

خلصت الاكلة صحة وهنا

[ريم البوادي]

هي الاكلة مشان اخي شاهين لانو طلبها مني

وبالنسبة للحمة انحرقت شوي بالفرن بس تاكلت مشي حالها

نسيت قلكن انو لما نضغط الفرن منخليه لمدة ساعة للدجاج ولمدة ساعتين للحمة مشان تستوي
وبتقدروا بعد ما يخلص مشان تصير طعمة الفحم فيه بنحمي فحمة صغيرة لتحمر كتير ومنحطها بقلب قصديرة فيها شوية زيت حتى نبخر الفرن وبتصير طعمة الرز بتجنن

[اميرةمحمدوفاالطويل]

والله روعة يسلمو إيديك (شو هالسفرة شامية ويمنية)بس لاقيتي وقت لكل هذا ماشالله عليك
ايمتى بتستقبليني؟؟؟؟؟؟

[قمر الزمان @]

يا عيني عليكي

سفرة بتجنن يسلمو إيديكي كتير حلوة

بجرب بلكي بتزبط معي


http://www.arabsyscard.com/pic/thanx/23.gif (http://www.arabsyscard.com/pic/index.php)

[شاهين شاهين]

مشالله مشالله يا اخت ريم الله يسلم ايديكي ماقصرتي يا ريت لو بالمطعم هيك بيطبخوها
والله يا اخت ريم فناني بعالم الطبخ صلو عن النبي مشان اختنا ريم مشكوره
وماقصرتي

[ريم البوادي]

امورة لك انتي بتشرفيني باي وقت انتي بس تعي ولا يهمك بتحضري وبيحضر واجبك

قمورة التانية نورتيني بمرورك اهلا وسهلا فيكي

اخي شاهين ان شاء الله كون فدتك بهي الوصفة وما بعرف اذا هي الاكلة الي عم تسال عنها
وبعدين انا فنانة بكل شي مو بس بالطبخ ههههههههههه لانو عندي هواية بالرسم والاعمال الفنية
شكرا على الاطراء

[محمود قاسم صالح]

الله يعطي العافية يا أخت ريم عا هالأكلة الطيبة بس يا ريت تعلمينا شي أكلة خفيفة يقدروا يعملوها العزابية متل ما عودتينا أنو هالأكلة كتييير صعبة وبدها طباخة محترفة متلك وشكرا:D

[خلو الأعزب بهمو]

الله يعطيكي العافية أخت ريم بس متل ما قال محمود علمينا أكلة سهلة للعزابية

[ابو حسان]

ما شاء الله على هالاكل شو طيب يعني شوي تانية رح نحسد اهل بيتك ما شاء الله ما شاء الله
الله يسلم اديك عالاكل الطيب

[ريم البوادي]

اخي محمود الله يعافيك يا رب وتكرم عينك معك حق رح ساوي شي كم اكلة كرمالكن

خلوا الاعزب بهمو طلبك قيد التفكير والتنفيذ

اخي ابو حسان الله يسلمك كلوا بفضل الله وبفضل دعمكون وتشجيعكن
الذوق والطيبة عندك اخي

[ياقوت]

يالله يا ريم
شو أخرطبخة عم تحضريها
كأنوتأخرت علينا هالمرة
الوالد ة بتسلم عليكي وبتقلك الله يقويكي ويعطيكي العافية شي كتتير حلو وبشهي

[ريم البوادي]

والله يا ياقوتة في كم طبخة بس عم زبط الصور تبعون وبنزلن
كرمالك وكرمال الوالدة الغالية الله يطولك بعمرها يا رب
انا ما تاخرت بس عم استنى الاعضاء كلن يشوفوا هاد الموضوع وتكرم عينك
بلكي بنزل التورتة وكفتة السمك
سلميلي عالوالدة وبوسيلي راسها وايديها لانها عم تابعني
شكرا الك والها

[قمر الزمان]

يعطيك العاقية أختي والله يهني أهل بيتك

[ريم البوادي]

قمورة الزمان التانية اهلا وسهلا فيكي والله يعافيكي ويهنيكي كمان بتستاهلي كل خير

[فيلسوف المنتدى]

يسلمو و أنا بحب المندي كتير و بالنسبة للحمة محروقة نية المهم لحمة
و شكراً لجهودك

[الفيروز]

السلام عليكم

اكيد الطبخ فن والفن لاهله

اختى ريم ما شاء الله تسلم الايادي

بالتوفيق يا فنانة