@@ المقلوبـــــــــــــــــــــــــــــــــ ـــــــــــــة @@

[ريم البوادي]

اكيد الكل سمعان بهالاكلة الي بتخلي الختيار يقلب شب والشب يقلب طفل وبتخليكن تعدو بالعكس
123456789101يعني بالمقلوب ما رح طول عليكن خدوا الوصفة وطبقوها وقلولي النتيجة

المقادير :
لحمة - سمنة - باذنجان شرائح مقلية - رز مصري - ملح - بندورة شرحات -ماء مغلي - صنوبر ولوز

الطريقة:
نلفح اللحمة بالسمن ومنضيف الها رشة ملح



http://up2.m5zn.com/photo/2009/3/25/07/tgqcbydmh.jpg/jpg (http://up2.m5zn.com)
منصف فوق اللحمة شرحات الباذنجان المقلية باللون الاشقر

http://up2.m5zn.com/photo/2009/3/25/07/lo7qfm2kp.jpg/jpg (http://up2.m5zn.com)

لحتى نغطي داير الطنجرة كلها وحتى جدار الطنجرة بشكل عامودي وافقي بهي الطريقة


http://up2.m5zn.com/photo/2009/3/25/07/85o24tuwu.jpg/jpg (http://up2.m5zn.com)


بعدين نحنا منكون ناقعين الرز ومغسلينو ومصفى منضيف نصفه فوق طبقة الرز ومنحط كمان طبقة باذنجان ومنضيف بقية الرز فوق هيك

http://up2.m5zn.com/photo/2009/3/25/07/0lyon1pwc.jpg/jpg (http://up2.m5zn.com)

وبعد ذلك منصف شرائح البندورة على الوش ومنزبط الملح والماء المغلي ومنخليها على نار هادية لتستوي


http://up2.m5zn.com/photo/2009/3/25/07/x515fsasy.jpg/jpg (http://up2.m5zn.com)

وما بطول وبتستوي على طول منجهز الصحن او صينية التقديم ومنقلب الطنجرة راسا على عقب

ومنزينها بالصنوبر واللوز المحمر ومنقدمها مع لبن او سلطة لبن والف صحة مقدمااااااا


http://up2.m5zn.com/photo/2009/3/25/07/qgwb87lit.jpg/jpg (http://up2.m5zn.com)


http://up2.m5zn.com/photo/2009/3/25/07/qtosheite.jpg/jpg (http://up2.m5zn.com)

والف ومليون صحة


http://up2.m5zn.com/photo/2009/3/25/07/5y4pz630g.jpg/jpg (http://up2.m5zn.com)

[قمر الزمان @]

و اللهي شي بيجنن و بيقلب العقل كتير طيبة هي الكلة و انا كتير بحبها

بس بساويها بتعديل بسيط

أنا بحط البندورة اول طبقة بعدين طبقة اللحمة و بعدها البيتنجان و بعدين الرز

بحط البندورة أول حتى إذا لزق شي بسفل الطنجرة يلزق البندورة و ينتزع وجه المقلوبة

و بكمل الطبخة متل ما قلتي و بقلبها و بتطلع بتجنن ( هيك قلي زوجي ):p

طبعا هية طيبة .

يسلمو إيديكي .:D

[قمر الزمان @]

ريمو نسيت قلك طبخيلنا كشكة بالحمة

ما عم تزبط معي عم تطلع دسمة ما بعرف ليش :mad:

إذا تكرمتي طبعا :D

[خيال الزرقا]

اخ ذكرتونا بسوريا وبالاكلات الطيبة

[ابو حسان]

اي شو هالاكل الطيب هاد يسلمو اديك على هالاكلة الطيبة شكلا ومضمونا
رح نق علين بالبيت بلكي بيطبخوها

[محمدأسعدالطويل]

مشكورة ريم على هالأكلات الطيبة

[ريم البوادي]

قمورتي +قمورتي+خيال +ابو حسان +محمد +الكل

انتو اولا نورتوني وشرفتوني
وتانيا صحة وهنا على قلبكن بس ما تكونوا انقلبتوا
وخامسا الكشك يا قمورة انا ما بساويه باللحمة بعملوا بالعدس والبطاطا يعني على طريقتنا بالضيعة
بس الكشك اجمالا طريقتوا سهلة لكن انتي من وين جايبة الكشك يعني جاهز من السوق ولا شغل ايد

رح حاول جبلك الطريقة
وعاشرا بتشكر كل الي شكرني

[قمر الزمان @]

الكشك شغل سوريا طبعا من عند أمي و حماتي

زوجي بحبها بالحمة و انا ما عم اعرف ساويها

[محمود قاسم صالح]

يسلمو ايديكي يا ريم عاهل أكلة الطيبة يلي جوعتنا فعلاً وبتمنى إنك ماتقطعينا بنوب من أكلاتك الطيبة لأنك بتعرفي حال الطالب المغترب .وشكرا:D;)

[الفينيقية]

يا خوَنة...:mad: مقلوبة بغيابي...:confused::confused::confused:
زاعلتكم كلكم......

هالطبخة من الأكلات المفضلة عندي... بس المشكلة أنو أخواتي ما بيحبوها...

وكل ما قول لماما تطبخلنا ياها ... بتقلي....

انتظري لـ 1 نيسان ... بتكون أختك إجت من فرنسا لأنو بتحبها..........

بقى بعتيلي ريمو شي صحن من عندك .. ( تمشاية حال ...! ) ;)

[الامبراطورة]

والله أكلة كتييييييييييييييير طيبة .....ومن ايديكي طلعت لذيذة كتيييييييييييييير

يسلمن ريموووو

بس بتعرفي جربيها بالجاج بدل اللحمة كتيييييير طيبة

[ريم البوادي]

الله يسلمك يا اخي محمود بتمنالك النجاح لانك طالب الله يوفقك

الفينيقية تكرمي رح ابعتلك احلى صحن بالايميل لعيونك (بس لاتقولي عنا خونة )

الامبراطورة انتي الاطيب حبيبتي نحنا بدنا رضاكن جميع

[شاهين شاهين]

اختنا ريم مشكوره جدا اولا
ثانيا رح نوجه طلب للمدير انك تصيري مشرفه هالقسم لانك ماشالله كفيتي وفيتي
تحياتي ومشكوره

[ريم البوادي]

يا حياك الله اخي شاهين شرفت وما كلفت انا بعتبر حالي مشرفة بدون ما يحطوني مشرفة لانو هاد منتداي قبل كل شي
تشكرات