تحدي زجل بين : الغربة و الوطن [الأرشيف] - مدرسة تعليم السريانية من جبعدين

نبيل فيصل

22-05-2006, 03:22 AM

حبيبنا ابو ياسر طرح فكرة تحدي بين موضوعي الغربة والوطن

ولانو اغلب الاعضاء من المغتربين اللي الهن فاعلية وحضور مميز في هذا الموقع احببت ان ندعو ابو منير الى موضوع التحدي الجميل والمفيد وذلك للمتعة وللتعلم ولتنمية المهارات

تحدي مفتوح وصفحة مفتوحة للجميع بابداء الاراء والنقاش حول اي ردة

شرف ابو منير :(اختار وحط الشروط اللي تناسبك )

زجل معنّى
***********************

من بعد ما عقلي على الغربة فـَطنْ ........ جاب المرارة والالم فينا قـَطَن

بتحب انت يصير اسمك مغتـرب ؟؟....... يمّا بْتبقى عايش بْقلب الوطن؟؟

**************************

أبو منير

23-05-2006, 01:46 PM

هادالوطن ما لي أنا عنوا بديل...................فضلوا عليي كبير يا خيي نبيل

إ ن كنت بدك تتركوا الله معــك..................أمــــا أنـا إبتعد عنو ا مستحيل

أبو منير

23-05-2006, 01:53 PM

الأخ نبيل : شكرا" لك وللأخ أبو ياسر الحبيب على هذا الموضوع الجميل

بالنسبة للشروط لا يوجد أي شروط محددة سوى الإلتزام بالموضوع فكرة ومضمونا" وأؤكد لك أن الهدف من هذا الموضوع هو الإستمتاع وليس التحدي

شكرا" لك ولجميع الأخوة ولنتوكل على الله.......

نبيل فيصل

24-05-2006, 12:59 AM

********************************

كونك ضعيف وما بْـتتحمّل اسى ...... عالوطن بعرف انّو موضوعك رسا

رايح انا عالغربة حامل ( بقجتي)...... و ذكرالوطن بالقلب ما رح ينتسى

************************************

أبو عبد الرحمن

24-05-2006, 01:41 AM

السلام عليكم ورحمة الله وبركاته

وشكرا لكم على فتح مثل هكذا موضوع ....يمتعنا ويطربنا

فكما قال أبو منير ...هدفنا هو الإستمتاع فقط وليس التحدي

سمعان يا نبيل ...
________________

بداية نبيل رائعة وأكثر من رائعة والله
يعني باينة محضرة من زمان ومتعوب عليها
بس والله حلوة
__________________

أما إنت يا ابو منير فلا تقوي العيار كتير
حتى ما يرجعوا كل المغتربين لهون دفعة وحدة
البلد يا دوبها بتستحمل

_______________________
ازا بتزودولنا عدد الابيات شوي ...وبتصير كل ردة خمس أو ست أبيات
منستمتع أكتر ومننبسط أكتر
من لما منشوف بيتين بس

وشكرا سلفا

نبيل فيصل

24-05-2006, 01:48 AM

السلام عليكم ورحمة الله وبركاته

وشكرا لكم على فتح مثل هكذا موضوع ....يمتعنا ويطربنا

فكما قال أبو منير ...هدفنا هو الإستمتاع فقط وليس التحدي

سمعان يا نبيل ...
________________

بداية نبيل رائعة وأكثر من رائعة والله
يعني باينة محضرة من زمان ومتعوب عليها
بس والله حلوة
__________________
**************************
اولا يابو ياسر انت بتعرفني اكتر من غيرك : هي الردة ما استحملت عشر دقايق معي وما في داعي للحلفان وانت بتتذكر الماسنجر بيني وبينك وكل جملة كنت اعطيك الها ردة فورا

ثانيا : الاستمتاع يكون بالتحدي ومن الغباء ان نقول ان التحدي ليس فيه متعة وتشويق وفن

***************
سمعان ابو ياسر

أبو منير

24-05-2006, 02:53 AM

[size=18]كوني ضعيف ، من الضعف عندي كمال................بيخلق تحدي مع صبر مع إحتمـال

تحديت أعتى صعاب أقسى من الجبال...............وصبرت عا ظروفي تا حققت المنال

وقتـا بضعفــي كنت عم ببنـي الـوطــن ..............و إ نتي بقو تك كنت عم تكنز المال

حمود إبراهيم عموش

24-05-2006, 04:50 PM

زجل رائع ( معاني جميلة ، وألفاظ معبرة وموحية ) أتمنى لكما التوفيق وبارك الله بكما .

أبو عبد الرحمن

24-05-2006, 05:37 PM

السلام عليكم

ما شاء الله عليكما .....من اولها رائعة وجد رائعة

ردتك يا خيي أبو منير .في من الأثر الشئ الكبير

الله يسلم هالأنامل

نبيل فيصل

25-05-2006, 05:17 PM

[quote]كوني ضعيف ، من الضعف عندي كمال................بيخلق تحدي مع صبر مع إحتمـال

تحديت أعتى صعاب أقسى من الجبال...............وصبرت عا ظروفي تا حققت المنال

وقتـا بضعفــي كنت عم ببنـي الـوطــن ..............و إ نتي بقو تك كنت عم تكنز المال

****************************

[font=Arial:e93290aa5d][size=24]بْـهالمرحلة قوة وضعف شو جابـْها .......... تاحضرتــك وقّفت عا أعْتابـْها

الغربة أليمة وشوف شو اسبابها ........ عِـتْبوا عْـليك : مْغارتي وأحبابْها

الغربة ضريبة وّ دافْعين حْسابْها ......... وْ أمـوالنا للبلد : ... إفتح بابـْـها ؟؟

نحنا كَنــزنا المــال مـن أنيابــْها ......... بْعزّة نفس . من جهدها وْاعصابها

و انتو سرقتو البلد يا ( نصّابـْـها )........ وْ خيراتْها من وّلادها وشُـيـّـابــْها

أموالي أنا مضمونة ترجع عالبلد ....... مال البلد ردّو على أصحابـْـها ؟؟؟[/font:e93290aa5d]

***************************

خيال الزرقا

25-05-2006, 09:25 PM

الغربة أليمة وشوف شو اسبابها ........ عِـتْبوا عْـليك : مْغارتي وأحبابْها

الغربة ضريبة وّ دافْعين حْسابْها ......... وْ أمـوالنا للبلد : ... إفتح بابـْـها ؟؟
:wink: :(
شي حلو ورائع الله يقويكم وبانتظار المزيد

أبو عبد الرحمن

27-05-2006, 11:12 PM

وينك يا ابو منير

وين الزجل الحلو

هلق بشوف حالو علينا صاحبك ها ....

ولك قلو ........قلو شو فائدة هالغربة تبعو كلها

بكاسة متى هيك مع الحبايب والأهل ....على شي برندة عند اخر العصر ...وهالهويات عم تلعب لعب

ولك قلو شو فائدة هالمصاري كلها وهالغربة ......بصباح يوم الجمعة مه الأهل كلهم على صينية هالفول

ولك شو بدي احكي لأحكي

أبو منير

27-05-2006, 11:29 PM

تكرم أ بو ياسر أنا هلق وصلت صرلي يومين مسافر

أبو منير

28-05-2006, 12:04 AM

[size=18]يابو علي بلشت ترشق بالسهام .........وتغلط معي بالحكي وتدّني المقام

بكلمة ضعيف وصفتني بأول كلام.........طبعا" ضعيف و بفخر بضعفي تمـام

ضعفي بحب الوطن باقي عالدوام.........ضعفي بحب الوطن عاصدري وسام

بفديه من روحي تا حققلو السلام.........و بضحي بنفسي و ما بقبل إنهزام

ولما تركت الوطن من عشرين عام.........ورحت عالغربة وحصل لك إنسجام

نسيت لوطن ونسيت فضلو يا حرام.........و بقيت تكنز مال تا تصبح (همام)

الوطن مو شو ية مال يرسل بإنتظام.........الــوطن بـدو رجـال تبني بإهتمام

الـوطن بدو شــعب صـــامد ما بينام..........يو قف بوجه العدو الرا يد لإنتقـام

وتارجعك للي سرقنا بخستووبإنعدام........وخللي لهالإخوان يعطو نا إحتكام

يللي نهب هالوطن و يلسـرق أموالنا........هوي دنيئ النفس لأسيادو(خدام)

أبو منير

28-05-2006, 12:07 AM

مع شديد أسفي من كل الأخوة المغتربين الذين لا يتمثلون بهذا النموذج

أبو منير

29-05-2006, 02:08 AM

[size=24]خاص للسيد أبو علي جمال:

يا منبري خليك لجروحي طبيب ..............داوي القلب يللي إكتوى بنار الحبيب

نيا ل يللــي مغتــرب برا الـوطن..............أفضل من إيلي بلوطن عايش غريب

admin

29-05-2006, 02:46 AM

نيا ل يللــي مغتــرب برا الـوطن..............أفضل من إيلي بلوطن عايش غريب

الله يا محمد منير...

نبيل فيصل

29-05-2006, 04:27 AM

[font=Arial:ae9db354d4]:

*********************

هْــرْبت بنات الشعر منّك يا صبي ...... و ْ ما ضلْ عنّا وْ لا صبيّة مُـعجبة

قبّان (علي عطا ) أللـّه يرحمو .......... خجلان يوزن هيك ردة مْـز بْـزبة

***********************[/font:ae9db354d4]

نبيل فيصل

29-05-2006, 04:35 AM

[align=center:aa87345ab2][font=Arial:aa87345ab2]***********************

مش مغترب ؟. خدام خاين يا غبي ..... خان الوطن من بعد ما بْـحضنو ر ِبي

في فرق بين الْسرق كُتْب المكتبة ..... و بين الّلي ألـّف مكتبة عن موهبة

و لمّا بأرض الوطن شفْنا سرسبة ...... و عيشة بْـ قوانين الفـساد مْـعلّبة

هالمغترب هاجــر بفكـرة لاهــبة ..... و بْأرض حـرّة راح يـزرع مسكـبة!

بالعلم . بالخبرة . بْـأفضل تجربة ...... راجع تـ يبني مصطبة عا مصطبـة

ومن هيك علّمْـنا النبيِّ اليعربي ....... ومن منهل الاحباب يا فكرة اشربي

صارت حياتو بْقلب (مكة) مْـعذبة ..... و من هيك هاجر عالمدينة يختبي

و انتِ وْ أهل مكة بذات المرتبة ....... وعنّك انا فضّلتْ هاجر يا منير :..

وراجع متل ما رِجع عا مكة النبي

**************************************** ******[/font:aa87345ab2]

نبيل فيصل

29-05-2006, 04:52 PM

[quote][size=24]خاص للسيد أبو علي جمال:

يا منبري خليك لجروحي طبيب ..............داوي القلب يللي إكتوى بنار الحبيب

نيا ل يللــي مغتــرب برا الـوطن..............أفضل من إيلي بلوطن عايش غريب

لا اروع ولا اجمل من كلماتك هذه

من القلب تحية حب خالصة وكم ازداد نشوة وسرورا حينما اقرا بيت زجل موزون ورائع بهذه الروعة

يا محمد : هل هذا اعتراف بان الغربة افضل :D :D
لاننا كلنا نعيش غربة الوطن

أبو منير

03-06-2006, 02:21 AM

[size=18]يا منبري خليك لجروحي طبيب...........داوي القلب إلي إكتوى بنار الحبيب

نار البعد عن حب محبوبو غريب............ناطـر بلحظة يلـتقي فيهــا النصيب

العمر لحظة مارقة ممكن تغيب............عاحدود غربة نارهــا تكـوي لــهيب

نسمة هوا ببلادنابفعلا العجيب.............بتغني عن الترياق أوحكمة طبيب

إل بيغترب ليصير للحلوةخطيب.............غيرإلي خان وهارب بفعلو المريب

إل غدر بالوطن بسمرلو اصليب.............غير إلي عندوظروف أهونهاعجيب

الغبي إلل بينده ومافي مجيب .............بغـربة فيها الـعمر ورقة يــانصيب

بتبقى الأمال بغربتك(ضربةحظ).............ممكن بمرة تصيب وبعشرة تخيب

خيال الزرقا

03-06-2006, 03:06 PM

إل بيغترب ليصير للحلوةخطيب.............غيرإلي خان وهارب بفعلو المريب
الله يا أبو منير ربي يزيدك من عندو كلام متل العسل ولا أروع

أبووليد

03-06-2006, 08:26 PM

نسمة هوا ببلادنابفعلا العجيب.............بتغني عن الترياق أوحكمة طبيب

كلام جميل ولا اروع

رزان

07-06-2006, 03:12 AM

[align=center:360e9b9bca]يسلم تمكم ياعمو نبيل وعمو ابو منير

نبيل فيصل

24-06-2006, 04:39 AM

[quote]يا منبري خليك لجروحي طبيب...........داوي القلب إلي إكتوى بنار الحبيب

نار البعد عن حب محبوبو غريب............ناطـر بلحظة يلـتقي فيهــا النصيب

العمر لحظة مارقة ممكن تغيب............عاحدود غربة نارهــا تكـوي لــهيب

نسمة هوا ببلادنابفعلا العجيب.............بتغني عن الترياق أوحكمة طبيب

إل بيغترب ليصير للحلوةخطيب.............غيرإلي خان وهارب بفعلو المريب

إل غدر بالوطن بسمرلو اصليب.............غير إلي عندوظروف أهونهاعجيب

الغبي إلل بينده ومافي مجيب .............بغـربة فيها الـعمر ورقة يــانصيب

بتبقى الأمال بغربتك(ضربةحظ).............ممكن بمرة تصيب وبعشرة تخيب

[size=24][font=Arial:2b0b04f02f]ما بين أصحاب الخيانة و الشـرف ........ رد الجـواب محـمد و فـيهْ اعترف

ومن هيك هالاوطان عبّوها قرف......... حتى المواطن صار بالغربة طرف

بـْ نسمة هوا ببلادنا محمد حَرَف...... تعلّق بضرب الحظ و بْحظو انجرف

بالحـظ و الارزاق كـفّــك مـا غـَرف ........ هَيْ مسألة فيها دْموع بْـتنذرف

حظّك معي بالشعر مارح ينصرف ...... رح جاوبك من قبل ميصيبك خرف

هالــرزق مقســوم يا محمد منير ........ لكن : بأي أرض ما رح ينعرف؟؟

*****************************[/font:2b0b04f02f]

خيال الزرقا

24-06-2006, 03:24 PM

هالرزق مقسوم يا محمد منير ........ لكن : بأي أرض ما رح ينعرف؟؟
الله يا أبو علي شيء جميل ورائع يسلم هل التم وبارك الله بكما وبهذا الموضوع الشيق و
بأنتظار أبو منير

نبيل فيصل

05-07-2006, 03:38 AM

وينك ياشاعر فيق من عز السبات ...... و خلي القصيدة تْفيق بين الآلهات

ما بين غربة وّوطن شو صار وجرى ..... يا حسرتي عالشعر لمّا الوطن مات !!!!

أبو عبد الرحمن

06-07-2006, 02:13 AM

حلو الدعوة يا نبيل

ومو بس هي الحلوة

ما شاء الله عليك .....بينحبوا كتاباتك يا ضرسان

ابو العلاء

07-07-2006, 08:35 PM

على قولة درديد لحام في مسرحية غربة :
يا حجة
قولي لغربة قتلتنا الغربة

وينك يا سيد محمد منير

أبووليد

18-07-2006, 07:23 PM

هالــرزق مقســوم يا محمد منير ........ لكن : بأي أرض ما رح ينعرف؟؟

خيال الزرقا

19-07-2006, 01:06 AM

وينك ياشاعر فيق من عز السبات ...... و خلي القصيدة تْفيق بين الآلهات *

ما بين غربة وّوطن شو صار وجرى ..... يا حسرتي عالشعر لمّا الوطن مات !!!!
وين الشعار؟؟؟؟؟؟؟؟؟؟؟

نبيل فيصل

19-07-2006, 01:18 AM

بالجبهة ....مع نصرالله

فوزي سيلان

19-07-2006, 08:48 PM

زجل جميل وكلمات ولا أجمل وموضوع جميل
سلمت أفواهكم وأفكاركم

أبو منير

09-08-2006, 04:06 AM

[font=Arial:0f3de5b703][size=24]راجع على المنبر بساعة محزنـة ......لملم من حروف الشـعر المخـزنة

لمـا الوطن بيمـوت بعـيون الـدني........لازم بـقلبو كـون حـافـر مـدفني

رزقك الك يا صاحبي مالــو غنـي........عنك مهمــا تـحـاول و في تعتني

رزقك الك مقسوم من رب الغني.........بيبقى الك لو مــرت عليك السنة

اسعى إلـو تـايكون ببـلادك هني..........أفضل ما انو يكــون بالغربة دني

بعمر أنا وطني بظروفي الممكنة.........بفديه من دمي و لو جسمي فني

بيبقى إلك يا بو علي مني سؤال.........قلي شعورك كلم تعتم عليك الدني؟؟؟000

admin

09-08-2006, 12:09 PM

الله يا بو منير

وينك يا بو علي

خيال الزرقا

09-08-2006, 03:34 PM

لمـا الوطن بيمـوت بعـيون الـدني........لازم بـجنبـو كـون حـافـر مـدفني
الله ياأبو منير يسلم هالتم كلمات جميلةوأبيات رائعة

أبو منير

10-10-2006, 11:06 AM

[b][font=Arial:5f75cb28ec][size=24]وينك يا شاعر إرجعلنا من غربتك .........تغيبت عنا كتير طالت غيبتك

بلادي بحـاجة لجهدنـا كلنـا سوا...........فكـــــر بعقلك لاتفكر بجيبتك!!!!!!

admin

11-10-2006, 02:15 AM

ابو منير راجع رجعة قوية
الله يحمل معك يا بو علي نبيل

خيال الزرقا

11-10-2006, 02:18 AM

فعلا ردة رائعة من ابو منير حلوة وملعوبة

نبيل فيصل

13-10-2006, 04:12 AM

[quote][b][font=Arial:9ffbb50c14]وينك يا شاعر إرجعلنا من غربتك .........تغيبت عنا كتير طالت غيبتك

بلادي بحـاجة لجهدنـا كلنـا سوا...........فكـــــر بعقلك لاتفكر بجيبتك!!!!!!

**************************************** ******
[b]
[font=Arial:9ffbb50c14][size=24]
لما رحت يا وطن بانت عيبتك ......... شو صار بعدي للاسف يا خيبتك

يا وطن مالك بالعقل الا انا : ............ ولمّا انا برجــع بترجـــع هيبتك [/font:9ffbb50c14]

جمال فيصل

13-10-2006, 04:18 AM

يسلمهن يا بوعلي
ايوه هيك نشطوا الزجل وحواراته
ولا تنسونا بركاتو

نبيل فيصل

13-10-2006, 03:47 PM

[b][font=Arial:88dde46ae8][size=24]
**************************************** ****************

يا صاحبي بالوطن كفـّـك شو جنى ........ الا المهانة والمذلـّة والعنا

راجع تا عمّر هالوطن من جيبتي ....... من بعد ما هـد ّوه اولاد الزّنا

**************************************** ****************

جمال فيصل

13-10-2006, 04:17 PM

وين الزجالة

راجع تا عمّر هالوطن من جيبتي ....... من بعد ما هـد ّوه اولاد القنا

تلمنيني

13-10-2006, 08:26 PM

شمس بتطلع وشمس بتغيب.................... والقلب عم يغني زعلان
بالغربه بنكبر وبنشيب ....................... وما بضل غير الاحزان

خيال الزرقا

14-10-2006, 02:41 AM

فتحتوا جروحاتنا يسلموا ايديكون وبانتظار المزيد

أبو منير

15-10-2006, 01:54 PM

يا صاحبي بالوطن كفـّـك شو جنى ........ الا المهانة والمذلـّة والعنا *

راجع تا عمّر هالوطن من جيبتي ....... من بعد ما هـد ّوه اولاد الزّنا

[b][font=Arial:b09e7fa9cc][size=18]السلام عليكم ورحمة الله وبركاته

الأخ نبيل : أرجو منك أن توضح لنا معنى الأبيات المقتبسة لأنني قرأتها لمرات كثيرة ولم أستطع أن أفهمها أو أنني فهمتها بطريقة مختلفة.؟؟؟؟؟؟؟؟؟؟؟؟؟؟

جمال فيصل

15-10-2006, 02:12 PM

واضحة يا بو منير ما بدها توضيح
القصد منو جماعة خدام واللي نهبوا وراحو وخرببوا وسووو حالهن ابطال برا البلد

نبيل فيصل

18-10-2006, 03:31 AM

[font=Arial:5aab05e8df]
**************************************** ****************

يا ناس عالموضوع بدكن تحكموا ........ صاير انا عم احكي تركي ترجموا

ما زال( اولاد الزنا ) عم يرسموا .......... أحلام فيها الشعب ضلّوا يحلموا

صار الشعب كلْ يوم يحْضر مأتموا ....... وعالوطن صار يْقول ألله يرحمو

هـدّوا المعاني و الجمال و أظلموا ....... هـدّوا القيم فينا و قالوا تـْعـلّموا ؟

لازم تـْكـون فهمـت يا محمد منير :...... ( ان اللبيب من الاشارة يفهمُ !!)

**************************************** *********************[/font:5aab05e8df]

alhalaby

18-10-2006, 08:18 AM

الله يزيدكم

جمال فيصل

18-10-2006, 03:05 PM

لازم تـْكـون فهمـت يا محمد منير :...... ( ان اللبيب من الاشارة يفهمُ !!)

وابا المنير خير من يفهم هذا الكلام
ولكما مني التحية

محمد بن قاسم علوش

19-10-2006, 05:01 AM

الله يعطيكم العافية يا شباب

أبو منير

31-10-2006, 03:35 AM

[b][font=Arial:7f11d6a043][size=24]كل عام وإنت بخير يا وطني العتيد..........إنشا الله بشوفك دوم متهني سعيد

وكل ما عليك الظلم والقسوة تزيد...........ببقى بحضنك صـــامد مصمم أكيد

إبني الوطـن بـزنـود حرة ما تحيـد............ودافع عن ترابو ببارود وحـديـــد

مش بس وحدي كل من قادر يفيد...........بحب الوطــن لازم بجهدو نستفيد

ولما يا خييي بتجتمع الإيد بـإيـــد.............ولاد الزنا ما عاد يبقالون رصيد

ومهما يا بوعلي تكون عني بعيد.............لازم بقا ترجع لأرضــــك تستعيد

هالأرض يللي بتنفــدا بـأرواحنـا.............هالأرض يللي لأجلها خيك شهيد

خيال الزرقا

31-10-2006, 03:34 PM

ومهما يا بوعلي تكون عني بعيد.............لازم بقا ترجع لأرضــــك تستعيد

هالأرض يللي بتنفــدا بـأرواحنـا.............هالأرض يللي لأجلها خيك شهيد

جميل سلمت يداك ابيات ولا أروع أخ محمد الله يزيدك

APOLO

31-10-2006, 04:17 PM

شارك أنا معكم ولا المشاركة محصورة على الشاعرين ....؟؟؟؟

جمال فيصل

31-10-2006, 06:43 PM

تفضل ابوللو
بس الزغب بكير ليناطح النسر والصقر يا ابوللو

أرجينا انك فرخ النسر وبتقدر تفوت عها التحدي

محمد بن قاسم علوش

01-11-2006, 01:27 AM

شارك وخود الوطن أو الغربة وأنا بشارك معك اذا سمحولنا الاساتذة وياريت نشوف الموافقة خطية منهم حصريا

[font=Arial:2ee2323201][size=24]وكل عام والجميع بألف خير

ابو حسان

01-11-2006, 01:35 AM

كتب محمد منير
بيبقى إلك يا بو علي مني سؤال.........قلي شعورك كلم تعتم عليك الدني؟؟؟000
وما قلتلنا يا أخ نبيل بشو بتفكر بليالي الغربة تجاوزت هالفكرة
أخ أبولو اذا بدك تشارك كلنا من شارك بس يمكن الشباب حابين يكونو لحالن ونحنا نراقب ما كتبوه ومنعطيون رأينا
كما كتب محمد منير
ومهما يا بوعلي تكون عني بعيد.............لازم بقا ترجع لأرضــــك تستعيد

هالأرض يللي بتنفــدا بـأرواحنـا.............هالأرض يللي لأجلها خيك شهيد
ملعوبة وحلوة يا بو منير
بارك الله بك و بالاخ نبيل أمتعتمونا بأشعاركن الحلوة

محمد بن قاسم علوش

06-11-2006, 01:50 AM

[font=Arial:93aa6d1115][size=24]بلادي رغم المسافة بعـــــدها0000000000 بقلبي وجاي نهار أوفي بوعدها
ياشعارنا عزالنفوس وسعدها0000000000 لما الحبايب تلتقي مع بعضهــــا
ويللي بالغربة عم ياكل عصي 0000000000غير ل قاعـد ببّيتــــــو يعــــــدها

محمد بن قاسم علوش

06-11-2006, 01:58 AM

[font=Arial:3b0caf2ab3][size=24]هالعصي ياما بغربتي عديتها 000000000 والآه ياما بمهجتي خبيتها
وخدود ياما بدمعتي ســـقيتها 000000000 حتى ورود بلادي ربيتهـــا
ورغم الهجر وليالي العـذاب 000000000 بلاد متل بلادنا ما لقيتهـــا

ياريت بعد اذنكم تسمحولي بها الردتين مع الشكر

نبيل فيصل

06-11-2006, 03:40 AM

الله يعطيك العافية يابو قاسم وشكرا لمشاركتك

وانت يابوللو شارك اذا بدك

وانت يابو حسان : بتقول :

وما قلتلنا يا أخ نبيل بشو بتفكر بليالي الغربة تجاوزت هالفكرة

رح جاوبك انو ما في فكرة بالاساس حتى اتجاوزها ؟؟؟؟؟؟

والواحد حر بالغربة بشو ما بدو بيفكر !!!!!!!!!!!!!!

APOLO

06-11-2006, 07:06 PM

بداية رد على الأستاذ جمال أقول :
لازم تعرف يا جمال................إني نسر وابن نسور
ولما بأرضي يصير قتال..........بحفر للأعداء قبور
وبين الشعرا والزجّال............اسمي بالشعر محفور
أبولو اسمي يا خال..................آلهة الشعر المشهور

وللأخ أبو حسان اكتب :
لعيونك يا بوحسان............ما رح أكتب غير سطور
بين الغربة والأوطان..........حيرتونا وعقلي يدور
وتذكرت من أزمان..............قال الوالد وقوله نور
((قلبي انذرته للرحمان.........وابني للوطن منذور))

هي على العجيل السارع ......... عفواً على السريع العاجل

جمال فيصل

06-11-2006, 08:26 PM

لازم تعرف يا جمال................إني نسر وابن نسور
ولما بأرضي يصير قتال..........بحفر للأعداء قبور
وبين الشعرا والزجّال............اسمي بالشعر محفور
أبولو اسمي يا خال..................آلهة الشعر المشهور

ههههههههههه

حلو يسلموا

بس لسا جناحاتك بلاريش
يا ابولو حتى تعيش

ابو حسان

07-11-2006, 12:45 AM

الله يعطيكن العافية يا شباب

نبيل فيصل

07-11-2006, 04:32 AM

[quote][b][font=Arial:77961268f1]كل عام وإنت بخير يا وطني العتيد..........إنشا الله بشوفك دوم متهني سعيد

وكل ما عليك الظلم والقسوة تزيد...........ببقى بحضنك صـــامد مصمم أكيد

إبني الوطـن بـزنـود حرة ما تحيـد............ودافع عن ترابو ببارود وحـديـــد

مش بس وحدي كل من قادر يفيد...........بحب الوطــن لازم بجهدو نستفيد

ولما يا خييي بتجتمع الإيد بـإيـــد.............ولاد الزنا ما عاد يبقالون رصيد

ومهما يا بوعلي تكون عني بعيد.............لازم بقا ترجع لأرضــــك تستعيد

هالأرض يللي بتنفــدا بـأرواحنـا.............هالأرض يللي لأجلها خيك شهيد

[b]**************************************** ************************

[font=Arial:77961268f1][size=24]الخاتمة
شروقية ..........

****************************************

خييّ استشهد وانقرا كـْـتابــو : .............. دمّـــي فِــدا للوطن وّ تْــرابــو

غاب القمر والدمع عنّا ســالْ ................ يا حسْرتي من الوطن شو نابو ؟؟؟؟؟

غاب الشهــيد و قـال يا زجّـال :................ انده بصـوت الحق شو صابــو ؟

يا سامعين الصوت عنّا رْجال ................. لكن ْ غصب عن هالوطن غابو

يا سامعين الصوت عنـّا مـال ................. و ضارب الفقـر بالوطن أطنابـو

يا سامعين الصوت :هالعتـّـال ................. إلتعن دينو !! وحرق أعصابــو

يا سامعين الصوت كمْ محتال ................. عن سـرقة الاوطــان ما تـابــو

باعوالوطن والارض بالمكيال ............ ياحسرتي عالّلوا والجولان ماجابو (لواء اسكندرون)

ولمّا المغترب نوى عالترحال ............... و برْجـال الوطـن آمالنا خابــــو

سافر غصب عنّو تايجمع المال............. بْعيشي كريمة وّ ما يشْلح تـْيابو

زادت هْمومو وّ كبْرت الاطفال ............ شعْــرات دقنو مْن الالم شـــابـــو

و حتى يرْجع المغترب ما زال ............. إلْـنا هالوطن فاتــح بْــوابــــو : ...

يا عايشين عالة عالوطن بالحال .......... فِـلّوا و روحو شي يوم عالغربة

........................ تا يرجعوا عالـــوطن أحبابـــــو ...........................[/font:77961268f1]

ابو حسان

07-11-2006, 04:37 AM

يا سلام كلام حلو أخ نبيل

جمال فيصل

07-11-2006, 01:53 PM

يا عايشين عالة عالوطن بالحال .......... فِـلّوا و روحو شي يوم عالغربة

........................ تا يرجعوا عالـــوطن أحبابـــــو ...........................

لاتعليق على الدرر
سوى
جزاك الله خيرا يا شاعرنا

فعلا خاتمة
فيها محبة الوطن ويلونها آلام مغترب

ويلفها بحزن شجن ابن الوطن الموجود بالوطن

كلنا نحن اليها
الى ترابها

وقد قلت سابقا ولازلت أقول :
لاينتسب المرء الى أرض......... لم يدفن فيها أحبابه

شكرا يابو علي

خيال الزرقا

07-11-2006, 03:29 PM

يا سامعين الصوت عنـّا مـال ................. و ضارب الفقـر بالوطن أطنابـو

يا سامعين الصوت :هالعتـّـال ................. إلتعن دينو !! وحرق أعصابــو

أبو علي كلمات الشكر لا تكفي وتعطيك حقك فعلا سلمت يداك والك مني أحلى عزيمة بس أرجع وشكرا على هذه الدرر

أبو منير

07-11-2006, 07:11 PM

[b][font=Arial:0346bf6d15][size=24]الأخ الصديق الشاعر المبدع نبيل فيصل
لكم يسعد المرء بلقاء شاعر مثلك !!
وأرى أنّ خير ما نختم به لقاءنا الذي أتحفته أنت
هو قصيدتك الختامية !

فليسمح لي قانون الزجل أن أستمتع بها خاتمة للقائنا .
كما يستمتع بها غيري .
أشكرك وأسجل حبي وإعجابي بك

أبو منير

07-11-2006, 07:28 PM

[font=Arial:c79e69707c][size=18]الأخوة الأعزاء السيد محمد بن قاسم علوش والأخ أبولو :

شكرا" على مروركم على الموضوع وعلى تفاعلكم معه وأقترح عليكما أن تتابعا من حيث وصلنا أنا والصديق العزيز نبيل وإلى معالجة أمور قد نكون غفلنا عنها فالغربة لا تقتصر على المكان فقط وليست بالضرورة لغاية جمع المال فكم من شخص يحس بغربة داخل وطنه وحتى داخل منزله أحيانا" وما أصعب غربة القلب وغربة العقل وغربة النفس وغربة الروح ...........إلخ.
أرجو منكما أن تتابعا الموضوع وأن تغنياه بالأفكار الجميلة المفيدة وأن تتذكروا دائما" أن غايتنا هي الإستمتاع والفائدة وليست الربح ولا الخسارة والرابح هو من تكون كتاباته مفيدة ومغنية
شكرا" لكما وأتمنى لكما التوفيق وللتتوكلو على الله

أبو منير

07-11-2006, 07:37 PM

الأخ أبو حسان :

لقد قرأت في أحد ردودك أنك تريد المشاركة في الموضوع و أرى أن نعطي الفرصة للأخوة لكي يدلو بدلوهم ونكون نحن مراقبين ولا مانع من بعض المشاركات والتي تكون في إطار الموضوع وذلك بين الفينة والأخرى ولكن بشرط أن يبقى الموضوع محصورا" بين الأخوة المتبارين وأتمنى أن يتم فتح موضوع جديد وتكون أنت وأحد الأخوة طرفا" فيه وأن تمتعونا بكل مفيد.....

أبو منير

07-11-2006, 07:56 PM

[font=Arial:40930dd681][size=18]الأخ العزيز الأستاذ جمال : السلام عليكم ورحمة الله وبركاته

شكرا" على مرورك وتفاعلك مع الموضوع وأرجو منك أن تعطينا رأيك بما كتب فرأيك يهمنا وأترحم على أخوكم الشهيد المرحوم علي والذي إستشهد وهو يدافع عن وطننا الغالي وليست هناك تضحية أكبر ولا أسمى من أن يضحي الإنسان بروحه من أجل وطنه وشعبه وأستذكر هنا بعض كتاباتك وأرجو أن لاتخونني الذاكرة لأن هذه الأبيات أحفظها غيبا" ولم أستطع أن أتوفق في إيجاد مرجعها الأصلي
وللعلم فقط فإن هذه الأبيات هي من تأليف الأستاذ جمال وله ديوان شعري جميل جدا"

[b][font=Arial:40930dd681][size=24]وإختفى النسر للحظة

شاهقا" نحو السماء

راسما" فوق النجوم

أسمى آيات العطاء

سمه ما شئت لكن..........

خله إسم ................فداء

أبو منير

07-11-2006, 08:25 PM

[b]العزيز أبو ياسر :

وينك يا أبو ياسر ما عاد شفناك مع إنو إنتي يللي طلبت هالموضوع ونحنا منشانك صرنا نكتب تحياتي إلك وأرجو من الله إنو نلتقي بالقريب العاجل وشفلي يا أبو ياسر

[b]شكرا" إلك ولكل الأخوة وإن شاء الله كل المغتربين بيرجعولنا بعد ما بيكونوا حققوا كل أمنياتهم

أبو عبد الرحمن

07-11-2006, 11:02 PM

[align=center:f14ec4e244][font=Arial:f14ec4e244][size=18]

الله الله ............الله الله يا أبو منير

يشهد الله عليي ...بأني وبكل فترة تعاملي على النت ...لما كان بدي اكتب شي رد ...كان يطلع مني الرد ارتجالي ....واكتبه بنفس القعدة

ولكن والله هي اول مرة ...بتهرب مني الكلمات وما عت اعرف شو احكي او شو رد

دوا المنتدى ...هي الكلمات يلي كتبتها يا ابو منير

فالله يسلم هالديات على كلامك وختامك

وانا - إذا بيسمحلنا اخونا الكبير نبيل - بعطي علامتي للشاعر محمد منير بكل قصائدو يلي حكاها وخصوصا لما وصل للقمة بأخر بيت أمتعنا فيه وعندها قلت خلاااااااص بدي احكي ما في مجال :

**هالأرض يللي بتنفــدا بـأرواحنـا.............هالأرض يللي لأجلها خيك شهيد **

أما نبيل ....وما أدراك ما نبيل ...مهندس الزجل ..ومرتبه فهو أدرى بنظرتي لقوتو ولزجلو وكلامي لا بيقدك ولا بيأخر معو

والخيال - الله يصلحو - ما بكفي تعبنا عليه وعم نتعذب على فراقو وبعتناه على قطر حتى يتعلم ويصر اكبر شيف بها البلد بقوم بروح بيعزم نبيل وما بيعزمنا << لا والله استفقدنا بكاسة متة

بكرا إن شاء الله وإذا الله خلانا طيبين .....ملتقانا جميعا بالضيعة إن شاء الله

جمال فيصل

08-11-2006, 01:36 AM

[font=Arial:9527d25cec][align=center:9527d25cec]أبا منير الغالي:
تحياتي المطعمة بملح الدمعة الهابطة على شفاه حزن أليم
أقدمها لك عبر هذه المساحة الجميلة الوادعة الرائعة المبدعة في منتدانا الغالي
لقد نفضت بكلماتك عن كاهلي غبار سنين عجاف... لم أذق خلالها طعم السعادة
وشدتني إلى عبق الياسمين...في العباسيين ( عندما كنت صديقاً لأسرتك)

ووقفت بين آهٍ ... وآخْ.
أتأمل حماس الشباب ... تارة
وأصابعي ترتجف فوق لوحة المفاتيح (الكيبورد) لاأعلم ... هل أستطيع أن أرد عليك
وهل يكفيك ردي
وهل تشبع حروفي .. جوع السنين
وهل
وهل
وهل؟؟؟؟؟؟؟؟؟؟

صعبة هي الغربة
جميل هو الوطن

دقت كلماتك
ناقوساً اهترأ من الصدا

وراحت كلماتي في الهوا ..........ء
تبحث يا صديقي ..... عن الصدى

فرحاً كطفلٍ اشتاق لحليب أمه وصدرها
تارة يبكي ويضحك ويشرب الحليب ويضرب الصدر بأنامله وتارة يشقى ويداعب أخرى
والأم فرحةً بطفلها (الأزعر"
لا بل تجدها تسكنها نشوة... ما بعدها نشوة.
هي الأرض التي أطعمتنا وسقتنا وتربينا بين حجارتها وترابها وطرقها وأزقتها
هي تلك البعيدة عن شفتي
هناك يصفعنا اسم مغترب...............!!!!!!!!!!!!!!!!
وهنا يطلق سهامه علي اسم وافد ..............!!!!!!!!!!!!!!!

جميل أن أتعايش مع ابناء بلدي هنا عبر مساحة افتراضية عنوانها (مندى سرياني)

إييييييييييييييييييييييييييييييييه يا أبا منير

رحم الله والدك.................. كم هي الغربة صعبة داخل الوطن
وكم هو الشوق لها .......

لأول مرة
أشعر وأنا أكتب لك
ولكم جميعا أحبتي في المنتدى
أشعر شعورا أعجز عن وصفه:
هو حزن... نعم
هو فرح... نعم
هو شوق.. نعم
هو ألم ....نعم

هو مزيج من هذا كله ........
أشكرك لانك شجعتني ونفضت غبار سنين عجاف عن كاهلي كان يسترني في غربتي
؟؟؟؟؟
لا أدري
هل أتابع
سيمل أعضاء المنتدى الأعزاء من حديثي إليك

وإليهم

لذا

ليس لي سوى الدعاء لك في هذه الليلة المباركة : بالسعادة والهناء والتوفيق
كنت مبدعاً وستبقى

أشكرك

أشكرك[/align:9527d25cec][/font:9527d25cec]

أبو عبد الرحمن

08-11-2006, 02:10 AM

الله الله يا منتدى الله

تدلل يا منتدانا تدلل

المحامي احمد ضامن

08-11-2006, 02:41 AM

هالــرزق مقســوم يا محمد منير ........ لكن : بأي أرض ما رح ينعرف؟؟
مزبوط حكيك يانبيل شو ما حلنا ننسى فطور رمضان

أبووليد

08-11-2006, 03:16 PM

يا صاحبي بالوطن كفـّـك شو جنى ........ الا المهانة والمذلـّة والعنا *

راجع تا عمّر هالوطن من جيبتي ....... من بعد ما هـد ّوه اولاد الزّنا

خيال الزرقا

08-11-2006, 04:08 PM

السلام عليكم ورحمة الله وبركاته أحلى شباب وأحلى أعضاء وأحلى شعار وأحلى موضوع فعلا لقد أبدعتوو وفتحتوا ا جروحاتنا بهذا الموضوع الجميل والذي سطرته أشعاركم وكلماتكم الجميلة

أبو منير الغالي سلمت يداك على هذه الكلمات الجميلة وان شاء الله رح نرجع ونلتقى والك احلى عزيمة انت والشباب ومع اننا كنا نتمنى ان تكملوا الموضوع وتعطونا المزيد وفقكم الله والى مواضيع زجلية جديدة

محمد بن قاسم علوش

10-11-2006, 02:17 AM

[font=Arial:275f28245d][size=18]السلام عليكم ورحمة الله وبركاته
الاساتذة الافاضل الله يعطيكم الف عافية على الكلام الرائع والجميل والله انكم امتعتونا وكل الشكر للسيد الاخ ابو منير يلي اختارنا انا وابولو حتى نكمل المشوار وانشاالله يطلع معنا ونكون عند حسن الظن مع اني كنت متمني ان نفتح موضوع جديد ولكن منمشي على رغبة استاذنا ابو منير وانشالله مانخجلو0
يالله اخ ابولو تفضل واسمحولي بلش بفتح المحاورة:

محمد بن قاسم علوش

10-11-2006, 02:37 AM

[font=Arial:5a262a8e70][size=24]دخلـك يارب العرش هالموقع ماأجملوا00000000عيون أقساموا بالفطاحل اتكحلوا
ومـنتدانـا الجـميل يلي فيه بيتـمايـلوا 00000000 شعارنا وعرش المنابر اعتـلــوا
بموضوعهن الغالي عنا عم يتــسائلوا 00000000 حتى طريق بوعلي ومنيرانطولو
مابين مرارالغربة وشـوقي للــــوطن 00000000 شرّف يا ابـولو المشوار تنكملو

أبو منير

10-11-2006, 04:44 AM

[font=Arial:7cae8189a9][size=24]إسمحولي بهالبتين عالماشي وبتمنالكم التوفيق......

[b][font=Arial:7cae8189a9][size=24]الشعر يا إخوان في قلبي قطـن ............والعمـــر لحظة فيها عقلي فـطن

من بعدما بيضيع بالغربة العمر..............بنرجع تحتى نغترب جوا الوطن

عاشق جبعدين

10-11-2006, 01:29 PM

وووووووووووووووووووينك يا نبيل وينكككككككك يا شااااعر
وووووووووووووووووووواااااه يا نبيل ليكووون هرباااان
هههههههههههههههههههههههههههههههههههههههه هههه

محمد بن قاسم علوش

11-11-2006, 12:40 AM

[font=Arial:06229f3c91][size=18]يسلم هالتم يابو منير

ابو حسان

25-11-2006, 12:29 AM

[b][font=Arial:a8be8cbe81][size=24]الاخوة أبولو و محمد قاسم علوش

[font=Arial:a8be8cbe81][size=24]تحية زجلية أرسلها بكل محبة وحنية مع باقة ورد ومزهرية بها الليلة المخملية

لا تواخذوني على هالافتتاحية بس انتو وعدتونا بجولة قوية تتابعو الموضوع بروية

بعد ما شعارنا درسو القضية من النواحي المادية وطلبتو انكن تتابعوا سوية

الموضوع من نواحي جانبية ونحنا عم نستنا يا خييّ لحتى تتحفونا بها السهرية................................. ........................................ .................................

[b][font=Arial:a8be8cbe81][size=24]لازم تبدو يا خـيـــــي ............بـالأقوال الجـديــة

حتى كل شي متغرب ...........يرجع بها الشتوية

أبو منير

25-11-2006, 03:35 AM

[font=Arial:e775ba03ba][size=18]يا متغــــرب أهلا فيك ..........بلادك شو مشتاقة ليك

لما بترجع رح بدعيك ..........عندي لأحلـــى سهرية

محمد بن قاسم علوش

26-11-2006, 01:01 AM

السلام عليكم
الاخوة الافاضل مشكورين كل الشكر لانكم رجعتو وأحيتوا هاالموضوع
الاخ الكريم ابوحسان على ما اظن انا استمريت بالموضوع وبلشت بالافتتاحية بس مالقيت استجابة من الاخ ابولو ممكن ظروفو ما سمحتلو
على كلن حصل خير خلينا نتابع بالردة الظريفة انا وياك والاخ ابو منير وكل من بحب يشارك يشاركنا من بعد اذنكن ومنها بنضل بسياق الموضوع
شو رايكم

[font=Arial:2af1a48a4e]
[size=24]بو حســان و يا أمير 00000000 عملاق وزجّال كبير
ومنتشرف يابو منير 000000000بوجودك بها اليلية