المساعد الشخصي الرقمي

مشاهدة النسخة كاملة : الكشك

الامبراطورة
14-02-2009, 02:27 PM
الكشك

الكشكة الباردة:

ندوب مقدار كوب من الكشكة بالماء البارد وبنحركها حتى دوب ويفضل
انو نخليها سميكة شوي بنقطع بقلبها بندورة وبصل وبنحركهم بعدين بنضيف
عليهم زيت الزيتون..وصحتين وهنا
الكشكة السخنة:

وبنحضر فيها الكشكة باكتر من طريقة:

1-بنحمص بصلة مع السمنة وبنضيف فوقون اللحمة حتىتتحمص منيح بعدين بنضيف
الكشكة وبنضيف فوقون الكشك وبنضيف الماء البارد مع استمرارية التحريك بنتم عم
حتى يغلي الكشك (وفينا نتحكم بسماكة الكشك باضافة الماء بس ماننسى التحريك )

2-ممكن نحضر الكشكة كمان مع بطاطا :
بنقطع البطاطا مكعبات صغيرة ووبنحمصون بالسمنة شوي بعدين بنضيف مقدار كاسة ماء
صغير للبطاطا وبنغطيون حتى يستوي البطاطا وبهاد الوقت بنكون دوبنا الكشكة بالماء البارد
بنضيفون للبطاطا وبنضيف الماء وبنحرك حتى يغلي بعدين بنسكبون ..وصحتين وهنا

3-وفينا نحضر الكشكة مع الخبز اليابس بنطبخ الكشكة متل كانو عم نطبخها مع اللحمة
بس بدون لحمة بنتم نحرك حتة تغلي بعدين بنقلي بالزيت البلدي والثوم وبنضيف عليهون
النعنع اليابس وبنغليهون شوي بعدين بنسكب الكشك فوق الخبز اليابس ..

طبعا في كتير أكلات بيدخل فيها الكشك متل: الكبة والشيش برك ...

ان شاء الله تكون عجبتكون اكلتنا لليوم وصحتين وهناااااااا
SyRiaN HacK
14-02-2009, 02:58 PM
وااااااااو والله الاكلة كتير طيبة

صحيح انها بسيطة كتير بس الها فوائد كتيرة

شكرا الك على المشاركة المميزة

وننتظر منك المزيد من الطبخات اللذيذة
ابو العلا
14-02-2009, 03:09 PM
شكرا الك امبراطورة

بعدين في أكلة كاملة .. عدس وبطاطا وكشك

طريقة التحضير بالنسبة للعزابية : حط البطاطا (قطعها كيف ما بدك وإذا مالك فاضي حطها بقشرة بتزبط ) وحط معها العدس ودلوق فوقن مي وغطي الطنجرة بكيس نايلون منشان الضغط تبع البخار :D

وحتى يستووا ... حط الكشك فوقهن وحرك شوي .. واستنى عشر دقايق لتبقبق

طفي الغاز

وفوت الطنجرة وقول بسم الله وكول .. رح تشعر بانو الاكلة ما فيها ملح ..وهادا شي عادي انك تنسى;)

حط ملح وصحتين وهنا

شكرا للامبراطورة
ريم البوادي
14-02-2009, 04:38 PM
يا سلام عليكي امبراطورة وعلى اكلة الكشك في ايام الشتا والبرد
بتعرفي انا بعملها مع الكل يعني بسلق عدس وبطاطا بس تستوي بحط الكشك وبس يغلي كم غلوة بقلي ثوم
وزيت زيتون ونعناع يابس وبطشون على الوش وشوفي شو طيبة

وين الصور
ابو حسان
14-02-2009, 05:54 PM
فعلا اكلة لذيذة شكرا
بس هي طيبة عالفطور بشي يوع عطلة ويكون برد الواحد بياكلو صحن كشكة بحس بالدفا
محمدأسعدالطويل
14-02-2009, 07:47 PM
شكرا ياامبراطورة
عنجد أكلة طيبه كتيركتير
صرلي شي سنه ماأكلته إذا حدى طبخه يبعتلي شي صحن
الطير الشادي
14-02-2009, 11:35 PM
والله كتير طيبة يسلم إيديكي
مع البصل شغلة مممممممممممم
الامبراطورة
20-02-2009, 01:40 AM
صحتيييين وهنا للجميع ..

ريمو جربي عملي معها سلق بتصير بتاخد ال:عقل ماحتشبعي منها....جربي وادعيلي:p-_-:p
شيخ الشباب
23-02-2009, 12:14 AM
يعطيك الف عافيه

فعلاً اكلة لذيذة شكراً