المساعد الشخصي الرقمي

مشاهدة النسخة كاملة : خيال الزرقا .... في لقاء الاحبة ..

نبيل فيصل
13-05-2006, 02:59 AM
[b][font=Arial:bcfffd2814][size=24]http://www.syriane.Com/loadimages/uploads/69e28192c4.jpg (http://www.syriane.Com/loadimages/)

***************************

1. ما اسمك الحقيقي ؟
محمدعلي الطويل

2. تاريخ الولادة والعمر؟
10//6/1985

3. الحالة الاجتماعية
اعزب عصفور طيار

4. ماهي ثقافتك؟
معهد سياحي وفندقي
واعمل الان شيف في شركة الجزيرة بقطر


5. مثلك الأعلى في الحياة
سيدنا محمد صلى الله عليه وسلم والشيخ الفاضل الاستاذحسين الطويل

منذ متى وانت بالغربة ومتى ستعود باذن الله ؟
غادرت سوريا منذ 7 شهور
وساعود بعد خمس سنوات ان شاء الله

6. ما هي حكمتك في الحياة
ان لم تكن ذئبا أكلتك الذئاب

7. أمنية او حلم تتمنى تحقيقه
احلم باكمال مسيرة العلم ونيل شهادات أعلىو الاستقرار في جبعدين

8. ماذا يبكيك وماذا يضحكك؟
يبكيني حال المسلمين هذه الايام ويضحكني ضحكات الاطفال الابرياء

9. عندما يرخي الليل سدوله بماذا تفكر
افكر باي وجه سنلتقي رب العالمين

10. الممكن و المستحيل ماذا يعنيان لك ؟
الممكن متوفر بين ايدينا والمستحيل يمكن ادراكه بالنية الصادقة والطيبة

11. ما أجمل كتاب قرأته
القرأن الكريم

12. هل يوجد علاقة بين عملك الحالي والانترنت
لا يوجد لكن استخدم الانترنيت لزيادة المعرفة والثقافة


14. هل تؤمن بتولية المرأة مناصب سياسية وعسكرية؟
لا لان هذه المناصب من تحتاج رجولة وغير مناسبة للمرأة

15. هل تعتبر المرأة العاملة فاشلة اسريا؟
ليس بمعنى فاشلة ولكن ماذا لم يبقى رجال في هذا الزمن ليتركو المرأة تعمل

16. ما هو برأيك عدد الأسرة المثالية
من 4 الى5 اشخاص

17. هل تؤمن بتعدد الزوجات
لا زوجة واحدة بتكفي وزيادة

**************************************** ******************
19. هل تؤمن بحوار الأديان وحوار الحضارات أم صدام الأديان وصدام الحضارات
نعم لان الحوار سبيل لتفاهم الاديان والحضارات

20. لو كنت أمين عام جامعة الدول العربية ما هو أول عمل ستقوم به ؟
توحيد كلمة الحكام العرب والتقريب بين أرائهم

21. ما رأيك بفوز حماس بالانتخابات الفلسطينية
برأيي ان حماس والمقاومة هي الحل الانسب للتحرر

22. ماذا ترد على الاتهامات الموجهة ضد سورية بشأن اغتيال الحريري
كلها أكاذيب باطلة وبكرة بيدوب الثلج وبيبان المرج

23. هل تؤيد امتلاك إيران سلاح نووي أو أي دولة إسلامية
نعم لان اسرائيل تملك سلاح نووي فلما لا تملكه دولة اسلامية


24. ما هو رأيك بمعالجة موضوع الرسومات المسيئة للرسول صلى الله عليه وسلم

يجب مقاطعتهم والله هو رح ينتقم منهم يمهل ولا يهمل


********************************

26. هل تعتبر أن الأغنياء مقصرين في قريتنا ومشاريعها
البعض مقصر لاننا لا نرى شئ جديد من قبلهم


27. ما هي برأيك الأفكار والمشاريع التي تنهض بقريتنا لمستوى راقِ
المشروع السياحي يعني فنادق ومطاعم بناء المشافي والمدارس

29. من هو برأيك أفضل عضو مشارك بالمنتدى
الجميع متميز والافضل مبين من مواضيعه ومشاركاته

30. ما رأيك بتطور المنتدى بهذه السرعة
تطور وتقدم رائع وفقكم الله

31. هل لديك أفكار لتطوير المنتدى
حاليا لايوجد وان وجد سأطرحه وبدون تردد

32. ماذا أعجبك بالمنتدى وماذا لم يعجبك بصراحة
شيئ جميل تحوله لمنتدى اسلامي مع الحفاظ على الامور الهامة التي تلم شمل ابناء القرية
كل شيئ جميل وكما ذكر البعض نتمنى ان تكون الردود اكثر فائدة


33. ما سر اختيارك لتوقيعك
التوقيع اختاره حسب الحالة التي اعيشها وكل كم يوم في واحد جديد


*************************************

اشكرك واتركك مع الزملاء ليكونو معك في لقاء الاحبة
نبيل فيصل
14-05-2006, 12:09 AM
سنختبر صراحتك ...

ماهو الفرق بين سورية وقطر باختصار من حيث المعيشة مثلا والجو والعلاقات والنظام ...
أبو عبد الرحمن
14-05-2006, 12:27 AM
يعني ليش مصر على الخمس سنوات ؟؟؟
خيال الزرقا
14-05-2006, 12:37 AM
[b][font=Courier New:9fb366d55a]السلام عليكم ورحمة الله وبركاته
شكرا للمهندس نبيل على اللقاء وسأجيبك بصراحة ان شاء الله :
عندما غادرنا سوريا أحسست بقيمتها وبقيمة البلد والضيعة فجو سوريا سبحان الله لا يعلى عليه أما هنا نار وشعلانة فصل الشتاء متل صيف سوريا وهنا لا تستطيع أن تجد مكان تذهب اليه متل الغوطة والربوة والضيعة ووووووووووووو بس بتشوف الأبراج تزداد يوما بعد يوم ----
أما عن العلاقات فالشعب القطري شعب مضياف وراقي أصبح لدينا العديد من الأصدقاء في قطر
وأخيرا لا أنصح أحد بالسفر لأنو نحنا مو مصدقين أمتى نرجع صح الحضارة والأنفتاح والتقدم والعمران أفضل بس يا أخي الواحد بلدو غير
أرجو ان يكون الجواب كافي للسؤال وأنا جاهز لأي استفسار
مع أحترامي[/font:9fb366d55a]
خيال الزرقا
14-05-2006, 12:42 AM
يعني ليش مصر على الخمس سنوات ؟؟؟
[b][font=Courier New:2edd93555a]أهلا بالأخ أبو ياسر أما عن ال5 سنوات فليس أصرار ولكن لكل منا هدف يسعى لتحقيقه وأنا رأيت أن هذه هي الفترة ممكن أن تكون كافية للوصول لهدفي ولكن بيني وبينك الله يعين على الغربة لأنها صعبة ممكن ما كفي السنتين والله أعلم
\" وقل لن يصيبكم الا ما كتب الله لكم \"[/font:2edd93555a]
نبيل فيصل
14-05-2006, 12:55 AM
وما هدفك ؟؟؟؟؟؟؟؟؟بصراحة

مصاري اكتر ؟؟؟؟

عقد ينتهي بعد خمس سنوات ؟؟؟

خبرة ؟؟؟

اجب بصراحة والا ؟؟؟ :D
خيال الزرقا
14-05-2006, 01:11 AM
[b][font=Courier New:3024c29869]هههههههههه
تكرم بصراحة ما في غير الصراحة أن شاء الله
الهدف يا سيدي الكريم كما يلي :
أولا متل ما أنت تفضلت شوية مصاري بس شوي؟؟؟؟؟؟؟
وخبرة أكتر في العمل
أما بالنسبة للعقد فهو سنتين فقط[/font:3024c29869]
8) :lol:
نبيل فيصل
14-05-2006, 01:17 AM
شكرا لصراحتك

والله يرجعك سالم غانم لاهلك والنا وللضيعة وللزرقا تبعك .... :D

وعلى سيرة الزرقا ....

سمعنا انو الوالدة الله يسلمها خطبتلك وانت مسافر ؟؟؟؟؟؟
نقول مبروك

ام دعاية ....؟؟؟؟

بصراحة والا .... :D
خيال الزرقا
14-05-2006, 01:23 AM
سمعنا انو الوالدة الله يسلمها خطبتلك وانت مسافر ؟؟؟؟؟؟
نقول مبروك
[b][font=Courier New:4a41550dd8]والله أنا لسى ما سمعت شي لسى رح نسألها وبعدين بنشوف دعاية ولا في هيك شي
بس طولي بالك أبوعلي هدي علي شوي لحتى أخد نفس وينكم يا جماعة تهدوا أبو علي نازل رش فيني :cry: :cry: :wink: :wink: [/font:4a41550dd8]
نبيل فيصل
14-05-2006, 01:35 AM
سماح اليوم ....

غدا نلتقي ...........
جمال فيصل
14-05-2006, 01:36 AM
على ما يبدو
لقاء خاص
بين خيال الزرقا محمدعلي
وبين خيال الحمرا الطويلة نبيل فيصل
خلينا بعاد أحسن
لأنو ترديد كلمة (كلمة ... وإلا...) مشكلة بكل سؤال وجواب

بالتوفيق للجميع
وبدون تهديد
اللقاء أحلى؟؟؟!!!

وإلا...








سنطالب






بإلغاء هذه الفقرة من المنتدى؟؟؟؟؟؟؟؟؟؟؟؟؟؟؟؟؟
المحامي احمد ضامن
14-05-2006, 02:26 AM
خيال الزرقا

انت سفرت حتى تدفع بدل الخدمةالالزامية متل مافهمت منك 5سنوات وتدفع البدل

ولكن ان حصلت على عقد بمبلغ محرز فهل ستبقى ام لا في قطرلاكثر من 5سنوات
خيال الزرقا
14-05-2006, 02:29 AM
[b][font=Courier New:0a0c5f9f65]أهلا أستاذ أحمد
انت سفرت حتى تدفع بدل الخدمةالالزامية متل مافهمت منك 5سنوات وتدفع البدل

أنا بالغربة لفترة محددة والأقدار بيد الله بس مستحيل ضل بعيد عن سوريا والضيعة أكتر من هل الفترة شو ما كانت المغريات والعقود
وشكرا لك --[/font:0a0c5f9f65]
أبو عبد الرحمن
14-05-2006, 03:09 AM
تمام

بقيان نعرف شو هي الزرقا يلي عم تخيل عليها صرلك من اول ما فتح المنتدى ؟
أبو منير
14-05-2006, 03:31 AM
بقيان نعرف شو هي الزرقا يلي عم تخيل عليها صرلك من اول ما فتح المنتدى ؟

يمكن يا أبو ياسر الأخ محمد علي طابسلو بشي وحدة عيونها زرقا والله أعلم.

الأخ محمد علي شكرا" على رحابة صدرك وإنشاالله بترجع عالوطن سالم غانم....
خيال الزرقا
14-05-2006, 03:54 PM
الأخ محمد علي شكرا" على رحابة صدرك وإنشاالله بترجع عالوطن سالم غانم....
شكرا لك أخ محمد وأن شاء الله بنرجع وبنلتقي جميعا ----- بأذن الله
يمكن يا أبو ياسر الأخ محمد علي طابسلو بشي وحدة عيونها زرقا والله أعلم.
والله ما في ولا وحدة ياريت ازا في حوليك خبرني انت فتحتلنا جروحاتنا بقصائدك وزجلك وشعرك الجميل
بقيان نعرف شو هي الزرقا يلي عم تخيل عليها صرلك من اول ما فتح المنتدى
انا ذكرت شو هي الزرقا في موضوع خاص ممكن أنكم لم تروه وفيه الشرح الكافي والوافي
خيال الزرقا
15-05-2006, 11:28 PM
[font=Courier New:e517662684]انا ذكرت شو هي الزرقا في موضوع خاص ممكن أنكم لم تروه وفيه الشرح الكافي والوافي
على الرابط التالي:[/font:e517662684]
http://www.syriane.com/forum/viewtopic.php?t=2262
ابو حسان
17-05-2006, 01:39 AM
أقترح عليك يا أخ محمدعلي الطويل أن تعد للمية قبل ما تفكر بالرجعة للبلد لأنو لازم تحسب حساب الشغل هون ومتل ما فهمت منك انو شغلك بقطر جيد وبالوقت الحالي الأشغال هون واقفة حاول تطور شغلك أكتر وتتعرف على ناس جدد وكونك عزابي لازم تعملك قرشين مناح
ومن رأيي خلي رجعتك للبلد زيارات حتى ما تندم بعدين بعدك بأول عمرك والله يوفقك ويوفقنا جميع والسلام

بالغلط دخلت زائر
جمال فيصل
17-05-2006, 01:43 AM
أضم رأيييييي لرأي أبو حسان الحكيم جدا


واشكره على نصيحته للاخ محمد


وانصحه بالصبر
نبيل فيصل
17-05-2006, 03:16 AM
جمعلك قرشين كويسين ...لانو الزرقا مهرها غالي

دير بالك امك عم بتدورلك على عروس وانت اخر من يدري ... :D
خيال الزرقا
17-05-2006, 03:00 PM
شكرا لأبو حسان وللأستاذجمال على النصائح وبارك الله بكما
وهذه النصيحة سأضعها في مذكرتي وهي غالية لأنها من الغوالي




وجمعلك قرشين كويسين ...لانو الزرقا مهرها غالي
الله كريم يا بش مهندس والمكتوب ما منو مهروب -----
Anonymous
18-05-2006, 06:38 PM
دير بالك

اسرارك
عندي

كتر فلوس
ولا تكتر حكي
نبيل فيصل
20-05-2006, 12:37 AM
انا ؟؟؟
خيال الزرقا
20-05-2006, 03:50 PM
[b][font=Courier New:9c2fbefaf6]الله عليك يا أبو علي جلطتني عم قول لحالي مين هل الزائر يلي عندو أسراري وخليتني يومين مشغول بالي وعم قول لحالي رحنا بشربة مي الله يسامحك [/font:9c2fbefaf6] :wink: :wink:
:shock: :shock: :lol:
نبيل فيصل
21-05-2006, 12:05 AM
اسعار الوجبات بقطر غالية ؟؟؟؟؟

يعني السندويشة بكم ؟؟؟

والمشاريب حوالي قديش؟؟؟

يعني يعطينا الفوارق بين سورية وقطر ...بالاكل بس..
طه أنور الطويل
21-05-2006, 10:33 AM
خبر الشباب كيف عم بتجاوب على اسئلة المسابقة بسرعة
يمكن يغاروا شوي
خيال الزرقا
21-05-2006, 03:21 PM
اسعار الوجبات

يعني السندويشة بكم ؟؟؟

والمشاريب حوالي قديش؟؟؟

يعني يعطينا الفوارق بين سورية والغربة...بالاكل بس..
[b][font=Courier New:3853729629]أهلا أبو علي الغالي :
الأسعار هون أرخص من الفجل بالنسبة للجميع ان كانوا من المواطنين أو المغتربين
السندويشة حوالي 2- 6 ريالات يعني ولا شي
المشاريب علبة الكولا ب1 ريال والريال هون ولا شي يعني شغلة كتير حلوة وفيك تشتري فروج مشوي مع المخلل والسرفيس تبعوا ب7 ريال شي ببلاش أما بسوريا على علمي كان الفروج كان بحوالي 150 ليرة :shock:
بس على فكرة الأكل يلي بسوريا مهما كان بيضل أطيب وطعموا أحسن على سبيل المثال فلافل ما بتلاقي متل الطعم يلي بسوريا ولا شي في ألو نكهة وعلى فكرة هون الخروف السوري متل قطعة الذهب مو مين ما كان بيشتريه لأنو غالي
وشكرا
وبمعيتك يا أبو علي شي شوية زجل حلوين صرلنا زمان ما سمعنا منكم شي
مع التحية -----------[/font:3853729629]
خيال الزرقا
21-05-2006, 03:28 PM
خبر الشباب كيف عم بتجاوب على اسئلة المسابقة بسرعة
يمكن يغاروا شوي


_________________
أهلا أستاذ طه بالبداية كنت ما أطلع على المسابقات ولما رأيت المسابقة العامة بدأت ولكن الحركة فيها خفيفة فحاولت جاوب على أحد الأسئلة وبعدها سمعت تعليقاتك والتي جعلتني أحب هذه المسابقة وبعدها رأيت الغالي أبو ياسر حابب يتحدى بالأجوبة وهيك شدينا الهمة شوي 8) 8) 8)
والشغلة الأهم الفائدة التي لمستها من خلال البحث على الأجابات فأصبحت أقرا وأمر على أشياء لم تخطر ببالي من قبل ---------وشكرالك
نبيل فيصل
22-05-2006, 03:02 AM
وبمعيتك يا أبو علي شي شوية زجل حلوين صرلنا زمان ما سمعنا منكم شي
مع التحية

تكرم عينك وهي قرادية :

*********************
[font=Arial:617cd19791]
يا محمد صعبة الفرقة ...... عالضيعة مْرقْلك مرقة

سرج الزرقا نْجوم الليل...... و انت ( خيّال الزرقا )[/font:617cd19791]


*****************************
طه أنور الطويل
22-05-2006, 09:59 AM
أهلا أستاذ طه بالبداية كنت ما أطلع على المسابقات ولما رأيت المسابقة العامة بدأت ولكن الحركة فيها خفيفة فحاولت جاوب على أحد الأسئلة وبعدها سمعت تعليقاتك والتي جعلتني أحب هذه المسابقة وبعدها رأيت الغالي أبو ياسر حابب يتحدى بالأجوبة وهيك شدينا الهمة شوي
والشغلة الأهم الفائدة التي لمستها من خلال البحث على الأجابات فأصبحت أقرا وأمر على أشياء لم تخطر ببالي من قبل ---------وشكرالك

وهذا هو الهدف الحقيقي من المسابقة شكرا لك
خيال الزرقا
22-05-2006, 05:39 PM
يا محمد صعبة الفرقة ...... عالضيعة مْرقْلك مرقة

سرج الزرقا نْجوم الليل...... و انت ( خيّال الزرقا )


بـأعـلـى صـوت بـدي الـيـوم نـادي ـــــــــ يـا مـغـتـرب عـود عـلـى بـلادي
مـهـمـا إلـك بـرا الــبـلـد أصــحـاب ــــــــ عـنـدك هـون يــا خــيـي زيــادة


الـغـربة مرض عم يفـتك الأغراب ـــــــــ وهـنّـي تـسـلّـحــو بـقـوة إرادي
وبكرا متى مـا الـشَـعـر هرّ وشاب ـــــــــ بيصيرو يغيّرو حروف المبادي


يـا مـغـتـرب لـلـهجر إطوي كتاب ـــــــــ وكون على البلد في شوق غادي
إرجـع بـقـا عـا وطن صاح وداب ـــــــــ يا بـني رجـاع فاتـحـلـك فــؤادي
مـهـمـا بـأرضك ضيّقو الأبـواب ــــــــــ ومـارد عـذابـك صـار مـتـمادي
لـمـا الـعـذاب يـكـون مـع الحباب ــــــــــ شـمـوعـو قـد ما تشـعـل وتـولع
بتبقى تذرف دموع السعادة
نبيل فيصل
23-05-2006, 01:45 AM
الله يعطيك الف عافية
انت مشروع موهبة ممتازة
ينقصك القراءة والاستماع الى مئة حفلة زجل تقريبا والمثابرة

وحتى يستقيم الوزن وتستقيم القافية
ابدأ بكتابة بيت بيت

ولا تنظر بالبداية الى ترابط معنى البيت الاول والثاني
حافظ على الوزن والقافية ثم انتقل الى المقومات الاخرى

بارك الله فيك

*********************
سؤالي بالزجل

من هو شاعرك المفضل ؟
خيال الزرقا
23-05-2006, 02:58 PM
من هو شاعرك المفضل ؟
[b][font=Courier New:d6dfcf2e07]زين شعيب (أبو علي)[/font:d6dfcf2e07]
[وأحب زجل زغلول الدامور وكلاهما يشكلان تحديا رائعا
قالوا كبرت يا بو علي والعمر فات
ويمكن صرت عاجز تأدّي الواجبات
كان لك زمان تغازل زهور النبات
وتفيّق النسر اللي بقلب الوكر بات
قلتلهن وحياة كل الآنسات
وكل شي خلق الله حلو ومرطّبات
بعدني لولا كمشت شلف الحديد
وقت اللي بدي بعملو غزل البنات
***
اللي بيكون عندو مال بيموّن جموع
ليش حتى ينحرم ويموت جوع
آدم كسر ضلعه وعمل منّو مرا
لنّي محلو بكسر الأربع ضلوع
طه أنور الطويل
23-05-2006, 04:37 PM
اللي بيكون عندو مال بيموّن جموع
ليش حتى ينحرم ويموت جوع
آدم كسر ضلعه وعمل منّو مرا
لنّي محلو بكسر الأربع ضلوع

الابيات فيها تجاوزات شرعية فلم يكسر ادم ضلعه
لم يحصل الكسر - ولم يكن الفعل اراديا - ولم يعلم بشيء حتى اخبرته حواء
والاخير ايضا ؟؟؟؟؟؟؟؟؟؟؟؟؟؟
جمال فيصل
23-05-2006, 05:25 PM
والشعراء

يتبعهم

الغاوون
طه أنور الطويل
23-05-2006, 05:38 PM
اوعى يزعل السيد نبيل
أبو عبد الرحمن
24-05-2006, 02:08 AM
قديش بتعد على الأنترنيت باليوم ؟؟؟


هاد سؤال من ابو ياسر ؟
خخخخخخخخخخخخ
admin
24-05-2006, 08:34 AM
المراد من الأبيات الشعرية الواردة حول آدم والضلوع ...
ليس فيه ما هو ممنوع
ففي الشعر يتم الحساب على المعنى المفهوم وليس على اللفظ الحرفي
ولا يمكن أن حاسب النص الشعري كما نحاسب المرافعة القانونية أو النص القانوني

والمقصود هو ضمن اطار الدين (خلق حواء من ضلع آدم) (مبدأ تعدد الزوجات)
خيال الزرقا
24-05-2006, 04:05 PM
والمقصود هو ضمن اطار الدين (خلق حواء من ضلع آدم) (مبدأ تعدد الزوجات)
الله يسلم ها التم يا مدير ويعطيك ألف عافية لأنو هذا هو المقصود من هكذا أشعار
خيال الزرقا
24-05-2006, 04:09 PM
قديش بتعد على الأنترنيت باليوم ؟؟؟


هاد سؤال من ابو ياسر ؟
خخخخخخخخخخخخ
أهلا بالغالي أبو ياسر بصراحة أنا متواجد حوالي 7 ساعات يوميا
أما يوم الجمعة حوالي 12 حتى 20 ساعة وأنا أحتاج المزيد ولكن ان لنفسك عليك حقا لأنني أحس بالتعب عندما أجلس فترة طويلة وعم حاول خفف هل الكم يوم ----------------------
رح ساوي حمية عن الأنترنيت وذلك بالتقليل من عدد الوجبات عفوا الساعات
شكرا أبو ياسر الغالي
أبو عبد الرحمن
24-05-2006, 05:41 PM
فهمت كل شي ...........

بس ما فهمت ( وأنا أحتاج المزيد)

شلون يعني

يا خيي يا أيو علي ..هاد اليوم من يوم يومه 24 ساعة ومستحيل يطول معك أكتر من هيك

أما أزا بدك زيادة عن ال12 ساعة تبعك .........

فصار بدها حكي تاني

7 ساعات يا ظالم .........
خيال الزرقا
24-05-2006, 06:38 PM
بس ما فهمت ( وأنا أحتاج المزيد)
الله وكيلك يا أبو ياسر عم أعد وأنسى حالي وبعد ما يمر شي 7 ساعات بلاقي حالي ما خلصت كل شي
وبدي كم ساعة أكتر يعني مزيد من المطالعة والثقافة والعلم
سلامي لك ----
نبيل فيصل
25-05-2006, 12:32 AM
والشعراء

يتبعهم

الغاوون

اوعى يزعل السيد نبيل

ليش بدي ازعل وانتو اتباعي ..... :D :D
جمال فيصل
25-05-2006, 09:15 AM
نجي للجد وكم سؤال لخيال الزرقا



1- قطار حياتك الى اين يتجه ؟

2- صف نفسك فى بضع كلمات ؟

3- شخص (في حياتك)تحس انه مظلوم ؟

4- حقيبة اسرارك عند من تودعها؟

5- احد علماء النفس قال ذات مرة : أنه باستطاعة الانسان العيش من دون اصدقاء ..شو رأيك أنت ؟

6- أين تأخذك ذروة الغضب؟ (( اذا عصبت شو بتساوي .. ناس بتاكل ناس بتدخن ناس بتطلع عالشارع .. الخ ))

7- ما أجمل شيء أحبيته فـي المنتدى ؟

8- متى يقسو قلبك؟

9- هل حدث أن انتصرت على نفسك يوما وأحصيت عيوبك ؟

10-متى تخجل من نفسك ؟

السؤال الأخير ::::في زمن البحث عن المادة .. عن ماذا تبحث أنت؟
خيال الزرقا
25-05-2006, 04:37 PM
1- قطار حياتك الى اين يتجه ؟
أخ--------- الى شئ لاأعرفه الى شئ بعيد عن التصور انه المجهول :?: :?:
2- صف نفسك فى بضع كلمات ؟
هذه النفس التي تطلب رحمة الله في كل لحظة لاتريد غير ذلك مرضاة الله ورسوله
متل كل هل البشر أنسان تائه في صحراء الدنيا
- شخص (في حياتك)تحس انه مظلوم ؟
جدي
4- حقيبة اسرارك عند من تودعها؟
الوالدحفظه الله
5- احد علماء النفس قال ذات مرة : أنه باستطاعة الانسان العيش من دون اصدقاء ..شو رأيك أنت ؟
والله الجنة من غير ناس ما بتنداس والحياة بدون أصدقاء صعبة ومستحيلة
6- أين تأخذك ذروة الغضب؟ (( اذا عصبت شو بتساوي .. ناس بتاكل ناس بتدخن ناس بتطلع عالشارع .. الخ ))
،أنام لبضع ساعات لتهدأهذه الحالة التي أعيشها وأصحواا وقد نسيت جزء كبير من الذي حصل :evil:
- ما أجمل شيء أحبيته فـي المنتدى ؟
الأعضاء جميعا لأننا نعيش كأسرة واحدة :wink:
8- متى يقسو قلبك؟
عند الضرورة لأنه يوجد أوقات يجب أن تكون قاسي القلب
9- هل حدث أن انتصرت على نفسك يوما وأحصيت عيوبك ؟
كل يوم في نهاية النهار أحاسب نفسي وأكتشف ما هي العيوب لأتداركها
10-متى تخجل من نفسك ؟
عندما أقع بخطا او اي غلط :oops:
السؤال الأخير ::::في زمن البحث عن المادة .. عن ماذا تبحث أنت؟
أبحث عن مرضاة الله وأحترام الأخرين والتعامل بصدق وايجاد الاصدقاء الحقيقين أولا
أما المادة فهي لأكمال مسيرة الحياة فقط
8) 8)
جمال فيصل
25-05-2006, 04:47 PM
اشكرك

شفيت غليلي
باجاباتك المنتقاة بشكل بديع


يسلموا يالخيال
خيال الزرقا
25-05-2006, 04:51 PM
والله حاولت الأجابة بأسرع وقت ولم أعطي لنفسي الوقت بالتفكير فأرجو أن تكون مثل ما توقعت
شفيت غليلي
باجاباتك المنتقاة بشكل بديع


يسلموا يالخيال
أهلا أستاذ جمال بارك الله بك وبهذه الأسئلة وعلى فكرة أول مرة بتمر علي هيك أسئلة وبعضها جعلني أفكر من أنا ؟؟؟؟؟؟
خيال الزرقا
25-05-2006, 10:59 PM
http://www.0zz0.com/2006/05/25/199297443.gif
وين باقي الأعضاء وين الغوالي وينكم يا جماعة