المساعد الشخصي الرقمي

مشاهدة النسخة كاملة : أول طبخة... أول نهفة

admin
02-01-2009, 03:36 AM
ما الذي سنتذوقه هنا؟
أكلات تراثية جبعدينية وقلمونية وربما عربية أو غير ذلك
ونهفات من ذاكرتنا وتراثنا أو من يومياتنا

ما أتمناه على من يستطيع هو:
أن نترجم ما سنشره الأعضاء إلى اللغة السريانية لتكون ذخيرة لنا أو لنقل (مونة) نتذوقها كمواد تعليمية في مدرسة تعليم السريانية.
اكليل الورد
02-01-2009, 01:47 PM
الف مبروووك افتتاح المغارة

وانشاء الله سنجد فبها كل مالذ وطاب

من الاكلات الجبعدنية خاصة

والعربية عامة

وكل موقف طريف حدث لنا سواء

في اامطبخ ونحن نعد الاكلات اللذيذة

او في المنزل مع الاهل او في العمل مع الاصدقاء

مرة اخرى مبارك لك صبايا المنتدى

هذه المغارة

ومبارك كمان للشباب(منشان ماحدا يزعل)

كل ما سيتعلمونه عن امور الطبخ

وما سيكتبوه لنا ما حصل لهم من نهفات
ياقوت
02-01-2009, 02:48 PM
مبروك

مبروك للجميع على أفتتاح المغارة

ونشالله بنلاقي كل ما لذ وطاب منتحت أيدين الطباخة



بس بتعرفو شي

وأخيرا تحقق طلب السيد صفوح

بس وين هو
ريم البوادي
02-01-2009, 02:58 PM
بهي المناسبة اعضائنا الحلوين وكرمال انو ابو حسام وافقلنا على هالمغارة اليوم عازمتكن عندي على هالاكلة والي ان شاءالله تنال رضاكم وصحتين وهنا على قلبكم مقدما



المقادير :

لحمة او دجاج - فريكة -سمنة - بصلة -قرفة -فلفل -ملح -مكعب ماجي
صنوبر ولوز محمصين -ورق غار

الطريقة :

نسلق اللحم ومنقيم الزفرة كلها وبنضيف بصلة مقطعة اربعة ارباع وكم عود قرفة وورق غار والملح حتى تستوي اللحمة
منجيب الفريكة ومنحمصها بالسمنة وشوية ملح وفلفل
ونضع فوقها ماء اللحمة الي سلقناها ومكعب ماجي ومنقلبها وبنخليها على نار هادية لتستوي
وبعدين منسكبها بصحن التقديم ومنجللها باللحم والصنوبر واللوز واذا كان دجاج بتحمروه شوي بالفرن
منقدم قدامها يا سلطة خضرة او سلطة لبن بخيار
وصحتين وعافية على قلبكن وانا رح حطلكن الصور خطوة خطوة انا بعرف انو الكل بيعرف يطبخها بس مشان الي ما بيعرفوا ومشان العزابية المتغربين ومشان الضيوف


واليكم الصور خطوة خطوة من مطبخي الخاص
ريم البوادي
02-01-2009, 03:03 PM
يا ريت تحطوه بموضوع لحالوا مشان الكل يشوفوه لاني احترت وين بدي نزل الموضوع ولا هي هي المغارة الاساسية ماني عرفانة
أبو مالك
02-01-2009, 04:43 PM
اسمعوا هالنهفة
في أحد الأيام كنت نازل عالدوام الصبح بالسيارة الله يعطينا ويعطيكن من خير الصبح وأنا موجود بالمؤسسة جعت قلت والله غير روح عالمطعم___ المهم رحت وطلبت مالذ وطاب من الأنواع والأشكال وكترت
طبعا بتعرفوا العين اللي بتاكل
وبعد ماخلصت إجيت بدي حاسب....؟ وإذ نسيان المصاري بالبيت بالضيعة شو بدي ساوي إجيت لعند صاحب المطعم شرحتلو وضعي احزروا شو ساوى صاحب المطعم......؟
ريم البوادي
02-01-2009, 05:06 PM
نهفة حلوة هههههههههههههههههههههههه بس اكيد جلاك الصحون مو
ولا طلع ابن حلال واخد هويتك مشان تجبلوا المصاري بعدين
فوزي سيلان
02-01-2009, 06:17 PM
يسلمو إيديكي عأكلة الفريكة الطيبة
وبالنسبة لأبو مالك كتبلنا شو صار لأني صرت حلل شروي غروي
فوزي سيلان
02-01-2009, 06:23 PM
يسلمو إيديكي عأكلة الفريكة الطيبة
وبالنسبة لأبو مالك كتبلنا شو صار لأني صرت حلل شروي غروي
فاطمة.
02-01-2009, 09:57 PM
بسم الله الرحمن الرحيم بداية ... اود ان اشكر مدير الموقع المحترم على الاهتمام ثم اود اني جميع أعضاء سرياني على افتتاح هذه المغارة الجديدة
اسأل الله للجميع التوفيق ...

http://www.kashkool.org/up/uploads/images/kashkool-org-up-7120c8afa4.jpg (http://www.kashkool.org/up/)
فوزي سيلان
03-01-2009, 12:16 AM
لو عرفانين هالمغارة رح تطالع كل هالإبداع بالتصميم والتنفيذ كنا من زمان عملنالكن واسطة مع الإدارة وفتحناها
برنسيسة
03-01-2009, 01:04 AM
واخيرا تم الافتتاح

الف مبروك وعقبال مغارات المختصة بكل شيء

عن الطفل والامومة

الشباب وهمومهم وطموحهم

لحتى يصير سرياني اوسع واشمل
ابو العلا
03-01-2009, 10:17 AM
مبارك افتتاح المغارة الجديدة .. هلأ هيك منصير منشكل بالطبخ . حاكم بطبطنا من البطاطا والكبسة

يلا عالسريع نزلونا شي كم طبخا منشان اختار وحدة لبكرة ..
قمر الزمان @
23-02-2009, 06:26 PM
أول شي مبروك افتتاح المغارة إن شاء الله كل اكلة و انتو بخير ;)

خاصة إنها عن الأكل و انا كتير بحب الأكل المدسم و الطيب

بس إذا ما فيها سئلة معليش تطبخولنا كشكة بلحمة

أنا عم ساويها بس ما عم تظبط معي :confused:
اميرةمحمدوفاالطويل
23-02-2009, 07:37 PM
مبروك الجديد في الموقع
يالله يا أهل جبعدين ذكرونا بأكلات تراثية جبعدينية حصرا
والشغل اكيدعالنسوان
والاكل اكيدعالرجال(نقطة ضعفهم بمعدتهم)
اميرةمحمدوفاالطويل
23-02-2009, 07:41 PM
قمرالزمان صرنا تنتين فاشلات بطبخ الكشك باللحمة لازم زوجك يطبخها
انا زوجي تونسي ما بيعرف هالاختراع
بس بيحبها من ايدين خالتو ام عارف طيبة كتير