المساعد الشخصي الرقمي

مشاهدة النسخة كاملة : بر وبحر وجو

فوزي سيلان
01-01-2009, 11:18 PM
بسم الله الرحمن الرحيم
نزولا عند دعوة الأخ أبو مالك لشعراء الزجل للنزول إلى الميدان وبما أنه اختارني والأخ أبو العلا وخصني بتحديد الموضوع وبدون أي تحضير مسبق قمت بتحديد موضوع ثلاثي للمحاورة وهو
بر , بحر , جو
إذا وجد الإخوة الزجالة بأن الموضوع مناسب فليختار كل واحد البند الذي يريد المحاورة فيه وأرجو أن يبدأ الإختيار من غيري لأنني من اختار الموضوع والأصول أن يبدأ بالإختيار طرف غير الذي حدد الموضوع على اعتبار عدم وجود حكم يختار الموضوع بنفسه
أما إذا كان الموضوع غير مناسب ولم يعجب الزجالة فليختر أحدهم غيرهذا الموضوع ونبدأ المحاورة
إذا إذا أعجبنا الموضوع فعلى الأخ أبو مالك العزيز إختيار البر أو البحر أو الجو ثم يقوم الأخ الغالي أبو العلا باختيار البند الثاني وألتزم أنا بالبند المتبقي من الموضوع ونبدأ المحاورة من عند أبو مالك يليه أبو العلا ثم أنا
أرجو من الأخوة الزجالة المحاورة ضمن أصول الزجل وعدم الخروج عن أخلاق الزجل وليحاول كل من إظهار البند الذي اختاره أنه الأفضل بعيدا عن التجريح والشتائم لنصل بالموضوع إلى نهاية جميلة ترضي جميع القراء لعدم الوقوع في نفس الخطأ الذي وقعنا فيه سابقا
وكل من يلاحظ خطأ أو خلل بالوزن تنبيه الشاعر الذي ارتكبه علنا وبأسلوب لطيف وعلى الشاعر تقبل النقد بروح طيبة والتصحيح أو الإقناع بصحة ما كتب دون زعل أو حرج
كما يرجى الإبتعاد عن التكرار والتقليد
وأمام كل شاعر يوم كامل للرد إعتبارا من رد الذي قبله وإلا يصبح المجال مفتوح للشاعر الذي يليه
يستطيع أي شاعر الإنسحاب لأي سبب بعد إعلان إنسحابه علنا ليتابع الشاعرين الباقيين المحاورة
المجال مفتوح أمام الأخوة القراء للرد ويمكن الزجالة منهم الرد برد زجلي أو المشاركة مع أي شاعر يريده ولن يعتبر هذا ضعفا أو مساعدة بل على العكس تتوسع الجوقة وتتنوع الأفكار
ويتم إنهاء الموضوع باتفاق الزجالة جميعا والإنتقال لموضوع آخر يمكن أن نغير فيه النمط إلى القرادة
والآن أبدأ الموضوع بعد الصلاة على سيدنا محمد وآله وصحبه

مابين بر وبحر أو جو انزلوا ـــــــــــــــــ حتــى يلاقي كل شــــاعر منزلـو
يا أبو مالك عالبئر إرمي الدلو ــــــــــــــــ حتــى تورجيـنا الْ بدك تنشــلــو
ويا أبو العلا لَـــنسيجك إغزلو ــــــــــــــــ وجهدك بشعرك يا صديقي أبذلو
جايي أنا وعندي قوافي ذاخرة ــــــــــــــــ ولازم لـمـيــزان المْعــنّـــى بــدّلو
أبو مالك
02-01-2009, 12:02 AM
بوالفوز تاإختار أبوابي طرق
وعندي التحدي بشبهو بلعب الورق
يامامتل بوالعلا ععتابي مرق
وقت لسمع بالبحر في ريقو اشترق
لومالبحر ماشفت رعد ولابرق
ولانزلت الأمطار عاهالمفترق
جايي متل طوفان حيدو من الطريق
ولما يرد تحتم عليه الغرق
ريم البوادي
02-01-2009, 02:18 PM
الله يعطيكم العافية على هالكلام ولكن الله يخليكم شباب من دون ما تعلقوا مع بعض كما تعودنا
أبو مالك
02-01-2009, 06:33 PM
شكرا كتير أخت ريم على مشاركتك هذا بيعني إنو في أخوات عزيزات بيهتموا بالزجل
طبعا طلبك حكي عنو شاعرنا الكبير أبو الفوز بمشاركتو
وإنشالله مارح تشوفي إلا المفيد
فوزي سيلان
03-01-2009, 03:03 PM
عملا بالعرف الذي وضعناه بالمقدمة ونظرا لعدم مشاركة الأخ أبو العلا لفترة تجاوزت الفترة المحددة أعلاه أقوم أنا بالرد وأترك لأبو العلا الرد من بعدي أو أتابع مع شاعرنا أبو مالك هذه المحاورة


لولا جمال البر هالـــناس انعطوا ـــــــــــــــــــــــــــــــــ شو كان غير الشــط إبنـــك يبسـطو
ولوما ضفاف البر بحرك حَوّطو ــــــــــــــــــــــــــــــــ كانوا مواجـــك يا محيـــط تخربطوا
ولولا إلــه العرش برّي يبســطـو ــــــــــــــــــــــــــــــــ كانــوا الخلايــق بالحــيـــاة تورطوا
وحتى نقدم للي مش عارف دليل ـــــــــــــــــــــــــــــــــ قلّي يا شاعر وين راسك مسقطو ؟؟
iamsyriane
03-01-2009, 07:23 PM
جميل ورائع يا ابو الفوز فعلا قريحة ومخيلة وانتقاء ومعاني فريدة
فوزي سيلان
03-01-2009, 07:40 PM
شكرا لمرورك iamsyriane
وجزاك الله كل خير فردك جمّل ردي
ابو العلا
04-01-2009, 08:03 AM
الســــــــما يا منبع الخير والنور ... فيك إله الكل مولانا الغفور

وفي ملايكْ ساجدة لوجه الشكور ... تسبح بحمدو وما يغشاها فتور

قرآن منك نزل حكمة بسطور .... وانجيل والتورا وكتاب الزبور

فالخير كلّو مصدرو من هالسما ... والأرض تحوي غل , وحقد وشرور
ابو العلا
04-01-2009, 08:06 AM
أسعدتم صباحا

أنا موافق عالشروط طبعا , بس بدي ياكن تعذروني في يومي الخميس والجمعة لاني ما بكون عالنت في أغلب الأحيان , وإن دخلت فبكون من الصعب عليّ أنو أكتب , بس هادا يلي بدي ياه

تحياتي الكن
أبو مالك
04-01-2009, 08:12 PM
البر مسقط رأس فرعون اللعين
شاف بمنامو حلم سيئ يافطين
أعطى أوامر قتل طفل بدون لين
ياحسرتي عاقلب أم موسى الحزين
فجأة نزل إلهام رب العالمين
ألقي الطفل باليم_نحنا الحافظين
شوف البحر أنقذ نبينا من القتل
والبحر غرق فرعون والمشركين
فوزي سيلان
05-01-2009, 12:45 AM
شفناك يابو البحـر شو ألقيت ويـل ـــــــــــ عالكــائنــات وجرّيـت للـمــوت ذيــل
نسيت تسونامي هالقطع للناس حيل ــــــــــــ وجونو اللعـيــن لْكالنا من الويل كيـل
ويا أبو الجــو الأمطرت غزة بليــل ــــــــــــ حالك قنابــل نــالت من الشعــب نيــل
ولو تسأل الفــلاح يشكيلك ع سيــل ــــــــــــ روّح الزرع وشال هالمحصول شيل
وحدا الأرض بتكون للإنســان بيت ــــــــــــ وملعب الطفل ومرتع ومربط الخيل
alihasan
05-01-2009, 08:15 PM
بر وبحر وجو يقصف أهلنا في غزة


يا من تتكلم وتكتب أية لغة غير العربية اسمع وساهم


لي طلب ورجاء من كل من يقرأ أو يكتب الإنكليزية أو غيرها ويتقنها 000 وهو :

أن يشارك في المواقع العالمية الضخمة في توضيح وتبيين مآسي أهلنا في غزة

فإن الإعلام الصهيوني اليهودي يقلب الحقائق رأسا ً على عقب ويبين أن اليهود مظلومون ومقهورون 0

أرجو منكم جميعا ً أن تفعلوا ما تستطيعون في توضيح ظلم وقهر واعتداء اليهود على أهل غزة وفلسطين كلها 0

ولكم جزيل الشكر ولكم الأجر من الله تعالى 000 ولا تنسوا الدعاء للمجاهدين 0

أعتذر إن لم يكن هذا الموضوع مناسبا ً لهذا الطرح ولكن للضرورة أحكام 000

من لم يهتم لأمر المسلمين فليس منهم

اللهم انصر المجاهدين في غزة واخذل من خذلهم


اللهم آمين 00 اللهم آمين 00 اللهم آميـــــــــــــــــــــــــــــن
ابو العلا
06-01-2009, 09:52 AM
هالجو يمطر بالقنابل والسلاح ... من فعل آدم كل هالبلوى تطاح

والزرع ما ينتش , ولا يتم اللقاح .. من دون هبة ريح , افهم يا صاح

ولو ما أثير الهوى يعطي سماح ... ما ومض فيكن ضياء الانفتاح

بأمر السما كل الفعال مقدرة ... الليل آية انسلخ منو الصباح
فوزي سيلان
07-01-2009, 01:12 PM
سأتابع الرد لتأخر أخونا أبو مالك بالرد ووذلك حسبما ذكرنا في المقدمة

بغزة ضربت للعـــالم مثــالـــي ـــــــــــــــــ عجوو وبحـرك تفوَّق رجالــي
شوْ فائدة القصف من جو عالي ــــــــــــــــ لُوْ ضلو يقصفوا شهور وليالي
وزوارق بحْــرك بترمي قبالـي ــــــــــــــــ صواريخـك رح تْـردا جبـالــي
بِغزو البر وسهولي ورمــالـــي ـــــــــــــــ هَوِن لمقــــاومة وفيـها مجــالي
بدون البر نصـرك بــلا معنــى ــــــــــــــــ وبدون البر معنى الحرب خالـي


أي على جوِّه
أبو مالك
07-01-2009, 07:38 PM
السلام عليكم
عذرا أخي أبو الفوز الغالي
أظن أنه لم يمض يوم أو مضى لاأدري ولكن أعتذر عن التأخير
من البر يازلزال هدمت البنا
من الجو ياإعصار روحت الجنا
يانهر ياجاري بسهل ومنحنى
رديت إلنا الروح والزرع اغتنى
شوف العصافير لي رجعت للغنى
ترندح معنى مع عتابا وميجنا
يا بر لازم تشكر النهر الكريم
خلى الخليقة تعيش في خير وهنا
ابو العلا
08-01-2009, 02:29 PM
لو الظلم هالناس شي مرة عليها ... لعند السماء تتوجّه ايديها

منا الإعانة تكون للي راجيها ... ب تأييد من ضمن الفضا يئتيها

غزة المصابة بجرح في مآقيها ... ارفع كفوفك بالدعا , لا تتنيها

وادعو ربك بالسما حتى يمدها ... ب نصر مأزر ع غازي أراضيها


يئتيها : يأتيها .... لو الظلم تقرأ لوظّلم
فوزي سيلان
08-01-2009, 08:05 PM
غــزة مَثَل فـــي مــتــلـو زيـــادة ــــــــــــ ولكن ذكــرها وضّـــح مرادي
شـــعـب الفــيــتـنــامــي والقيــادة ـــــــــــــ بــحــق الـبــر بـتـقـــدم إفـــادة
إل بيسود الجو حتى البحر عادي ــــــــــــ بدون البر منقوصـة السـيـــادة
وأملنــــا ببغـــداد وبــالــرمـــادي ــــــــــــ برا يكـــون معقـــل للشهــــادة
بِـحــرب الــبــر أبـــدع حزب الله ــــــــــ وقهر أسطورة الجيش المعادي
محمد بن قاسم علوش
08-01-2009, 10:38 PM
ياسلام سلمتم عالكلام الجميل وفقكم الله
أبو مالك
09-01-2009, 07:15 PM
هات المعنى سطور حلوة مؤنسي
بحور الشعر تعمل كلامك هندسي
حدود البلد من بر_بحر مأسسي
فيها السيادة للتنين مقدسي
بحري تلات رباع عالعالم رسي
والبر ربع الكون عقلك مانسي
لولا جمعنا هالسيادة بكل بلد
حصة سيادتكم ربع لليابسي
ابو العلا
11-01-2009, 02:22 PM
بر ويم مع بعضهم دار ابتلاء ... وضمن السما دار الخلد والبقاء

ما في خلق بتعيش من دن هواء ... فكرة مسلّمة ما تحتاج لعناء

وبلا غيمي منين كنت شربت ماء ... بعد حرّي الخير جاكم بالشتاء

والأنبيا كلهم من الوحي ارتوا ... ولولا الوحي ما كاْن فيكن أنبياء



دن : دون تخفف الواو ....
فوزي سيلان
11-01-2009, 06:37 PM
ربع البــربــحــرك مـش قــدّو ــــ ومِن بحورك تْلَتْ ارباع حَــدّو
إنــت وبـيّـــك وجــدّك وجــدّو ــــ سَكْنوا بهالربع والعزم شـــدّوا
ومهما العمر رب العرش مَدّو ــــ بيرجعلي الشخص من كل بُدّو
ويابو الجــو إعصــارك بْعُدّوـــــ هــادم تـعــب فـــلاحي وكـــدّو
وحتى يسـتريحوا ويســتعدّوا ـــــ الناس بوجهك الأبواب ســـدّو
كــل الخلق أصـلُنْ طـين بـرّي ــــ وإبــن آدم إلـى حضني مــردّو
admin
12-01-2009, 09:45 AM
نقرأ ونستمتع
كم أنا سعيد بهذا الحوار الفني المميز

الشعراء (فوزي- أبو مالك أبو العلا)
بارك الله بكم
فوزي سيلان
13-01-2009, 02:02 PM
نظرا لمرور المدة المحددة وعدم الرد من قبل الإخوة الشعراء سأقوم بالرد على ردي السابق

لــولا الـبــر كـانـت هــالـخــلـيــقـــة ـــــــــــــ مافيها تعيش مع بعضـا دقـيـقـة
ولومـا تشـق فـي أرضـي طـريـقــا ـــــــــــــ ما زرعت قمحها وطحنت دقيقا
ولـولا نـبــع مـن أرضـي الـرقـيـقـة ــــــــــــ ما كان البحر هي هيي الحقـيقــة
ولومـا الأرض فـي عـنـدا فريــقـــا ـــــــــــ كــان الـجــو شعَّـلـهــا حــريـقــا
ولوما الأرض تحضن مرج أخضر ــــــــــ ماشـفــنــا لاورود ولا حـديـقــة
ابو العلا
13-01-2009, 03:29 PM
الفضـــــــــــا مبني متين بْلا حـــدود ... والأرض محدودة , وْلا يمكن تسود

فالأرض تفنى واليم فيهــــــا يعـــود ... لذرات الهوا , بِ أمر الودود

والرّوح الصـــــالحة منا ومن الجدود ... ترقى لعندي تا تنال من الوعود

وروح الكفر في الأرض يبقى موطنا ... تتذوق حم ونار ضمن اللّحود


حديث نبوي أخبر به المصطفى : بما معناه : أن المواد قبل قيام الساعة تتحلل وتعود الى عناصرها الأساسيه , وبالتالي فالماء يتفكك الى ذرتي هدروجين وذرة اكسجن وفي نفس الحديث بشرى لأهل الشام , بأن الماء كله يتحلل إلا في الشام فالخير فيها باق , وتحديدا الغوطة ( اللي هلأ صايري عمارة للخمارات و .... )
فوزي سيلان
16-01-2009, 12:21 AM
روح الكفر بالأرض يبقى موطنا ــــ شو هالحكي يا صاحبي أُوقف هنا
ســبـحـان الــلــه بِــِ كتابـو قلِّنــا ــــ كـل النفـوس بتنتهي وترجــع لِنــا
روح الطهر, والكفر, كل الكائنـا ــــ مرجوعهـا للسمـا مـن بعــد الفنـا
ويابو البحر جفِّت مياهك والقنـا ـــــ ويمكـن تعبـت وأحكم عليك العنـا
لـمّـا بتتـعـب مـا إلـك إلا الأرض ـــــ تـتـمـدد عـليهـا وتـنـعــم بـالهـنــا
ابو العلا
18-01-2009, 03:32 PM
عملت هالروح في الدنيا كلها سواء ... أكانت مؤمنة ولا في شقاء

ارقى بفكــــرك تا تعانق هالفضاء ... ولا تبقى عأرضك مبطن غباء

آيـــــــــات ربك بالسما هيا اقراء ... تتزيل عنك كل غياشةو غطاء

وجاوب علي ان فزت مرة بمعركة .. ليش العلم ترفعوا لصوب السماء


اقراء : اقرأ كتبت حسب اللفظ
فوزي سيلان
19-01-2009, 10:43 PM
بيدي العــلــم لـلسمــا لـمـا بـرفـعـو ــــــــ قبل الرفع بالأرض لازم إزرعو
ولوما زرعتو الريح شولي بيمنعو ـــــــ إنـو يـمـزِّق هـالـعـلـــم أو يـقـلـعـو
كــل الخـليـقـة يـاصديقــي بـيـقـنعـو ــــــ إنن لبـــاري الكـون بدهـن يرجعو
مسلـم وكــافر سـوى بدهن يـطلعـو ــــــ وأفعالهن عالأرض إلـهـن يشـفعـو
الله بيحاسب عالفعـل فوق الأرض ــــــ ولما بيفنى الشخص شو لي بينفعو
ابو العلا
21-01-2009, 10:40 AM
""بيدي العــلــم لـلسمــا لـمـا بـرفـعـو ــــــــ قبل الرفع بالأرض لازم إزرعو""
فنان يا استاذ ...



شو هالحكي يا ناس بالله اسمعوا .... وشوفو ابن سيلان وبالعين اقشـــعوا

ريحي اللي هبّت عالعلم تا تخلعوا .... تقدر كيان الأرض فيها تزعزعـــو

وكل الخليقة يا صديقي بيرجعو .... لجنة أو لنيـــــــران رح يتوزعـــو

بعد الفنى عالأرض ما رح تطبعوا .... قدرة إله الكون ,بدها تشــــــرعوا

الله بجلالو هالعرش حطو بسما .... وعندك نسل شيطان عم يتجمعوا
فوزي سيلان
23-01-2009, 12:23 PM
إبليـس والشيطــان من عـندك نــزل ــــــــ مــالازم نغـيــر حــقــائــق أو نــزل
الشيطـان لما الرب بأرضـي عــزل ــــــــ قلك مــا بــدو يضـــل عنـدي للأزل
وعندي نسـل شيطان شوفو هالهزل ـــــــ يعني نسل رضوان صاحبنا اختزل
ويمكن نسـي إنو نبينــا المـصـطـفـى ـــــــ خيوط الشريعة حاكها بأرضي و غزل
ابو العلا
24-01-2009, 10:03 AM
الشيطان لمن بالسما كن معتلي ... كانت طباعو متممة ومكملة

لكن بكبرو على ربي المعتلي ... انطرد من اعلى لادنى منزلي

والنبي احمد كان قلبو ممتلي ... نفحات من وحي الإله مسلسلي

لو ما الوحي ينزل عروع المصطفى ... ما كان خدتو عبر منو بمسألة
منيف نجم
25-01-2009, 04:39 PM
كلمات اكثر من رائعة
فوزي سيلان
27-01-2009, 09:58 AM
لولا ع بر المصطفــى نِزْل المَـلَك ـــ كـانت بجـوّك هالعبـر بقيـت إلـــك
ولما نبينا نــوح ركب علـى الفلك ــ لــولا عبرّي وصــل بالميــة هـلـك
وموســى كليم الله يــوم المعتـرك ــ تا نِجي من فرعون عـا برّي سـلك
لحظة يا شـاعر صاْرلازم نسـألك ــ في الجو أو في البحر باني منزلك؟
لوما عأرضي بنيت بيتك يا حكيم ــ ما كـان فـي عـالأرض بنـت بتقبلك
ابو العلا
31-01-2009, 09:58 AM
شكرا لمرورك يا منيف .مرورك الاروع


الدنيا بعظمك يا صديقي ناخرة ... تا تقلت رجلك ع أرضا الفاخرة

نسيان جنة ب سمايي زاخرة ... بالحور , والخيرات فيها زاخرة

عمرت بيتك , وانشغلت بها الدني ... ونسيت تبني منزلك بالآخرة


زاخرة : يقال زخر الوادي اي امتدّ وارتفع

الخيرات زاخرة : الخيرات خاضعة لملذات البشر
فوزي سيلان
31-01-2009, 11:45 PM
من قلك الجنة مكانا بالســمـــا ــــــــــــ يمكن بأرضي تكون يا حامي الحما
الأجيال لقنها الرســول وفهّما ـــــــــــ إنــو الـــجــنـــة بـس الله بـيـعـــلـمـــا
لاتحاول الناس البريئة توهما ـــــــــــ صــارت الناس الـيوم تـفهم بالومــا
يعني الجنة بالسما لكن نسيت ـــــــــــ إنــو مــع الجــنــــة بيكــون جـهنّمـــا
أبو عامر
01-02-2009, 10:34 AM
كلمات جملية كل الشكر لشعرائنا الأكارم على هذه الكلمات

تقبلوا مني كل والود والاحترام.
ابو العلا
03-02-2009, 02:45 PM
شكرا لك أبو عامل على الكلمات اللطيفة

الجنّة مش بالسما قال بالثرى ... هيدا ابن سيلان عالعقل افترى

الجنّة بحورا ونعيما وجوهرا ... دار الخلد للمؤمنين من الورى

وحتى جهنّم نارها إ مسعرة ... عاكل كافر و جاحد بأرضك سرى

هيدي الحقيقة خلصنا منها من زمن ... حاجي علــــــيّ تعيد فكــــرة تكررا
فوزي سيلان
04-02-2009, 12:05 AM
لما نبينا المصطفى شرعو عرض ـــــــــــ الجنة ما أعلن عن مكانا ولا افترض
الجنة محلا بالسما أفرض فرض ـــــــــــــ حتى بقلـب الجــو في علــيـهـا أرض
حتى المؤمن يقطعا طول وعرض ــــــــــــ الله جعــل فيهـا أرض لــهاالغــرض
هالأرض أعطتنا دوا وخير وجنا ـــــــــــــ وجوّك مـلوّث بالغبــار وبالمــرض
ابو العلا
09-02-2009, 02:31 PM
جوي تلوث من فعــــــــــــل آدم غدا .... كلو مرض وغبار تملأ هالمــــدى

لكــن إذا غيمي عليكــــــــــــم قد بدا .... استبشر بخير حْ ينزل عليكم ندى

وتصفى الدني وتشم نســـمة تجددا ..... و تقــــــول "يالله " كلمة ترددا

يعني الشفا من السما عم ينزل إلك ... و الأرض مصنع للبلايـــا ومبتدا
admin
09-02-2009, 03:19 PM
http://www.syriane.com/loadimages/uploads/5c0021c0b4.png (http://www.syriane.com/loadimages/)
فوزي سيلان
12-02-2009, 09:28 PM
مــن قــال إنــو الــجــو بـيـنـزّل دوا ــــــــــــ ومن شاف علبة دوا حاملها الهوى
لولا الأرض تحمـل ثمــارا والنوى ــــــــــــ ماكان أيّــا دوا عا نفع احـتـوى
ولما بصاعقتك رجل ماشي اكتوى ــــــــــــ مرهم صنع بري ألم جرحو طوى
إرجــع ياشــاعر للحـقيقـة الناصعة ــــــــــــ جو وبحـر عالــبر مــاقدروا سوى
علي(عماد)رفاعية
26-02-2009, 04:35 PM
شعر ...............ولا أحلى منو




الله يخليكم..............كلكن
ابو العلا
26-02-2009, 06:02 PM
الله يسلمكن يا علي و عماد.. شكرا عالمرور
ابو العلا
26-02-2009, 06:04 PM
يا فوزي يا بن سيلان .... خلي الفكرة حمياني

بين الجو العالي الشان ... وبين الارض الفنياني


************

جوي يهطل بالأمطار ... عابرك ينشئ أشجار

لو ما غيمي بقدرة سار ... كانت أرضك نشفاني
خيال الزرقا
26-02-2009, 06:08 PM
جميل جدا يا ريت نقدر نحكي زجل متلكم شي ممتع
APOLO
31-03-2009, 06:23 PM
أعتذر لغيابي الذي قد طال ... .ولكني عدت ... وسأشارك معكم
واعذروني أيضاً لهذه المشاركة الضعيفة أمام مشاركاتكم .... ولكن الموضوع أغراني

بالكون هالبحر الأصل
وبرّك اجا استثناء
جايب معو حقد وقتل
كره وضغينة وداء
بيكفي البحر (ماقد حمل)
وفيه الوحي (قد جاء)
رب العرش(أفلم يَقُل)
كان العرش عَ لماء

وذلك في قوله تعالى في سورة هود الآية السابعة (وهو الذي خلق السماوات والأرض في ستة أيام وكان عرشه على الماء ليبلوكم .....)
جمال فيصل
31-03-2009, 07:15 PM
رد جميل من ابوللو
بارك الله بك
وبارك الله بكل المشاركين
في هذا الموضوع
ابو العلا
01-04-2009, 02:43 PM
جميل جدا يا ريت نقدر نحكي زجل متلكم شي ممتع

شكرا لمرورك يا خيال

نورت
فوزي سيلان
01-04-2009, 07:49 PM
آسف على التأخير ولكن والله كل فكري إنو الدور عأبو العلا ومدري ليش ماكان يطلع عندي إنو في مشاركة جديدة علما إنو ما انقطعت عن الموقع فترات طويلة فأرجو المعذرة وكل الشكر لمن يمر على الموضوع ويشارك بتعليق وكل الشكر للشاعر أبو لو الذي حل محل أبو مالك وأهلا وسهلا به بيننا

يلي أخدت البحـر رح تـغـرق ب يم
لوما رجعـت للـبـر وفـهمــت الحكـم
هالبحــر رغــم الكبــر فائـدتـو عـدم
كل ماشربت زاد العطش زاد السقـم
ويابو الهوا مهما حْملت قـوة وزخـم
ما بتحسن تحــرّك جبــالي والـقــمـم
جـوّك وبحـرو للأرض متسخـريــن
حاجـة عنــاد المســألة بـدهـا حســم
محمود قاسم صالح
03-04-2009, 05:58 PM
بعد ها الموضوع الحلو منكن يا شعار المنتدى اسمحولي قول بيت هالعتابا
سكنتي البر و اسحرتي بحر جو وقلتيلي الكون بقدر بحرحو
تمنى القمرتتنامي بحرجو و ليل نهار يحلف عالغياب:D
فوزي سيلان
03-04-2009, 07:19 PM
يا سلام يا أخ محمود على هالذوق الرفيع
الحق
04-04-2009, 01:53 PM
لا اكتب زجلا لكن إن كان هذا الزجل, فحي على الزجل.
الحق
APOLO
12-04-2009, 01:03 PM
يلي أخذت البر بسهول وجبال
حاجي بقى تعاند رح يطول المقال

برك بلا بحري (صخورُ أو رمال)
(شاعر فَـقَـد ـ واحسرتا ـ معنى وخيال)

من الماء كل شي حي ما فيها جدال
رب العرش ـ يا أخ فوزي ـ هيك قال

وموكل ما في البر قادر تاكلو
وكل مافي البحر ... مأكول.,.. وحلال
APOLO
13-04-2009, 02:40 PM
أعتقد أن الدور الآن على الأستاذ ـ فوزي ـ ....

نحن بانتظارك ...
فوزي سيلان
13-04-2009, 10:07 PM
كل شيء جـوا البحــر فينــا نــاكلو ــــــــــــــ استغربت من هالحكي ولّي قائلو
بحرك بصخر ورمل داخل ساحلو ــــــــــــــ ولا بنــاكلهـن ومــا بيسـتـاهــلــو
غيّـر كلامــك يا بـحـر وتـجـاهلــو ــــــــــــــ وخلّـي موازينــك معـي يـتساهلو
لومــا يضمـك بـر من كل الجهات ــــــــــــــ ماكنت تلقى بحـر حـتى تـجـامـلو