وين المعنى ياأبو العلا وياأبو الفوز

[أبو مالك]

نبدأ بسم الله رب العالمين
بعدوالصلا عالنبي سيد المرسلين
ياجبعدين مهما بعدنا مجبرين
نذكر غلاك ويرتفع فيك الجبين
وأهلك يضلوا بخير والفرحة تعم
والكل يبقوا سالمين وغانمين
___تم نقل المعنى لإعتباره موضوع جديد

[ابو العلا]

عذرا عذرا عذرا عالتأخير

رح أبدأ باسم الخالق المنان ......... منزّل الغيث ومبدع الأكوان

وبعدا صلاتي عْلى النبي العدنان ..... الل كان بشرى وهدي لبني الإنسان

يا جبعدين منبرك عالي الشان ...... فوق النجوم اعتدتي ترفعي البنيان

بتبقي عزيزة كل ما دار الدهر ....... محروسة بحمى خالقي الرحمن

[فوزي سيلان]

يــاجبعدين ويا كنوز من الــحــلا ـــــــــــــــــ ســبـحــان الله بــالمفــاتــن كمّــلا
فيك الجمال بحكمة الباري انجلا ــــــــــــــــــ وفيك شعب مضياف بيزيدك غـلا
وفيك بو مالك مالك قلوب البشر ـــــــــــــــــ ونحو العـــلا زدتــا علا يابو العلا
زدتها

[أبو عبد الرحمن]

وفيك بو مالك مالك قلوب البشر ـــــــــــــــــ ونحو العـــلا زدتــا علا يابو العلا






!!!!!!!!!!!!!!!.............يا عيني يا عيني .......!!!!!!!!!!!!!!!!

[أبو مالك]

ماحلى شعر بوالفوز لوصوتو دوى
ويابوالعلا حكياتك بحسن دوى
نحنا التلاتة لازم نشد القوى
ونجهز دفوف العراضة والغوى
انشالله الصيف الجاي ننزل عالوطن
نحضر عرس بوياسر ونرقص سوى

[فوزي سيلان]

يا أبو مالك يانســر بالشــعر حوم ـــــــــــــ نشالله عليــك المــوهبــة دايــم تدوم
بعرس بو ياســر مارح ظنك تقوم ــــــــــــــ من مقعدك لحظة على وجه العموم
وبعرس بوياســر مافي إلنــا لزوم ــــــــــــــ نرقـص لأنو عــازم عليـه النجــوم
وحيكون هوي بوسطهن متل القمر ـــــــــــــ والنــاس حولو طيف أشبه بالغيوم

[ابو العلا]

آل الطويل الخيـــر كـلّــــــــــــــــو جمّعو .... نهر الكرم والجود منهن منبعو

وجهك يا بو ياســـــــــــــر ما احلى مطلعو ... بعالي السما بالليل لازم نوضعوا

وأنت يا بن ســـــــــــــيلان شعرك وزّعوا .. رقية لكل الشـــــــــــر فيها نمنعو

حرفك أنت ْ, لو في شي صحرا نزرعو ... ينمو شجر والشجر تزهر أفرعو

................... ********************* .........................

بو مالك الل ْ رقى الشـــــــــعر ورفعوا .... وسوّاه خاتم يلبسوا في إصبعو

عنتر عبس في ســــــــاحتو قد ركعوا .... وبلسان شعرو آلموا و وجّعوا

اتنينهن عراســـــــــــــهن نعلى بتاج ..... تاج البراعة بالدرر منرصعو

............... ****************...................
أ يـــــــا حكام العرب مني إســــــــمعوا ....... غير لجلال الله اصحوا تخضعوا

هبوا لغزة ب شـــــــــــهامة وافزعوا ......... وحدو الصفوف ولْمنهج الرب ارجعوا

اقضوا على صهيون , وهالخبث اقلعوا .......... ومن تحت أنقاض الغباير اطلعوا

انفـــروا يا ملــــــوك لا لا تفزعوا ... كلكن ح نكتب فيكن وراق النعو

ما بين نكتب مات ع فراشــــو قتيل ..... وما بين استشهد بطل , فالمولى معو

[أبو مالك]

ياعرب هالأوهام لازم تنصرف
بيكفي مذلة وعيشة لإسما ترف
وياعين إبكي دم عاطفل انعرف
إسمو إبن غزة وفلسطيني الطرف
استشهد بقناصة غدرشوهالقرف
شايف عصدر الطفل دم بينجرف
شايف بعين الأم دمع بينذرف
وشايف عصدر العرب نعوةمعلقة
مات الشرف مات الشرف مات الشرف

[فوزي سيلان]

ياعرب خلو الشجب أو جمع القروش ــــــــــــــــــــ غزة مابدها خُطب أو مصنع نعـوش
غزة بحاجــة همـم ونيــاب الوحــوش ــــــــــــــــــــ توقف بوجه المعتدي وشرّو تحوش
غزة بحــاجـة أنظــمــة تسيّر جيـوش ــــــــــــــــــــ غــزة مابـدها أنظمــة تفدي العروش
وهالأنظمـــة لي بقصدن بَدْهُن حــذاء ــــــــــــــــــــ بنص وجهــن متل هالملعــون بوش

[ابو العلا]

يــــــــــــــــــا أمة المليار يكفيكي خمول ... هزّي بحد السيف ودقّي الطبول

سيري على نهج الهدى درب الرســول ... درب الكرامة والشرف درب الوصول

شــــــــــــــدّي على أعدائنا حتى تزول ... تغدو شمسهم ماشية ف درب الأفول

وخلّـــــــــــــي علمنا يرتقي نحو النجم ... وخلي حصان العز في الساحة يصول

[أبو مالك]

لولا منحكي شهر نفس المشكلي
خلي الجرح مستور يكفي بهدلي


شورأيكن نرجع لشعر المخملي
مع بوالعلا وبوالفوز جوهرهن حلي
يلا يابوالفوز العزيز نقيلنا
موضوع فيه نسر كل العائلي