بسام الحمود
10-11-2008, 06:12 PM
هذه محاورة زجلية بين الشاعر شادي موسى و الشاعر أحمد عيسى جرت على أحد المواقع,
للتعريف الشاعر شادي موسى شاعر زجلي عضو في جوقة الشام الزجلية من أهم حفلاتها حفلة جرت في الصيف الماضي مع الشاعرين الكبيرين زغلول الدامور و عادل خداج.
المحاورة بدأت بين شادي موسى و إيلي غطاس ثم شاركهما أحمد عيسى الذي شارك باسم (أبو زيد الهلالي)
المحاورة كانت متداخلة و متشعبة قمت أنا بترتيبها و تنسيقها, يذكر أن شاعرنا أحمد يقوم حالياً بأداء خدمة العلم نتمنى له التوفيق.
شادي موسى
راجـع انا عا ضـيـعـتـي وعـا مـطـلّـهـا ........ هـدّي على غـصـون الوحـي وترغلّهـا
ويـلّـي بـغــيـابـي لــلــمــنــابــر ذلــهــا ........ يا دل نفـســو بـعــركــتــي يــا دلــهـــا
راجـع لحتى سـيـوف شـعـري ســلـهـا ........ وأتـخـن رقــاب بـمـنـبـري رح حـلـهــا
واعصف رياح متشرنة بثورة وغضب ........ تْـطـيّـر رجــال الـشـاعــريــة كــلــهــا
---------------
أحمد عيسى
بـأوّل بـدايـِه طْـلـبـت إذن الـشـاعـرَيـن ........ موسى عَـيـن متلو إيلي محسـوب عَـيـن
لـكـن بــعــد مـا حـلّـلـت شــعــر تـْنَـيـن ........ طـلـعـو ما وفـّو لـلـحـضـور الـيـوم دَيـن
موسـى بْكـلامَـك نشّفت لـلشـعـر عَـيـن ........ و متلَك إيلي ما عْـرفـت جايـيـنـا مـْنَـيـن
و جايي أنا و عندي حكي درّ و لجَـيـن ........ وَيـن لْ تـحـدّى بـو زيــد بالـشـعـر وَيـن
بـو زَيـد إسمي وْ بالـحـرب و المرجلـِه ........ بـيـصـعـب عليّي ضل مكـتــوف الـيـدَيـن-
--------------
شادي موسى
طلبت الإذن.. وبكل فوضى موضحة ...... تمك فتـحـتـو بـلا حـيـا ولا مسـتحـا
بتحليل شـعري بكل حـفـلـة نـاجـحـة ...... شو فهمّك ؟ اسأل شيوخ المصلحة
بـيـجـاوبــوك بـكـل ردة مـســلــحــة ...... بحروف مسبحتي تا تـفـهـم ياجـحـا
عامنبري مش بس بـتـكـتّـف يـديـن ...... بتقطّب شـفـافـك بخـيـط الـمسـبـحـة
---------------
أحمد عيسى
بقطب شفافي و يا شعر رح بمـنـعـك ........ تّرغل على الطرشان زهوة مطلـعـك
موسى إجيـت الـيَـوم حـتـى شـجـعـك ........ و تـا درّبـك تـا عـلـمــك تـا إرفـعــك
جـنـونـك بهالليلة معي مـا بـيـنـفـعـك ........ طيشـك على حتفـك معي عـم يدفعـك
بكـتـف إديّي و مـا بْـجـرّب إصفـعــك ........ عضمك رقيق و عركتي سهلة مـعـك
مـش مـحـرزة إيـدي مـعـك شـغـلّهـا ........ بنفخة يا موسى بْطيّرك من موضعـك
---------------
شادي موسى
مش رح بيعتب منبرك ل عتـاب عـوف ...... بيـعـرفـك قـنـديـل شـح بـهـالـظـروف
طيشي رصاصة طايشة بَرْمـت تـطـوف ...... تفقش حـنـاك تْطيـّر رقـاب وضروف
وعضمي رقيق وهيك شفرات السيوف ...... تا قص فيها لسـانـك بعـتـم الـكـهـوف
ولو جيت تنفخ نـفـخـتـك حـد الضيـوف ...... حدك رماد بموقدي مطرطش حروف
قرب عـيـونـك وانـفـخ حـروف الـرمـاد ...... خليك تعمى وألـف عـمـرك ماتشـوف
---------------
أحمد عيسى
بْعتم الكهـوف و ظلمها و أغوارهـا ........ فـيـك الـخـيــانــه كمّّلـت مشـوارهـا
رَيـت الـمـواهــب تنعمى شــعـارهـا ........ و لا تشوف متلك جـاب إلها عارهـا
إسـأل معري الـمـوهـبـة و بشارهـا ........ و طـه حسـَيـن لْ كان من أنصارهـا
غـاب البصر و عْيونـهـن ما زارهـا ........ بـس الـبـصيـرة شــعّـلـت أنـوارهــا
و إنت لِّ مـتـلـك جـاهـل بأسـرارهـا ........ أعمى البصيرة و لا نفضتّ غبارهـا
متل الفراشـة لْ شـافت النيران نور ........ و مـا بـتـقـتـنـع إلا بـحـرقـة نـارهـا
---------------
شادي موسى
هيدي الفراشة الجنحها رفرف وحام ..... بيبـرم ع نـور الـحـق متلي عالـتـمـام
المؤمن المتلي هام في لـيـل الـهـيـام ..... يبرم ع نـور هـلال تا يـبـلـّش صـيـام
وكـل الـذكـرتـن ألّـفــو كـتـب وكــلام ..... كلـمـاتـهـن بالـنـور تـضـوي عالـدوام
بنور الشمع صليت في أقـدس مـقـام ..... ونور الشمس يعميك في مسك الختام
وضلـك بعتم القـلـب وبـعـتـم البـصـر ..... ورفيقك الـشـيـطـان ع دروب الـظـلام
---------------
أحمد عيسى
شيطان شعري مْن القوافي اليوم هات ........ حتى بفنون الشعر أعـمـل مـعـجـزات
شـادي لْ بشـعـرو عم يْجـمِّـع تـرّهـات ........ عنّو ما رضيو لا الشـباب و لا البنات
هْـلال الصَوم يا صاحبي بكلّ الجـهـات ........ ما بـتـقشـعـو إلا بْـعـتـم لـيـل السـبات
و قلوبـنـا بْعتم الجـسد شـافـو الـحـياة ........ نْ طلعـو لبرّا بلحظتو الإنـســان مـات
ونحنا ما عشنا بْهالدني روح و جسـد ........ لـومـا نعـيــش بـعـتـم رحْــم الأمهـات
---------------
شادي موسى
بالمعجزة بـيـكـفـيـك تـعـمـل زعـبـرة .... وإنت تامن مـعـجـزة بـيـن الـورى
هـلالـك ن نـام بـظـل عـتـمـة مـدورة .... كيـف بـدك تـقـشـعــو يا هـالـتـرى
وروح وجسـد في هالـدنـة وبلآخـرة .... بحاجة لنـور بـكـل بصيرة باصـرة
وإنت ال كنت في رحم عتمة مسكرة .... لوما انتقَـلـت لـنـور دنـيـا مـنـورة
كانو أكـيـدة الأهـل بـدهـن يـنـقـلـوك .... من عتمة الرحم عْلى عتم المقبرة
---------------
أحمد عيسى
قـالـو يـا شـادي تـالـحـقـيـقــة تـنـجــلـي ........ بـدنـا تـشــوف هــلالـنـا بشــكـلـو حـلـي
شــادي بْـنَـهــارو طـلـع حـلّ المـسـألــة ........ و الشّوب حارق و الشمس تصلي صلي
قـلـهـن ما شـفـت هـلال بالعـالـي عِـلـي ......... مـا فـي صيـام و هَيـك حـلّ الـمـشـكـلِــه
بْـعـتـم الـمـقـابـر رح تشـوف الـبـهـدلِـه ........ لأنو الـلـيـالـي بْـنَـومـهــا جــسـمـك بِـلـي
و قـبـري أنـا يا شـريـك بالـنّسـبِـه إلـي ......... رَوض و جــنــان بـكـل وردِه مْــشَـكّـلِــه
من حيث إنّـي بْـعـتـم لَـيـلـي كنت فـيـق ........ إتــعــبّــد و صلّـي لـخـالـقـــنـــا الـعَــلــي
--------------------
---------------
----------
-----
شادي موسى
اسدل ياليل ستارتـك شـادي شـدا ...... تا البدر يغفا وللشمس يعطي الصدى
جاي وع خيل مجنّح مجالو المدا ...... قاطـع صباح الـخـيـر و لـيـالي الـفـدا
و قاطع مسافة ما قطع فيها حـدا...... وأمسي المضي غيري عم يعـدّو غـدا
و يا ناس يلي بتسمعوني عالهدا ...... حتى بشعري تقـشـعـو الشـوط ابـتـدا
لاتبعتو بو زيـد وحـدو من الـودا ...... ولاتـبـعـتـو غـطـاس يـغـطـس بالـردا
ومنشان تحرز عركتي عامنبري ...... روحـو بعتولي كـل شـعـرا الـمـنـتـدى
---------------
أحمد عيسى
اسـدل يـا لـيـل و يـا نــجــوم تْـسـمّـعــي ........ لْ جـايي عـلـيـنـا بالشـعـر عـم يـدّعـي
مش بس شـعـرا المنتدى الواجـب دِعـي ........ دْعَـيـت لْـحـمـانـا كـل شــاعـر ألمعــي
مـجـنـون لـيـلـى, عـنـتــره و الأصمعـي ....... و حضرو رجال الفكر و رجال الوعـي
حـتـى بــعــد مــا إدبــحـــك يــا مـدعــي ........ و إذرفـلـك شــويّـةْ دمــع مـن مـدمعـي
و إطـبـعـلــك مـن الــدم أوراق الـنّــعــي ........ و بالـمـنـتـدي أعضاءنا يجدو السـعـي
لـوحــدي أنــا بـجـنـازتــك مـش لايــقـة ........ دعـيـتـلّـك الأعضاء تـا يـمـشــو مـعـي
---------------
شادي موسى
يلي دعـيـت الـنـاس لكن مادعـوك ...... ادعي على ال بسنان فخي وقعوك
وبيتوك ال عامنبري .. لو طلعوك ...... لاتظن انك صرت من صف الملوك
وأعضاءنا ال بيعرفوني ويعرفوك ...... وعنتر وقيس وكل يلي بيسـمعـوك
من قبل مشيك رح تشوفن كفنوك ...... بـوراق جـهـلـك والسـواد ولفلفوك
ويرجّعو ال متلي خسارة موتـتـو ...... وبدلي بهـالـتـابـوت رح بـيـنـزلـوك
---------------
أحمد عيسى
رحـمـات ربـي عـالـرعـيـل الأوّلـي ........ شـعّـار كانـو مْخضرمِـه و مْفطحلِه
روكـز بـشـعـرو كـم عـلّـى مـنـزلِـه ........ و إدوار حرب لْ كان يصدح ترغلِه
و زِين لِّ علّم مـنـبـرو عالمـرجـلـه ........ تَ يكمّلو الجَوقة بشـاعـر مـخـملي
بـعْـتـو عَلَينـا دعـوتـن و الـمَـشكلِه ........ فكّرت حـالـك صاحب القـدر الـعَـلي
نمت بْتابـوت و قلت يا روح انزلي ........ و عا عالم الأسـيـاد جـزت المرحلة
و لـمـا وقََـفـت قبـالهـن مـتل الولي ........ احتجوا تصارت هالحقـيقـة تنجـلي
قـالـوا إلـك إرجـع إنت مش قصدنا ........ لأني أنا الـمـقـصـود و الدعـوه إلي
--------------
شادي موسى
الفكرة قديمة ال قـلـتـهـا مـا بـتـنـخـجـل ..... ادوار قبلك قـالـهـا لـبـطـرس أجـل
القصة اللي عنها حكيت في كذب ودجل ..... عنسور شعر المنبر وفرخ الحجـل
من بـعـد مـا تـركـو الـمـنـابـر بـالـعـجـل ..... وشافو الركاكة بكل شعرا المرتجل
المتلك ركيك و أفـكـح و شـعـرو بوجـل ..... رح يـاخـدوه مــأكـدة لــدار الأجــل
الـمــتـلـي رح يـردّوه لــديــار الـحـيــاة ..... تاتضل تـعـمـر كـل حـفـلات الزجـل
---------------
أحمد عيسى
لمّا انتصرت الشـعـر عـلّـى قـنـاطـرو ........ و صاروا القوافي عْلى الدّني يتماطرو
شادي لْ عَلَينـا بْيعرض مْن مْساطرو ........ قـبـل الـغـدا رح تـقـشـعـونـي فــاطــرو
مِنّو الشـعـر شـفـتـو أخد عا خـاطـرو ........ وْ ما بتركو تا شوف ســيفي شــاطــرو
فكـرة قديـمـه و لَـيـش عـم تتشاطـْرو ........ مَـنّــو خــطــأ يـلّـي خـطـأنـــا نـاطـــرو
شـعار نحنا و الوحـي مـعـنا اشـتـرك ........ و أرواحـنـا بالشــعــر عـم يـتـخـاطـرو
--------------
شادي موسى
القوس ال عِلي بحجارتـو وبيارقـو .... بهدّو ع راسـك بالوحي ومْـطـارقـو
سـيـفك الجايي و حَـد مِـنـي بـارقـو .... نصلو ل صدرك بالجـهـالـة خـارقـو
يا لص شعرك من فـطـاحل شارقـو .... عم تلهطو وباب الوحي مش طارقو
بتسرق الفكرة من العقول الفـارقـو .... وبتدّعـي الـخـاطـر مـرق ع مْفارقـو
يعني حرامي ومين رح يعتب عليك .... وحتى ل إسمك من بو زيدك سارقو
---------------
أحمد عيسى
بوقت الحوار غْـلـبـت أهـل الـمـكـتـبِـه ........ لكن غلبـنـي بْضعـف أفـكـارو الـغـبـي
عـم تـتـهـمـنـي بْسـرقـة الشـعـرالعـبـي ........ تَـتـبرر الضعـف لْ بشـعـرك مخـتـبـي
سْـرقت العقول بْفضل وحـي الموهـبِـه ........ سْـرقت الـقـلـوب بْكـل كـلـمِـه مْـدهّـبِه
سْـرقت العصايِه من عند موسـى النبي ........ تـا حـرمَـك تـكـذب عَـلـى شـاعـر أبي
و عن هَيك كذبِه نْ ما بْـتـعـلـن توبـتَـك ........ رح بسرق الروح لْ بِصدرك يا صبـي
--------------------
---------------
----------
-----
شادي موسى
لومـا كـرامـة ناس بدهن يقـشـعـو ...... لوحات شعري ولون شعري ومطلعو
ماكنت شـاعر حـد مـنـي بـطـلّـعـو ...... و لا ورد شعري حد شـوكـو بـزرعـو
كلما لفـلسـفـتي وخـيـالي بـرفـعــو ...... بـتـرجـع ركـاكـة مـطـلعــو بـتـوقـعــو
شاعر انا عيـوني شـعـور بيدمعـو ...... ولو ألـف شـاعـر حـد مني تـجـمـعــو
مابيقدرو ب ِ شبّعو عيوني شعور ...... ولابيقدرو الشعر بـعـيـونـي يـجـوّعـو
--------------
أحمد عيسى
لـولا كـرامـة نـاس مـن إعـجـابهــا ........ قصور الشعر ما كنت بفتـح بـابهـا
بس المنـابـر بـطـلـع عْلى خشـابها ........ حـتـى لِّ مـتــلــك عـلّـمــو آدابــهـا
عينيك دمـعـو من حـرق أعصابهـا ........ لمـا الـهـزيـمـة دقّـت على بـوابـهـا
الأرض لِّ فتّح وردهـا و أعشـابها ........ بأشواكها انصانو و عملنا حسـابها
نْ كانت عيونك جايعة وما بيشبعو........ بكمشه صغيره بيشبعو من ترابـهـا
---------------
شادي موسى
بعدك على الفاضي عم تخربش سطور ..... بقصـور مـن بـلـلـور مـلـيـانـة كـسـور
حـاجـة تمطمط ردتـك حـشـوة وفـجـور ..... في مطّهـا بتشبه حـشـو مـهـنـد ونـور
بقلك إلي عيـون بـشـعـور وعـم تـفـور .... نبعة قوافـي وكـلـمـتـي جـنـيـنـة زهـور
خمنتها عيوني ال بوجّي وعـم تـجـور ..... بـكـمـشـة تـرابــك تا تـلــف و تا تــدور
برهنتلي عـقـلـك انـت مـحـشـي تـراب ..... ال مافرقت عين الوج من عين الشعور
---------------
أحمد عيسى
شــاعـر أنـا عـن سـطـوتـي الـراوي روى ........ من كـلـمـتـي لِّ بـْقـولـهـا الصـخـر الـتـوى
جـايـي تـإرفـعـلــك يـا شـــادي المـسـتـوى ........ مـا جـيـت سـلّ سْــيـوف أو أعـرض قـوى
عـقلي تـراب الـمـوهـبـة بـفـكـرو احـتـوى ........ و فكرك خوى و ريح و هوى عقلك حـوى
وْ لولا زْرعت تـْراب من شــعـري ارتـوى ........ بـاكـل ثـمـر عا غصن أشــجـارو اســتـوى
و يلِّ بْـهـوى عـم يـزرع حـبـوب الـبـيـان ........ بـْيَـوم الحـصـيــدِه مْـأكّــدِه بـيــاكــل هــوى
---------------
شادي موسى
مازال فـي أكـل الـهـوى عـقـلـك سَـلَـك .... وهيك رفـع المسـتوى وعـامـل مـلـك
راسـك تـراب و مـا حــوى إلا الـهـلــك .... مهما من الوحي ارتوا شعرو انعـلـك
لـكـن انـا بشـعــر القوى شـاعـر مـلــك .... من منهلو بيسقي الغوى أرض وفلك
وعقلي حوى ريح وهوا وقوة امـتـلــك .... بعْصف ريـاح وبالـنّـوى رح يحمـلـك
وعضمك لوا ولحمك شوا وطقمك معو .... ومايضل غير طقـم السـنان اللي إلـك
---------------
أحمد عيسى
يا مصفصـف الكلـمــات حاجـتـنـا بـقـى ........ تْشـخبر حـروف تـقـول عنهـا مـعـلّـقـة
لكـن أنا عـنـدي الـحـقـيـقـة الـمـطـلـقـة ........ و فيي الشعر فوق السما بفكري ارتقى
ادبحني احرقني و لو بتنصب مشـنـقـة ........ ببقى لأهـل الـوحـي كـبـش الـمـحـرقــة
لْ بدو يشوف تْياب شِعري مشـقـشـقـة ........ لَيـش عْـلَى أسـنـاني مَ شـغَّـل مـطـرقـة
الـسـر عـنـدي و لـلحـبـايــب بكـشــفــو ........ مـا بـيـن ســن و ســن إيـدو مْـعـلّـقــة
---------------
أحمد عيسى
أنا شـاعـر بشـعـري شـفـت حـالـي .......... سـلـخـت النور من عـتـم اللّيالـي
و كَتبت حْـروف إسـمي مـخـمـلـيِّـه ......... أغـلـى مْـن الـدّراري و الــلآلــي
إذا تـغـزّلــت لـيـلـى الـعـــامــريِّــه .......... صارت في حـلا رْبوعي غـزالِـه
و إذا تْـفـلسـفـت فـلسـفـتـي غـنـيِّـه .......... إبن سـيـنـا شـهـدلـي و الـغـزالـي
و إذا عالـمـدح حـوّلـت الـقـضـيِّـه .......... عَمَـلـت الـعـبـد والي و إبـن والـي
و إذا تْـحـدَّيـت شَــيـخ الـعـنـتـريِّـه .......... شو بـيـهـمّـك يا بـو زَيـد الهلالي
أنــا بـتـســيـل مـنّـي شـــاعــريِّــه .......... متل ما الخمـر سـال من الـدّوالـي
أنـا بــتــفــوح مـنـي عــبــقــريِّــه .......... متل فَـوح الـشّـمـالِـه ع الـشّـمـالِـه
أنـا عـنــدي قــوافــي جْـهـنّـمــيِّــه .......... لْ ما صدّقني يجي وْ يعبر مجالي
قـوافـيـّي جــواري مْـن الـحـشـيّـه ......... بْتجي لْـعـنـدي إذا بْـقـلـهـا تـعـالـي
وســيـعـة يـا ســمـاوات الـعـلـيّــه .......... أنـا عْـطَيـتِـك مسـافِـه من خـيالـي
مـا بـدّي شــاعـر زنـودو طـريـه .......... أنـا بــدي بــطــل يـوقــف قـبـالـي
و إنـت شادي إذا تْحركشـت فيّي .......... رح بـتـنـازل و إبـعــت خــيــالــي
و بعد مـا الـفـكـر قـدّمـتـو هَـديِّـه .......... لِجمهـوري تَـشـفـنـا الكاس حـالـي
يا ناس لْهَيـك سـاحـة حـربـجـيِّـه .......... يَ جـيـبـولـي إلــه الـشّـعــر ذاتــو
يَ خـلّـونـي أنا بْـغـنـي لـحــالـي
للتعريف الشاعر شادي موسى شاعر زجلي عضو في جوقة الشام الزجلية من أهم حفلاتها حفلة جرت في الصيف الماضي مع الشاعرين الكبيرين زغلول الدامور و عادل خداج.
المحاورة بدأت بين شادي موسى و إيلي غطاس ثم شاركهما أحمد عيسى الذي شارك باسم (أبو زيد الهلالي)
المحاورة كانت متداخلة و متشعبة قمت أنا بترتيبها و تنسيقها, يذكر أن شاعرنا أحمد يقوم حالياً بأداء خدمة العلم نتمنى له التوفيق.
شادي موسى
راجـع انا عا ضـيـعـتـي وعـا مـطـلّـهـا ........ هـدّي على غـصـون الوحـي وترغلّهـا
ويـلّـي بـغــيـابـي لــلــمــنــابــر ذلــهــا ........ يا دل نفـســو بـعــركــتــي يــا دلــهـــا
راجـع لحتى سـيـوف شـعـري ســلـهـا ........ وأتـخـن رقــاب بـمـنـبـري رح حـلـهــا
واعصف رياح متشرنة بثورة وغضب ........ تْـطـيّـر رجــال الـشـاعــريــة كــلــهــا
---------------
أحمد عيسى
بـأوّل بـدايـِه طْـلـبـت إذن الـشـاعـرَيـن ........ موسى عَـيـن متلو إيلي محسـوب عَـيـن
لـكـن بــعــد مـا حـلّـلـت شــعــر تـْنَـيـن ........ طـلـعـو ما وفـّو لـلـحـضـور الـيـوم دَيـن
موسـى بْكـلامَـك نشّفت لـلشـعـر عَـيـن ........ و متلَك إيلي ما عْـرفـت جايـيـنـا مـْنَـيـن
و جايي أنا و عندي حكي درّ و لجَـيـن ........ وَيـن لْ تـحـدّى بـو زيــد بالـشـعـر وَيـن
بـو زَيـد إسمي وْ بالـحـرب و المرجلـِه ........ بـيـصـعـب عليّي ضل مكـتــوف الـيـدَيـن-
--------------
شادي موسى
طلبت الإذن.. وبكل فوضى موضحة ...... تمك فتـحـتـو بـلا حـيـا ولا مسـتحـا
بتحليل شـعري بكل حـفـلـة نـاجـحـة ...... شو فهمّك ؟ اسأل شيوخ المصلحة
بـيـجـاوبــوك بـكـل ردة مـســلــحــة ...... بحروف مسبحتي تا تـفـهـم ياجـحـا
عامنبري مش بس بـتـكـتّـف يـديـن ...... بتقطّب شـفـافـك بخـيـط الـمسـبـحـة
---------------
أحمد عيسى
بقطب شفافي و يا شعر رح بمـنـعـك ........ تّرغل على الطرشان زهوة مطلـعـك
موسى إجيـت الـيَـوم حـتـى شـجـعـك ........ و تـا درّبـك تـا عـلـمــك تـا إرفـعــك
جـنـونـك بهالليلة معي مـا بـيـنـفـعـك ........ طيشـك على حتفـك معي عـم يدفعـك
بكـتـف إديّي و مـا بْـجـرّب إصفـعــك ........ عضمك رقيق و عركتي سهلة مـعـك
مـش مـحـرزة إيـدي مـعـك شـغـلّهـا ........ بنفخة يا موسى بْطيّرك من موضعـك
---------------
شادي موسى
مش رح بيعتب منبرك ل عتـاب عـوف ...... بيـعـرفـك قـنـديـل شـح بـهـالـظـروف
طيشي رصاصة طايشة بَرْمـت تـطـوف ...... تفقش حـنـاك تْطيـّر رقـاب وضروف
وعضمي رقيق وهيك شفرات السيوف ...... تا قص فيها لسـانـك بعـتـم الـكـهـوف
ولو جيت تنفخ نـفـخـتـك حـد الضيـوف ...... حدك رماد بموقدي مطرطش حروف
قرب عـيـونـك وانـفـخ حـروف الـرمـاد ...... خليك تعمى وألـف عـمـرك ماتشـوف
---------------
أحمد عيسى
بْعتم الكهـوف و ظلمها و أغوارهـا ........ فـيـك الـخـيــانــه كمّّلـت مشـوارهـا
رَيـت الـمـواهــب تنعمى شــعـارهـا ........ و لا تشوف متلك جـاب إلها عارهـا
إسـأل معري الـمـوهـبـة و بشارهـا ........ و طـه حسـَيـن لْ كان من أنصارهـا
غـاب البصر و عْيونـهـن ما زارهـا ........ بـس الـبـصيـرة شــعّـلـت أنـوارهــا
و إنت لِّ مـتـلـك جـاهـل بأسـرارهـا ........ أعمى البصيرة و لا نفضتّ غبارهـا
متل الفراشـة لْ شـافت النيران نور ........ و مـا بـتـقـتـنـع إلا بـحـرقـة نـارهـا
---------------
شادي موسى
هيدي الفراشة الجنحها رفرف وحام ..... بيبـرم ع نـور الـحـق متلي عالـتـمـام
المؤمن المتلي هام في لـيـل الـهـيـام ..... يبرم ع نـور هـلال تا يـبـلـّش صـيـام
وكـل الـذكـرتـن ألّـفــو كـتـب وكــلام ..... كلـمـاتـهـن بالـنـور تـضـوي عالـدوام
بنور الشمع صليت في أقـدس مـقـام ..... ونور الشمس يعميك في مسك الختام
وضلـك بعتم القـلـب وبـعـتـم البـصـر ..... ورفيقك الـشـيـطـان ع دروب الـظـلام
---------------
أحمد عيسى
شيطان شعري مْن القوافي اليوم هات ........ حتى بفنون الشعر أعـمـل مـعـجـزات
شـادي لْ بشـعـرو عم يْجـمِّـع تـرّهـات ........ عنّو ما رضيو لا الشـباب و لا البنات
هْـلال الصَوم يا صاحبي بكلّ الجـهـات ........ ما بـتـقشـعـو إلا بْـعـتـم لـيـل السـبات
و قلوبـنـا بْعتم الجـسد شـافـو الـحـياة ........ نْ طلعـو لبرّا بلحظتو الإنـســان مـات
ونحنا ما عشنا بْهالدني روح و جسـد ........ لـومـا نعـيــش بـعـتـم رحْــم الأمهـات
---------------
شادي موسى
بالمعجزة بـيـكـفـيـك تـعـمـل زعـبـرة .... وإنت تامن مـعـجـزة بـيـن الـورى
هـلالـك ن نـام بـظـل عـتـمـة مـدورة .... كيـف بـدك تـقـشـعــو يا هـالـتـرى
وروح وجسـد في هالـدنـة وبلآخـرة .... بحاجة لنـور بـكـل بصيرة باصـرة
وإنت ال كنت في رحم عتمة مسكرة .... لوما انتقَـلـت لـنـور دنـيـا مـنـورة
كانو أكـيـدة الأهـل بـدهـن يـنـقـلـوك .... من عتمة الرحم عْلى عتم المقبرة
---------------
أحمد عيسى
قـالـو يـا شـادي تـالـحـقـيـقــة تـنـجــلـي ........ بـدنـا تـشــوف هــلالـنـا بشــكـلـو حـلـي
شــادي بْـنَـهــارو طـلـع حـلّ المـسـألــة ........ و الشّوب حارق و الشمس تصلي صلي
قـلـهـن ما شـفـت هـلال بالعـالـي عِـلـي ......... مـا فـي صيـام و هَيـك حـلّ الـمـشـكـلِــه
بْـعـتـم الـمـقـابـر رح تشـوف الـبـهـدلِـه ........ لأنو الـلـيـالـي بْـنَـومـهــا جــسـمـك بِـلـي
و قـبـري أنـا يا شـريـك بالـنّسـبِـه إلـي ......... رَوض و جــنــان بـكـل وردِه مْــشَـكّـلِــه
من حيث إنّـي بْـعـتـم لَـيـلـي كنت فـيـق ........ إتــعــبّــد و صلّـي لـخـالـقـــنـــا الـعَــلــي
--------------------
---------------
----------
-----
شادي موسى
اسدل ياليل ستارتـك شـادي شـدا ...... تا البدر يغفا وللشمس يعطي الصدى
جاي وع خيل مجنّح مجالو المدا ...... قاطـع صباح الـخـيـر و لـيـالي الـفـدا
و قاطع مسافة ما قطع فيها حـدا...... وأمسي المضي غيري عم يعـدّو غـدا
و يا ناس يلي بتسمعوني عالهدا ...... حتى بشعري تقـشـعـو الشـوط ابـتـدا
لاتبعتو بو زيـد وحـدو من الـودا ...... ولاتـبـعـتـو غـطـاس يـغـطـس بالـردا
ومنشان تحرز عركتي عامنبري ...... روحـو بعتولي كـل شـعـرا الـمـنـتـدى
---------------
أحمد عيسى
اسـدل يـا لـيـل و يـا نــجــوم تْـسـمّـعــي ........ لْ جـايي عـلـيـنـا بالشـعـر عـم يـدّعـي
مش بس شـعـرا المنتدى الواجـب دِعـي ........ دْعَـيـت لْـحـمـانـا كـل شــاعـر ألمعــي
مـجـنـون لـيـلـى, عـنـتــره و الأصمعـي ....... و حضرو رجال الفكر و رجال الوعـي
حـتـى بــعــد مــا إدبــحـــك يــا مـدعــي ........ و إذرفـلـك شــويّـةْ دمــع مـن مـدمعـي
و إطـبـعـلــك مـن الــدم أوراق الـنّــعــي ........ و بالـمـنـتـدي أعضاءنا يجدو السـعـي
لـوحــدي أنــا بـجـنـازتــك مـش لايــقـة ........ دعـيـتـلّـك الأعضاء تـا يـمـشــو مـعـي
---------------
شادي موسى
يلي دعـيـت الـنـاس لكن مادعـوك ...... ادعي على ال بسنان فخي وقعوك
وبيتوك ال عامنبري .. لو طلعوك ...... لاتظن انك صرت من صف الملوك
وأعضاءنا ال بيعرفوني ويعرفوك ...... وعنتر وقيس وكل يلي بيسـمعـوك
من قبل مشيك رح تشوفن كفنوك ...... بـوراق جـهـلـك والسـواد ولفلفوك
ويرجّعو ال متلي خسارة موتـتـو ...... وبدلي بهـالـتـابـوت رح بـيـنـزلـوك
---------------
أحمد عيسى
رحـمـات ربـي عـالـرعـيـل الأوّلـي ........ شـعّـار كانـو مْخضرمِـه و مْفطحلِه
روكـز بـشـعـرو كـم عـلّـى مـنـزلِـه ........ و إدوار حرب لْ كان يصدح ترغلِه
و زِين لِّ علّم مـنـبـرو عالمـرجـلـه ........ تَ يكمّلو الجَوقة بشـاعـر مـخـملي
بـعْـتـو عَلَينـا دعـوتـن و الـمَـشكلِه ........ فكّرت حـالـك صاحب القـدر الـعَـلي
نمت بْتابـوت و قلت يا روح انزلي ........ و عا عالم الأسـيـاد جـزت المرحلة
و لـمـا وقََـفـت قبـالهـن مـتل الولي ........ احتجوا تصارت هالحقـيقـة تنجـلي
قـالـوا إلـك إرجـع إنت مش قصدنا ........ لأني أنا الـمـقـصـود و الدعـوه إلي
--------------
شادي موسى
الفكرة قديمة ال قـلـتـهـا مـا بـتـنـخـجـل ..... ادوار قبلك قـالـهـا لـبـطـرس أجـل
القصة اللي عنها حكيت في كذب ودجل ..... عنسور شعر المنبر وفرخ الحجـل
من بـعـد مـا تـركـو الـمـنـابـر بـالـعـجـل ..... وشافو الركاكة بكل شعرا المرتجل
المتلك ركيك و أفـكـح و شـعـرو بوجـل ..... رح يـاخـدوه مــأكـدة لــدار الأجــل
الـمــتـلـي رح يـردّوه لــديــار الـحـيــاة ..... تاتضل تـعـمـر كـل حـفـلات الزجـل
---------------
أحمد عيسى
لمّا انتصرت الشـعـر عـلّـى قـنـاطـرو ........ و صاروا القوافي عْلى الدّني يتماطرو
شادي لْ عَلَينـا بْيعرض مْن مْساطرو ........ قـبـل الـغـدا رح تـقـشـعـونـي فــاطــرو
مِنّو الشـعـر شـفـتـو أخد عا خـاطـرو ........ وْ ما بتركو تا شوف ســيفي شــاطــرو
فكـرة قديـمـه و لَـيـش عـم تتشاطـْرو ........ مَـنّــو خــطــأ يـلّـي خـطـأنـــا نـاطـــرو
شـعار نحنا و الوحـي مـعـنا اشـتـرك ........ و أرواحـنـا بالشــعــر عـم يـتـخـاطـرو
--------------
شادي موسى
القوس ال عِلي بحجارتـو وبيارقـو .... بهدّو ع راسـك بالوحي ومْـطـارقـو
سـيـفك الجايي و حَـد مِـنـي بـارقـو .... نصلو ل صدرك بالجـهـالـة خـارقـو
يا لص شعرك من فـطـاحل شارقـو .... عم تلهطو وباب الوحي مش طارقو
بتسرق الفكرة من العقول الفـارقـو .... وبتدّعـي الـخـاطـر مـرق ع مْفارقـو
يعني حرامي ومين رح يعتب عليك .... وحتى ل إسمك من بو زيدك سارقو
---------------
أحمد عيسى
بوقت الحوار غْـلـبـت أهـل الـمـكـتـبِـه ........ لكن غلبـنـي بْضعـف أفـكـارو الـغـبـي
عـم تـتـهـمـنـي بْسـرقـة الشـعـرالعـبـي ........ تَـتـبرر الضعـف لْ بشـعـرك مخـتـبـي
سْـرقت العقول بْفضل وحـي الموهـبِـه ........ سْـرقت الـقـلـوب بْكـل كـلـمِـه مْـدهّـبِه
سْـرقت العصايِه من عند موسـى النبي ........ تـا حـرمَـك تـكـذب عَـلـى شـاعـر أبي
و عن هَيك كذبِه نْ ما بْـتـعـلـن توبـتَـك ........ رح بسرق الروح لْ بِصدرك يا صبـي
--------------------
---------------
----------
-----
شادي موسى
لومـا كـرامـة ناس بدهن يقـشـعـو ...... لوحات شعري ولون شعري ومطلعو
ماكنت شـاعر حـد مـنـي بـطـلّـعـو ...... و لا ورد شعري حد شـوكـو بـزرعـو
كلما لفـلسـفـتي وخـيـالي بـرفـعــو ...... بـتـرجـع ركـاكـة مـطـلعــو بـتـوقـعــو
شاعر انا عيـوني شـعـور بيدمعـو ...... ولو ألـف شـاعـر حـد مني تـجـمـعــو
مابيقدرو ب ِ شبّعو عيوني شعور ...... ولابيقدرو الشعر بـعـيـونـي يـجـوّعـو
--------------
أحمد عيسى
لـولا كـرامـة نـاس مـن إعـجـابهــا ........ قصور الشعر ما كنت بفتـح بـابهـا
بس المنـابـر بـطـلـع عْلى خشـابها ........ حـتـى لِّ مـتــلــك عـلّـمــو آدابــهـا
عينيك دمـعـو من حـرق أعصابهـا ........ لمـا الـهـزيـمـة دقّـت على بـوابـهـا
الأرض لِّ فتّح وردهـا و أعشـابها ........ بأشواكها انصانو و عملنا حسـابها
نْ كانت عيونك جايعة وما بيشبعو........ بكمشه صغيره بيشبعو من ترابـهـا
---------------
شادي موسى
بعدك على الفاضي عم تخربش سطور ..... بقصـور مـن بـلـلـور مـلـيـانـة كـسـور
حـاجـة تمطمط ردتـك حـشـوة وفـجـور ..... في مطّهـا بتشبه حـشـو مـهـنـد ونـور
بقلك إلي عيـون بـشـعـور وعـم تـفـور .... نبعة قوافـي وكـلـمـتـي جـنـيـنـة زهـور
خمنتها عيوني ال بوجّي وعـم تـجـور ..... بـكـمـشـة تـرابــك تا تـلــف و تا تــدور
برهنتلي عـقـلـك انـت مـحـشـي تـراب ..... ال مافرقت عين الوج من عين الشعور
---------------
أحمد عيسى
شــاعـر أنـا عـن سـطـوتـي الـراوي روى ........ من كـلـمـتـي لِّ بـْقـولـهـا الصـخـر الـتـوى
جـايـي تـإرفـعـلــك يـا شـــادي المـسـتـوى ........ مـا جـيـت سـلّ سْــيـوف أو أعـرض قـوى
عـقلي تـراب الـمـوهـبـة بـفـكـرو احـتـوى ........ و فكرك خوى و ريح و هوى عقلك حـوى
وْ لولا زْرعت تـْراب من شــعـري ارتـوى ........ بـاكـل ثـمـر عا غصن أشــجـارو اســتـوى
و يلِّ بْـهـوى عـم يـزرع حـبـوب الـبـيـان ........ بـْيَـوم الحـصـيــدِه مْـأكّــدِه بـيــاكــل هــوى
---------------
شادي موسى
مازال فـي أكـل الـهـوى عـقـلـك سَـلَـك .... وهيك رفـع المسـتوى وعـامـل مـلـك
راسـك تـراب و مـا حــوى إلا الـهـلــك .... مهما من الوحي ارتوا شعرو انعـلـك
لـكـن انـا بشـعــر القوى شـاعـر مـلــك .... من منهلو بيسقي الغوى أرض وفلك
وعقلي حوى ريح وهوا وقوة امـتـلــك .... بعْصف ريـاح وبالـنّـوى رح يحمـلـك
وعضمك لوا ولحمك شوا وطقمك معو .... ومايضل غير طقـم السـنان اللي إلـك
---------------
أحمد عيسى
يا مصفصـف الكلـمــات حاجـتـنـا بـقـى ........ تْشـخبر حـروف تـقـول عنهـا مـعـلّـقـة
لكـن أنا عـنـدي الـحـقـيـقـة الـمـطـلـقـة ........ و فيي الشعر فوق السما بفكري ارتقى
ادبحني احرقني و لو بتنصب مشـنـقـة ........ ببقى لأهـل الـوحـي كـبـش الـمـحـرقــة
لْ بدو يشوف تْياب شِعري مشـقـشـقـة ........ لَيـش عْـلَى أسـنـاني مَ شـغَّـل مـطـرقـة
الـسـر عـنـدي و لـلحـبـايــب بكـشــفــو ........ مـا بـيـن ســن و ســن إيـدو مْـعـلّـقــة
---------------
أحمد عيسى
أنا شـاعـر بشـعـري شـفـت حـالـي .......... سـلـخـت النور من عـتـم اللّيالـي
و كَتبت حْـروف إسـمي مـخـمـلـيِّـه ......... أغـلـى مْـن الـدّراري و الــلآلــي
إذا تـغـزّلــت لـيـلـى الـعـــامــريِّــه .......... صارت في حـلا رْبوعي غـزالِـه
و إذا تْـفـلسـفـت فـلسـفـتـي غـنـيِّـه .......... إبن سـيـنـا شـهـدلـي و الـغـزالـي
و إذا عالـمـدح حـوّلـت الـقـضـيِّـه .......... عَمَـلـت الـعـبـد والي و إبـن والـي
و إذا تْـحـدَّيـت شَــيـخ الـعـنـتـريِّـه .......... شو بـيـهـمّـك يا بـو زَيـد الهلالي
أنــا بـتـســيـل مـنّـي شـــاعــريِّــه .......... متل ما الخمـر سـال من الـدّوالـي
أنـا بــتــفــوح مـنـي عــبــقــريِّــه .......... متل فَـوح الـشّـمـالِـه ع الـشّـمـالِـه
أنـا عـنــدي قــوافــي جْـهـنّـمــيِّــه .......... لْ ما صدّقني يجي وْ يعبر مجالي
قـوافـيـّي جــواري مْـن الـحـشـيّـه ......... بْتجي لْـعـنـدي إذا بْـقـلـهـا تـعـالـي
وســيـعـة يـا ســمـاوات الـعـلـيّــه .......... أنـا عْـطَيـتِـك مسـافِـه من خـيالـي
مـا بـدّي شــاعـر زنـودو طـريـه .......... أنـا بــدي بــطــل يـوقــف قـبـالـي
و إنـت شادي إذا تْحركشـت فيّي .......... رح بـتـنـازل و إبـعــت خــيــالــي
و بعد مـا الـفـكـر قـدّمـتـو هَـديِّـه .......... لِجمهـوري تَـشـفـنـا الكاس حـالـي
يا ناس لْهَيـك سـاحـة حـربـجـيِّـه .......... يَ جـيـبـولـي إلــه الـشّـعــر ذاتــو
يَ خـلّـونـي أنا بْـغـنـي لـحــالـي