بطاقة بحث

[أحمد عيسى]

هذا نداء لكل الأعضاء الذين تركوا بصماتهم في هذا المنتدى ثم غابوا عنه دون معرفة الأسباب, الكثير من الأعضاء المميزين الذين تركونا


naya

الفينيقية

فاطمة

ali hasan

أبو ياسر

و آخرون لم تسعفني ذاكرتي بذكر أسمائهم.


أنا أطلب منهم العودة فوراً إلى المنتدى , فمغاراتنا موحشة من دونهم

غـبـتـو عَـنّـا بْلا أسـبـاب .......... وْ موقعنا شْتاق تْعودو

عن عَيني لّي منكن غاب .......... بْيبقى بالـقـلـب وْجـودو

[ريم البوادي]

ولا تنسى اخونا ابراهيم وربيع وابو منير والاستاذ احمد
كتير الغياب الله يرجعون النا بالسلامة

[تاج محل]

الغياب كثر والنداء ياشاعرنا العزيز لايفيد يجب معرفة السبب ومعالجته

[أبو عبد الرحمن]

اهققققققققققققققققققققققققق = شهقة طويلة



أنا ينتكتب اسمي يا أبو علي يا أحمد يا ابن عيسى

اي والله كانت رح تجيني جلطة ويوقف قلبي <<< اي بلا سلبة

ولي ....اي ازا قلعوني من الشغل بيكون من ورا المنتدى ....خخخخخخخ<< ما عم تفوت نص ساعة يا كذاااب




عم نفوت على طول الله وكيلك .....وعم نقرأ كل شي ولله الحمد ......بس منشارك بالمكان يلي منفهم فيه


تحياتي إلك وشكرا على لسؤال ...

[opposition]

أبو ياسر
هون ومش هون

يعني لو كنت معنا على طول فيه طلبات طلبتها منك (اكيد مهمة مثلك)
ما صار فيها شي؟؟؟؟

[opposition]

الغياب كثر والنداء ياشاعرنا العزيز لايفيد يجب معرفة السبب ومعالجته

ممكن يكون الغياب بورقة إجازة نظامية
حتى الزوجين بياخذو إجازة من بعضهن البعض
وممكن يكون امتحانات
وممكن يكون انشغال
وممكن يكون سفر
وممكن وممكن
فكيف برأيك بيتم معالجة السبب؟

[إبراهيم]

السلام عليكم و رحمة الله و بركاته .....

أشكر الأستاذ أحمد على هذه اللفته الجميلة ... اللتي تدعو لأن نكون يد واحدة نرتقي بهذا المنتدى للقمة ..

سبب غيابي عن المنتدى هو امتحاناتي الجامعية الأن بحمد الله انتهت و سيتم تعويض الغياب.....

لكم جزيل الشكر.

[salam]

الغياب كثر و أكيد في ألهن أعذار
وخاصة هلق بالصيف الأعذار كتيرة يعني الواحد عم يطفش من البيت و ما بيصدق أيمتا يطلع من شغلو من شان يشم الهويات و يهرب من الشوب
يعني الكل عم يغير جو
لا تعتبو عحدا بها الفترة

[الامبراطورة]

لا تنسوا محمد قاسم علوش الو غايب فترة طويلة عن المنتدى .....ان شاء الله بيرجع للمنتدى بالسلامة

[أحمد عيسى]

اهققققققققققققققققققققققققق = شهقة طويلة



أنا ينتكتب اسمي يا أبو علي يا أحمد يا ابن عيسى

اي والله كانت رح تجيني جلطة ويوقف قلبي <<< اي بلا سلبة

ولي ....اي ازا قلعوني من الشغل بيكون من ورا المنتدى ....خخخخخخخ<< ما عم تفوت نص ساعة يا كذاااب




عم نفوت على طول الله وكيلك .....وعم نقرأ كل شي ولله الحمد ......بس منشارك بالمكان يلي منفهم فيه


تحياتي إلك وشكرا على لسؤال ...


يا حبيب قلبي يا بو ياسر إنت إذا بتغيب دقيقة كأنك غبت دهر. و لو , كم أبو ياسر عنا

[الفينيقية]

اعذرني أستاذ أحمد ..
كان المفروض رد على موضوعك وقت نشرتو.. بحكم أني بتابع المنتدى وكل مشاركاتكم بشكل يومي رغم مشاغل الدراسة لأنو بقيان لفحصي 40 يوم ..
بس كنت مع الأهل بطرطوس وماني وصلانة عالشام غير من ساعتين.

أولأً .. لحضرتك كل الشكر على الاستفقادة الحلوة .. و كتر الله خيرك لأنو ماطلعت من غيرك.. مع أني طلبت من مدير الموقع يوقف عضويتي مشان ما عود أقدر لا فوت ولا شارك .. لهيك دخلت عالمنتدى مشان شوف إذا كان في استجابة من ناحيتو .. وتفاجأت....!

بصراحة .. مو الدراسة وبس اللي شاغلتني لأنو أنا بتابعكن يومياً متل ما ذكرتلك فوق.. بس بصراحة .. كان في أسباب معينة بتمنعني شارك بالمنتدى .. والحمدلله أنها انحلت من شهر تقريباً وصار فيي أتواجد وشارك متل أول .. بس المشكلة أنو أنا اللي ما عاد بدي.

تفاجأت وقت حبيت أرجع عالمنتدى أنو مو هاد هوة اللي كنت أكتب فيه و أقضي 5 ساعات كل يوم وأنا عم أقرأ وتابع...
عن جد .. كان المنتدى بالنسبة إلي هاجس .. ودائمأً أحتار شو لازم أعمل لحتى غيّر شي .
أشياء كتيرة تغيرت فيه بنظري .. وللأسف .. كان التغيير للأسوأ من دون مبالغة....!

يمكن ما بيحقلي أعطي لا رأي ولا ملاحظات ... أصلاً بعرف أنو كلامي حيكون تقيل وماحيلاقي استجابة ( متل العادة ).
لهيك بتمنالكم كل التوفيق وان شاء الله يرجع المنتدى على إيديكن متل أول ( مبدئياً ) إذا ما بدنا نقول أحسن .. وخليني أكتفي بمجرد المتابعة لأنو كل الأعضاء إلهم معزة عندي وبحب دائماً أقرأ كتاباتهم وأتطمن عنهم.


.. الـفينيـقيـة ..

[أحمد عيسى]

الأخت الفينيقية

لقد كنت عضوة مميزة في منتدانا هذا, و قد عبرتُ عن هذا في أحد مواضيعي عندما قلت أن المنتدى قبل الفينيقية و نجمة هو غيره بعدهما.

لقد قضيت بيننا وقتاً في هذا المنتدى و أعترف أننا استفدنا منك أكثر ما استفدت أنت منا. و ما زلنا نريد أن نستفيد منك, إن لم تكوني أنت بحاجة إلينا, فنحن بحاجة إليك و إلى مشاركاتك و مواضيعك. ( بعدين دفعنالك رسم دورة الفرنسي و أخدت المصاري و رحتي ) , و أيضاً هناك أعضاء جدد يجب أن تضاف أسماؤهم إلى شجرة أعضاء المنتدى و هم بانتظارك. و أكثر ما نحن بحاجة إليه هو كتاباتك و قلمك الساحر الذي اشتقنا أن نسمع صريره.

من حقك أختي الفينيقية أن تمتنعي عن المشاركة , و لكن من حقنا و من حق المنتدى عليك أن تشرحي لنا الأسباب لكي نصوب أخطاءنا , أختي: الكمال لله عز و جل , و نحن كما قلت نريدك معنا ليس لتستفيدي منا و لكن لنستفيد منك و لا أظنك ممن يبخلون على أحد. ( هي مو عادة زكرتيّه تبع الشام, بيزعل أبو شهاب بعدين)

نريدك معنا و نريد أن نقرأ في القريب العاجل أخر ما خط به قلمك, فلا تحرمينا وجودك.

شكراً

[أحمد عيسى]

و لا تنسي تجيبي teddy معك اشتقنالو

[admin]

اعذرني أستاذ أحمد ..
.. مع أني طلبت من مدير الموقع يوقف عضويتي مشان ما عود أقدر لا فوت ولا شارك .. لهيك دخلت عالمنتدى مشان شوف إذا كان في استجابة من ناحيتو .. وتفاجأت....!
..............................

.. بس المشكلة أنو أنا اللي ما عاد بدي.
...........................

يمكن ما بيحقلي أعطي لا رأي ولا ملاحظات ... أصلاً بعرف أنو كلامي حيكون تقيل وماحيلاقي استجابة ( متل العادة ).

.. الـفينيـقيـة ..


ما لازم تستغربي انو ما وقفت أو جمدت عضويتك
فهالطلب غير منطقي مهما كانت الأسباب
ايقاف أو تجميد العضوية
هي عقوبة تفرض وليست رغبة تطلب

رزان... احدى أوائل المنتسبات للمنتدى وأول مشرفة فيه
ظروفها لم تسمح لها بالمتابعة اعتذرت وغابت وعادت منذ حوالي سنتين ثم غابت
ومن حوالي أسبوعين التقيتها على النت وقالت بأنها ستعود قريباً حيث شارفت على التخرج (هندسة اتصالات)
ومنذ يومين قرأت لها مشاركة (تحمية قبل العودة المكثفة بإذن الله)

اذاً موضوع الغياب عن المنتدى تحكمه ظروف كل منا
أما إذا كان الغياب مرتبطاً بموقف محدد أو مشكلة بين عضو وآخر أو بين عضو و وواحد من فريق الإشراف أو الإدارة، فهذا أمر مرفوض ..
فأنا قد أختلف معك أو مع غيرك وقد اقصّر بحقك أو بحق غيرك ...
وبما أننا نعتبر أنفسنا في بيت واحد والكل أخوة وأخوات فليس من المقبول أن يخرج أحدنا من البيت لأنه أخيه أخاه أو أخته أخطأ أو قصر معه ...
الخروج من البيت ليس حلاً
الغياب عن البيت ليس حلاً
الحل التواجد في البيت وترك المشكلة للزمن إذا لم يكن بالامكان التخلص منها مباشرة
هذا على افتراض أن هناك مشكلة
وهذا الكلام غير موجه لك بالذات
بل للجميع

اتمنى لو أنك تكتبي ملاحظاتك وتنشريها أو ترسليها لمدير المنتدى إذا كانت تتعلق بالمنتدى بشكل عام أو للمشرف المعني
وتتحاوري معهم حول سبل تجاوزها
وبذلك تكونين الفينيقية التي نعرف

عمو أبو حسام
المقصر معك على الدوام

[الفينيقية]

(بعدين دفعنالك رسم دورة الفرنسي و أخدت المصاري و رحتي ) ,
و أكثر ما نحن بحاجة إليه هو كتاباتك و قلمك الساحر الذي اشتقنا أن نسمع صريره.

وحدة وحدة عليي يا أستاذ أحمد الله يخليك...
ماني نسيانة دروس الفرنساوي .. ( ولو أنو مافي تفاعل ) بس بما أنو صار عنا مغارة مخصوص لهالشغلة ؛ بلكي وقت أرجع عالمنتدى بضيف كم موضوع هونيك... مع عتب صغير على أحد الأعضاء اللي ما بيشارك غير بدروس الفرنساوي .. بوجهلو سلام كتييييير كبيييير وبقلو : ياريت شوف مشاركاتو بباقي المغارات حتى لو ما استكملنا الدروس .. وأنا عند وعدي بإضافة درس متضمن ملفات صوتية لطريقة لفظ هاللغة ( ماني نسيانة ).

وبخصوص الكتابة .. خليها لله ...
بـ 8 ايار الماضي حصلت على المركز الأول بالمهرجان الأدبي اللي نظمو اتحاد الكتاب العرب عن أفضل قصة قصيرة لعام 2008 .. ومن وقتها عطيت قلمي إجازة .. يعني لا حبر ولا كتابة .
بلكي ان شاء الله لتخلص امتحاناتي بحاول أكتب من جديد.. بس أكيد عم تابع كل النصوص اللي عم تنشروها بإبداع الأعضاء ... عن جد مميزة كتير مشاركات حضرتك .. قصائد الأستاذ جمال .. الأستاذ حمود .. نصوص آرام .. مع عتبي على بقية االأعضاء اللي حرمونا من طلاتهم الأدبية متل نجمة خانم و عمو أبو حسام والأستاذ علي حسن .

ورجاء صغير كتيييييييييييييير للسيد المدير عمو أبو حسام ...
ياريت ترجع تفصل مواضيع مغارة الشعر والأدب العربي عن مواضيع إبداع الأعضاء بمغارتين ( رئيسية وفرعية ) لأنو كانو مرتبين أكتر والواحد يفوت مشان يقرأ شي يقوم يلاقيه بسرعة.

أما teddy فأكيد اشتاقلكن هوة كمان.... شكراً أستاذ أحمد على هالبادرة وبحييك على نشاطك الملفت ( خصوصي بمغارة الزجل )....

http://www.syriane.Com/loadimages/uploads/917603db23.gif (http://www.syriane.Com/loadimages/)

[الفينيقية]

عمو أبو حسام
المقصر معك على الدوام

والله يا عمو أبو حسام ما بعرف ليه حضرتك دائماً بتفترض أني زعلانة وعتبانة على حضرتك وأنك مقصر معي..
وحياتك القصة مو هيك وأنت بتعرف أنو مستحيل موضوع متل هاد يزعجني .. خصوصي أني بعرف كتير منيح مشاغلك وظروفك .. وكمان بتعرف أنو إذا انزعجت من شي حأتصل فيك بكل بساطة أو أبعتلك مسج أو حتى رسالة عالمنتدى عاتبك فيها .. بس الله يعينك عن جد .. ويعينني أنا كمان ..لأني كتييييييييير معجوقة هالأيام وامتحاناتي عالأبواب .. حتى أني عم فكر أجل مادة للسنة الجاية ..

بكل الأحوال.. متل ما شرحت لحضرتك .. الشي اللي خلاني بعد هو التغييرات اللي لاحظتها بالمنتدى خلال الفترة الأخيرة .. مو أي شي تاني .. يعني الحمدلله مافي لازعل ولا عتب على أي عضو .. بس كل القصة أنو في شوية ملاحظات ومآخذ بخصوص المنتدى .. وفكرت كتير أنشرها مشان الإدارة والمشرفين يطلعو عليها .. بعدين قلت لحالي : بلاها يا بنت .. كل مين بيعرف شغلو.

بكل الأحوال .. مشكور على هالطلة الحلوة بهالموضوع .. ولو كنت عرفانة أنك حترد على شي مشاركة من مشاركاتي كنت كتبت من زمان.



ما لازم تستغربي انو ما وقفت أو جمدت عضويتك
فهالطلب غير منطقي مهما كانت الأسباب
ايقاف أو تجميد العضوية
هي عقوبة تفرض وليست رغبة تطلب

ما عم أفهم ليه معتبرها عقوبة...
يعني حضرتك أكتر شخص يعرف أني ما بقدر غيب كتير ... بس عن جد لازمني فترة أبعد فيها عن كل شي مو بس عن المنتدى...
على كل حال .. فحتى ولو كانت عقوبة .. ما بعتقد أنو الموضوع بالغ الأهمية .. خصوصي أني لاحظت أنو 2 من أعضاء المنتدى عدد نقاطهم – 10 وشاعلينلهم ضو أحمر تحت اسمهم ... حتى أني تجاكرت لأني فكرت اللون الأحمر امتياز.
( أبو العلا – تغريد ) بعتقد الاسمين اندمجو .. والكل بيعرف شو قدّمو للمنتدى...
و آرام ... 33 مشاركة معظمها بإبداع الأعضاء...
ياريت يتعالج هالموضوع إذا كنتو معتبرينها عقوبة .. لأني مو شايفة أنوإلها مبرر...

وكمان يا ريت إعادة نظر بخصوص إيقاف عضويتي ... وإذا الله أحيانا للشهر العاشر ( أكتوبر ) بشوف شو بيصير معي وان شاء الله بيكنلي رجعة....... يعني خليها حسب تيسير رب العالمين.

وشـــــــــــــــــــــــــــــــــكراً كبيرة كتييييييييييييييييييير عمو أبو حـسـام ...


..الـفينيـقيـة..
http://www.syriane.Com/loadimages/uploads/54e80c056f.gif