هلاء صار فيني بشركم

[ريم البوادي]

اعزائي واعضائي المحترمين

بفضل الله عز وجل اليوم طلعت نتيجة اولادي والحمد والشكر كلهم نجحوا بتقدير ممتاز وتفوق
وحبيت بشركم وانشاء الله عقبال فرحتكم باولادكم واحبابكم
اليوم اخر نتيجة طلعت الهم كنت مستنية بس يطلعوا الكل وبشركم مشان تفرحوا معي وتشاركوني
لانكم انتو اخواني واخواتي ما الي غيركم

[اكليل الورد]

الف الف الف الف مبرووووووووووووووووووووووك

والله هاد كلو جهدك وتعبك وسهرك عليهم

الله يخليكي الهم وربي يخليهم الك

وتفرحي فيون وتشوفيون شباب

متخرجين من الجامعة

مبرووووووووووووووووووووك

[أبو عامر]

انشاء الله ألف ألف مبروك عقبال ما تشوفيهم بأعلى المراتب

بس أنا شايف صار بدها تحلاية ما رح نمرقلك ياها هيك بدون شي.

[الامبراطورة]

ألف ألف ألف مبرووووووووووووووك والله فرحتيني بهالخبر

وعقبال ماتشوفيهم بأعلى المراتب وتفرحي فيهم

[ريم البوادي]

اكليل الورد **** ابو عامر*****امبرطورة

لك الله يسعدكم ويوفقكم وين ما تروحوا ووين ما تتوجهوا انتو والي بيفرح معي وعقبال لما بشوفكم ببيت الله لما تحجوا
باذن الله وويدعيكم الداعي وتلبوه

وتكرم عيونك ابو عامر والغوالي كلهم انا مستعدة لاي شي واحلى تحلاية لاحلى اعضاء

[شاهين شاهين]

الففففففففففف مبروك ونشالله من لمراتب اعلى

[أحمد عيسى]

الإنسـان لْ عـندو زادو .......... هموم, وْ لو كترو وْ زادو
بْينسى كل هموم الكَون .......... لَـو شـافن نـجـحـو وْلادو


قـلـب الأم لْ دار وْ لــف
طَََيـر وْ فَـوق وْلادا رف
اليَوم لّي نجحو بالصّف
عـنـدو أجـمـل أعـيـادو


بالتخصيص وْ بالتعميم
مبروك بْقـلِّـك يـا ريـم
يـا ربّـي الأفـراح تّديـم
و الأعــيــاد بْـيـنـعـادو


إبنك هالرابي بغمرِك
نْدهتيلو وْ قلِّك أمرِك
يا ربّي يْطوّل عمرِك
حتّى تْشوفي أحفادو

[ريم البوادي]

الله يبارك فيك وبعمرك اخي شاهين وحياك الله اخ جديد معنا بسرياني
شرفتنا

[ريم البوادي]

استاذنا وشاعرنا الكبير السيد احمد عم تخجلني كتير والله باشعارك وكلامك الحلو هاد
ماني قدك شلون بدي ردلك محتارة والي محيرني زوقك ولطفك واحساسك الكبير
يسلم تمك شاعر سرياني

[ابو حسان]

الف مبروك وان شاء الله تفرحي بولادك وتشوفيون احسن الناس
وما بدنا ننسى نبارك لكل الطلاب يلي نجحو وخاصة يلي تخرجو
واذا في تحلاية لا تنسونا

[ريم البوادي]

الله يبارك فيك اخي ابو حسان عقبال لما نفرح فيك انت شد الهمة بس وتوكل على الله وفرحنا فيك بسرعة شو مستني
وفعلا الف مبروك لكل الطلاب والطالبات والله يوفق الجميع

[نجمة]

ريم إلك عندي أمانة

" فلان" يـا واحـد أوها
"وفلانة" يـا اتنيـن
و اللي ما يصلّي عالنبي
ريته ـيعـدم العـينتيـن

(فيكي تنزلي أسماء الأولاد .ههههه)


حَصَّنتكم بياسـيـن
ويا زهـر البسـاتين
يا مصحف صـغير
على روس السلاطين



أشـو هالنهار اللايـق
وفرحتلنا الخـلايق
وطقت قلوب الأعادي
ولَمّن حقت الحقايق



أوها ديـارنا كـبـيـرة
أوها ودَرَج الحـمام فيـها
وريم البوادي فرحانة
إن شاء الله ربي يهنّيها



أوها (---------) يا واحد
أوها و يا (------) يا اتنيـن
أوها يـا خـرزة زرقا
أوها تـردّ عنهن العيـن


ويا جماعـة كلكُـن
أوها وما نسـينا فضلكُـن
أوها والـيــوم عـنّـد ريم
إنشاء الله بُكرة عندكُن



send:cool::D:D
*****************
هلق الصبايا بيقولوا : جيبي الدربكة بدها مباركة و محلاية بعد رنة الزغاريد !!!
أنا عملت اللي علي الباقي على ريم !!! إيمتين المباركة ؟؟؟

[ريم البوادي]

يا حبيبة قلبي يا نجمة على هالزغاريد العسل متلك
دمعت عيوني والله ذكرتيني بعراسنا من زمان ما سمعتها

انشاء الله المباركة بس انزل عاسورية تكرم عيونكم بتستاهلوا

[تاج محل]

انشاء الله ألف ألف مبروك عقبال ما تشوفيهم بأعلى المراتب




من جد وجد ومن زرع حسد ومنسار على الدرب وصل

[ريم البوادي]

يا هلا ومرحبا فيك اخي تاج محل والله يبارك فيك يا رب ويوفقك لكل خير

[ياقوت]

ألف ألف
اللللللللللللللللللللللللللللللللللللللل لللللللف
مبروووووووووووووووك
ونشاله تشوفين شباب ناجحين بالحياة وألن بصمتهم فيها وتكوني على راسن

[أبو عبد الرحمن]

مبارك مبارك نجاح أولادك ....وعقبى لنجاحهم بالدرجات والشهادات العالية العالية

[opposition]

ألف مبارك
كللهم الله بالرضا
وزين قلبك بالسعادة والسرور

[salam]

ألف مبروك ريمووووووووووووو
و عقبال الشهادات العليا
ما شفنا التحلايييييييييييييييية !!!!!!!!!!!!!!!!!!!!!!!!!!!؟؟؟

[ريم البوادي]

ياقوت+ابو ياسر +opposition+سلام

الله يخليلي ياكم ويخليلي هالطلة الحلوة ما انحرم منكم يا رب
وباذن الله التحلاية يا سلومة عن قريب وابشري

[خيال الزرقا]

ألف مبروك النجاح وعقبال الشهادات الأعلى

[أحمد عيسى]

كأنّي سمعت ( أبشري يا سلومه) و نحنا وين رحنا , عم نكتب و نألف منشان شو.

[شاهين شاهين]

ماشاء الله عليكي يانجمة يعني صرت عامل شي 5000 عرس ماسمعت مثل هيك ما في داعي لدربكي ما انا موسيقي وصرت معكم بالموقع واذا في حفلي لعيونكن وعيون النجحانين واهليهن وما بدنا لا اجر ولا شي بس بعدو عن الخميس والجمعة كلو حجوزات وكتريلنا من هالاويها والف مبروك لكل الناجحين

[ريم البوادي]

خلينا نبدى من عند خيال البلو وبقلك الله يبارك فيك يا رب ويرجعك لاهلك سالم غانم

ولووووو استاذ احمد معقولة يعني حلي سلومة وما حليكم ولا يهمك حتى انت ابشر وكل الاعضاء الحلوين يبشروا

اخي شاهين تو اختنا نجمة ماشاء الله عليها كلها فنون وجنون منين ما ضربتها بترن متل الزبدية الصيني ورنة زغرودتها بتوصل اذا بدك لاخر الدنيا الله يسعدها متل ما بتسعدنا
وتحياتي لتواجدك اخي الكريم وعرض خدماتك اهلا بك معنا

[salam]

أنا لساتني ناطرة التحلاية ريمو ما بعرف ازا راح تبعتي من السعودية و لا بس لتجي عسوريا بتحلينا بأرض الوطن
شوفي أنت الي بيريحك و أنا بكل الأحوال جاهزة
و التحلاية بس للصبايا
الشباب يصفو عجنب

[أبو عامر]

شو يصفوا ما يصفوا شو يعني الشباب ولاد البطة السودة ولا صار بالموضوع تمييز عنصري.

ههههههه

[ريم البوادي]

شو شبكي سلومة زعلانة من الشباب حرام ماساوولنا شي هدول اعضائنا واخوانا
معلش هالمرة سامحيون وبالنسبة للتحلاية انا خليني انزل عاسورية وكل شي هين

[شاهين شاهين]

والله ياابو عامر بانت النواية والتمييز بس على ماظن ريم مابتسويها وبترد عليهن :) يالطيف عجنس حوا حتى التحلايه مستخسرينا فيها :eek:

[salam]

أنا اقترحت انو التحلاية تكون للصبايا بس
من شان وفر على ريمووو لأن متل ما بتعرفو عدد الشباب بالمنتدى أكتر بكتير من عدد الصبايا
و التحلاية مو خسارة فيكن أبدا مو هيك ريمووو

[الامبراطورة]

ياي انا راح بلش صوم من هلق :p:p:p:p

[أحمد عيسى]

يا (سلّومة) إذا بدك توفري مصاري على الأخت ريم فيكِ تتنازلي عن حصتك

[ريم البوادي]

bلا والله يا سلومة مو قصة توفير وما توفير الشباب بيستاهلوا ونص تكرم عيونكم جميع
وامبراطورة لاتصومي بلكي صرلك شي لا سمح الله من هون لانزل

[شاهين شاهين]

سلام بالعكس نحنا عم نمزح واماني اذا صار تحلايي خذي حصتي مع تحياتي للجميعhttp://syriany.com/forum/images/icons/icon12.gifhttp://syriany.com/forum/images/icons/icon12.gifhttp://syriany.com/forum/images/icons/icon12.gif