نغنشة مع محمد منير

[نبيل فيصل]

[font=Arial:f9b6476a54]****************

بما ان صفحة الترحيب الخاصة بالصديق محمد منير فاضت بالزجل وفاجاتنا بموهبة جديدة وحلوة
فاصبح من الواجب ان ننقلها لمغارة الزجل ونتابع الاحداث هنا ....

*************************
نبيل فيصل مرحبا بالاخ محمد منير

مبروك ( موقعنا ) ظلامو راح ....... وْ لاح الصبح من وهج مصباح الْمنير

و إنت بموقعـنا صــرت مصبـاح ...... نوّرت عنـّـا هالْمغــارة يا ( منير ) !

********************
محمد منير

طل الفجر و نوًر بصبحو المنيـــــر...............وصارالحلا يغفا على الغصن الجميل

والقلب للموقع بدى مثل الأسير ................وشكرا\" على الترحيب يا سيد نبيل

********************************
عاشق جبعدين

يا عيني اي شوووو هل الدلال هاهاهاه واهلاااااااا وسهلا فيك

********************************
نبيل فيصل

لمّـا الدلال يْكون صـادق بـِقْبـَـلو ....... خْصوصي اذا بيْكون من صاحب حلو

و لازم بقى وزّع دلالي عا سوا ....... مرّة إلك يا صاحْبي ..... و مـرة إلـو

**************************
محمد منير

كل الدلال ياصاحبي شو منطقو...........وفيه القلب والروح مع بعض إلتقو

ولما على التوزيــع بيحين الأوان ..........بعطي دلالي ل حبيبي إلبعشـقو

********************************
نبيل فيصل

يا عاشق السكران من شمّة هوا ....... تْروك القلب والروح .احكي عا سوا

لمّا الدلال بمنطق العشق اكتوى ........ الا الحقيقــة و المــرارة ما حـوى !

و انت حبيبك سهّرك ( للأربعة ) ......... و قلّك قبل ما تْنام لا تنسى الـدّوا

********************************
محمد منير

لما رحت ياصاحبي لعند الطبيب...............وشاف وجهي شاحب وشكلو غريب

وقلي حبيبك سهرك (للأربعـة )..............وأفضل دوا ياصاحبي (ر يق الحبـيـب)

********************
نبيل فيصل

يا صاحبي غشّوك وقالوك تعا ...... من ريق الحبيب ضْراسي مْقلّعا

وللاربعة سهران يا محمد منير..... و منشان الحبيب رح ترفع الأربعة

***********************
محمد منير

عيـو ني وفــؤادي لـحبيبي بوهــــبا............و بعطيه مـن روحـــــي إذا كان طّلبا

وهادا الحكي يا صاحبي مالو صحيح ...........ضراسك إنقلعت من أكل (الشوربة)

********************************
نبيل فيصل

من الشوربة ضْراسي مارح يتقلّعوا ....... مشروبنا دمّ العدا ..لا تفزعوا ؟؟

و حتى البقية اليــوم عنّـا يسْمعو ....... صوب الحبيبة هالشعر لا ترفعو

يا مـا عْيونــك عالحبيبــة دمّعــوا !!!....... وخليك عم تسهر وريقك ابلعو

و تا يرجَـع المحبوب يتْلاقى معك :....... اتركني انا شي مرة إتْغزّل معو !!

********************************
محمد منير

عيو ني بتدمع عالغدر مش عالوفــا...........لمـا الصديق بيغدر بكل شي صفا

وإ نت صديقي وكل خصالي بتعرفـا...........وعندك علم قديش نفسي بنصفا

بسهر ليالـــي كتير بتحمــل جفــــا..........لما عيو نك علا حبيبــي تـوالفــــا

طلــعت خصالك بالغدر أكبر كتيـــــر ........من (جساس والشمر) إللي غدروا بالقفا

[/font:f9b6476a54]

[نبيل فيصل]

[b][font=Arial:fcfe26401c][size=24]
*************************************

( غــدّار ) عني قلتْـها مـا بـِـمنعـك ....... بلكي النـّدامة بالأخير بتنْفعـك

انت صديقي. بهالحكي شو طمّعك ....... تحكي عليّي والغدر من مقطعك


( المحبوب ) لمّـا بالليالي دمّعك ّ!! ...... و قلت بْليالي الهجر قلبو قطّعك

فكّـرت قصدي بالغزل إكســب ثواب ...... تا يرْجع المحبوب يتـْلاقى معـك

**************************************** **

[أبو منير]

[size=18]محبو بي جو ا في عيوني موضعــو...................و بين القلب والروح عندي مقطعـو

و إ نت بلشت بالغدر منك منبـعــــو...................لمـا على المحبوب قصدك تخد عو

لو كان قلبك صـادق وعندك ســــعو...................ماكان بيغدر بالقفا و من مطـلعـــو

و تا ذكرك شوي بـكلامك يا صــد يق.................( إتركني أنا شي مرة إتغزل معو..)

[نبيل فيصل]

[quote]محبو بي جو ا في عيوني موضعــو...................و بين القلب والروح عندي مقطعـو

و إ نت بلشت بالغدر منك منبـعــــو...................لمـا على المحبوب قصدك تخد عو

لو كان قلبك صـادق وعندك ســــعو...................ماكان بيغدر بالقفا و من مطـلعـــو

و تا ذكرك شوي بـكلامك يا صــد يق.................( إتركني أنا شي مرة إتغزل معو..)

**************************
[font=Arial:2939ab1b94]
[size=24]قلنالك : من ( الغدر ) إصحا تِشتري ....... ألفــاظ منها , تِتّهـم فيهـا البـَرِي

بْعمري انا ما كنْتْ واحد (سَـرْسـري) ..... لا الغدر نِـيْتي ولا انْطبع عامظهري

وْ ماني أنا متل ( اليسوع ) الناصري ..... وْ لا إنتْ (يوسف) يامنير العبقري

من السهر عالمحبوب جلدك مهتري...... نوبةْ حرس كلْ يوم متل العسكري :wink:

حاجي تْذكّرني شو قلت بْـ منبـري ...... ما كنتْ تفهم شو حقيقة جوهري

قصدي شريف وبالغزل يا صاحْبي ...... من خِـبـرْتي مهّدلك الجو الطري !!! :D :D [/font:2939ab1b94]

****************************************

[أبو منير]

[size=18]ذكــرتك بحكيك تفرجيــك الصفـة...............لفيها وصفتك بالغدر مش بالوفّا

شهودي كلامك يلي إنت بتعرفّـا...............ومافي حسن نية بملامة وبجفّا

لما لمحبوبي بسهرليالي الصفـا...............بغفيه عا إيدي وقلبي لو دفـّــــا

جـوا عيو ني بحرسو بوجـه وقفـا...............مثل الجندي إلناطر بجبهة شفّا


بفهم أنا قصدك لمّامن عيونك لفّى...............وقاصد إنت تتعكر عليي الصفّـا

بدعي أنا لربي..ويقبل دعوتــــي .............يرجع يردك للأصـول وللـوفـــــــا

[نبيل فيصل]

[b][font=Arial:dcafc62228][size=24]
*********************************

من بعد هالمحبوب موضوعو دنا ..... لازم بقى هالناس تفهم شو بـِنا

وبين الوفا والغدر واشعار الْغِنى..... ( الاعضاء ) عنّا بْيفهموها ولْــدَنا

************************************

قلنالك ( المحبوب ) ما هوّي لنا ..... وعا قلبك المحبوب صحتين وهنا

اتهمْتني ( بالغدر ) عا ايّ بــِنـا ..... من حيث اجمعكن بْــصورة ملّونا

ما كنت تقبل خِبرتي وفيها جنى....... و بالغزل عنك كنتْ بتْنال الثـنا

لو عشت عمرك بالاماني والمنى.......... بخلّي الحقيقة للجميع مبيّنة

المحبوب عمرو ما بْيتلاقى معك .....إلا بْإشارة وْ غمزة من عيني انا

**************************************** *

[نبيل فيصل]

[b][font=Arial:76f6aa73bb][size=24]
************************************

و بعد النغنشة و صف الحكي ........ وبعد السهر عالحب و دْموع البكِي

و من بعد ايام الليالي الحالكِة .......... إلا لـ ( ألله ) بعــدها لا تشتــكــي


هلق تعا تنْشوف بعد التكتكة ......... انْ كنتْ يا شــاعر بهالجولة ذكــي

باقي معي تِجْتاز اصعب اختبار ...... انْ جاوبـتْ ردّة إلـك تـاج المملكِــة

**************************************** *

[أبو منير]

[size=18]يــاصـاحبـي : حـاولــت ردك للــصـواب ............ودعيت ربي عسى حكيي مستجاب

ولما شفت (الأعضاء ) مللو من الجواب ..........وعتبو ا عـلـينا إلـت ر ح سد البــــو اب

فاجأتني بتغمز حبيبي بعتمةوضـــباب............فـكـــرك تتغـدر فيـه مـن أول كـتــــاب

لكـن حبيبـي معـي صـادق ما بيـهـاب............وبيعــرف بإ نو الغدر مو طبع الأحبـــاب

وإنت الـغـدر من طبعك و مـا لو عجاب.............غـدرت بصد يقك والغـدر بدو حســاب

لـكــن لأنـك صـاحبي صـحبة شــباب.............ســامحتك وما ر ح بطلب عليها الثواب

كـرامـة لكل شـي بمنتد ا نا إ تدخلو.............خصوصي (أبوعلي جمال،خالد،أحمد)وكل الشباب

[جمال فيصل]

الفائز في مسابقة الزجل هذه
هو المنتدى

ارجو منكما اختيار موضوع آخر واغلاق هذا الموضوع والانطلاق لاختيار موضوع تتفقوا عليه بينكم

لقد ابدعتم انتما الاثنين

شكرا لكما
امتعتمونا بالزجل
ولتختاروا موضوع الشمس والقمر مثلا
المحبة والبغضاء
الجنة والنار
ال............ و ال..............

شكرا لكما

[نبيل فيصل]

[font=Arial:33e0bec7c0]**************************

سامحتْني والقلب عم يغلي غلي ....... وْ كارمْتني وفيها نهيت المسألِة

و حتى الحقيقــة للجميـع بتنجــلي ...... كلْ ما حْكـينا أمــر بـْـ تردّو إلــي


زِِين الشعـر خلّيك شاعر مخملي ...... عنقود شعرك بعْدو حصرم ما حِلي

لا تْكارم الشــاعر بـردّة مْبـهدلـة ....... فيها القوافي مْتختخة وّ مْـهلهلـي

وتا يبقى الشعر عنّا رفيع المنزلة...... يا صاحْـبي: كارمْني بالشعر الطلي

و رقّص أبو ياسر و احمد بالشعر ..... . و مْحمد و طــَه وّ معهـن بو علـي

****************************[/font:33e0bec7c0]

[أبو منير]

الأخ العزيز جمال : شكرا" لإهتمامك بالموضوع ،وعلى متابعتك له ، ولا أعتقد أن غايتنا أنا والأخ العزيز نبيل هي الفوز أو الخسارة ، فكل منا أدلى بدلوه كيفما إستطاع ، أنا عن نفسي أعتبر نفسي فائزا" لأسباب كثيرة منها :
1.أنني ربما إستطعت أن أكون ندا" للأخ نبيل بالرغم من موهبته الجميلة ومقدرته الرائعة

2.أنني والأخ نبيل إستطعنا أن نحوز على إهتمام بعض الأخوة ومتابعتهم لحوارنا بإستمرار

3.وهذا الأهم أننا إستطعنا كسب أصدقاء حقيقيين من خلال التواصل الفكري معهم بالرغم من

بعد المسافات وربما حتى من فارق الأعمار ...

شكرا" لكم جميعا" وشكرا"للأخ نبيل الذي أتمنى لقاءه في أقرب فرصة إن شاء الله تعالى ....والله لايجيب زعل....

[جمال فيصل]

رقصنا




شكرا ابو علي نبيل


لقد امتعتنا فعلا


بارك الله بك




اقلب الصفحة


لننتقل للموضوع التالي

[جمال فيصل]

اخي محمد منير

اشكرك على رايك المدون اعلاه


دائما التواضع هو الذي يفوز


ونحن فزنا في التعرف اليكما بالشعر


مين اقوى


واضح


لايختلف عليه اثنان من خلال وزن الشعر والقافية والمعنى


ولكن ليست مسابقة على الفوز ...بل نغنشــــــــــــــــــــــــــــــــــــ ـــة للمتعة


شكرا لكما


بارك الله بكم

[admin]

تكريماً للأخ محمد منير
تم منحه لقب (شاعر زجل) والتي ستظهر تحت اسمه بغض النظر عن عدد مشاركاته
مبارك لك شاعرنت الجديد
واهلاً بك على منبرك
وإلى مشاركات سواء بالتحدي أو بالمحاورة أو بالمواضيع والقصائد المستقلة

[نبيل فيصل]

كما يرجى تكريما له
تحويل اسمه الى محمد منير

[نبيل فيصل]

شاعر زجل ؟ معناتها نلْت المنى ...... أو هاللقب عالاسم يامحمد جنى

كُــون قد اللقب عالي المستوى ....... وّ خلّيك . شاعر بالزجل قدي انـا

[أبو عبد الرحمن]

السلام عليكم

ما شاء الله عليكم

من قوة الزجل لديكما الشء الكثير

ومن المحبة بينكما أيضا الكثير

مبروك لمحمد منير هذا اللقب وإن شاء الله بيكون مو بس قده ......واكبر منو كمان

وأما إنت يا نبيل ......فنيالك على موهبتك الحلوة وقدرتك على الإرتجال

بس لو كانت نيبتك مو عاطلة ............

وان بالنسبة إلي بعتبر إنو من معايير ثقافة الإنسان وغزارة علمه ...هي قدرته على كتابة الشعر والإرتجال


فيلي ما بيطلع بإيدو متلي ..............الله يعينو ....

[أبو منير]

[size=18]شكرا"لكل شي للمواهب شجعو.............وقريو الشعر من بعد ما جدووسعو

وحتى الشعر تبقى عـذوبة منبعو............وتبقى القوافي يطلعـو من مطلعـو

إسمي أنا بالمنتدى( شـاعر زجل)............إنشـا الله لــها لإسم إقدر إ رفعــو

[جمال فيصل]

شكرا يا محمد منير

ومبروك
فعلا
أثبت جدارتك
وتستاهل كل خير

مبروك

[المحامي احمد ضامن]

مبروك صهري العزيز

[أبو منير]

شكرا" يا أبو حميد

[نبيل فيصل]

Originally posted by أبو ياسر
السلام عليكم *

وأما إنت يا نبيل ......فنيالك على موهبتك الحلوة وقدرتك على الإرتجال *

بس لو كانت نيبتك مو عاطلة ............
....

*************************

[font=Arial:cc2bc937db]صوب الاعادي سْهام شِعري هاطـْلِة ........ وْ حـوّلْتـها بالـزجل ردّة قـاتْـلِـة


( النيّة ) سليمة بالسلم او بالحرب ........ و العاطل بموقعنا بيشوفا عاطْلة[/font:cc2bc937db]</span>

********************
<span style=\'color:green\'>منيح هيك

:D :D :D

[خيال الزرقا]

[font=Andalus:9eaff9416d]لا والله ابو علي زينة هل المنتدى الله يخليلنا اياه[/font:9eaff9416d]

[أبو منير]

خلال وزن الشعر والقافية والمعنى

[نبيل فيصل]

شو يعني ؟؟؟؟؟

[أبو منير]

المعنى في قلب الشا عر

[كتكوت جبعدين]

شكرا لكم على هذه الصفحة الزجلية
والتي يتخللها بعض النهفات الحلوة
وسلام للشاعر الكبير والذي لم نكن نعلم به نبيل فيصل المهندس المتالق
والاخ المهندس منير تحية كبيرة كما انه لدي بعض الكتابات وسانزلها قريبا واشاله بتقبلوها

[خيال الزرقا]

الله يكترهم ويسمعونا شي جديد

[نبيل فيصل]

اهلا بكتكوت

بس بعدك زغير عالزجل :D

بانتظارك وبانتظار مشاركاتك

واهلا بك في مغاراة الزجل

[المحامي احمد ضامن]

انتظر لتصير فروح

[جمال فيصل]

هلا والله

ليش يا أحمد؟؟؟؟؟؟؟؟؟؟

[خيال الزرقا]

فرخ البط عوام فلا يهم اذا كان كتكوت وبانتظار الزجل منه ليثبت لنا هذا المثل

[المحامي احمد ضامن]

فروحا بالسرياني كتكوت