بدي استأذن ؟؟؟ًََ !!!!!منكم

[ريم البوادي]

السلام عليكم ورحمة الله وبركاته اعزائي المشاهدين


بعد اذنكم واذا بتسمحولي بدي ودعكم مع انه يعز علي فرقاكم




































































































معلش سامحوني طولت عليكم لكني مضطرة اني غيب عن المنتدي شي ثلاث اسابيع بسبب اختبارات الاولاد
وانشاء الله برجعلكم باذن الله لما يخلصوا
لان عنا الاختبارات بتبدا السبت 10\6
الله يوفق الجميع وينجح الكل ولا يضيعلكم تعب يا رب
اشوف وشكم على خير والى اللقاء

اختكم ريم البوادي رح اشتقلكم والله

[جمال فيصل]

نتمنى لك السعادة
ولابنائك النجاح والتوفيق

3 اسابيع فقط
لا اكثر
وبالمناسبة كل اسبوع مري شي ساعة
وبس
او
كل تلات تيام نص ساعة
وانا متأكد مستحيل تغيبي تلات اسابيع
لكن
دعواتنا لك بالتوفيق

[الامبراطورة]

أتمنى لابنائك التوفيق والنجاح

ومتل ماقال الاستاذ جمال كل يوم طلي شي نص ساعة مومعقول تغيبي كل هالفترة ...راح نشتقلك

سلااااااااااام

[فاطمة.]

بسم الله الرحمن الرحيم

الله يوفق كل الطلاب بالامتحانات
و متل ما قالولك يا ريم لا تطولي الغيبة
و نحنا كمان رح نشتقلك

[أبو عامر]

ست ريم الله يوفقك وينجحلك ولادك و تشوفيهم بأعلى المراتب يا رب.

[أحمد عيسى]

الأمّ الحنونِـه لْ طال عنا بعادهـا

تا تغـمر بْـعـطـفـا فـلـذ أكـبـادهـا

دخلك يا ربي مِن بعد إجـهـادهـا

يْـتـم بْـنـجـاح ولادهـا إسـعـادهـا

الأم لّي عـنـدا ولادهـا أمجـادهـا

وْ فرحة ولدها فرحتا و أعيادهـا

مش منتدى و لا نِـت بدها تتركو

كلّ الـدّني بْـتترك لأجـل وْلادهـا

[salam]

الله يعينك على هالمهمة
و الله يوفق ولادك و ينورلن بصيرتن :rolleyes:

لازم تخبرينا بالنتائج

من شان نباركلن

موفقة

[أبو عبد الرحمن]

بالتوفيق لجميع أولادك جميعاً إن شاء الله

اللهم وفقهم و جميع طلاب المسلمين

[ابو حسان]

بالتوفيق ان شاء الله
الله ينجحن وترجعي عالمنتدى وتخبرينا بالنجاح والتفوق

[تاج محل]

بتوفيق والنجاح لجميع الطلاب

[admin]

وفقك الله وحفظ لك أولادك
سبحان الله
لازم نعتب الأخت ريم قدوة بكل شي

يعني بدها تغيب كم يوم
قالت بدي غيب

وما عملت مثلي لما بغط وما عاد بيّن

مو هيك ابو(؟؟؟؟)
واحد من الأحرف المشفرة حرف الراء
وأكيد مو أبو أرنب

[أبو عبد الرحمن]

ولك أخخخ

يا ريت كل الأعضاء يتعلموا من الأخت ريم


وخصوصاً واحد اسمه أبو ( مرادف لكلمة السيف ) . :):):)

لأنها قدوة ولا كل القدوات ....


الله يوفق ولادها وينجحهم .

[ريم البوادي]

رجعتلكم يا اغلى منتدى
رجعتلكم يا احلى اعضاءءءء
رجعتلكم يا اعز ناس عندي

بتشكركم كتير وبتشكر كل الي مرو من هون وقرأوا موضوعي واعطيتوني شوي من وقتكم
بصراحة ما بعرف شو بدي اقول ولا شو بدي احكي بس بكفي اني عرفتكم وعرفت طيب اخلاقكم هاد اكبر مكسب الي بانضمامي لسرياني!
وبزيدني شرف يا اغلى الغوالي اني كون وحدة منكم

اشتقتلكم واشتقت لكسلكم واشتقت لكل شي بالمنتدى كل حرف كتب هون كل همسة تنفستوها واشتقت خوصي لمناقرة ابو ؟؟؟؟؟ وابو ؟؟؟؟ يلي بضلوا علقانين ببعض

مبارح الاولاد خلصوا وارتحنا بس باقي النتيجة عن قريب انشاء الله من الناجحين

[ابو حسان]

اهلا بعودتك املين من الله ان ينجح ابناءك بتفوق وعلامات مميزة