رزان ..... في لقاء الاحبة

[نبيل فيصل]

http://up4.w6w.net/upload/25-03-2006/w6w_200603250302575125ad2b.jpg


[font=Arial:e44da5b42a]***************************
. ما اسمك الحقيقي ؟
رزان رضوان نجم

2. تاريخ الولادة والعمر؟
18/6/1985

3. الحالة الاجتماعية
انسة

4. ماهي ثقافتك؟
طالبة جامعية

5. ما هو عملك الحالي؟
طالبة هندسة

6. منذ متى وانت بالغربة؟
وعيت عالغربة

7. متى ستعودين إلى الوطن بشكل نهائي ؟
لاأعرف ابدا

8. مثلك الأعلى في الحياة؟
الوالد الله بخليلي ياه

9. ما هي حكمتك في الحياة ؟
لاتؤجل عمل اليوم الى الغد

10. أمنية او حلم تتمنين تحقيقه ؟
التخرج بدرجة عالية والعمل في شركة "اتصالات"

11. ماذا يبكيك وماذا يضحكك؟

كتير شغلات بهالدنيي بتبكيني

12. عندما يرخي الليل سدوله بماذا تفكرين؟
أفكر بما انجزت خلال يومي وهل اغتنمته بالطرية الصحيحة أم لا

13. الممكن و المستحيل ماذا يعنيان لك ؟
لامستحيل عندي بالارادة، وبذلك يصبح المستحيل ممكنا

14. ما أجمل كتاب قرأته؟
أحب القراءة لأجاثا كريستي وكل رواياتها تجبني وخاصة " القاتل الخفي"

15. هل يوجد علاقة بين عملك الحالي والانترنت ؟
ان دراستي ترتبط بالانترنت بشكل كبير ، فالمحاضرات توجد على النت و كذلك الواجبات والامتحانات اليومية تكون عبر الانترنت وهذا لايعني اننا نتبع نظام التعليم المفتوح.... فالهندسة عندناا تعتمد على الكمبيوترات المحمولة بشكل كبير (اللابتوب) والجامعة كلها متصلة بشبكة انترنت لاسلكية

**************************************** ******************

16. هل تؤمنين بتولية المرأة مناصب سياسية وعسكرية؟
نعم ولم لا

17. هل تعتبرين المرأة العاملة فاشلة اسريا؟
لا بالطبع

18. ما هو برأيك عدد الأسرة المثالية؟
انا برايي 5

19. هل تؤمنين بتعدد الزوجات ؟
لا ولكن للضرورة أحكامها

**************************************** ***************

الصراحة انا غير متعمقة بالسياسة ولذلك لم اجب عن الاسئلة الباقية واما القرية فانا غير محتكة فيها ايضا

اما عن رايي في الموقع فلقد سقط سهوا

الموقع بحد ذاته كانت فكرة رائعة فقد قرب البعيد وتطوره اخذ شكلا جميلا جدا الصراحة الشكر قليل بحق القائمين عليه اما عن المشاركات فانا لااعرف كيف اعبر عن مدى ذهولي الى الان بمدى التفاعل ،

فبصراحة لم اتوقع ابدا هذا الكم الهائل من المشاركات والعدد الكبير من المشاركين على اختلاف مستوياتهم الثقافية والفرق في اعمارهم

وانا برايي ان هدف الموقع قد خاض شوطا كبيرا
**************************************** **

شكرا لك يا رزان
وافتح المجال للاخوة في موقعنا ليسألوا ما يجول بخاطرهم[/font:e44da5b42a]

[admin]

قريباً أبدأ بطرح الأسئلة
على أول ممثلة للاتحاد النسائي في منتدياتنا وأول مشرفة......
وهلا برزان............................

[طه أنور الطويل]

اهلا بك عضوة متميزة بالموقع وبالحياة العملية ايضا
وفقك الله الى كل خير

[م.محمد عموش]

أهلا بالأخت رزان . مع أمنياتنا بتحقيق أمنياتك.




ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــ
و مـا نيـل المطـالـب بالتمـنـي .......... و لـكـن تـؤخـذ الدنـيـا غـلابــا

[جمال فيصل]

وفقك الله يارزان
منذ نعومة اظافرك


نعرفك


متفوقة



طموحة

بالتوفيق
(كما تريد ستكون)

وانت كما تريدين
ستكونين بتوفيق من الله

[نبيل فيصل]

شووووووووووووووووووو
فتحنا لقاء مو منزول الترحيب ؟؟؟

وين الاسئلة ؟؟؟
اهلين ومرحبا ويا هلا .؟..... هالكلام مابيطعمي خبز

شوفو غيرها

[Anonymous]

أهلا بك رزان ولكن لم تذكري لنا في أي دولة تقيمين
وعلى العموم تشرفنا بمعرفتك

[m-sakal]

والنعم والله من بيت نجم كلون واهل جبعدين .

[د.هناء صبح]

رزان
شو هالإجابات الحلوة

وينك....؟؟؟؟؟؟؟؟؟؟
يعني نسألك..............
......................

[المحامي احمد ضامن]

بعد هالترحيب الكبير سؤالي محرج شوي

ماهي صفات الشاب الذي تفضلين الارتباط به وهل تفضلين ان يكون من جبعدين؟؟؟

بامكانك ان تعفي حالك من الاجابة اذا كان السؤال محرجا

[نبيل فيصل]

تمام هلق بلشنا ....

معكم رزان عالخط

[م.علي محمد الطويل]

مانوع الهندسة التي تدرسين وفي اي سنة انت .

[طه أنور الطويل]

حكيانل شوي عن طفولتك ونشأتك ودراستك
يعني نبذة عن مسيرتك

[جمال فيصل]

رزان تنتظر يوم الاربعاء
لتعطينا اجابات بالكومة

تنتظر كل الاسئلة لتجيب عليها دفعة واحدة

[نبيل فيصل]

ليش الاربعاء .... عطلة الحماصنة :D

[أبو منير]

لأن الاربعاءفي(((كسوف )))للشمس

[نبيل فيصل]

يعني رزان بتكون مكسوفة !!!!!!!!!!!!! :D

[جمال فيصل]

الاربعاء بتطلع من الجامعة وبتفضا للاجابات

الكسوف عندكن بالشام

ههههههههههههههه
يعني انكسفوا واستحوا ولا عاد تكتبوا اسئلة حتى تستطيع الرد

[admin]

يا جماعة
رزان لهلق ما قرأت الموضوع
وهادا الشي مثبت من لائحة (الأعضاء الذين شاهدوا هذا الموضوع)

[جمال فيصل]

رنولا رنة عالموبايل يمكن تفوت عالموقع

[أحمد الطويل]

بلكي بتجي لحالها
نتمنى لها و لغيرها التوفيق و النجاح
لديك أخوة .؟ كم عددهم و اسماؤهم؟

[المحامي احمد ضامن]

يا نبيل نزل غير اسم بين ما تجي رزان

[نبيل فيصل]

انا رح جاوب عنها بتقبلووووووووووو :D

[جمال فيصل]

لالالالالالالالالالا................لالا لالالالالا................لالالالالالالا

انت

مزور

جربناك بلقاء ابو ياسر

[رزان]

السلام عليكم ورحمة الله وبركاته

اااااااااااااااااااااسفة كتير باجماعة على هالغيبة اللي والله انها مو بايدي

وبالصدفة فتحت الموقع اليوم لانصدم بوجود اسمي في لقاء الاحبة

شكرا لجميع الاحبة على ترحيبهم الجميل واسفة كتير اذا طولت بالرد عليهم

ببدا بالاجابة بالترتيب: أما عن مكان الاقامة فهوكما واضح بجانب الاسم (دولة الامارات العربية المتحدة-دبي)

اما ياعمو أحمد بالنسبة لمواصفات الشاب فبصراحة هادا الموضوع اخر همي انا والله هلا مو شاغلني غير دراستي واتخرج بتميز وارفع اسم اهلي وبلدي لانو متل مابتعرفوا انا جاية مقعد من الدولة
ولما بفكر بهالموضوع بوعدك انو قلك مواصفاته اللي اكيد ماتكون غير مبنية على اساس من الخلق والدين

بالنسبة للتخصص - طالبة هندسة كهربافرع اتصالات وهالفصل بديت بالسنة التالتة

بالنسبة يااستاذ طه لمسيرتي وطفولتي لااعتقد انها كانت تتميز عن غيري بس الحمدلله اهلي عطوني حقي وزيادة ودللوني بالذات اني بكرهم وبتمنى اني اردلهم جزء من جميلهم وبس افضى شوي هحاول انكشلي شي بينكتب عني

وهيك بتمنى اكون جاوبت شوي عاستفساراتكم بس بوعدكم اني ارجع ايمتى مافضيت ومتل ماقال عمو جمال الاربعا انسب يوم لانو نهاية الاسبوع وبنحاول نرفه عن حالنا شوي ونخففف من ضغط الاسبوع

شكررا الكم واسفة عالاطالة

[عاشق جبعدين]

اهلا وسهلا فيك طيب انا عندي سؤااااال وبصراحة الأجوبة كتبتيها دغري على الموقع ولا اختيها على اختصاصيييين هاهاهاههاهاه

[طه أنور الطويل]

الله يوفقك بالامتحان

[admin]

أهلين رزان.............
شغلتي بالي عليكي............

[opposition]

شي بيرفع الراس والله

بس بدي توضيح:
شو يعني جايي مقعد من الدولة؟؟؟

[طه أنور الطويل]

بعثة على حساب الامارات باسم سورية
كل سنة هناك خمسة مقاعد تقدم من الامارات كمنحة لخمسة طلاب سوريين من المتفوقين
ورزان كانت منهم

[المحامي احمد ضامن]

يا نبيل(( لايلدغ المؤمن من جحر مرتين))

[رزان]

السلام عليكم ....

هي زيارة خاطفة مشان اجاوب عالاسئلة....

ماانتبهت هديك المرة عن سؤال الاخ احمد الطويل عن عدد الاخوة ... نحنا خمسة تلات بنات وولدين وانا البكر

وبالنسبة للسؤال التاني انا الصراحة مستغربة من الاعادة " الشاب المثالي" واذا كان السؤال عاجبك يااخ (محمد الطويل) فانا برد عليك اني مصرة عجوابي وصدقني انو ماعندي غير هالحكي وبتمنى من الجميع يدعولي لانو الاسبوع الجاي عندي منتصفات(امتحانات نص السنة) والله لايورجيكم

سلااااااااااااااااااام

[خيال الزرقا]

ان شاء الله التوفيق والتميز وشكرا مع الامل بوصول الجواب ممكن لاحقا وبالنسبة لاخوتك الله يخليلك اياهم

[المحامي احمد ضامن]

اما ياعمو أحمد بالنسبة لمواصفات الشاب *

مشكورة!!!!!!!!!!!!!!!

الله يوفقك وينجحك

[طه أنور الطويل]

الله الموفق

[المقتبس]

[quote]
اما ياعمو أحمد بالنسبة لمواصفات الشاب فبصراحة هادا الموضوع اخر همي انا والله هلا مو شاغلني غير دراستي واتخرج بتميز وارفع اسم اهلي وبلدي لانو متل مابتعرفوا انا جاية مقعد من الدولة
ولما بفكر بهالموضوع بوعدك انو قلك مواصفاته اللي اكيد ماتكون غير مبنية على اساس من الخلق والدين
شكررا الكم واسفة عالاطالة

[لؤلؤة الخليج]

الله يوفقك في دراستك ويفرح اهلك بتخرجك

[m-sakal]

بالتوفيق إنشالله . . .

[opposition]

ماذا يعني لك مفهوم المعارضة؟؟؟؟؟

[منيف نجم]

هلا رزان
انت حاليا وين مقيمة وشو الجامعة يلي عم تدرسي فيها كأني قريت على الانترنت