رحبوا بالعضو الجديد ....... م.منير

[نبيل فيصل]

[font=Arial:cb572975bb]
اخوتي الاحبة :

كنت اراقب مشاركات وردود الاخ منير الذي سبق اسمه حرف ميم
وذلك قبل ان ارحب به عضوا جديدا وفردا باسرتنا الصغيرة والكبيرة بكم

و قد احببت ان ارحب به باسمكم وافسح المجال للترحيب به بعد ان ينتشر اسمه بقوة بيننا ويثبت موجودية جميلة وغنية بمشاركاته الحلوة

فاهلا به بيننا :

**************************

مبروك ( موقعنا ) ظلامو راح ....... وْ لاح الصبح من وهج مصباح الْمنير

و إنت بموقعـنا صــرت مصبـاح ...... نوّرت عنـّـا هالْمغــارة يا ( منير ) !

********************[/font:cb572975bb]

[جمال فيصل]

اهلا وسهلا به
اخا عزيزا

[m-sakal]

أهلا وسهلا بالأخ العزيز

حللت أهلاً ومابعرف شو كمالتها سهلاً
هههه

[ابو حسان]

تحية لأبو منير وسلام مربع للكدعان

[أبو منير]

طل الفجر و نوًر بصبحو المنيـــــر.....................وصارالحل ا يغفا على الغصن الجميل

والقلب للموقع بدى مثل الأسير ....................وشكرا" على الترحيب يا سيد نبيل


محمد منير

[عاشق جبعدين]

يا عيني اي شووووووووووووو هل دلال هاهاهاه واهلاااااااا وسهلا فيك

[نبيل فيصل]

[font=Arial:675c36c600]********************************

لمّـا الدلال يْكون صـادق بـِقْبـَـلو ....... خْصوصي اذا بيْكون من صاحب حلو

و لازم بقى وزّع دلالي عا سوا ....... مرّة إلك يا صاحْبي ..... و مـرة إلـو

**************************[/font:675c36c600]

[أبو منير]

كل الدلال ياصاحبي شو منطقو....................وفيه القلب والروح مع بعض إلتقو

ولما على التوزيــع بيحين الأوان ..................بعطي دلالي ل حبيبي إلبعشـقو

[نبيل فيصل]

****************

يا عاشق السكران من شمّة هوا ....... تْروك القلب والروح .احكي عا سوا

لمّا الدلال بمنطق العشق اكتوى ........ الا الحقيقــة و المــرارة ما حـوى !

و انت حبيبك سهّرك ( للأربعة ) ......... و قلّك قبل ما تْنام لا تنسى الـدّوا :D :D

*************************

[admin]

هلا بالأستاذ محمد منير

وصفحة متميزة

بردات الزجل اللطيفة

وأرى أن يتم التنسيق بينك وبين المهندس نبيل
ليتم فتح موضوع حواري في مغارة الزجل

كما نأمل قراءة مشاركاتك المتميزة في مغارة الزجل

ملاحظة:
شو رايك غيرلك اسمك ليصبح (محمد منير).
لأنو المعروف انو (م.) اختصار للمهندس أو الملازم أو المساعد
أما (محمد) لم يسبق أن اختصرها أحد إلى (م.)
مجرد رأي والقرار قرارك...
وهلا بيك بكل الأحوال

[أبو منير]

الأستاذ خالد المحترم : شكرا" على جهودك الجبارة في إنشاء هذا المنتدى الرائع .إنشاء الله ممكن يصير تنسيق بيني و بين الأخ نبيل علما" أنه صديق قد يم عزيز ، وهذه المحاورات ليست إلامحاولات( للحركشة ) على مبدأ هز الورد .
أما بالنسبة للإسم فلا أجد أي مانع في تعد يله علما" أن الأ ستاذ أحمد ضامن هو من إختار هذا الإسم بعد أن كان باللغة الإنكليزية..............وبنرجع لنبيل

لما رحت ياصاحبي لعند الطبيب.........................وشاف وجهي شاحب وشكلو غريب

وقلي حبيبك سهرك (للأربعـة ).........................وأفضل دوا ياصاحبي (ر يق الحبـيـب)

[نبيل فيصل]

[font=Arial:707a9dee08]********************

يا صاحبي غشّوك وقالوك تعا ...... من ريق الحبيب ضْراسي مْقلّعا

وللاربعة سهران يا محمد منير..... و منشان الحبيب رح ترفع الأربعة

***********************[/font:707a9dee08]

[المحامي احمد ضامن]

بكفي غزل وترحيب ببعضكما

[أبو منير]

عيـو ني وفــؤادي لـحبيبي بوهــــبا............و بعطيه مـن روحـــــي إذا كان طّلبا

وهادا الحكي يا صاحبي مالو صحيح ...........ضراسك إنقلعت من أكل (الشوربة)

[نبيل فيصل]

[font=Arial:329e1fc491]

من الشوربة ضْراسي مارح يتقلّعوا ....... مشروبنا دمّ العدا ..لا تفزعوا ؟؟

و حتى البقية اليــوم عنّـا يسْمعو ....... صوب الحبيبة هالشعر لا ترفعو


يا مـا عْيونــك عالحبيبــة دمّعــوا !!!....... وخليك عم تسهر وريقك ابلعو

و تا يرجَـع المحبوب يتْلاقى معك :....... اتركني انا شي مرة إتْغزّل معو !![/font:329e1fc491]

[جمال فيصل]

ماشاء الله

بارك الله بكما
طيب انتقلوا لصفحة غزل بالزجل
احسن من الغزل بالشوربة


منشان نعرف انكن عمتتنافسوا

[نبيل فيصل]

ما في منافسة

هذه نغنشة للصديق القديم والاخ الحبيب محمد منير

والذي فاجاني بهذا المستوى الراقي والموهبة الحلوة

عدا عن موهبته بالشدة :D

[جمال فيصل]

تابعوا ... اذاً...
وخلونا نستمتع معكم

[أبو منير]

[size=18]عيو ني بتدمع عالغدر مش عالوفــا........................لمـا الصديق بيغدر بكل شي صفا

وإ نت صديقي وكل خصالي بتعرفـا........................وعندك علم قديش نفسي بنصفا

بسهر ليالـــي كتير بتحمــل جفــــا........................لما عيو نك علا حبيبــي تـوالفــــا

طلــعت خصالك بالغدر أكبر كتيـــــر ......................من (جساس والشمر) إللي غدروا بالقفا

[أبو منير]

تكرم عينك يا سيد جمال .وإن شاءالله تكونوا عم تستمتعوا .

وبيبقى الأخ نبيل صديق عزيز ،والله يعطيه العافية على الكلام الحلو،

وممكن نلتقي قريبا" إن شاء الله ، وإذا بدك بنلعب شدة..

[المحامي احمد ضامن]

يا ابو علي اخوك نبيل وصهري محمد منير بدون يلعبو بالشدة عن طريق الموقع

ونحن شو ذنبنا

[نبيل فيصل]

الاخ محمد
اشكرك من كل قلبي والمفاجأة بموهبتك كانت اكبر (يبقى شيء واحد التركيز على الوزن )

و ننتقل الى مغارة الزجل بما انك نجحت باول اختبار

*********


يا استاذ احمد بعد الشدة في عزيمة :D

[المحامي احمد ضامن]

لما بتغلب بجوز نعزمك