لا للسريان المتحدثين بغير اللغة السريانية

[salam]

لماذا نترك لغتنا السريانية و نتحدث بالعربية ضمن حدود البلد
لنطرح هذا السؤال على أنفسنا
كم عدد المتحدثين باللغة السريانية في جبعدين ؟كم نسبتهم بالمئة ؟
أنا لا أستطيع أنا أحدد النسبة لأنها بحاجة لإحصائيات دقيقة
لكن أنا أؤكد لكم أن النسبة تتناقص و بشكل غير طبيعي
يا ترى ما هو السبب!!!!!
نحن كنا القرية الأولى من بين القرى الثلاث بالنسبة لعدد المتحدثون باللغة السريانية الأصلية
فمثلا أقل نسبة هي في معلولا و بعدها تأتي الصرخة و من ثم جبعدين
لكن الآن أظن الوضع قد اختلف
فقد زاد عدد المتحدثين باللغة العربية ضمن البلد (جبعدين)و أنا أريد أن تنتبهوا إلى هذه العبارة ضمن البلد
و أكيد هذا الموضوع له سلبيات فظيعة على اللغة السريانية
و منها:
1-تشويه اللغة السريانية الأساسية
الكل يعرف أن هنالك الكثير من الكلمات السريانية قد انقرضت و انمحت و استبدلت بكلمات عربية بحتة و هنالك أمثلة عديدة (سأذكرها بالمشاركة القادمة)
2-يقل عدد المتحدثين باللغة السريانية جيل بعد جيل
3-إن ذهبت لغتنا فهذا يعني أنا تاريخنا قد ذهب (أي لا تاريخ لنا)
انه لأمر سيء أن نضيع كل شيء ورثه أجدادنا لنا

أجدادنا منذ ألاف السنين حافظوا على هذه اللغة النادرة وحاربواحتى وصلت إلينا و هانحن نستهتر بهذه اللغة التي حفرت على الصخور و دامت سنين طويلة

فلنعلم أولادنا اللغة السريانية و نحببهم بها
و لنتحدث في منازلنا باللغة السريانية ونسمو بها
ولنتحدث مع الجيران وفي كل مكان باللغة السريانية و لنتفاخر بها
ولنعلم كل من يرغب بتعلم اللغة السريانية و لا نبخل على أحد
لغتنا حضارتنا إن ذهب تاريخنا ذهبنا

اللغة السريانية باقية رغم كل ما تتعرض له

[alihasan]

سلام الله على سلام 00

بعد تأييد بعض جوانب موضوعك 00 ومعارضة البعض مما ورد فيه

اسمحي لي أن أكون أول المعقبين على كلامك 00 والموضحين للأسباب

راجيا ً الله ألا يتحول هذا الموضوع إلى ساحة للنزالات 00 بسبب عنوانه 00 وو

1- الأمر الأول والبديهي يا سلام هو أن اللغة العربية أهم وأبقى من كل اللغات

2- اللغة السريانية ضرورية وهامة 00في تعامل الناس في البلد وخاصة كبار السن

إضافة إلى أهميتها التاريخية 00 ولقلة المتكلمين بها في العالم 0

3- إن المتحدثين باللغة العربية نستطيع تقسيمهم إلى قسمين

- قسم خلق وولد وأقام خارج البلد أغلب سنوات طفولته 00 وربما شبابه

- قسم خلق وولد وأقام في البلد ومازال 000 وهذا القسم هو الملام برأيي إذا تحدث العربية في البلد ة

4- تطالبين بتعليم الأطفال (السريانية) بينما أنا أرى العكس

يجب تعليم اللغة العربية للأطفال منذبداية نطقهم لعدة أسباب 00 لو راقبناهم لعرفناها

وعلى العموم فإن السريانية معهم إلى الأبد 00 أما العربية هي الآيلة للزوال في بلدنا

عند الأطفال والشباب وكبار السن 00 لا بل وعند بعض المثقفين أيضا ً !!!!! :confused:

وأكبر دليل على كلامي 000 موضوعك 00 الذي لم أصحح ما فيه من أخطاء 00تاركا ً الحكم لك على نفسك 0 :p
غير متأكد أنني لن أخطئ أنا أيضا ً 00

والدليل الواضح هو لغة الأطفال 00 فلو راقبناهم لوجدنا الويلات في لغتهم العربية

5- أظنك لا تقتنعين بكلامك عن التاريخ وزواله 00 فتاريخنا باق لأننا عرب قبل أن نكون غير ذلك 00 ولا تحاولي التهرب من الحقيقة لمجرد أنك تكتبين في موقع سرياني 00 كوني واقعية ومنطقية وحيادية في الطرح 00 ;)

6- ختاما ً أقول :أنا ممن يتكلمون اللغة العربية مفتخرا ً بها 00ولو قلتي لي ألف لا !!! :cool: مع حبي الكبير واحترامي للسريانية والمتكلمين بها 00
أقول هذا الكلام لامنكرا ً للسريانية ولا كارها ً لها بل مدافعا ً عنها 00 ولكن بطريقتي

ولكن بعد الدفاع المستميت عن اللغة العربية التي أعتبرها العز الوحيد الباقي للعرب

شكرا ً لموضوعك 00

أرجو تقبل كلامي بصدر رحب :);):cool::p0

[ريم البوادي]

ايه صحيح سلومة ليش ما كتبتي هاد الكلام كلوه بالسرياني
وبحب صححلك معلومة ذكرتيها بالغلط يمكن او خطأ مطبعي مو مشكلة وهي انو الجبة ما بيحكوا سرياني وانما بخعة او الصرخة الي بيحكوها
وعنا بالضيعة كلهم بيحكوا مع بعض سرياني حتى الطفل لما بيدخل المدرسة وقتها بس بيتعلم عربي وما بيحكوا عربي الا مع الي عايشين بالشام او الغريب
بتمنى اني اتعلمها واحكيها


تحياتي لسلام

[salam]

أهلا بك أخ ali hasan
أنا سعيدة بتعقيبك عالموضوع
بالنسبة للأخطاء اناممكن لاقي مية بالمنتدى يصلحولي ويصلحولك الأخطاء باللغة العربية
و يدلوني وين الغلط و حتى بالوورد وببرامج كتير غيرا ممكن نصلح أخطاء اللغة العربية
بس أنا خايفة إن غلطت بالسرياني ما لاقي حدا يصلحلي
من شان هيك طرحت ها لموضوع
الخوف من انو نوصل لمرحلة ما نلاقي حدا عم يحكي سرياني مو يصلح
أنا ما عم قول أنو لازم نترك اللغة العربية لاء أبدا
اللغة العربية هي الأهم هي هويتنا كعرب و هي باقية ما دام القرأن الكريم باقي
وكمان اللغة السريانية مهمة لأنها لغة نادرة وعد د الناطقين بها عم يقل
بالنسبة لتعليم الأطفال فأنا شفت الأطفال الي عم يتعلمو العربي قبل السرياني
وهنة عايشين بجتمع الضيعة لاحظت أنو ضايعين بين العربي و السرياني
لا العربي زابط و لا السرياني صاير خليط عربي و سرياني
فالويلات و السلبيات الي حكيت عنها صارت بالعربي و بالسرياتي مع بعض
ليش ما بنعلمن السرياني قبل و بعدين العربي بيتعلموا عالمزبوط بالمدارس
الطفل فيو يتمكن بأكتر من لغة ان حكينا بأكتر من لغة معو مو نفرض عليه اللغة العربية بس و نترك السرياني لانها لغة قديمة
و من شان العنوان فحيصير سرياني و لا يتحدث بلغته السريانية مو أزبط منشان ما يصير شد شعر !!!!!!!!!!!!!!!!!!!!!هه

أخت ريم
شكرا انك صلحتي الغلط لأني كتبت الموضوع بدون ما ارجع اقرا وصلحو
وان شاء الله بتتعلمي السرياني الأصلي
أتمنى من الجميع المشاركة

[salam]

كان بودي نزل الموضوع بالسرياني بس لسا ما بنعرف الأحرف السريانية و حتى ان انكتب بالسرياني يمكن في كتير ما راح يعرفو يقرأو الموضوع !!!

[فاطمة.]

بسم الله الرحمن الرحيم

بداية بحب اشكرك (( سلام )) عالموضوع الحلو
و بقلك انو اشتقنالك :)

اما رأيي انو كلامك صحيح بس لازم يتوجه بشكل خاص للناس اللي بتترك السرياني و بتحكي بالعربي لحتى تبين انها متطورة و انا لاحظت هالشي بشكل كبير يعني الوحدة من البلد مرات بتحاكيكي بالعربي لتبينلك انو هي متحضرة و انها مو من ((ضيعة )) !!! مع انو هالشي غلط و اللي مالو ماضي ما رح يكون الو حاضر
و هالحكي ما بيعني تهميش اللغة العربية يلي هي لغة القران يعني ما في مانع من تمسكنا باللغة السريانية الى جانب اللغة العربية

اما بالنسبة للاطفال فالافضل تعليمهم السيريانية و لاحقين عتعلم العربي بالمدرسة مع انو كمان بهالوقت بتلاقي الام بتزعل لو حاكيتي ابنها الصغير بالسرياني و بتفتخر و بتقلك انو (( و الله تو يوذع بسرياني )) و كأنها عم تفخر بهالشي
و متل ما قال الاخ علي في ناس بحكم الولادة و العيش خارج جبعدين لا يتحدثون السريانية هدول_ يا سلام _ ما لازم نقلهن ((لا )) لانو الهن ظروفهن
عالعموم شكرا عموضوعك و ان شاء الله بوجود جيل متفهم متلنا :D:D و متل اعضاء منتدى سيرياني بتحيا اللغة السريانية

السريانية لغتي الى جانب اللغة العربية

[salam]

أهلا أهلا بفاطمة أنا اشتقتلكن أكتر
بس أنتوا الظاهر لسا ما اشتقتو للضيعة و هوايات الضيعة
سلامي للعيلة فردا فردا

الي عتب عليكي ...........................!


ردك عالموضوع عجبني و فعلا البركة فينا أعاننا الله على هالمهمة الصعبة
بالنسبة للعنوان أنا غيرتو بس ما تغير :confused: غريبة

[Asmaa]

بسم الله الرحمن الرحيم

يا عيني عليكي يا سلام دايما مواضيعك مميزة متلك

رح زكرك : ماتنسي الوعد يلي وعدتينا يا لما بنجي ع سوريا OK

وفعلا معكن حق لازم نتمسك بلغتنا منشان ما تروح من ايدنا

بس فطوم انا وانتي اكتر ناس بنحافظ ع اللغة السريانية لانو حتى بالمسنجر بنحكي سرياني (ههههههههه)

[فيلسوف المنتدى]

أنا مع اللغة السريانية قال إحكو عربي قال وين بدنا نحكي بجبعدين شي بخجل والله
ان كتير بقول لرفقاتي احكو سرياني