تحدي الزجل فوزي وابو العلا (ذكر وأنثى) [الأرشيف] - مدرسة تعليم السريانية من جبعدين

ابو العلا

30-03-2008, 11:44 AM

بلشت بالموضوع وعْزمت انطلاق ـــــــــ أجمع شمل هالمنتدى واعمل تلاق

ورفعت راية بالسما تعلن وفاق ــــــــــ عركة زجل , يعني تحدي عرواق

وطْلبت عالموضوع فوزي ناغشوا ـــــــــ وانْ ما حضر بحلف عمرتي بالطلاق

أبو عبد الرحمن

31-03-2008, 06:07 PM

فوزي سيلان

31-03-2008, 11:28 PM

أهلا وسهلا رح نشارك عن رحب ــــــــــــــــ شكرا إلك يابو العـــلا عا هالطلب<O:p</O:p
خلي الطلاق وترك مرتك عاجنـب ـــــــــــــــ بعدو ماعـــاد اللـوم ينفـع والعتـب<O:p</O:p
لولا النســا ولولا المحبة والزواج ــــــــــــــــ ماكان ضل بهالدني صاحب شنب

ابو العلا

01-04-2008, 09:31 AM

السلام عليكم ورحمة الله وبركاته

أهلا بعودتكـ أبو العلا

من ناحية طلبكـ للاستاذ فوزي للمناغشة ......كان طلب موفق وبمحله

ومن ناحية بدك تحلف على مرتك بالطلاق .....فعم يتهيألي أن الموضوع حيكون عن زواج وطلاق

فدير بالكـ وجهز حالك لتدافع عن الطلاق تبعك .......لأنو حتكون الشغلة صعبة عليكــ
مرحبا بيك ابو ياسر الغالي

بالنسبة للموضوع لسع ما تم اختيارو , بس منشوف شو بدو السيد فوزي نحنا جاهزين ان شاء الله
شكرا لمرورك

فوزي سيلان

01-04-2008, 11:58 PM

أهلا بأبو ياسر وأبو العلا وأنا برأيي ما رح نلاقي متل أبو ياسر ليختار الموضوع ويشرف عليه لأنو عندو حس مرهف وذواق للزجل والكلمة الحلوة وطبعا أنا ما عم جاملو والكل بالمنتدى بيعرف هالشي
مع كل الحب والتقدير لباقي أعضاء المنتدى

ابو العلا

02-04-2008, 08:15 AM

حابب امسي المنتدى بأحلى مسى ــــــــ وأرسل عبير الشوق هبة منسنسة

ونبدأ انا وسيلان حفلة بْلا أسى ـــــــــــ نحكي بسياسة أو على جنس النسا

وبو ياسر ترشح ليعلنها انطلاق ـــــــــــ عنوان هالموضوع في يمو رسى

أبو عبد الرحمن

02-04-2008, 02:04 PM

بارك الله فيكم جميع أبو العلا وابو الفوز

وشكرا على الإطراء

بمباريات الزجل الكتابية دائما يكتب النجاح للمشاركات المنظمة والمرتبة

يعني يكتب الواحد بدوره ....وتكون المشاركة ململمة من 3-5 ابيات ......منو ما بتاخد وقت مع الشاعر تحضير وخلافه ....ومنو بتبرز موهبته كبر بايصال الفكرة بدون حشو

حاليا الدور إلك اخي ابو العلا ...بعد ترحيبكـ وقبولك بالموضوع ...ونحنا رح نتم متابعين حتى ما نقطع ترتيب المشاركات وتم ورا بعضها

ابو العلا

02-04-2008, 02:23 PM

على شو اعتمد الموضوع زواج وطلاق ولا ذكر وانثى ولا ...

حددلنا شو الموضوع يا معلم

وعلى راسي

فوزي سيلان

02-04-2008, 09:32 PM

حدد الموضوع وتكرم عينك يابو ياسر ومشكور على التوضيح والترتيب ولعيون أبو العلا كمان نحنا حاضرين

أبو عبد الرحمن

03-04-2008, 01:18 AM

السلام عليكم

الموضوع ذكر وأنثى

أبو العلا ....مع الانثى

وأبو الفوز مع الذكر

كل مشاركة من ثلاثة إلى خمسة أبيات

إجمالي المحاورة ........عشر مشاركات لكل شاعر في هذا الموضوع

البداية للأخ أبو العلا ....

فوزي سيلان

03-04-2008, 06:55 PM

تكرم عيونك يا حبيب قلوبنا

معليش بس هي سمحولي فيها ميجانا

ابو العلا

05-04-2008, 10:32 AM

رح ابدأ الموضوع مني بسؤال .......... اطرح فكر عن فضل شمسي عالهلال

واسأل عن الأم الحنونة من قِبال .......... نور الكتاب , وكيف تكريمـــا يُطــــال

بنهج النبوة الصافية خدلك مقال .......... الأم ّ فضّلهـــــــــا ثلاثة عالرجـــــــال

جنة سما عالأرض تحت قدامها .......... كرمـــــــال أمي عشقت حوا بكل مجال

فوزي سيلان

05-04-2008, 11:56 PM

مـابـيـن أنـثـى وذكـر بلشــنـا السـجّال ــــــــــــــ الموضوع منهي وما بيتطلب جدال
شو جاب جنس العاطفة وجنس الدلال ــــــــــــــ لـلكـبـرياء وللبـأس عـنــد الرجــال
ننكر نبيـنــا المـصـطفـى أكـبر مـحال ــــــــــــــ شو كان جنسو بس جاوب عالسؤال
وقـتا بـتـرجـــع للــنــهــايـة بالـمـقـال ـــــــــــــــ أكبر مثل أعطــيت فكّر بـالـمـثـــال
هالأم مــافــي شــــك عـــالي شـــأنها ــــــــــــــــ لكن أسـاس وجــودها (آدم) ياخال

مع احترامي لكل الإناث وأكيد أنا موهيك رأيي فيكن بس الموضوع هيك بيتطلب وأبو ياسر قصدو يورطني منشان نام برات البيت (بسيطة )

ابو العلا

07-04-2008, 09:12 AM

يا لائمي بعشق الجمال المريمي ـــــــ من هالجمال الفكر صاير ملهمي

تهجمت عا حوى بدعاوي واهمة ــــــ وشْطحت تمدح في ذكورة حالمة

ونسيت هاجر ,من بعدها فاطمة ـــــــــ رايات تخفق بالطهر في عالمِ

وما عرفت حوى يل ْ برقة راسمة ــــــــ ألوان مع آيات , خلك فاهمي

ومن لب رحمها ولدت صنوف البشر ــــــ لولا وجودا زال جنس الآدمي

فوزي سيلان

07-04-2008, 07:43 PM

شوجاب حوا عالدني وجاب النســــل ـــــــــــــ لولا ضــلـع آدم لــها يــكــون الأصــل<O:p</O:p
حاجة المعاني تحرّفــا وتـنـقــل نـقــل ــــــــــــ فلّاح لـوما يـكــون مــاكانـــت حــقـــل<O:p</O:p
ولولا وجــود الرجــل ما كـان النــجل ـــــــــــــ ولولا هبوب الريـــح مــا بيـحمل نخل<O:p</O:p
ودبّور كل مـــاراد يـبـحـث عــن أكـل ـــــــــــــ بتموت منو خــوف مـمــلــكــة الـنحل<O:p</O:p
شوف الفكرشوف الحلم شوف العدل ـــــــــــــ شوف النصر شوف العلم شوف العقل<O:p</O:p
كلّو مذكّر يـــاصــديــقــي بـهــالــعمر ــــــــــــ راجع أمورك واصــقل الواقــع صـقــل<O:p</O:p

ابو العلا

08-04-2008, 02:16 PM

يا من على حوا بأشــــــعارو افترى ـــــــــــ واخفى الحقيقة بالتحايل عالورى
<O:p
بيقول عن فــــــــلاح صاحب مقدرة ــــــــــــ نسيان شمسي بشعاعا اللّي سرى
<O:p
وغيمات مجّت هالمطر تروي الثرى ــــــــــ تا تنبت حقولك بنخلا والذرة<O:p

وشـــــــوجاب هالدبور قلّي يا ترى ــــــــــ نحلات صنعت هالعسل منها جرى
<O:p<O:p
كلمة حقولا بْلا مراء وفشــــــورة ــــــــــــ بتلخص الموضوع , تنهي الزعبرة

<O:pكل المصايب بالدني صنع الرجل ـــــــــــ لكن جمال الكون من صنع المرا

فوزي سيلان

08-04-2008, 04:39 PM

:cool:بكلـمــة الحــقـــلة لزوم نرجع لــــلــوراء ـــــــــــ دوِّر عـلـيـها واصــرف شـوية عنـــاء
شو فـي فـرق مـابـيـن حـاجـة وإكـتفاء ــــــــــ نفس الفرق موجود بين علة وشفـاء<O:p</O:p
وشــوالـفـرق مــابـيـن الخيانة والوفاء ـــــــــ نفس الفرق بين الغشــاوة والصـفـاء<O:p</O:p
كانت الـعورة بتـنـكشــف لــولا الــرداءـــــــــ والمي مـا بـتــذوقــهـــا لـولا الـوعـاء<O:p</O:p
جٌل المــؤنث شـــر بسـتـثـنـي النســـاء ـــــــــ مــش كـلهن طـبـعـا رح يكونو سواء<O:p</O:p
شو جنس روبي ونانسي ونجوى فؤاد ـــــــــــ يمكن أليسا ذكر يا أما هيفاء؟؟؟؟!!!;):confused:
<O:p</O:p

ابو العلا

09-04-2008, 02:20 PM

وينو بو ياسر حتى ينهي هالنزال ـ ـ ـ يعلن نصر انثى على جنس الرجال

فوزي بشعرو استشهد بكلمة وقال ـ ـ ـ يعني طغت كفت مؤنّث بالمقــــــال

ألف وهمزة بوصلها بكلمة تصير ـ ـ ـ صيغة مؤنث جنسها وبدون جدال

فوزي سيلان

09-04-2008, 10:47 PM

اسأل كبار اللغة وشعّار الحــجـاز ـــــــــــــــــ هِنّي أصــل هاللغة وهِنّي الإرتــكاز<O:p</O:p
كلمة بئر كلمة حـقل أو عين غاز ــــــــــــــــــ يمكن تعِدْها مْأَنَث وإســمو مُــجــاز<O:p</O:p
ويمكن تعِدْها مْذَكَر ومافي جواز ـــــــــــــــــــ كتاب النحو والصرف هالحالة أجاز<O:p</O:p
أَدخِــل عـلـيها هـذه وهـذا بإعـاز ــــــــــــــــــ بتشـوف بالتـنتيــن مــا عندك نشــاز<O:p</O:p
خلّـي بـو يــاسر للي أكـبر مـنها ـــــــــــــــــــ وخلي التنافس يوْصَـل لْأجـْـمَل طراز

<O:p</O:p
<O:p</O:p
<O:p</O:p
حاجي دعم لهالنسا يابـو الــعـــلا ــــــــــــــــ مكشــوف أمـرك آخرا مع أولا<O:p</O:p
أترك علا واتـرك هلا واتـرك حـلا ـــــــــــــــــ وارجع لعبدو وخالد ولحنظلـة<O:p</O:p
لولا الحبل يحـمـل بـقــوة هـالـدلا ــــــــــــــــــ ماكان واحد منهنْ بْمي امتــلا<O:p</O:p
ولولا صاروخ يشيل مركبة العلا ــــــــــــــــــ ماكان وصلت للفضــاء و للمــلا<O:p</O:p
ولولا الوقـــود بـيـشتـعل بمرجلا ـــــــــــــــــــ ماكان شـي لهــالمكانة وصَلا<O:p</O:p
بعتقدبالموضـوع ماضـل إلـتباس ــــــــــــــــــ والشك يلي بداخـلك رح ينجلا <O:p</O:p

أبو عبد الرحمن

10-04-2008, 01:05 AM

متابع وبقوووووة

________________

عدد المشاهدات للموضوع = 117 وبوقت قياسي

ما شاء الله

أبو منير

10-04-2008, 09:53 AM

ألف ألف شكر للشاعرين المتميزين أبو الفوز وأبو العلا على الموضوع الجميل والأفكار المميزة فعلا" أمتعتونا تابعو على بركة الله
بس إسمحولي بهالبيتين عالماشي

حوا وجودا بهالدني بسمة وأمل .......وآدم تيسعى بجد عـدروب الــعمل
آدم وحــوا تنينهون خلقوا سوا ........بحكمة الخالق فيهون الكون إكتمل

فوزي سيلان

10-04-2008, 11:53 PM

الشكر كل الشكر لأبو ياسر ومافي شك باستمرار متابعتك لأنك إنت الأصل والمرجع
وشكري الكبير لأستاذنا أبو منير على تعليقك ومشاركتك الرائعة

أحمد عيسى

11-04-2008, 11:57 PM

كل الشكر للأخ فوزي و الأخ أبو العلا , الله يعطيكن العافية ما قصرتو. يعني أنعشتو مغارة الزجل بعد ما كانت على وشك الهلاك , شكراً لكما.

ابو العلا

12-04-2008, 10:27 AM

شكرا الك يا ابو ياسر على متابعتك وشكرا لك على القوة في المتابعة

تحياتي للشاعر ابو منير وشكرا على مرورك الطيب

تحياتي للشاعر احمد عيسى , الله يعطيك العافية

كلمة يا فوزي مني لازم تسمعا ........ حتى الحقيقة بعيونك تقشعا

العين آية يا صديقي مشرعا ........ جنسا مؤنث والاذن متلا معا<O:p
<O:p
والأوردة وأعصاب فيك مجمعا ....... بتشيل حبلك لو ما غيرا ما سعا<O:p
<O:p
والنطف فيك مأنثة مو ادِّعى ........ م بدك نسل لازم بانثى تزرعا

وكل الخلق اصلو ببذرة ابتدا ......... بشر وجماد والنبت بالمزرعة

فوزي سيلان

13-04-2008, 12:17 AM

شكرا لشاعرنا الكبير أحمد على مرورك وبانتظار مشاركتك وتشريفك
<O:p</O:p
<O:p</O:p
شـكلك وقِعْـت وماْ عْليــك سمــا حــداــــــــــ جوا الشبــك وقّعــت حالك عــالهَدى<O:p</O:p
كـلـــمـــة وريـــد مْـذكـَّــرا والأورداــــــــــــ جمــع الـمـذكّر والعجــز عندك بدا<O:p</O:p
والعصــب كلمـة مْــذكَّــرا وبـتــرددا ــــــــــ فــكّــرت إنــو جـولــتــك بـتـمـددا<O:p</O:p
لولا النظــر شــونفــع عينـك مـن بدا ـــــــــ ولولا السمـع إذنك شو يلي بيرشدا <O:p</O:p
وكلمة النطفة عرفت من طول المدى ـــــــــ حيوان أصلا, راح جهدك عاسـدى<O:p</O:p
والخلق أصــلو آدم وأصـــلو تـــراب ــــــــ يــلا بــو يـاســـر لـلـنـتيجــة حدّدا

البداية<O:p</O:p

أحمد عيسى

13-04-2008, 01:36 AM

بَـيـن المُـذكّــر و الـمُـؤنّـث فـي سِـجـال
<O:p</O:p
عْمِلتو حروب و بالشِّعرخضتو المجال
<O:p</O:p
بْـوقـت الـحـرب بـدنـا رُجـولِـه لـلـقـتـال
<O:p</O:p
بْوقـت السِّـلم حَـلّـى الكَون غَـنْـج وْ دلال
<O:p</O:p
النحلِه مؤنّث جنحهـا عْـلى الزّهـر جـال
<O:p</O:p
لومـا الـعـسـل شو نفعها و الشـهـد سـال
<O:p</O:p
شِعرَك مُـذكَّـر ضلْ بِـكْـهـوف الـخـيـال
<O:p</O:p
لوما القصيـدِه تَّـوجـو بْعـرش الـجـمـال
<O:p</O:p
سْـألني سؤال وْ رح بْجواب ع السـؤال
<O:p
زَوجَين نحـنـا- مـش أنـا, الـقـرآن قـال
<O:p</O:p
وْ حتى بِحُبّ وْ عـدل إنـهـي هـالـنّـِزال
<O:p</O:p
عـنـدي عِـبـاره رح بْـقـولا بْـلا جــدال
<O:p</O:p
لومـا الـرّجـال الـكـَون كـلّـو ما انْـبـنى
<O:p</O:p
وْ لوما النساء الـرْجال ما طلعو رْجـال<O:p</O:p
<O:p</O:p

فوزي سيلان

13-04-2008, 09:02 PM

يا سلام عليك يا أستاذ أحمد على هالنظم الفريد والتعبير الجميل ونحنا بأمرك بس طلبنا من أبو ياسر يحددلنا النتيجة بس ما رد علينا مدري وينوبس إذا إنت شايف إنو لزوم ينتهي السجال بننهي وبانتظار موضوع جديد ولك ولكل من مر عالموضوع الشكر الجزيل والشكر الأكبر للند العنيد والخصم المعلم أبو العلا يلي أثبت إنو نظم الزجل عندو متل شرب المتة ( ما بعرف إذا بيشربها ولا لأ؟)

أبو عبد الرحمن

14-04-2008, 12:42 AM

السلام عليكم

اخي أبو الفوز بارك الله فيك

انا بتم متابع وقارئ فقط ....

وما بيطلعلي أبداً إني قيّم وفضل شاعر على آخر

مع إني والله استمتعت بكلامك وكلام الحبيب أبو العلا

لأنو أنتو التنين تميزتوا وكانت هالمحاورة من أجمل المحاورات على المنتدى .

يا اخي لما يلي عم يتحاروا أساتذة ومحترمين , بيحترموا بعضهم البعض ...وهدفهم فقط تقديم
قيم راقية ونصائح ضمن هالقالب الشعري ....اي والله الزجل بصير شغلة بتشهي

ويا ريتني كنت بحسن اكتب وزجّل متلكم .

بس لما بيجي أبو علي أحمد عيسى و بيختملنا الموضوع بها النهاية الرائعة , بعتبر هالشي أروع خاتمة لاروع موضوع

بارك الله بابو العلا....وبارك الله بأبو الفوز ....وإن شاء الله منتظرين تمتعونا بموضوع قادم وبمحاورة جديدة

فوزي سيلان

14-04-2008, 08:29 PM

كل هالزجل والكلام المعسول يلي قلتو وبتقول مابتعرف زجل , ياسيدي الزجل مو ردة وقرادة ومعنّى, الزجل سمع وذوق ومتابعة ولك جزيل الشكر ولكل من تابع وللشاعر الكبير أبو العلا وللأستاذ أحمد عيسى والسلام عليكم ورحمة الله وبركاته.

ابو العلا

15-04-2008, 02:26 PM

مرحبا بالجميع

كنت مسافر مبارح عالرياض وما صحلي اكتب وكمل

علكل حال انا بحب اشكر الاستاذ فوزي اللي قبل انو يزجل معي ...هادا اولا

تانيا :بشكرو على هالشعر الطيب اللي اتحفنا فيه

ثالثا : بشكرو على كلماتو الرائعة واطراؤوا علي بما لا استحق

رابعا : انا شريب مته درجة اولى , بشغل الاصان وبمد بربيش وبعبي ...

وبشكر ابو ياسر الحبيب والشاعر احمد عيسى وابو منير وكل مين قرأ هالموضوع

وسترو ما شفتو منا

بانتظار موضوع تاني من اختيار الاستاذ فوزي

والسلام عليكم ورحمة الله

زيدان محمد سيلان

30-01-2009, 09:48 PM

يا جبعدين إنتي جنة الرضوان مياتك السلسبيل تروي الظمآن

الشعار قالوا عنك من زمان أهلك أهل المرجلة وكل إحسان

اسمحولي عقب عــ هالموضوع وصلح الشعر المهلل التعبان

التحدي بدو مرجلة وعنفوان وكلمة حلوة معيرة ودوزان

أنا بشعري ركَعت ابن رمضان والحسواني ومعو شاعر بلودان

أنثى وذكر كلهن خلقة الرحمن هيك ربنا ذكرهن بمجمل القرآن

ما فينا نرجح واحدة عالتانية البشر خلقوا سواسية وخلان

بس العمل والتقى والإيمان هنن بيرجحوا كفة الميزان

وإنتواالإثنين ما رح تتعلموا إلا ما تتخرجوا من مدرسة زيدان

شكرا لكم على زجلكم الجميل وخاصة الغالي فوزي ، وأحلى شباب