جمال فيصل
10-03-2008, 10:55 PM
http://www.4pnc.com/images/icons/icon12.gif اختصر يا عزيزي .. اختصر !!
في مرة من المرات سألتُ الرجل العجوز الذي يجلس أمامي في القطار القادم من الاسكندرية : هية الساعة كام معاك يا والدي ؟! ( سؤال طبيعي جدا واجابته بسيطة مش كده يا حلوين ؟! الا ان العجوز كانت له نظرة اخرى فنظر الى الكمساري قائلا : يا اخي انا مالي ؟ فدهشتُ وقلت له : طيب زعلان ليه يا حاج .. بترد عليا كده ليه ؟ هو انا زعلتك في حاجة لا سمح الله ؟!!http://www.4pnc.com/images/pnc/vip/sm241.gif فرد عليّ في حقد وجفاء : انا فاهم حركاتكوا دي كويس .. ح ارد عليك بأدب ولطف .. ح تاخد وتدي معايا في الكلام .. ح تسالني انت رايح فين ؟ ..انا عارف انت اكيد ح تسالني السوال ده . .ح قولك رايح دمنهور .. ح تقولي احسن ناس واجدع ناس .. ح أعزم عليك تتعشى عندنا .. عزومة مراكبية يعني .. وانت مش ح تصدق نفسك وح تبلط في الخط .. في البيت عندي ح تشوف بنتي الصغيرة تهاني .. وتحبها .. وبعدين ح تطلبها للجواز .. وانا ح ارفض طلبك البايخ ده رفض قاطع ونهائي..عشان انا ماجوزش بنتي لواحد ما عندوش ساعة ..http://www.4pnc.com/images/pnc/vip/sm259.gif تهاني ح تتمسك بيك .. انا عارفها كويس .. اصلها دلوعة وشبّاطة .. ح اضطر في النهاية ارضخ لضغطكوا عليا واجوزكو لبعض ..http://www.4pnc.com/images/pnc/vip/sm244.gif
اخويا عبد الخالق ح يخاصمني ويقاطعني لانه مكلمني على تهاني لابنه حسنين .. بقى انت عاوزني انا اقاطع اخويا عشان خاطرك انت ؟؟ اما دي مهزلة !!
وبعديها قام الرجل العجوز من امامي وانا في قمة الاندهاش والذهول ..وهو يسب ويلعن في اخلاقيات شباب هذه الايام واللي انا طبعا واحد منهم .. وانا يا حسرة لم افعل شيئا سوى ان سالته : الساعة كام ... هل هذا الرجل مجنون ؟؟! اكيد انتو متخيلين هذا الوضع الماساوي .. ومن ثم قلت في نفسي : اذا كان انا سالته بس عن الساعة كام وعمل فيني كده !! امال لو كان قلتله عاوز اتجوز بنتك كان عمل فيني ايه ؟ اكيد كان ح يرميني من الشباك .
ولو جيتوا للحق الرجل العجوز ... محق في كل كلمة قالها .. فهنالك اشياء كثيرة في حياتنا لو حسبتها لوجدت انها تصل بك الى نتائج بعيدة ..
وكلنا يعرف قصة الرجل الذي تعطلت سيارته في الصحراء ووقف في حيرة لا يعرف ماذا يفعل .. ونظر بعيدا ليجد بيتا مضاء .. وفكّر بينه وبين نفسه : اروح اخبّط ع البيت اللي هناك ده ؟! ثم تراجع وقال : كده في نص الليل ؟ اكيد صاحب البيت ح يستقبلني استقبال وحش .. مش مهم ما انا ح اقوله ع المأزق اللي انا فيه .. عربيتي عطلت .. هو انا جاي عشان اتضايف .. ح يقوللي وانا اعمل لك ايه دلوقت ؟!! ح اقوله ابات عندك للصبح طبعا.. سيندهش من اقتحامي له بالسؤال .. تبات عندي ؟ هيَ وكالة من غير بواب ؟ انا فاتحهُ سبيل ؟!! وبعدين ح ارد عليه : انا مش شحات طالب حسنة يا اخينا .. انا في مشكلة .. ح يقل ادبه عليا ويقوللي : وانا اعرفك منين مش يمكن تكون حرامي ؟! ح اقوله : نهارك اسود ومنيل بستين نيلة .. انا حرامي ؟
كان صاحبنا يفكر في كل هذا الحوار وهو في طريقه الى بيت الرجل الذي تخيله .. وقد غضب وثار ضد الرجل دون ان يراه حتى ..وانتهى الحوارالباطني .. وبعدين صاحبنا طرق الباب وفتح له صاحب البيت .. فقال له صاحب العربية : انا حرامي يا راجل يا متستحيش على دمك ؟ مش عاوز منك حاجة .. غور من وشي .
ان هذه الحادثة على طرافتها تعكس نقطة خطيرة جدا في الطبيعة الانسانية والتفكيرالانساني .. وهو البناء والتوقع .
ولذا كثير من الناس يردون على اسئلة لم توجه لهم .. فانا مثلا ارفع سماعة التلفون واقول : الوو .. يرد عليا الطرف الاخر بسرعة : موضوعك خلّص يا سيدي .. وهو هنا اختصر سؤالي له : عملتلي ايه في الموضوع ؟
وعلى كده ممكن اتخيل انو قد اصادف احد اصدقائي لم اراه من فترة .. ويفآجني بقوله : حياتك الباقية ياخويا ... يا ساتر يا رب .. ثم اساله : في ايه يا عمي ؟ فيجيبني : مش كنت ح تسالني فينك مش شايفك من زمان .. وكنت ح قولك : بس شوية ظروف كده .. وانت كنت ح تلح علي عشان تعرف ايه الظروف دية .. وح قولك كنت مسافر .. ح تقولي فين .. ح قولك كنت في البلد .. ح تقولي : اللهم اجعله خير في ايه في البلد ؟ كنت ح قولك جوز خالتي اتوفى .. وانت طبعا ح تقوللي : البقية في حياتك .. وكنت ح ارد علي : حياتك الباقية .. نعم هذا هو العقل المتيقظ الذي يعمل بنشاط وبلا كلل طول الوقت .
يا ليتنا جميعا نختصر كل الجمل الزائدة في الحياة .. لصار حوار حياتنا مكثفا وجميلا ورائعا .. تعالوا نشطب بانفسنا العبارات التي هي تحصيل حاصل ... ستصبح ثورة في لغة التعامل ..
ولذا فقد سعدتُ سعادة كبيرة بصديقتي العزيزة .. التي سالتها ذات مرة : هوَ احنا في شهر ايه يا سوسو ؟ فأخرجتْ على طول ساعة من حقيبتها واعطتها لي .. وقالت لي : كل سنة وانت طيب !! يا عيني .. هو ده .. كانت ح تقوللي احنا في شهر اغسطس .. اقولها كام اغسطس ؟ ح تقوللي 7 أغسطس .. وبعدين ح اقولها يا خبر ابيض ده انا عيد ميلادي بعد 18 يوم .. ح تجيبيلي ايه يا سوسو؟ لقد اختصرت صديقتي الحوار الممل .. ودخلت ع الجد على طول ... ولكنها حينما جاءني تلفون وانتحيتُ جانبا لأرد عليه واخذتُ اهمس واغمز ...راحت واخدة الساعة من يدي بعنف وقالتلي روح في ستين دهية هو ده آخر يوم بيناتنا .. وانصرفتْ .. هنا عرفتُ تماما ماالذي اختصرته صديقتي العزيزة ..
بَسِ خلاص الموضوع ( بَحْ ) يعني انتهى بكل اختصار... ويارب الفكرة تكون وصلت بطريقة ممتعة..
في مرة من المرات سألتُ الرجل العجوز الذي يجلس أمامي في القطار القادم من الاسكندرية : هية الساعة كام معاك يا والدي ؟! ( سؤال طبيعي جدا واجابته بسيطة مش كده يا حلوين ؟! الا ان العجوز كانت له نظرة اخرى فنظر الى الكمساري قائلا : يا اخي انا مالي ؟ فدهشتُ وقلت له : طيب زعلان ليه يا حاج .. بترد عليا كده ليه ؟ هو انا زعلتك في حاجة لا سمح الله ؟!!http://www.4pnc.com/images/pnc/vip/sm241.gif فرد عليّ في حقد وجفاء : انا فاهم حركاتكوا دي كويس .. ح ارد عليك بأدب ولطف .. ح تاخد وتدي معايا في الكلام .. ح تسالني انت رايح فين ؟ ..انا عارف انت اكيد ح تسالني السوال ده . .ح قولك رايح دمنهور .. ح تقولي احسن ناس واجدع ناس .. ح أعزم عليك تتعشى عندنا .. عزومة مراكبية يعني .. وانت مش ح تصدق نفسك وح تبلط في الخط .. في البيت عندي ح تشوف بنتي الصغيرة تهاني .. وتحبها .. وبعدين ح تطلبها للجواز .. وانا ح ارفض طلبك البايخ ده رفض قاطع ونهائي..عشان انا ماجوزش بنتي لواحد ما عندوش ساعة ..http://www.4pnc.com/images/pnc/vip/sm259.gif تهاني ح تتمسك بيك .. انا عارفها كويس .. اصلها دلوعة وشبّاطة .. ح اضطر في النهاية ارضخ لضغطكوا عليا واجوزكو لبعض ..http://www.4pnc.com/images/pnc/vip/sm244.gif
اخويا عبد الخالق ح يخاصمني ويقاطعني لانه مكلمني على تهاني لابنه حسنين .. بقى انت عاوزني انا اقاطع اخويا عشان خاطرك انت ؟؟ اما دي مهزلة !!
وبعديها قام الرجل العجوز من امامي وانا في قمة الاندهاش والذهول ..وهو يسب ويلعن في اخلاقيات شباب هذه الايام واللي انا طبعا واحد منهم .. وانا يا حسرة لم افعل شيئا سوى ان سالته : الساعة كام ... هل هذا الرجل مجنون ؟؟! اكيد انتو متخيلين هذا الوضع الماساوي .. ومن ثم قلت في نفسي : اذا كان انا سالته بس عن الساعة كام وعمل فيني كده !! امال لو كان قلتله عاوز اتجوز بنتك كان عمل فيني ايه ؟ اكيد كان ح يرميني من الشباك .
ولو جيتوا للحق الرجل العجوز ... محق في كل كلمة قالها .. فهنالك اشياء كثيرة في حياتنا لو حسبتها لوجدت انها تصل بك الى نتائج بعيدة ..
وكلنا يعرف قصة الرجل الذي تعطلت سيارته في الصحراء ووقف في حيرة لا يعرف ماذا يفعل .. ونظر بعيدا ليجد بيتا مضاء .. وفكّر بينه وبين نفسه : اروح اخبّط ع البيت اللي هناك ده ؟! ثم تراجع وقال : كده في نص الليل ؟ اكيد صاحب البيت ح يستقبلني استقبال وحش .. مش مهم ما انا ح اقوله ع المأزق اللي انا فيه .. عربيتي عطلت .. هو انا جاي عشان اتضايف .. ح يقوللي وانا اعمل لك ايه دلوقت ؟!! ح اقوله ابات عندك للصبح طبعا.. سيندهش من اقتحامي له بالسؤال .. تبات عندي ؟ هيَ وكالة من غير بواب ؟ انا فاتحهُ سبيل ؟!! وبعدين ح ارد عليه : انا مش شحات طالب حسنة يا اخينا .. انا في مشكلة .. ح يقل ادبه عليا ويقوللي : وانا اعرفك منين مش يمكن تكون حرامي ؟! ح اقوله : نهارك اسود ومنيل بستين نيلة .. انا حرامي ؟
كان صاحبنا يفكر في كل هذا الحوار وهو في طريقه الى بيت الرجل الذي تخيله .. وقد غضب وثار ضد الرجل دون ان يراه حتى ..وانتهى الحوارالباطني .. وبعدين صاحبنا طرق الباب وفتح له صاحب البيت .. فقال له صاحب العربية : انا حرامي يا راجل يا متستحيش على دمك ؟ مش عاوز منك حاجة .. غور من وشي .
ان هذه الحادثة على طرافتها تعكس نقطة خطيرة جدا في الطبيعة الانسانية والتفكيرالانساني .. وهو البناء والتوقع .
ولذا كثير من الناس يردون على اسئلة لم توجه لهم .. فانا مثلا ارفع سماعة التلفون واقول : الوو .. يرد عليا الطرف الاخر بسرعة : موضوعك خلّص يا سيدي .. وهو هنا اختصر سؤالي له : عملتلي ايه في الموضوع ؟
وعلى كده ممكن اتخيل انو قد اصادف احد اصدقائي لم اراه من فترة .. ويفآجني بقوله : حياتك الباقية ياخويا ... يا ساتر يا رب .. ثم اساله : في ايه يا عمي ؟ فيجيبني : مش كنت ح تسالني فينك مش شايفك من زمان .. وكنت ح قولك : بس شوية ظروف كده .. وانت كنت ح تلح علي عشان تعرف ايه الظروف دية .. وح قولك كنت مسافر .. ح تقولي فين .. ح قولك كنت في البلد .. ح تقولي : اللهم اجعله خير في ايه في البلد ؟ كنت ح قولك جوز خالتي اتوفى .. وانت طبعا ح تقوللي : البقية في حياتك .. وكنت ح ارد علي : حياتك الباقية .. نعم هذا هو العقل المتيقظ الذي يعمل بنشاط وبلا كلل طول الوقت .
يا ليتنا جميعا نختصر كل الجمل الزائدة في الحياة .. لصار حوار حياتنا مكثفا وجميلا ورائعا .. تعالوا نشطب بانفسنا العبارات التي هي تحصيل حاصل ... ستصبح ثورة في لغة التعامل ..
ولذا فقد سعدتُ سعادة كبيرة بصديقتي العزيزة .. التي سالتها ذات مرة : هوَ احنا في شهر ايه يا سوسو ؟ فأخرجتْ على طول ساعة من حقيبتها واعطتها لي .. وقالت لي : كل سنة وانت طيب !! يا عيني .. هو ده .. كانت ح تقوللي احنا في شهر اغسطس .. اقولها كام اغسطس ؟ ح تقوللي 7 أغسطس .. وبعدين ح اقولها يا خبر ابيض ده انا عيد ميلادي بعد 18 يوم .. ح تجيبيلي ايه يا سوسو؟ لقد اختصرت صديقتي الحوار الممل .. ودخلت ع الجد على طول ... ولكنها حينما جاءني تلفون وانتحيتُ جانبا لأرد عليه واخذتُ اهمس واغمز ...راحت واخدة الساعة من يدي بعنف وقالتلي روح في ستين دهية هو ده آخر يوم بيناتنا .. وانصرفتْ .. هنا عرفتُ تماما ماالذي اختصرته صديقتي العزيزة ..
بَسِ خلاص الموضوع ( بَحْ ) يعني انتهى بكل اختصار... ويارب الفكرة تكون وصلت بطريقة ممتعة..