عتابا [الأرشيف] - مدرسة تعليم السريانية من جبعدين

فوزي سيلان

08-03-2008, 09:38 PM

شو رأيكن نتشارك بكتابة أبيات العتابا من التأليف الشخصي وبعيدا عن الذم والتجريح
مع العلم أن العتابا أحد ألوان الزجل والشعر الشعبي وهي من تراث البلد على أن تكون المشاركة ببيتين الأول ميجانا والثاني عتابا كما هو معروف ومجال المشاركة مفتوح للجميع مع الشكر والتقدير للجميع :

تعو يا حباب لنكتـب عتابــا ـــــــــ العتابا قصر رح نقصد عتابا
وما بدنا بومنيريتزايد عتابا ـــــــــ تكرم عيونك يا حبيب قلوبنا

رجعو لنحيي مغارة شعرنا ــــــــــــ من الهجران شيبتوا شعرنا
وإذا بتوافقو بنرفع شعرنا ـــــــ (الحضور الدائم ودعم الشباب)

غير العتابا ما بيروي قلوبنا ــــــ غير العتاب ما بيروي قلوبنا

شعرنا الثالثة : تعني شعارنا وخفف المد لضرورة الوزن

فوزي سيلان

12-03-2008, 11:23 PM

أهلا وسهلا بموقعنـــا من نزل ـــــــ ما رح تلاقوا بيت متلوا أو نزل
وعنو حلفنا ما رح نبعد أو نزل ــــــ أصبـح بيتنــا ويلي فيه خوانـنــا

وين شــعّــار مـوقعنـا مـا ردّوا ــــــ الشعر إلنــا ولــحضـرتنا مردّوا
فتحت الباب ورح إحلف مردّوا ــــــ لحتـى يـد خـلـوا كــل الشــبـاب

غير العتابا ما بيروي قلوبنا

admin

13-03-2008, 02:41 AM

بارك الله بك
أخي فوزي

بورك تألقك الملون بألوان الزجل البهية

وأتمنى أن يساهم الجميع وأخص الأخ ابو منير والأستاذ أحمد عيسى في هذا الموضوع

أحمد عيسى

15-03-2008, 03:10 AM

اذا ردَّيتْ سمْع الكَون ردّي
لأنّي بعـمـل مْـن الـدّر ردِّه
وْعليّي يا نجوم اللَّبل ردّي
لمّا بنظم بـيـوت الـعـتـاب

-----------------

مازالو الـرّبْ مِن فضلو منحنا
إذا ناح الجبل نـحـنـا ما نـحـنـا
وْ إذا رح تسألو نحنا ما نحنا ؟
رجال الموهبِه و أْسـود غـاب

فوزي سيلان

15-03-2008, 08:46 PM

مشكور أستاذ أحمد على مرورك الكريم :
يارب إقــدر لـلـمــعـاني وصّــلا ــــ وأربط قوافيها ببعضـا ووصّلا
عطروا الشفاه بذكر الله والصلاة ـــ عالنبي الهادي وطلبو يشفع لنا

لوما تكونوا يا حبـابي مـاكـنـا ـــــ وإلكــن غير المــحـبـــة مـا كنـّا
وإذا بالشــعر دوّرنـا مـكّــنـــا ــ ما عاد بـتنـتهي بيوت العتــــاب
ـــــــــــــــــــــــــــ غير العتابا ما بيروي قلوبناــــــــــــــــــــــــــــ

ما كنا الثانيه : ما بضمرها
مكنا الثالثة : آلاتنا

أحمد عيسى

16-03-2008, 01:30 AM

أخدنا العـلـم كـلّـو مِـن هـاديـنـا
وْ غَير الله يا فَوزي مَن هِديـنـا
وْ إذا الأمِـه تـبـرَّا مـنـهـا ديـنـا
العوض بِسْلامة رجال العرب

------------------

إذا شــغَّـلـتْ لـلأشــعـار آلِــه
بْشـدّ الـعـزم مـا ظـنَّـيـت آلـي
الشعر إحساس مَنّو رجل آلي
متل الزهر فـوق الـنـهـر داب
أقصّر

فوزي سيلان

16-03-2008, 10:01 PM

ليش الغرب عنـــــا بوابو أوصــداــــــــ يمكن تآكل صاب عقلن أو صدا
ماكان تسمع صوت إلهن أو صدى ــــــ لومـا أسـاس الـعـلـم عنـا يـنـبـنـا

بنظـم الشـعـر لو دارت مـكـنـتـي ـــــ ماعـاد الـنـاس بـتـلـحـق مـكـانتي
ريت يا دنيي مــا كـنـا ومـا كـنـت ــــ ولا شفـنـا الـمذلـة لـلـعــــــــراب
ـــــــــــــــــــ يارب تنصر عالأعادي دينناـــــــــــــــــــــــ

أحمد عيسى

19-03-2008, 01:50 AM

في مـنـتـدانـا الشّّـوق لمّ حبابنـا

بعد ما الغرب عنا الباب سكّر
عقول العرب بالإرهاب سكّر
شـربـنا السّـمّ فـكـرنـاه سُـكّـر
و عن الأعداء عميو عْيوننـا

----------------

الشّـعـر فيني عـن الإعـجـاب أعــرب
و إسـمـي بالشــعــر مـرفـوع أعــرب
و مازال العرب صاروا اليَوم أعراب
إنـعـق فَــوق يــا بــوم الــخــراب

فوزي سيلان

19-03-2008, 11:56 PM

الشعر عالي ووجب تصعد سلمو ــــــــــــــ ولما بتعجـز للـي بعدك ســـلّمو
ياناس صـــــــلو عانبينا وسـلمو ــــــــــــــ خير الصلاة على النبي أفضلنا

خلي الغرب أبوابن يســـكرون ــــــــــــــــ يا أما سـد صـنـبـورن يا سكرن
العرب غايتهم يكيفو ويسكرون ـــــــــــــــ وما بيهمن لو الأقصى انغصاب
ــــــــــــــــــــــــــــ خير الصلاة على النبي أفضلناـــــــــــــــــــــــــ
السكر بالعامية بكسر السين تعني صنبور التحكم بالماء

أحمد عيسى

20-03-2008, 03:45 PM

أنـا عَ الشِّــعـر مـش خـلقـان عـالِـه
إذا ما صْدَحتْ عندي صَوت عالي
حْـمـدوا الله إلــه الــكــون عــالــي
لْ بـعـتْ إلـنـا نـبـيـنـا بـالــكــتــاب

---------------

لْ عَ درب التضحيِّه بيكون ماضي
و بـدّو يْـرجّـع لّـي كــان مــاضـي
على الأعـداء يرفع سّـيـف ماضي
يْـقـطّـع روســهـن فَــوق الـرقــاب

غَير المقاوم ما بْيحمي بلادنا

فوزي سيلان

21-03-2008, 12:55 AM

إذا الإنسان للدنيي عطاها ــــــــــــ بآخرتو مـا بـيـفـيـدو عـطــاهـا
يا قارئين صلولي ع طــه ــــــــــــ وخلو محمد دوم حاضر بيـنـنـا

ماعديناك عالأشعـار علّـة ـــــــــــــ بشعرك طير وين مـــافيك علّي
عتبنا بس يا محبوب علّي ـــــــــــ ما مـر ولا تــذوق هـالــعـتـــاب

ـــــــــــــــــــــــــــ بفعل المقاوم رح نصون ترابناــــــــــــــــــ

أحمد عيسى

21-03-2008, 03:02 PM

نبينا لْ كان بالحسـبـان أمّي
خـرّج للخـلايـق خَـيـر أمِّـه
بعد ألله وْ نبينا عْشَقتْ أمّي
وصيّةْ ربنا بْـآيـات الكتاب

---------

يا أيام الخوالي مين بِ عِـيـدِك
تحتّى يْـقـرّب عْـلَـيـنـا بَـعـيـدك
يا أمي جيت هالمرّه بِ عِـيـدك
تبوِّس من تحت رجلَيك التراب

فوزي سيلان

21-03-2008, 09:35 PM

باب المخـلّـع أنــا جايـي حـددو ــــــــــ والكـرم سـيـّجـلـو طـرافـو وحـددو
هالـيوم عـيـد الأم مين ال حددو ــــــــــ طول العمـر عيـدك يــا أمــي معيّنا

سبحان من كون جمالك والبدع ـــــــــــ لاتكون متل الخشن طبعو وال بدّع
لازم نبعد عن المـحدث والبدع ــــــــــ هيك قال النبي وفعلوا الصحــــــاب
ــــــــــــــــــــــــــــــ عيدك ياأمي طول عمري معيّنا ــــــــــــــــــــــــــ

من الحدادة ( التصويج )
محدد
بضم الدال (يدع اليتيم ) يدفعه بقوة وجفوة

admin

21-03-2008, 10:04 PM

ما شاء الله
الله يزيدكم من عطاه
فعلاً مواهب حقيقية وقدرات معتبرة تستحق كل الاحترام

وياخسارة من لم يمر على هذا الموضوع ويستمتع بكل حرف من حروفه

فوزي سيلان

22-03-2008, 12:22 AM

حسب الموضوع مرورك الكريم يا مدير بارك الله فيك وسدد خطاك

أحمد عيسى

22-03-2008, 01:25 AM

الـكـلـمِـة أنـا سـيّـدهـا وْ فـتـاهـا
الشعر في ساحتي تْمختر فَ تاهَ<O:p
و لَ فَـوزي لِـمْ هالفتوى فـتـاهـا<O:p
يا وَيلو مْن الرّدى بْيَوم الحساب

--------------

إذا مرضان روح دوِّر عَ حِكمِة
يَأمّا بْتنزل عْ رأيي وْ عَ حُكمي
المؤمن دَوم بـيـدوِّر عَ حِـكـمِـة
إذا بالصين منها الخَـيـرجـاب

عيدك يا أمي بْكل لحظة وْ كل سنة

تاه الرجل أي تكبّر

فوزي سيلان

22-03-2008, 10:20 PM

بشعري بتاكل اللوزة فِ تينا ــــــــــــــــــــــ وبكفّي يادِنـي روحي وفُتينـــا<O:p</O:p
نحنــا لا شـرعنا ولا فـتـيـنــا ــــــــــــــــــــــ حـديث الـنـبي إقـرأ بالكتـــاب

<O:p</O:pالجــهـل بـرأيـك تمـلـك تـجـلّا ـــــــــــــــــــــ البصيرة وصرت للبدعة تجِلّا<O:p</O:p
وين الخــير والحــكـمـة تـجَلّا ـــــــــــــــــــــ بــعــيد الأم دلــنا عـــالصواب
<O:p</O:p
<O:p</O:p
ثمرة التين <O:p</O:p
تركينا خلفك<O:p</O:p
حتى كشف الحجب<O:p</O:p

أحمد عيسى

23-03-2008, 04:48 AM

أنا يا شـعـر كالكعبِـة عَـمـرتــك
يا فَوزي حجَّك عليّي وْ عُمرتَك<O:p
عَ إمّك عنتـر وْ لـكـن عَ مرتـَك<O:p
بْترجف مـتـل عـيـدان القصاب

--------------------------

بْ شَرعنا كل قتلِه و الـهـا دِيِّـه
بْ زجلنا كل عركِه و الها دَيّي
تحتّى تْوفـر قروشـك و الهديِّـه
عـم تـِـتـوعَّــد بـنـار الــعــذاب

أحمد عيسى

23-03-2008, 04:54 AM

بِختم المَوهبِه شِـعـري خـتمتـو<O:p</O:p
وْ كِتاب الفلسفِه بْـلَـيـلـِه ختمتـو<O:p
عذروني إذا موضوعي ختمتو<O:p
شـغلـنـا بـلّــش وْ حـان الإيـاب

-----------------

وُرود الـشّــعــر بـالأفــكـــار نِــدّي<O:p</O:p
تـحـتّـى الـقــارئ مْـن الشّـعـر نِـدّي<O:p
وْ يا فَوزي لْ كنت بالموضوع نِدّي<O:p
ألف شـكـر و تـحـيّـة مْن الـحـبـاب

نعطي
<O:p

admin

23-03-2008, 11:46 AM

شاعرنا القدير الأستاذ احمد
أرجو أن تترك الموضوع مفتوحاً
فهو موضوع أكثر من رائع
ونتمنى إطلالتك عليه كلما سنحت لك الفرصة

فوزي سيلان

23-03-2008, 11:47 PM

(وْ كِتاب الفلسفِه بْـلَـيـلـِه ختمتـو<O:p
عذروني إذا موضوعي ختمتو)
كأن المعنى نفسه أرجو التوضيح مع الإحترام لشاعرنا الكبير الأستاذ أحمد

</O:p
أنا بأُم الشــعر وتفرج ع أمي ـــــــــــــ بشــعري جْـمعْــت متعلم ع أمي<O:p</O:p

مافي نســـوان تتبدى ع أمـي ـــــــــــــــ لو اصطفوا النسا فرنج وعراب<O:p</O:p

<O:p</O:p

ريت الهوى ماملنا ولا مـــال ـــــــــــــــ وَلاخيّــب أمــانـيـنــا وِلْ آمـــال<O:p</O:p

ع أمي ما غلي لولو ولامــال ــــــــــــــ إذا عمــــري لـــها عيـد انحساب<O:p</O:p

<O:p</O:p

ــــــــــــــــــــــــــــــ عيدك يا أمي طول عمري معيناــــــــــــــــــــــــــ<O:p</O:p

<O:p</O:p

أنا من الشعر للمشغول عافيه ـــــــــــــ ويارب العرش للمرضان عافيه<O:p</O:p

ويا أحمد ربنا يعطيك عافيــه ــــــــــــ ع هـالإبـــــداع مـن فــكـر وأداب<O:p</O:p

<O:p</O:p

من التكرار يا حبّـــاب قِــلــنا ـــــــــــــ وبــكفي نــعيد للأحــبــــاب قــُلنا<O:p</O:p

مديــر المنتدى المـغوار قَــلنا ــــــــــــــ على الموضوع مانســكّر البــاب<O:p</O:p

<O:p</O:p

ـــــــــــــــــــــــــــــ يارب رجع بالسلامة حبابناــــــــــــــــــــــــــ<O:p</O:p

<O:p</O:p
<O:p</O:p
(من الإمامة :القيادة)<O:p</O:p
من الإعفاء<O:p</O:p
خلينا أو اتركنا<O:p</O:p
قولنا<O:p</O:p

بانتظار عودك المحمود بالسلامة يا أستاذ أحمد إن شاء الله

بديع

24-03-2008, 12:13 AM

تسلم ايدك يا ابو الفوز كلمات محفورة بلقلب

فوزي سيلان

24-03-2008, 08:12 PM

مشكور أستاذ ربيع على مرورك الجميل والأجمل هذا التوقيع اللذي اخترته بارك الله فيك وجزاك كل خير

ابو العلا

26-03-2008, 04:19 PM

كفاكي تجرحي قلبي كفا كي *** بنار الهجر يا شقرا كفاكي
يامحلا الجوري بيلونو كفاكي *** وانا كالنحل ابغى شراب

*************
من بين الخلق ربك صفيكي ** قلبي من جمالك غاص فيكي
دقت صدك وبعدك صفي كي ** الهجر وتمزقي كل العصاب

فوزي سيلان

27-03-2008, 12:31 AM

كفاني غازل عـيونـك كفاني ــــــــــــ ومضّي بالغزل عمري كفاني
بفعل الخير رح أنسج كفاني ــــــــــــ خير من الغزل يوم الحسـاب

أن بالغزل دوم بحوش مسّي ــــــــــــ وبنظم القـافـية مشـهود مسّي
عليكم حـابب بهالوقت مسّي ــــــــــــ يسعد مسـاكم يا أعز حبابـنــا

ــــــــــــــــــــــــــــ غير العتابا ما بيروي قلوبناــــــــــــــــ
جنّي
لمسي

ابو العلا

29-03-2008, 08:28 AM

كفر الغرب خلّى العقل جنّة ــــــــــــ غيّب فكر , غيّب خلق , جنّ

للْ يتبع هادي البشر جنة ــــــــــــ بكبر السماوالارض لجلو مزينة

**************
غرّد بلبي عالشجر , غنّى ــــــــــ تراتيل العشق , وبصوت غنة

غوطة شام هي أرض غنة ــــــــــــ كثيرة خير ليوم الحساب

فوزي سيلان

30-03-2008, 11:00 PM

انا بالشـعر بندر لكـــم ندري ــــــــــــ لسمّعكم من الأشــــعار ندري
واجب يا بني الإسـلام ندري ـــــــــــ حــان الوقــت نرجع للكتــاب

لازم يادني بســرعة نـمركـي ــــــــــ وعلى أيامنــا تحطّــي نمركي
لو تطاول هولندي ودانمركي ــــــــــ شو الهم البحر من لق الكلاب

ما ندر

ـــــــــــــــــــــــــــــــــ بغير المحبة ما بتحيا قلوبنا ـــــــــــــــــــــ

ابو العلا

31-03-2008, 10:16 AM

ناح الفؤاد على الجرح كلمـــــا ـــــــ قال الغرب في نهجنــــــــــا كلمـة

صارت عربنا من الخبر كلمى ـــــــ صرخت بأعلى صوت وا اسلامنا

يا ربي ع بلاوي الغرب عنّا ـــــــــــ وارحم من فؤادو فيه عنا

تننفض غبرة الايام عنّا ــــــــ ونرفع رايتك , والموت طاب

فوزي سيلان

01-04-2008, 12:09 AM

كل الغرب نحنا ياخيي ضعفـهم ــــــــــــــــــــــ بـس برأس قادة عربنا ضع فـهم<O:p</O:p
لولاهشاشة أنظمتنـا وضعـفـهـم ـــــــــــــــــــــــ ما شفنا من الغرب قلة أداب <O:p</O:p
<O:p</O:p
<O:p</O:p
لازم بــلاوي الغـرب نبقى قدها ـــــــــــــــــــــــ وإيـد الغـرب لازم بترْها وقدها<O:p</O:p
وبنت العرب محلا جمالا وقدها ـــــــــــــــــــــــ يكفــي بإنـها بالبراءة مزيِّنــــــا<O:p</O:p
يارب كمل بالمكارم ديننا

ابو العلا

02-04-2008, 08:26 AM

يا ربي راية الامة عليها ـــــــــــ واضرب من طغى بظلموا وعليها

ومهما تكالب الاعدا عليها ـــــــــ ما يقدر بالكفر صبغا ولطخة

ما ذل شعبنا بعمرو ولا طخّا ـــــــ وْايد الحقد لقْطها ولطخة

وكيد الله أعلى بالكتاب

عليها : من الرفع
عليها : مرادف لطغى ..عليها بالظلم
لطخة : من الصبغ
طخا : خضع
طخة : اطلق النار

فوزي سيلان

02-04-2008, 09:38 PM

ياســوريّا الكــرامة أرضعـيناــــــــــ ولســوريا يارب إرض عينا<O:p</O:p

وياربي بالمعارك أرضا عيناــــــــــ أرضا أرضنا والتراب ترابنا<O:p</O:p

بكي الباكي عبغدادي وناحاي ــــــــــ ولأذكـرها وأنا ميّت ونـا حــي<O:p</O:p

إذا الغازي أتى قربي وناحاي ــــــــــ رح يلاقي القبــر فاتح البــاب<O:p</O:p

<O:p</O:p

يارب تنصرعالعدا أبطالنا<O:p</O:p

ابو العلا

03-04-2008, 06:20 PM

من وجه "سيلان" بيلمْحة أرى ضي ــــــــــــــــ إن زعل مني ---عليّ .أراضي

عدونا ينتزع منـــــــــــــا أراضي ـــــــــــــ وزعما العرب تطلق شــــجب

يا ريت نتلاقى سوا ب جَمعة ـــــــــ همومك عاهمومي قوم بجمعا

اعذروني انا بريّح بجمعة ــــــــــ تيهدا الفكر من هم ونصاب

بكرا عطلة ...وراحت ليوم السبت ان شاء المولى

استودعكم الله الذي لا تضيع ودائعه

دمتم

فوزي سيلان

03-04-2008, 07:13 PM

إذا ارجعنا ع سوريا وعدنا ــــــــــــــــــــ بصون ترابها بنوفي وعدنا
فرحنا الأكبرعليهـا وعيدنا ـــــــــــــــــــ يوم بنحررك يـــا جولانــنـا

يا سوريا شوفي عندك وجاهة ــــــــــــــ أخدتي من الدني عــزَّا وجاها
وإذا شــامك حدا زارا وجــاها ــــــــــــــ بيحس بداخلو شموخ العراب

ـــــــــــــــــــــــــــــــــــــ يارب يرجع للحمى جولانناـــــــــــــــــــــــ

ابو العلا

05-04-2008, 10:28 AM

بلاغة من شعر سيلان ترقرق ــــــــــــ على كعبة مشرفة لازم ترق رَق

بْلاد الغرب للانسان ترِق رِق ـــــــــــ وتطْلق مبادئ تا تْطبقا بارضنا

باب الهوى انْ لمســـــــــــــــــتو بالبنا دق ْ ــــــــــ فتّح هم وخلى بالبنا دق

وارضي اللي اغتصب (صهيون ) بالبنادق ـــــــــــ ما ترجع بالسياسة والخطاب

ابو العلا

06-04-2008, 10:50 AM

يا استاذ سيلان الله يعطيك العافية

عندي اقتراح بعد اذنك طبعا

شاهدت في بعض المنتديات فكرة عن كتابة العتابة وهي الاجبار على قافية معينة
يعني انا بكتب اول شطرين من العتابا وانت بتكمل على قافيتي (اما عتابا او ميجانا ) وبعدين انت بتحط اول شطرين وانا بكمل وهكذا

ممكن يكون فيها متعة اكثر , فشوا رأيك استاذي الكريم

فوزي سيلان

06-04-2008, 09:52 PM

تكرم عيونك ياحبيب قلوبنا

فوزي سيلان

06-04-2008, 09:59 PM

هالقلب حزن 10 سنين موشهورــــــــــــ حتى غداللكل معروف ومشهور

ابو العلا

07-04-2008, 02:33 PM

هالقلب حزن 10 سنين موشهورــــــــــــ حتى غداللكل معروف ومشهور

وسيف الحاكم عْلى الشعب مشهور ـــــــــ يمص بدمهم وخيرن سلب

ارض الوطن يابني عليك بْ برها ـــــــــ تحمي سماها وبحورا و برها

فوزي سيلان

07-04-2008, 07:33 PM

ارض الوطن يابني عليك بْ برها ـــــــــ تحمي سماها وبحورا و برها
ورح بلومـــك إذا فــكرت بـُـرهة ــــــــــ بـدفـــع الــروح فدوا للتراب

حذاري يكون أيا بيت مكسور ــــــ أرقامي صحيحة دوم موكسور

ابو العلا

08-04-2008, 11:50 AM

حذاري يكون أيا بيت مكسور ــــــ أرقامي صحيحة دوم موكسور
عْطيني زبد في قافية مو كسور ــــــــــ تأشبع هالقلب حلوالعتاب

ربّي ابنك عْلى الخلق ربّي ــــــــــ ت تكسب بفعالو رضا ربّي

منال

08-04-2008, 12:44 PM

شوهاد شوهل عتابا هي شي فظيع

فوزي سيلان

08-04-2008, 05:00 PM

شكرا منال على المرور

فوزي سيلان

08-04-2008, 05:05 PM

ربّي ابنك عْلى الخلق ربّي ــــــــــ ت تكسب بفعالو رضا ربّي
مابين واو عطفي وواو ربّي ــــــــ احترت وضعت ببحور الأداب

بدنيانا لزوم يكون بسمات ـــــــــــ شونفع القلب منو الفرح بسمات

ابو العلا

08-04-2008, 05:48 PM

بدنيانا لزوم يكون بسمات ــــ شونفع القلب منو الفرح بسمات

وأهل الخير تعرفهم بسمات ـــ الشـــــــجاعة والمروءة والآداب

<O:p
منال الْ غطّت عْلينا خيمتها ــــــ انا اللي بعرفا وبعرف خمتها <O:p

فوزي سيلان

08-04-2008, 11:54 PM

بدنيانا لزوم يكون بسمات ــــ شونفع القلب منو الفرح بسمات

يرجى الإعادة( بسيمات يصبح البيت مكسور بسبب الياء التي لايمكن تخفيفها ) مع الإحترام للأخ الغالي أبو العلا

ابو العلا

09-04-2008, 08:44 AM

مزبوط يا استاذ وقد تم ذلك ان شاء الله

فوزي سيلان

09-04-2008, 10:56 PM

منال الْ غطّت عْلينا خيمتها ــــــ انا اللي بعرفا وبعرف خمتها

<O:p</O:p
وبلدنا عرفناها بِرْ خمتها ـــــــــــــــــــــــــ ورملها المتل حبات الدهاب

<O:p</O:p
<O:p</O:p
<O:p</O:p
<O:p</O:p
يارب نكون بلدنا عاجبينا ــــــــــــــــــــــ بعملنا نكون بصمة عاجبينا<O:p</O:p
<O:p</O:p

ابو العلا

12-04-2008, 02:28 PM

يارب نكون بلدنا عاجبينا ـــــــــــــــ بعملنا نكون بصمة عاجبينا

جِبالا شامخة ومن عاج بَينا ــــــــــ وماء العين تشفي من المصاب <O:p</O:p

اخذنا من شعر سيلان شهدو ــــــــــ عليه الناس بالابداع شهدوا

فوزي سيلان

12-04-2008, 10:59 PM

اخذنا من شعر سيلان شهدو ــــــــــ عليه الناس بالابداع شهدوا

ولابوالعلا يا أحبــاب شاْهدوا ــــــــــ بيمْــتعكم برندحــة العتــاب

يابو العــلا بشعرك شـعرنــا ــــــــــــ إنـت تـاجـنا وإنـت شَعرنــا

ابو العلا

16-04-2008, 02:22 PM

لاتواخذونا عالتأخير

يابو العــلا بشعرك شـعرنــا ــــــــــــ إنـت تـاجـنا وإنـت شَعرنــا

احنا بالكرم عليت شِعرنا ــــــــــــ ندفع روحنا فدوى الشباب
شعرنا : علامة او راية

يابو العــلا بشعرك شـعرنــا ــــــــــــ إنـت تـاجـنا وإنـت شَعرنــا

شعْطينا خلق منا وشوعرناـــــــ واخذنا من الغرب قلة أدب

انت بالكرم والذوق راية ـــــ يا بن سيلان هادا فيك رايي

فوزي سيلان

16-04-2008, 08:19 PM

انت بالكرم والذوق راية ـــــ يا بن سيلان هادا فيك رايي
يابـو العـلا وقّـف عـلـمْـ ـراية ــــــ رح تـشـوف القمربـشهرآب

حد حبابي تمنيت بس كون ـــــ بذْكرهم بوسط الليل بسكون

ابو العلا

17-04-2008, 04:02 PM

حد حبابي تمنيت بس كون ـــــ بذْكرهم بوسط الليل بسكون

علوا حدهم لوبقيت بسكون ــــ ولو تحت الثرى جسمهم غاب

ما تْركت عتباتك إلا كناسة ـــ ولعمري عملت عن موعد كناسي

فوزي سيلان

20-04-2008, 12:25 AM

ما تْركت عـتبـاتـك إلا كنــاســة ـــــــ ولعمري عملت عن موعد كناسي
وماكل الناس رح عدّن ك ناسي ـــــ الحبايب خير من فوق التراب

يا جبعدين يا كاري وهويتي ــــــــــــــ أصلي منك ومنك هويتي

ابو العلا

20-04-2008, 05:09 PM

يا جبعدين يا كاري وهويتي ــــــــــــــ أصلي منك ومنك هويتي

عشقت المجد والرفعة هويتي ـــــ ت عانق جبل بصخورو السحاب

غنيت فيكي ,جبعدين , الميجنا ــــــــ الفلاح زي الخير عندك ما جنا

أبو عبد الرحمن

20-04-2008, 10:19 PM

غنيت فيكي ,جبعدين , الميجنا ــــــــ الفلاح زي الخير عندك ما جنا
وإذا اعتدى عليكي شي مجرم أو جنى ........... بعــــــــــري صدورنا نرد الحـــــراب

_________________
شي واحد جديد من عند أبو الفوز

فوزي سيلان

20-04-2008, 11:25 PM

مشكور أبو ياسر ماشالله عنك شاعر ومخبي حالك . شو رأيك تكمل معنا خلي هالدرر يلي مخبيها تبين حاج مخبي حالك

غنيت فيكي ,جبعدين , الميجنا ــــــــ الفلاح زي الخير عندك ما جنا
وقلبي بقدمو لبو ياسر ميجنا ـــــــــ والروح ترخصلك يا نور عيوننا

الله معاهم وين ماكانو حبابنا

جوا القلب فاتحلك مضافات ــــــ ومضافاتي عأفعالي مُضافات

ابو العلا

21-04-2008, 02:28 PM

الله حيك ابو ياسر ... عم قول ورا هالشايات في شاعر

جوا القلب فاتحلك مضافـــــــــــــات ـــــ ومضافاتي عأفعالي مُضافــــــــــــــات

وِ همـــي اللْ في القلب كائن مضى فات ــــــ لمن بوياسر زهزه ف موضوعنا

بوياسر بشعرو علينا قد علي ـــــــــــ عامنبر الكلمة بجدارة قدع لي

قدع : دفعني ليتجاوزني ويسبقني

فوزي سيلان

21-04-2008, 08:28 PM

بوياسر بشعرو علينا قد علي ـــــــــــ عامنبر الكلمة بجدارة قدع لي
وماأحد دافع عن نبينا قد علي ــــــــــ بن أبي طـالب قد قهر أعـدائنا

يابو العلا دوّر عا جميلة ـــــــــــــ المرمر كحلها والعاج ميلا

ابو العلا

23-04-2008, 08:31 AM

يابو العلا دوّر عا جميلة ـــــــــــــ المرمر كحلها والعاج ميلا

وعأمريكا روح تت عج ميلا ـــــــــــــــ وتهدمها وتحولها خراب

ميلا : مساحاتها الشاسعة

ابن سيلان استاذي ومعلمي ـــــــــــــ ويدّو دوما عليّ معلمي

فوزي سيلان

23-04-2008, 05:02 PM

نحنا من بعدك يا شاعرنا أبو العلا:
ابن ســيلان استـاذي ومعلـمـي ـــــــــــــ ويدّو دوما عليّ معلمي
ومتل ما الحياة متعلقة مع المي ــــــــــــــ بأبو العلا معلقة آمالنا

هادي العتابا كتير عالي منبرا ـــــــــــ ومتلك يابو العلا عليها ماانبرى

انبرى : اندفع

أحمد زليطة

24-04-2008, 02:12 PM

جبعدين الدر و طمعنا بدرنا
وحرب تشرين كوقعة بدرنا
جبعدين شمسنا و الأعضاء بدرنا

إذا بغيبوا بيكوينا العذاب

أحمد زليطة

24-04-2008, 02:12 PM

اضغط على أيقونة الرد السريع في الموضوع أعلاه حتى تتمكن من تفعيل واستخدام الرد السريع .

ابو العلا

24-04-2008, 04:50 PM

هادي العتابا كتير عالي منبرا ــــــ ومتلك يابو العلا عليها ماانبرى

وعليل الحب من آلامو ما انبرا ـــــــــــــ حتى شفافو من الحبيب رشفت حلا

يا بن سيلان هديت القوا في ــــــــــ عهيك بيوت وع هيك قوافي

ابو العلا

24-04-2008, 04:54 PM

شكرا لمرورك يا احمد

نورت الموضوع

فوزي سيلان

24-04-2008, 11:48 PM

أهلا بأحمد كيفك ؟؟؟ لساتك هون ولا سافرت عسوريا؟؟؟
شكرا لمرورك وخليك معنا بنتشرف فيك:
الأخ الفاضل أبو العلا بالبيت الأخير القافية كانت حلا وهيي لازم تكون عتاب أو ميجانا بس رح نحسبها بس إذا بتتكرم علينا عدلها مع الشكر الجزيل

يا بن سيلان هديت القوا في ــــــــــ عهيك بيوت وع هيك قوافي

وأحمد زليطة موجودة القوى فيه ـــــــــ نشـالله القــوى بتأنتج عتاب

يابو العلا عرفنا فيك المرجلة ــــــــــــ ومن شوقي إلك عم بيغلي مرجلي

ابو العلا

25-04-2008, 06:35 PM

الله حيك يا استاذ فوزي
القافية التي تنتهي بالالف تعتبر من العتابا
وهي دليلhttp://www.barabeta.com/vb/showthread.php?t=3252
أما النظم الثاني فله نفس طريقة النظم الأول غير أن الشطر الأخير يختم بألف مقصورة وأحيانا يقع بألف ممدودة مثال:

عتابا بين برمي وبين لفتي* عتابا ليش لغيري ولفتي

أنا ما روح للقاضي ولا افتي **عتابا بالثلاث مطلقـا*
وعكل ولا يهمك منعدل بس لبكرة لانيفايت اليوم بالسرقة

لك ودي

فوزي سيلان

26-04-2008, 12:15 AM

بالنسبة لردك فرد معلم وإنت أستاذنا يا أبو العلا وماعندي تعليق البتة ولكن أنا من بداية الموضوع حددت إنو تكون القافية إما عتابا أو ميجانا منشان يكون مجال الإبداع أكبر بس
يعني كلامك بالنسبة للقافية لا غبار عليه بس أنا من البداية كان هيك رأيي وعلى كل إذا بتشوف إنو هيك أحسن ما في مشكلة أبدا

ابو العلا

26-04-2008, 08:50 AM

نحنا بأمر الطيبين

هادي العتابا كتير عالي منبرا ــــــ ومتلك يابو العلا عليها ماانبرى

وعليل الحب من آلامو ما انبرا ـــــــــــــ تا شف من محبوبتو الْرضاب

ابو العلا

26-04-2008, 09:40 AM

يابو العلا عرفنا فيك المرجلة ــــ ومن شوقي إلك عم بيغلي مرجلي

ومن نور وجهك بادي هالقمر جلي ـــ يا بن سيلان يا خلق وادب

شعرك يا بن سيلان زيّ الدرغلي ـــ و أنت بأصلك جوهرة كالدر غلي

فوزي سيلان

27-04-2008, 02:58 PM

شعرك يا بن سيـلان زيّ الـدرغلـي ـــ و أنت بأصلك جوهرة كالدر غلي
لو غليت اسعار الأرض والداْرغلي ـــ دارك عيوني بو العــلا بالميجانـا

الله معاهم وين ماكانو حبابنا
كلمة الدار تلفظ بتخفيف الألف

ماشفت متل عْتابتك يابو العلا ـــــــــــــــــــــــ بْشعرك بلغت عْلى السماك وعالعلا

ابو العلا

28-04-2008, 06:34 PM

ماشفت متل عْتابتك يابو العلا ـــ بْشعرك بلغت عْلى السماك وعالعلا

والله غضب علّي تكبّر والْعلا ـــ عالنـــــاس , وشرورو نفث بيناتنا

الشهد يقطر , والحلا منها سيلان ــــــــــ من كل كلمة من شعر فوزي سيلان

فوزي سيلان

28-04-2008, 08:22 PM

الشهد يقطر , والحلا منها سيلان ــــــــــ من كل كلمة من شعر فوزي سيلان
ومتل ماانعرفت بشـــايها سيــلان ـــــــــ انعرف بو العــــلا بـنـظـم العـتــاب

يا عرب حاج غاروا عا شرفكم ـــــــــــ الجهل موت طيركم وما عاش رفكم

ابو العلا

30-04-2008, 08:24 AM

يا عرب حاج غاروا عا شرفكم ....ـ الجهل موت طيركم وما عاش رفكم

وخلّو الطهر كالزهر عاشرفكم ....وغصون الغار تنمـــــــــــو علبواب

وينو بو ياسر راح ما عادو ظهر ..... تغيّب عن الصفحات واعطاها ظهر

فوزي سيلان

30-04-2008, 10:14 PM

وينو بو ياسر راح ما عادو ظهر ..... تغيّب عن الصفحات واعطاها ظهر
يمكن بمســجد رايح يصلي ظـهرــــــــ الله يـتـقـبّــل يـــا حـبـيـــب قلوبنـــا

هالقلب أصبح عاغيابن منشرة ـــــــــــــ ماعاد تعرف مين بـــاع ومن شرا

أبو عبد الرحمن

01-05-2008, 12:07 AM

أحلى تحية للشباب ........والله من اشد المتابعين والمهتمين والمشجعين

وشو جايي على بالي اعملكم شي ابريق شاي بس يكون من شايات التهريب .....

بس حتى تمخمخوا وتبدعوا أكتر وأكتر .....

_________

تحية خاصة لابو الفوز ........وذلك لحرصه على وجود هدف سامي ومعنى في كل كلمة يقولها

أبو عبد الرحمن

01-05-2008, 12:14 AM

هالقلب أصبح عاغيابن منشرة ـــــــــــــ ماعاد تعرف مين بـــاع ومن شرا

غيابهم بالدني كان من شرا ____إن شاء الله بجنات الخلد يجتمعوا الحباب

فوزي سيلان

01-05-2008, 08:20 PM

مشكور أبو ياسر ونحنا بنفتخر بمتابعتك وبارك الله فيك

الأخ الشاعر أبو العلا الشطر الأخير بدك تعذرني والله مافهمت معناه بعد إذن شواربك شرحلنا ياه وكمان قفلة البيت كأنها طويلة شوي بجوز بدها حركات أو إعادة وزن ( أرجو المعذرة إن كان في حديثي تطاول ) مع كل الشكر والتقدير وإنت بتبقى معلمنا

ابو العلا

02-05-2008, 12:31 PM

باعرب حاج غاروا عا شرفكم ....ـ الجهل موت طيركم وما عاش رفكم

وخلّو الطهر كالزهر عاشرفكم ....وغصون الغار تنمـــــــــــو علبواب

أمرك

يا ع رب حا ج غا رو عا ش رف كم

1 2 3 4 5 6 7 8 9 10 11

وغ صو نل غا ر تن مو ع لب وا ب

1 2 3 4 5 6 7 8 9 10 11

هي تقطيع صوتي والعلم عند الله

اما عن غصون الغار فهي تمثل العزة فهي كرايات للعزة ترفع على الابواب
والطهر كالزهر : هي من السيط والسمعة
يعني خلو سمعتكن متل الزهر تنشر عبقها الطيب وخلو بيوتكن عمرانة بالعز

واذا ما حبيتها منغير ... بأمر الطيبين

( أرجو المعذرة إن كان في حديثي تطاول ) أستغفر الله .يا عمي انا عم امشي دادي دادي على يدك بالشعر

ابو العلا

02-05-2008, 04:43 PM

هالقلب أصبح عاغيابن منشرة ـــــــــــــ ماعاد تعرف مين بـــاع ومن شرا

بدعي لربي تا يصيبوا من شرى .... الْ ولّع فؤادي وعن العين غاب

جبعدين العليل يشفي هواها .... قلبي اللي عشق أرآمها وهواها

ابو العلا

02-05-2008, 04:44 PM

الأرآم : الظباء البيض الخالصة

فوزي سيلان

02-05-2008, 08:44 PM

مشكور أبو العلا بس أنا كان بدي تبع منشرة ولكن لما غيرتها مشي الحال ولا هي يلي شرحتها مفهومة وواضحة وموزونة ولك الشكر الجزيل

جبعدين العليل يشفي هواها .... قلبي اللي عشق أرآمها وهواها
فكري بوســط قلبي هواهــا ــــ لقـاع القلب مـــا بين الحبــــاب

رميت الحجر فوق المية ما نبي ــــــــــ وإلا هواكم يابو ياسر مانبي

من النبو أي القفز على سطح الماء

ابو العلا

03-05-2008, 08:55 AM

مشكور أبو العلا بس أنا كان بدي تبع منشرة ولكن لما غيرتها مشي الحال ولا هي يلي شرحتها مفهومة وواضحة وموزونة

أيا منشرة يا استاذ فوزي ؟؟؟

والله ما فهمت عليك... اذا كانت مشاركتي بقافية منشرة بعد مشاركتك بالاستفسار منشان الله لا تواخذني والله ما فهمت

ليكون اصدك بيت ابو ياسر
هالقلب أصبح عاغيابن منشرة ـــــــــــــ ماعاد تعرف مين بـــاع ومن شرا

غيابهم بالدني كان من شرا ____إن شاء الله بجنات الخلد يجتمعوا الحباب

على كل نحنا بأمر الطيبين

فوزي سيلان

03-05-2008, 01:30 PM

هلأ هاد من أبو ياسر
لا تآخذني والله فتت بالحيط
يلا بنتابع لكان

ابو العلا

03-05-2008, 04:55 PM

"هلأ هاد من أبو ياسر
لا تآخذني والله فتت بالحيط
يلا بنتابع لكان " سلامتك يا استاذ فوزي

منتابع

رميت الحجر فوق المية ما نبي ــــــــــ وإلا هواكم يابو ياسر مانبي

اللي ب سيلان لجنابك كمان بي ...... حب واخوة تجري ضمن قلوبنا

نبينا الل شرّف الدنيا وجودو ....غيم هطّال من خيرو و جودو

فوزي سيلان

04-05-2008, 12:09 AM

نبينا الل شرّف الدنيا وجودو ....غيم هطّـــال من خيــرو و جودو
مش بسلاح ولابقوة وجودو ــــ نشر هالدين ولاْ بْضرب الرقاب

أكيد الشعب رح بيزيد غلو ـــــــــــــ لأنو اليوم للمازوت غلو

ابو العلا

04-05-2008, 10:07 AM

أكيد الشعب رح بيزيد غلو ـــــــــــــ لأنو اليوم للمازوت غلو

ادخلوا عالشعب ,جوّا القلب غلّو .......... عكتر هموم حبتلاقو ضباب

او

إ حاج قيود يكفي هالشعب غلّو .... ع كتر القيد يزحف عالركب

الشيخين في سما الاسلام كنسرين ... عبقهم فاح في الارجاء كنسرين

فوزي سيلان

06-05-2008, 12:28 AM

الشيخين في سما الاسلام كنسرين ... عبقهم فاح في الارجاء كنسرين
نســـرو الكفر ومالقينــا كنســرين ـــــ بشـرح الفقـه وبشـرح الكتــاب

نسر : نقض ومنه نقول نسر الحبل فهو منسور أي منكوث

شعرك يابو العلا صار ماجد ــــــــــ ومتلك عا خطا الشعار ماجد

ابو العلا

06-05-2008, 06:17 PM

شــــعرك يابو العلا صار ماجد ....... ومتلك عا خطا الشعار ماجد

يلي اجرى منك الأشعار, ماجد .... فســـبحان الاله اللي وهب

يا سيلان قلّي هالاقمار من هي ... أو اعذر إذا تخطيت حد منهي

يعني مين هدول يلي بالصورة منورين ؟؟;)

واعذرني اذا تجاوزت حدي بسؤالي !!!!!!!:)

فوزي سيلان

08-05-2008, 12:15 AM

تكرم أبو العلا إنت بتأمرنا أمر هدول محسوبك والشاعر الكبير عمر الفرا بأمسية شعرية في الإمارات

يا سيلان قلّي هالاقمار من هي ... أو اعذر إذا تخطيت حد منهي
الشكر لله بصحة عليك من هي ــــ أكبــر فضـل من رب الكتـــاب

صــاير بشـعـرك عم بـتـوزن مـن تـقـل ـــــــ مْأكـــد لمرحلـــة البـــلاغــة منتقـــل

ابو العلا

08-05-2008, 09:54 AM

صــاير بشـعـرك عم بـتـوزن مـن تـقـل ـــــــ مْأكـــد لمرحلـــة البـــلاغــة منتقـــل

حوّا وآدم مين أفضل ؟ من تقل ؟ ........ اقرأ ســـــــؤالي وعْطيني جواب

علوّا تْدوقيني بس بوسة ...... من خدودك كالقطر عبسبوسة

فوزي سيلان

09-05-2008, 12:06 AM

علوّا تْدوقـيـنـي بــس بوســة ــــــ من خدودك كالقطر عبسبوسة
عرفت نورا جميلة بس بوسي ــــــ فلقــة قمــر ضــاوي بالغيـــاب

يابو العلا قرّب عاجواري ـــــــــــ لخدمتك رح ندوّر عا جواري

إلى قربي
خادمات

ابو العلا

10-05-2008, 04:47 PM

يابو العلا قرّب عاجواري ـــــــــــ لخدمتك رح ندوّر عا جواري

وجوّا مخدعك هنعاج واري .... عندما سيلان بيدقّ لبواب

هنعاج : هالنعاج يقصد بها الجواري

عندما سيلان .... : لانو نفسو خضرا (مدح)

تحياتي الك

من عيون الشعر هالأبيات روّى ... ابن سيلان , ولا عليّ تروّى ( حتى اتعلم )

فوزي سيلان

11-05-2008, 12:27 AM

من عيون الشعر هالأبيات روّى ... ابن سيلان , ولا عليّ تروّى
درر بو العـــلا قد صرتو تــرواـــــ بموقعنا متل حب الذهَـــــب (بمد الهاء)

أي ترونها

الشهد بشعر أبو العلا رأينا ــــــــــــــــــ رأي الكل هادا مش رأينا

ابو العلا

11-05-2008, 03:20 PM

الشهد بشعر أبو العلا رأينا ........... رأي الكل هادا مش رأينا

وجبعدين بمنتداكي ابرئينا ........... بجلب خبار من يم لحباب

خفايا هالابداع كشفالي ... يا بو الفوز شعرك كالشفا لي

فوزي سيلان

11-05-2008, 09:17 PM

خفـــايا هــالابــــداع كشــــفالي ... يا بو الفوز شعرك كالشفا لي
وعنك يابو العلا رح كش فالي ـــــ أنـا منحوس من يم الحبــــاب

المدينة لاجل طه بست رطبا ــــــــــــــ ولأجلو السكنة فيها بسترطبا

قبلت تمرها
استلذ فيها وأفضلها وبالعامية يقولون( فلان مسترطب بالقعدة)

ابو العلا

12-05-2008, 03:47 PM

المدينة لاجل طه بست رطبا ....... ولأجلو السكنة فيها بسترطبا

بدعي الله يرزقك بست رطبا ....... مطيعـــة وتمتلك خلق وأداب

نبينا ال زود لطيبة ثراها .... في نفسي اسجد وقبل ثراها

ابو العلا

12-05-2008, 03:48 PM

بست رطبا : امرأة لينة ....(يعني طراوة )

فوزي سيلان

15-05-2008, 12:25 AM

نبينا ال زود لطيبــة ثراهــــــا .... في نفسي اســـجد وقبل ثراهــا
القلوب القاسية بحكمة ثراها ـــــــ وجعلها تخاف من يوم الحساب

ألان من قسوتها

إيد النبي حملت فاس دينا ــــــــــــ لتكسر كل رؤوس الفاسدينا

ابو العلا

17-05-2008, 09:27 AM

إيد النبي حملت فاس دينا ــــــــــــ لتكسر كل رؤوس الفاسدينا

ويا سيلان دوما الانفاس دينا ..... إذا قصرت في أمر الكتاب

الانفاس دينا : قول لاحد العارفين نسيت اسمه

المعنى : ان العبد يجب ان يحاسب نفسه على أنفاسه ان لم تك تخرج وتذخل في طاعة

ابو العلا

17-05-2008, 09:39 AM

الجولة ال بيناتنا رايد اختما .... وعا جبهتك قبلة قدر اختما

فوزي سيلان

17-05-2008, 03:48 PM

الجولــة ال بيناتنــــا رايد اختمـــا .... وعا جبهتك قبلــة قـدر اخــتمـا
ومتل ما الذي بالفصاحة أخت ما ـــــــــ بتبقى أخونا ولك البصمة بيينا

ما إسم موصول بمعنى الذي

نزولا عند رغبة أخي الشاعر أبو العلا نختم الموضوع بانتظار موضوع جديد إن شاء الله
كل الشكر لك أبو العلا على مشاركاتك القيمة والجميلة وشكرا لك أيضا على إغناء الموضوع وأنا أشهد لك بالمقدرة الشعرية في العتابا والزجل وأقر بأنك كنت ندا قويا وما كنت أتوقع ذلك بارك الله فيك ووفقك وإلى لقاء قريب إن شاء الله
والشكر موصول إلى كل من تابع وقرأ وعلق على الموضوع
والشكر أيضا لإدارة المنتدى والأعضاء الكرام وفقكم الله جميعا
وأختم بهذا البيت :

أثبتت إنـك موهبــة يابــو العـــلا ــــــــــــ لما مقامــك بنظم شــعرك عــلا
مشكور كل من رد أو عرّج على ـــــــــــ موضوعنا إلنا الشرف يا حبابنا

ابو العلا

17-05-2008, 06:49 PM

بارك الله في اصلك يا استاذ فوزي

استمتعت جدا بالمحاورة واستفدت كثيرا منك

وباذن الله حين عودتي من سوريا بعد الامتحانات سنعاود اللقاء باذن الله

شكرا لقبولك الجلوس بجوارك وشكرا لتواضعك وشكرا لاطرائك

ولا تنس ... موعدنا بعد الامتحانات اذا شاء الله تعالى

استودعكم الله الذي لا تضيع ودائعه

والسلام عليكم

شهادتي من يد فوزي بختما *** بالقرب منو حصّلت عا بخت ما

والجولة الجميلة من عندي بختما *** بأزكى صلاة على الذي يشفع لنا

بديع

17-05-2008, 09:56 PM

بلسلامة ياابو العلا
ان شاء الله من الناجحين

ابو العلا

18-05-2008, 07:37 AM

بارك الله فيك يا اخ ربيع

وانا استمتعت معك بالدلعونا

حتى ارجع ان شاء الله بي ياك تكون جاهز لنعمل فتة شدة ...

السلام عليكم

فوزي سيلان

18-05-2008, 10:52 AM

أتمنى لك التوفيق والنجاح بإذن الله وإلى لقاء قريب إن شاء الله

سامر نجم

08-01-2009, 07:48 PM

تسلم على هالبيت الرائع يا ابو العلا
والله شي جميل

ابو العلا

10-01-2009, 07:57 AM

مرحبا بك يا سامر بيك .. سلّمك الله

والله يا أستاذ فوزي صار بدها عتابا ... بس بعد من خلّص من موضوعنا

فوزي سيلان

10-01-2009, 02:17 PM

تكرم أبو العلا إنشاء الله
نحنا بأمر الطيبين

محمد بن قاسم علوش

10-01-2009, 11:00 PM

يلا ياجماعة سمعونا شوية عتابا

محمود قاسم صالح

22-03-2009, 11:49 PM

قلت ردة وفرحوا من في ردتي
وقالوا اني عامل منفى ردتي
ويا ضيعتنا غصونك من فردتي
عم الخير عا كل الرحاب
:p

محمود قاسم صالح

25-03-2009, 10:35 PM

اليوم بدنا نشوف عتابا عالحرف من الشعار الكرام واسمحولي ابدأ
مشي محبوبنا مزعوج مالو
مشانو مصرفي مدفوع مالو
مسانا من مسافة ميل مالو
مرق مقلتنا مللاًَها مصاب:rolleyes:

محمود قاسم صالح

26-03-2009, 09:52 PM

طاب العنب فيكي من تدانى
وهزم كل عدو علينا من تدانى
و مرح لاقي بحلاوة منتدانا
يلي انعمل بيدين الحبابB):D

فوزي سيلان

27-03-2009, 09:34 AM

الأخ محمود مشكور على الموضوع الجميل
لي فترة وأنا متابع لمرورك ومشاركاتك وتيقنت أنك شاعر مبدع وباللغتين فأرجو لك التوفيق والإبداع أكثر (مع أني حاولت جهدي لأعرفك من خلال الصورة فما عرفتك )
واسمح لي رغم التأخير المشاركة في هذا النمط الرائع من العتابا

مدح محمود موقعنــا مجملــوـــــــ ماني مادحو ماني مجاملو
من موضوع محمودي مجملو ــــ مناخد مَثَل من مبدع مهاب أي معطيه جمالا فوق جماله
أي لست أجامله في هذا
أي مجمله

إسمح لي يا أخ محمود بهذه الملاحظة على هذا النوع من العتابا بالذات :
يجب في العتابا المبدوءة بالحرف الواحد أن تبدأ جميع الكلمات بنفس الحرف ولكن لايشترط ذلك في القافية وهي آخر كلمة في البيت فهي يمكن أن تبدأ بحرف مغاير عن الحرف الذي نظم عليه البيت

مع شكري الجزيل مرة أخرى وتقديري

محمود قاسم صالح

27-03-2009, 07:38 PM

شكرا إلك يا أخ فوزي وأنا بقول وبدون مجاملة انك شيخ من قال العتابا والزجل بهالمنتدى وبهديك هالبيت
قالتلي قسم قبلك قدري قل بي
قطعت قيدي وقلبت قلامي قلبة
قمرها قصف قصري وقطع قلبي
قربت قبالها قوسين قاب

محمود قاسم صالح

03-04-2009, 05:11 PM

جتني جارة جنني جمالا جاني جوابها جامع جمالا
جبرني جفتها جرجر جمالا جبعدنية جفنا جنون جاب:D

ابو العلا

03-04-2009, 05:30 PM

الله حيووووووووووووو .. ما عم الك مبدع ومبدع حقيقي

الله يعطيك العافية .. متابع بشغف للابداع تبعك ..

محمود قاسم صالح

03-04-2009, 05:47 PM

شهادتك يا بو العلا بفتخر فيا و بعلقا وسام على صدري:p

فوزي سيلان

05-04-2009, 10:16 PM

عـقدنـا عزمنا عـدنــا عـقـدنـا ــــــــ عمايلنا عملناهـا عـقدنـا
عريفنا عا عميدنا عا عقـيدنـا ـــــــــ عقدة عاقدة عليها عراب

ابن الصوانة

07-04-2009, 04:04 AM

سلو سيوفهم سوى سلو
سلسلو سلاسلنا سلو
سلو سواعدنا سواسي سلو
سلسلوهم سلسلي الحباب

admin

07-04-2009, 11:37 AM

روعة يا شباب
بارك الله بكم
وزادكم ابداعاً وتألقاً

علي(عماد)رفاعية

09-04-2009, 04:03 PM

الله يعطيك العافية يا أبو الفوز

علي(عماد)رفاعية

09-04-2009, 04:32 PM

مشكور يامحمود ويا أبو العلا

محمود قاسم صالح

09-04-2009, 08:57 PM

عشقت غمزة عيونك التفتنا
وعلى دار المحبة قلتي فتنا
غمزت بطرف عينك إلتفتنا
لحْظك برق و عيونك سحاب
أي التي تمزقنا\أي قلتي دخلنا\أي استدرنا
هذا البيت مهدي للغالي أبو العلا والعزيز فوزي سيلان وعفوا يا أخ فوزي لأني استعملت طريقتك بشرح الكلمات

فوزي سيلان

10-04-2009, 02:18 PM

مشكور أبو حميد على هذا البيت الجميل

عمَّرنـــا عمارتنــا عبـرْناـــــــــــــــــ على عالم عِلي عليت عِبرنا
عبرنا على عتبتكن عبرنا ـــــــــــــــ عتبنــا علـى عاشقنا عتــاب

محمود قاسم صالح

11-04-2009, 10:02 PM

يا شمس الصبح قالو ما انحجبتي ولقلبي عا محبتك منحة جبتي
ويا أختي في حجابك من حجبتي من الله إلك كان الثواب
http://syriany.com/forum/picture.php?albumid=10&pictureid=86

ابو العلا

12-04-2009, 11:05 AM

حياك الله يا محمووووود يا ملك .. وتحية كمان لشاعرنا القدير الاستاذ فوزي

شعرك يا محمود أشبه بالحواري .... وسحاب الشعر ضمن فكرك حوا ري

ارتفعت إلك رايات فكل حواري .... الزجل وفكل ســـــــــــاحات العتاااااب

علي(عماد)رفاعية

12-04-2009, 03:58 PM

العتابا بيت بنيتو أنا ــــــــــــــــــــــــــــــــ والشعر جبل حارسو أنا

يالله يا أحبة نألف ــــــــــــــــــــــــــــــــــــ شوبنا...

التأليف ببلاش ؟.. ـــــــــــــــــــــــــــــــــــــ وما عم ندفع من جيبنا

انا شاعر وما متلي حدا ــــــــــــــــــــــــــــــــــــ من أجمل القوافي شعري انشدا

ومن عندي يا احباب ــــــــــــــــــــــــــــــــــــــ الشعر بدا

أبو الفوز وكل الأعضاء ـــــــــــــــــــــــــــــــــ واللله.... بالروح بينفدا

غصن الشعر بأيدي ــــــــــــــــــــــــــــــــــ مهما طال الزمن وعا طول المدى

فوزي سيلان

14-04-2009, 05:55 PM

شو هاد يا علي عماد ما شاء الله عنك مشاركاتك كتير حلوة بس خلي خالك عمار يضبطلك العتابا تبعك لأنو شاعر كبير وإنت بعدك بأول الطريق
للعلم علي عماد رفاعية بالصف التاسع فقط وما شاء الله عنه عم يثبت إنو عندو ملكة الشعر ورح يطورها مستقبلا إن شاء الله سلامي إلك ولأهلك جميعا

شعارنا الكرام محمود وأبو العلا شكرا للعتابا التي تقولون فهي من أجمل ما مر على هذه المغارة

هَم الدني حـمّلتــو عـا ونـش راح ــــــــــــــــــــــــــ لاتزعل لو خسرت شي وإن شي راح
كلماتكن بتعطي سعادة وانشراح ـــــــــــــــــــــــــــ وفـيهـا المـواهــب واضحــة ومـبـييـنـا

محمود قاسم صالح

14-04-2009, 06:07 PM

عملنا من الشعر دين و وفى وزي ...................ويا روحي فرحي بملقاهم وفوزي
عرفنا بو العلا ريس وفوزي .........................نسور معنى وصقور العتاب

http://syriany.com/forum/picture.php?albumid=10&pictureid=86

فوزي سيلان

17-04-2009, 12:14 AM

حبابي عام إقصوا عام لينوا ــــــــــــــــ الهوى لعبة بيديكن عاملينوا
لُو قلّبتوا فؤادي عا ملينـــو ـــــــــــــــــ بتلقوا حبكـم بكـل الجنـاب

على ميليه(جنبيه)

علي(عماد)رفاعية

18-04-2009, 06:11 PM

والله يا ريت لو يساعدني يا أبو الفوز بس

ما عاد فات عالموقع

سلــــــــــــــــــــــــــــــــــــــ ـــــــامي الك وللجميع

علي(عماد)رفاعية

18-04-2009, 06:42 PM

مضيت وقتي بالشعر ــــــــــــــــــــــــــــــــــــــــ ـــــــ شوالي نجنا

عم دور عن القوافي ــــــــــــــــــــــــــــــــــــــــ ــــــــــــــــــــ صرلي كم سنا(سنة)

من كتر ما تعلمت منك يا أبو الفوز ــــــــــــــــــــــــــــــــــــــ سيفي عالشعر انسنا

محمود قاسم صالح

20-04-2009, 08:14 PM

شنرا لمشاركاتك أخي عماد بس هاد اللي عمتكتبو أقرب للمعنى من العتابا بتمنى اذا بتعرف حدا بيفهم بالزجل أنو يشرحلك شوي عن ألوان الزجل وأنا بحيي جرأتك وأفكارك الحلوة وأناشايف فيك بداية شاعر عظيم
http://syriany.com/forum/picture.php?albumid=10&pictureid=86