تحدي زجل مع الواوي .... (الارض و السماء )

[نبيل فيصل]

[b][font=Arial:c4e57c4c5a][size=24]
بدون مقدمات .......

**************************************** ***



و هلـق سـوا عالأرض بدنا نِـلتقي ........ .. بتحب تبقى أو بْـتِطلَع عالسّما ؟؟؟؟؟؟


**************************************** ***********

[الواوي]

تحية..
يسعدني أيها العزيز المشاركة في هذا الحوار و حتى لا يظلمني و يظلمك الوقت دعنا نحدد الردة بأربع أبيات نكثف فيها ما نريد قوله على أن يتألف الحوار من سبعة أو ثمانية ردات و نختمها بقصيد..

أهلا بك رفيقا و ندا كفؤا...

يا جبعدين الوارفه حكاياتها ***** دقت بزماني طعمة موياتها
جلت بمرابعها و شفت آياتها ***** و عاتل "برتا" تركزوا راياتها
داعي دعاني من صدق نياتها **** و جاي أنا تا أنعم بفياتها
و ان كان بدك بالزجل تعمل خصام **** عالأرض ببقا ماسك بدياتها

[عاشق جبعدين]

ولييييييي انا يادوبني مشي حالي بل حكي بدكم قووووول زجل ههههههههههههههههه

[جمال فيصل]

علقوا


الهريبة تلتين المراجل
شباب ماحدا يدخل عالموضوع
حمي الوطيس

[طه أنور الطويل]

اني لارى رؤوسا قد اينعت وحان قطافها

[أحمد الطويل]

شو مبين حميت
هلئ بيبين الزجال
حيوا

[نبيل فيصل]

Originally posted by الواوي
تحية..
يسعدني أيها العزيز المشاركة في هذا الحوار و حتى لا يظلمني و يظلمك الوقت دعنا نحدد الردة بأربع أبيات نكثف فيها ما نريد قوله على أن يتألف الحوار من سبعة أو ثمانية ردات و نختمها بقصيد..

أهلا بك رفيقا و ندا كفؤا...

يا[SIZE=2] جبعدين الوارفه حكاياتها ***** دقت بزماني طعمة موياتها
جلت بمرابعها و شفت آياتها ***** و عاتل \"برتا\" تركزوا راياتها
داعي دعاني من صدق نياتها **** و جاي أنا تا أنعم بفياتها
و ان كان بدك بالزجل تعمل خصام **** عالأرض ببقا ماسك بدياتها</span>

**************************************** **
اخي العزيز اهلا بك مرة ثانية وكما تريد طلباتك مستجابة وفعلا انا يتحكم بي الوقت لان لدي دوامين مسائي وصباحي ومتى تريد انهي الحوار وكيفما تريد فانت الاستاذ هنا

اعلم يقينا انك ستزيد موقعنا بهجة وسرورا ولكن لن تكون ندا لي .. :D :D

[b][font=Arial:edb5e33f97]
<span style=\'color:blue\'>***********************************

يا مرحبا الواوي على (برتا ) خطر ......... من شهد ميّاتا على الدنيا قَطَر ْ

الواوي بـِقي عالارض ما فيها خطر....... نسر السما ناوي يصيدو من قطر

و بـ الأرض عا خيراتها قلبك فطر ........ معقول تِقْنع قبل ما يْصيبك بطر :

خيراتك من الأرض وهيّي من السما..... افتح كْفوفك ,ادعي ببعتلك مطر!!

***********************************

[المحامي احمد ضامن]

الله يسلم تمك وتمو

[طه أنور الطويل]

سلمتم جميعا

[جمال فيصل]

حلو


وين الواوي

يرد

وناخذو عى برتا حفلة شوي؟؟؟؟؟؟؟؟؟؟

[الواوي]

تحية...
أشكركم جميعا...و مازلت أعتبر نفسي ضيفا و ما قلته حول المباراة كان أقتراحا,,أشكر موفقتك علية..و لجمال اقول...سأعتبر هذا دعوة منك..و لا تشوفني إلا طبيت عليك...أشكركم ثانية..


لما الغمام بخير مياتو بزق ***** و البرق شرقط و الرعد صوتو حزق
منقول الله بنعمتو الدنيا رزق ***** و أستبشر الفلاح و بأرضو عزق
صلي صلاتك جامعه ما بتنمزق **** و لا تفتري ولا تدعي بجور و نزق
تا تدوم نعمة ربك و ينزل مطر **** جبينك ع سطح الأرض لازم ينلزق

[طه أنور الطويل]

جبينك ع سطح الأرض لازم ينلزق
يسلموا

[نبيل فيصل]

[b][font=Arial:e7b6cfd8fe][size=24]
*************************

من ( ألم نشرح ) ما فِهمْ الا الألم ...... يا عيب هالردات ... يكْتبها عَلَم

مش ضروري تِلْزق و تِدْعي بالظُلم..... .. الرزق انقسم . وْكل مؤمن حَلَم


وارضك انتْ خسْـرانها بْـجرّة قلم ..... مومتل الجنوبي حرر الارض اسْتلَم

حتى و إذا رْبحِت ْ هالجولــة معي ...... صوب السما بْـترفع بايدك هالعلم


***********************

[جمال فيصل]

يا هلا بالواوي
ميت مرحبا والله

[المحامي احمد ضامن]

ياهلا بنبيل

وميتين مرحباوالله

[حمود إبراهيم عموش]

شكري لكما معاً ، كلام جميل لما يحمله من دعابة وفكر وتحدي إيجابي أرجو أن تتحفونا بالمزيد النافع

[خيال الزرقا]

[لضاهر حميانة ريتو يسلم هالتم يا نبيل
مهما حاول الواوي ما عم يحسن يرد
وهلا لازم تشد من شان على الواوي تقدر ترد[/B]

[الواوي]

تحية...

أهلا بجميع المتابعين..

خلي البيارق تفرح بتلوينها **** و صوب السما أميال يعلا جبينها
الأرض الحنوني بتفرح بتمكينها *** بتمسك سواريها لحتى تعينها
لا تزدريها و أنت كنت جنينها ****الأرض أم و عيب أنت تهينها
و تتشوف آيات الي فيها منزلي **** الله خلق أول بشر من طينها

[admin]

الله حيهوم

[طه أنور الطويل]

لا تزدريها و أنت كنت جنينها ****الأرض أم و عيب أنت تهينها *
و تتشوف آيات الي فيها منزلي **** الله خلق أول بشر من طينها

كلام رائع وجميل

[جمال فيصل]

بس الله خلق آدم من طين الجنة وليس من طين الارض كما اعلم
والله اعلم

مع هذا لازلت اشجع الواوي


ويقول
وينك يا نبيل

رد
ان كنت شاطر


رد

[طه أنور الطويل]

كما اعلم ان الله جمع من طينة الارض بكل الوانها ثم جبلت
وبالتالي البشر منقسمون حسب طبيعة التراب المجبولين منه
الرجواب تصويب ذلك من كان لديه علم بالموضوع

[نبيل فيصل]

[b][font=Arial:e2eb1b3b82][size=24]
**************************************** *

مْنيح الأرض رفـْعت للسما أعلامْها .......... ومن طينة الجنة انجبل أحلامْها

و آدم اِنْـجبل بالجنة و خِـسر ايامْها .......... وهبط عالأرض مع حوّا وّ آثامْها

و من هالعقوبة بتقشــعوا آلامهـا .......... حْروب وّ كوارث فِعل من أزلامْها

و عالأرض صرتـو تعبْــدو حكّامـها .......... من الصخر كنتو تنحتو أحجامْها

ولو ما الوحي عالأرض طلّ من السما ....... كنتـــو لهلّق تُعبْـدوا أصنامـْــها


***********************************

[الواوي]

تحية...

توضيح..حول خلق آدم...

و رد في سورة البقرة ما يلي:
"1هُوَ الَّذِي [color=red]خَلَقَالأَسْمَاء كُلَّهَا ثُمَّ عَرَضَهُمْ عَلَى الْمَلائِكَةِ فَقَالَ أَنبِئُونِي بِأَسْمَاء هَؤُلاء إِن كُنتُمْ صَادِقِينَ 30"

هذا السياق يدل على أن الله خلق السماء و الأرض أولا ثم خاطب ملائكته بقولة أني جاعل في الأرض خليقة ثم بعد ذلك علم آدم الأسماء يعني خلق الأرض أولا ثم آدم بعد ذلك.

في سورة ص الآية 71 يقول "إِذْ قَالَ رَبُّكَ لِلْمَلائِكَةِ إِنِّي خَالِقٌ بَشَرًا مِن طِينٍ "

و لنعرف ما هو هذا الطين يذكر في سورة القصص الآية 38 فرعون يخاطب هامان "فأوقد لي يا هامان على الطين فاجعل لي صرحا " فرعون و هامان عاشوا على الأرض و لا بد أن الطين الذي يتحدثون عنه طين الأرض و هو نفسه المذكور في الآية السابقة.

ثم و في سورة الحجر الآية 26 "خلقنا الإنسان من صلصال من حمأ مسنون"

تفسير ابن كثير "
رُوِيَ عَنْ اِبْن عَبَّاس أَنَّهُ قَالَ هُوَ التُّرَاب الرَّطْب وَعَنْ اِبْن عَبَّاس وَمُجَاهِد أَيْضًا وَالضَّحَّاك إِنَّ الْحَمَأ الْمَسْنُون هُوَ الْمُنْتِن وَقِيلَ الْمُرَاد بِالْمَسْنُونِ هَهُنَا الْمَصْبُوب" .


تفسير الطبري"
حَدَّثَنَا عُبَيْد اللَّه بْن يُوسُف الْجُبَيْرِيّ , قَالَ : ثَنَا مُحَمَّد بْن كَثِير , قَالَ : ثَنَا مُسْلِم , عَنْ مُجَاهِد , عَنْ اِبْن عَبَّاس , فِي قَوْله : { [color=blue]مِنْ حَمَأ مَسْنُون

التفاسير السابقة تضع "إحتمال" أن يكون الحمأ المسنون هو المنتن..و لا أعتقد أن في الجنة إنتان لذلك هناك أحتما قوي أن يكون الطين الذي خلق منه الإنسان طين أرضي....و هذا رأي فقط
أستخدمت لعمليات البحث الموقع التالي "http://www.al-islam.com/arb/"
سأعود مع الرد و كل الشكر لكم

مودتي

[الواوي]

رفي يا أعلام البطولي و الرضا **** لولا الأرض ضاعو البيارق بالفضا
الله خلق آدم على جبينو مضى **** وخلا الملايك تسجد و هيك أقتضى
الشيطان كبر راس و الشر أنتضى **** و خالف شريعة ربنا و حكم القضا
هالمعصية صارت على ابواب السما **** منعدها أول ذنب عم ينمضى

[خيال الزرقا]

شي حلو من الواوي فين المعلم نبيل

[نبيل فيصل]

Originally posted by الواوي
[SIZE=2]
رفي يا أعلام البطولي و الرضا **** لولا الأرض ضاعو البيارق بالفضا
الله خلق آدم على جبينو مضى **** وخلا الملايك تسجد و هيك أقتضى
الشيطان كبر راس و الشر أنتضى **** و خالف شريعة ربنا و حكم القضا
هالمعصية صارت على ابواب السما **** منعدها أول ذنب عم ينمضى</span>

[b][font=Arial:320f7b778d]<span style=\'color:red\'>********************************

أعلام الزجل بالسما وّ أحبابْها ..... صرْخت يا واوي إالتزمْ آدابْها

أوّل خطيئة بالدني شو جابْها ..... تحكي عليها وتِمتدح عرّابْها

هادي رسالة مْن السما وأربابها.... وانتو قبضتو عالأرض أتعابْها

آدم أكل منها و حوّ ا حْسابْها..... نفس الخطيئة تْسجلت بكتابْها

و أول جريمة عالأرض اسبابْها.... انتو خلقْتوها و فتحتوا بْوابْها

يا سَـكّر بْـواب الذنـوب وّ توب >> يا الأرض بِقلبها ع روس صْحابها

*******************************

[أبو عبد الرحمن]

والله تاريلكم هالنبيل .................مو لعبة

انا لو بتسمحولي ..........

بعطي نبيل الأفضلية بها المحاورة

وانا والله وأنتو بتعرفو ...بالتارات بينو وبينو .....

ويا ريت الميزان بميل عليه شوي ...باخر هالمحاورة


بلكي بشمت فيه شوي

والله يسلم هالديات يا شاعرنا الواوي .................نحنا ما مننسى أنو نبيل عم يزجل على أرضو

وإنك عم تنافسو ...هي بحد ذاتها ميزة إلك ...تضاف إلى مزاياك الكبيرة وأولها مدح نبيل إلك


لا تنسى أنو عن نسميه نبولة عنا ........إجى نبولة وراح نبولة ..........

[أبو عبد الرحمن]

وينو الواوي يا جماعة ...........


وينو الواوي يا نبيل ....؟؟؟؟



بدنا نسمع منو ..........

[نبيل فيصل]

[b][font=Arial:1f3e5997a7][size=24]****************************

الواوي اذا زعلان لازم رجْعو .... وع جْبين راسو الف بوسة اطبعو

قالوهرب, مش عادتو لا تفزعو .... نحنا قـَصَدْنا الزجل عنا نزرعو

يطْلع بأرض الشاعريّة مطلعو ...... صوب السما تكّة وتكة برْفعو

وبغْياب نمر الزجل حلّوها بقى .... انشالله لعنّا بْيرجع وّعذرو معو

****************************

[جمال فيصل]

انشالله لعنّا بْيرجع وّعذرو معو


ان شاء الله وينك يالواوي؟؟؟؟؟؟؟؟

[عاشق جبعدين]

كلامممممممممممممممم متل العسل يا واوي

[الواوي]

تحية...

أهلا بجميع المتابعين و عذرا للتأخير..

يا أهل هالنادي أقبلو مني أعتذار ******لا تواخذو المضطر لو تأخير صار
الله خلق آدم بحكمة و أقتدار ****** و الأرض عمرها تيعمل أختبار
كل الي بدو عالسما يعمل مزار ***** لازم عسطح الأرض يقضيلو نهار
الصاروخ حتى يطير عاتاني مدار ****** ما بينطلق تالأرض تمضيلو قرار
يعني السما بستان أسوارو حجر **** و الأر ض باب بيعبرو منو الكبار

[طه أنور الطويل]

مقطوعات موسيقية ولا احلى
دمتم يا زجالة المنتدى

[جمال فيصل]

سلمت يا الواوي


سلمت يا نبيل


شعراء كبار بحق

ولامانع
من
دعوة الشعراء الشباب للمنتدى

[نبيل فيصل]

Originally posted by الواوي
...

[SIZE=2]يا أهل هالنادي أقبلو مني أعتذار ******لا تواخذو المضطر لو تأخير صار
الله خلق آدم بحكمة و أقتدار ****** و الأرض عمرها تيعمل أختبار
كل الي بدو عالسما يعمل مزار ***** لازم عسطح الأرض يقضيلو نهار
الصاروخ حتى يطير عاتاني مدار ****** ما بينطلق تالأرض تمضيلو قرار
يعني السما بستان أسوارو حجر **** و الأر ض باب بيعبرو منو الكبار</span>

[b][font=Arial:4049dbc7c5]
<span style=\'color:blue\'>****************************

بتْقول انك للارض طــوّرتْــها ....... الارض بوّابة والسما سوّرتْـها !!!

انت الحقيقة للبشر زوّرتـْـها........ لمّا بْصواريخك عالسما دوّرتْـها

وحرب النجوم بْـثورتك ثوّرتـْها........ بؤرةْ ظلامك للسما جَـوّرتْــها

منـّك ظلام الشر خيّم عالارض ....... لكن أنا بْـنور الشمس نوّرتْـها


**************************************** *

[جمال فيصل]

يسلموا ابو علي نبيل

[خيال الزرقا]

[font=Andalus:8e6e1df24b]الله ينور عليك يا ابو علي ردةحلوة الله يزيدك من عنده[/font:8e6e1df24b]
8) 8) 8)

[نبيل فيصل]

[font=Arial:079ba92a1d]
بعد غياب الصديق الشاعر الواوي لفترة طويلة وسفره منقول : الله يرجعو بخير وسلامة

*****************

يا ناس : لا تسألوني شــو حصـلْ ....... لا تسألــوني وين شـاعرنا الـبطـل

بين السما والارض ما ضاع الامل ....... يمكن تْشوفو وين هالشاعر وَصَل

من السما جايي النسر يخبرناأجل .......( الواوي ) بأيّ وكر هـالليلة نــزَل

ومن هلّق الواوي مارح يرجع بقا ....... إلاّ بْمخالب نسر مـوهبةْ الزجـل !!

**************************[/font:079ba92a1d]

[طه أنور الطويل]

جميل جدا
عسى الردة تكون جميلة

[جمال فيصل]

انا من مشجعي الواوي

وينو الواوي

وينو
؟؟؟؟؟؟؟؟؟؟؟؟؟؟؟؟؟
ليكون خطفوا نبيل؟؟؟؟؟؟؟؟؟؟؟

[admin]

الواوي على حد علمي عندكون بالخليج
حسب ما أفاد نبيل
لما سألتو عن غيبة الواوي

بالسلامة انشا الله

[جمال فيصل]

وين بالخليج تقصد بحر العرب
بين السمك
واللالىء
والمحارات الثمينة
يا مرحبا به
اعطوه عناويني لو جاء للامارات