المساعد الشخصي الرقمي

مشاهدة النسخة كاملة : مين جاهز ليكون مدرس سرياني

أبو حسام
13-11-2007, 07:27 AM
الله يسعد صباحكم

طالبة لغات

من مصر



زارت الموقع

وراسلتني

ودردشنا سوا سوا



بتطلب المساعدة في تعلم اللغة السريانية



يا ترى مين جاهز ليساعدها حسب وقتو ؟
أ.بسام خطاب
13-11-2007, 01:50 PM
الاخ ابو حسام ...

يوجد في جبعدين الان طالبة المانية تتعلم اللغة السريانية .. انني ارى هذه الطريقة هي أفضل طريقة لتعليم اللغة السريانية..

كما فعل ابو ابراهيم الالماني منذ مطلع التسعينات..

انا درست اللغة السريانية في جامعة دمشق ولكنها تختلف اختلاف واسع عن اللغة المحكية بحيث نحن لا نتقيد بالقواعد في لغتنا المحكية...

يوجد كتاب اصدره عدد من المثقفين في بلدة معلولا بعنوان ( اللغة السريانية المحكية) أظن انه ذات فائدة.

وأنا جاهز للمساعدة ولكن متيقن انه بدون فائدة (100%) تعطي فائدة ولكن قليلة الحل الوحيد هو مثل ما فعل ابو ابراهيم والبنت الالمانية الموجودة حاليا في القرية..
المحامي احمد ضامن
14-11-2007, 01:00 AM
انا من رايي ان تدرسها انت يا ابو حسام

كونك بتدير بالك على القوارير
أبو عبد الرحمن
14-11-2007, 02:18 AM
ولك مشتهي شي مرة يدير بالو على شي ( شب)

على طول اخوات ....على طول اخوااات
ابو حسان
14-11-2007, 01:44 PM
كلنا منرشح ابو حسام لها المهمة كونوا رجل المهمات الصعبة وخاصة مع القوارير وهالحكي مو من عندي من عند الشباب وبشهادة الدكتورة لأنو حسب رأي الدكتورة على طول بتلاقي ابو حسام عم يشاهد الملف الشخصي لها القوارير

وبالعودة للموضوع برأي يجب ان يكون هناك مدرسين محددين في الموقع مطلعين على القواعد الاولية للتدريس ويفرغوا من وقتن شوي لها الموضوع
اذا كان السيد bak جاهز لها الشغلة ممكن نعتبروا اول المنتسبين لنقابة معلمي السرياني بها الموقع ويلي بحب يرشح حالو يقدم طلب انتساب لأبو حسام
أبو حسام
14-11-2007, 09:11 PM
يا جماعة الخير


أول شي شكراً لتفاعلكم مع الموضوع



ثاني شي ....

يعني قولتكم نسكر الموقع ونروح نشتي بالضيعة كرمال القوارير...



يعني مو معقولة ...

بناخذ برد كثير ...

وبيصير ياللي ما بنريدو يصير...



طبعاً الطريقة المثلى لتعلم أي لغة انو يسكن الطالب بالمجتمع اللي بيحكيها



لكن نحنا واجبنا نتواصل مع غير القادرين على القدوم إلى جبعدين وإيصال ما نستطيع اليهم



يا جماعة الخير



انا ما عدت مدير للمنتدى لا قو غيري ينسق هالأمور

ووقتي ما بيسمح

ورأيي كعضو من رعية الشعب إنو الأستاذ بسام والأستاذ أحمد استاذين معتمدين ويمكنهما القيام بهذه المهمة اذا توفر لهما الوقت وقبل ذلك الرغبة





بالنسبة لتنقيراتكم على موضوع القوارير ...

كروكورا ينخـﭼين خوللي عم ظلملاي
المحامي احمد ضامن
15-11-2007, 02:03 AM
منيح يا ابو حسام يالي بدون يعضونا كركورو وليس القوارير
ريم البوادي
16-11-2007, 03:57 AM
وانا رأيي من رأي اخي ابو حسام وانا شخصيا جربتوا بكم درس(الاستاذ احمد) واستفدت منوا يكترا خيروا لكن شو صار بعد هيك مابعرف ؟؟؟؟!!!!!!!!!!!!!!!
ولا قلكن انا بعطيكم دروس شو رايكم
أبو عبد الرحمن
18-11-2007, 02:18 AM
لما بدنا نحكي بالجد !!!


الأستاذ بسام خطاب

&

الأستاذ أحمد ضامن



خير من يقوم بهذه المهمة


أتمنى أن يفرغا أنفسهما خلال دخولهما للمنتدى ....لتدريس اللغة ومناقشة القواعد التي سنعتمد عليها
opposition
20-11-2007, 03:56 PM
هادا الموضوع عجبني..


بس الهمة مو خرج بنوب منوب


يعني لازم يكون الحماس أكثر


كأني شايف الموضوع بيشبه مراجعة شي دائرة حكومية


تكرم أبو ياسر

خلاص رح اسكت ...


وراجعكم بكرا
أبو حسام
21-11-2007, 01:39 AM
أنا بشوف أنو نباشر آلية التدريس ويطرح كل واحد رأيو بها الخصوص بشكل مباشر

خاصة وإنو عنا 3 طالبات جاهزات لتلقي الدروس هن:



- الأخت المصرية.

- الأخت ريم البوادي.

- الأخت الفينيقية (والتي عاتبتني عتباً شديد اللهجة على عدم تعليمها السريانية خلال الفترة الماضية).



وأنا أرى أن كل من يتكلم السريانية هو مدرس محتمل إذا توفرت لديه الرغبة

ويبقى فقط أن يكون مؤهلاً في عدة نواح منها : أسلوب وطريقة التدريس - القدرة على الاتصال والتواصل والإيصال
المحامي احمد ضامن
21-11-2007, 02:18 AM
ماشاء الله ماراسلوك وحبوا يتعلموا سرياني غير القوارير


ايه نيالك ياعم
horein
22-11-2007, 01:25 AM
اللهم لا تجعلنا من الحاسدين ..
أبو حسام
04-12-2007, 08:41 AM
بعد سهرتين مهمتين عندك يا أستاذ أحمد

انا عم استنى (تقر) عيني بملفات تحوي مفردات لتعليم اللغة السريانية

طبعاً هالشي مهم ليكون بداية للمعطيات اللي بدها تنضاف إلى قاعدة البيانات المرجعية (اللي رح تكون مرجع لكل مين بدو يتعلم اللغة السريانية عن طريق الموقع)

والمفروض كل الأعضاء اللي بيحكو سرياني يبلشو بإنشاء هالملفات وتسليمها

(يعني المسألة مانها محصورة بالأستاذ أحمد والحاج الفاضل أبو عماد والأخت الكريمة ام عماد والأخ أبو ياسر والأخ أبو منير والأخ أبو حسان ، اللي كانو حاضرين بالسهرة )

والمطلوب تسليم هالملفات و ممكن يتم التسليم هون بهالمغارة من خلال موضوع مستقل مرفق معو الملف المطلوب

وممكن يكون عبر رسالة إلى العنوان syriany@hotmail.com مرفقة بالملف المطلوب.



الملف المطلوب ممكن يكون ملف وورد من نوع doc أو ملف إكسل من نوع xls

بس أهم شي نضغطو قبل ما نرفقو بالموضوع أو الرسالة ، وبالتالي بيصير من نوع zip
أبو حسام
04-12-2007, 09:37 AM
مرفق ملفين من نوع DOC

أحدهما مثال على الجدول المطلوب (يمكنكم استخدام الملف بعد تفريغ محتويات الجدول ثم إعادة حفظه باسم جديد وإرفاقه بالموضوع أو بالرسالة ..



والثاني هو الأسس للكتابة باللغات الثلاث: سرياني، سرياني بحروف عربية ،سرياني بحروف انكليزية : يرجى الالتزام بها

وسنضيف عليها لاحقاً كتابة السريانية بالحروف الآرامية الأصلية...



[attachmentid=117]
admin
30-12-2007, 12:44 AM
:mad:
..................................
أبو عبد الرحمن
03-01-2008, 12:58 AM
اي والله بدها
الفينيقية
20-01-2008, 08:14 PM
(أبو ياسر @ Jan 3 2008, 01:58 AM)
اي والله بدها

إيه و الله بدكن يا أبو ياسر .. بما أنك محسوب على جماعة الناطقين الرسميين

باللغة السريانية ....

مع أني لو كنت بدال المدير ما بحط هاد : :mad:
لأنو هاد أحلى : http://finouka1.googlepages.com/gun.gif

مو هيك ...؟؟؟!!!
الفينيقية
05-02-2008, 06:36 PM
الله يسعد مساكم

طالبة ( مو لغات )

و مو من مصر و لا من جبعدين



زرت الموقع

و تفاجأت


أنو العنوان الطنان الرنان الطويل العريض ( سرياني مدرسة تعليم اللغة الآرامية السريانية )


هو منتدى لكل شي إلا لتعليم السرياني ( دين - شعر - كمبيوتر - حوار ....)



بطلب المساعدة في تعلم اللغة السريانية



و ما في غير الملف تبع الوحدات الزمنية

و شوية مفردات من هون و هونيك


حفظتو بصم

و ما كنتو تحطو غيرو




و ناطرة تبدأ الدروس بشكل فعلي

بس يظهر الانتظار حيطول و ما عم لاقي موعد محدد




يعني أنا جادة فعلاً بتعلم اللغة و ما بقدر أطلع عالضيعة


شو الحل برأيكم ؟




من 4 سنين جبت كتب تعليم لغات قديمة مشان شوف هالسرياني شو وضعها

بس اللي بيفتح هديك الكتب بيصير معو مرض الطاعون من الغبرة اللي فيها

و سمعت أنو هيك كتب لتعليم سريانية أهل القامشلي اللي بتختلف كلياً عن سرياني جبعدين .



يا ترى مين جاهز ليساعد و يفيدني بأي معلومة إيمتا حتبدأ الدروس ؟



يعني ضروري نسجل عضوية مشان نعرف شو الوضع ; لأنو ما عرفت مين لازم راسل و عند مين الجواب



فيكم تخبروني بالموضوع أو عالبريد naya-syr@msn.com


ســــــــــــــــــــــــــــلام .
أبو عبد الرحمن
06-02-2008, 03:25 AM
السلام عليكم ورحمة الله وبركاته

اخوتي اخواتي

انا بدي اسس حزب المعارضة وارتاح بقى ...لانو هيك الوضع ما عم بقدر استحمله زيادة



بس معليش ...الفرصة الاخيرة للجميع :lol: :lol: :lol: :lol:
ورح اجلها شوي ........


________________________________

بس حاليا رح سربلكم كل المعلومات الشخصية لجميع المسؤولين عن المدرسة حتى ( تقرقوهم ) <<< يلي ما فهمها لا يسأل عنها

بالإيميلات وبالطلبات وبالتشجيع والتحميس ...إلى أخره

المتهم رقم واحد : خالد فيصل الطويل
ماسنجره الاساسي : entersyr@hotmail.com
ايميله : entersyr@aloola.sy
ايميل تاني (سري ) police@aloola.sy


لكان ...........حتى السري بدي حطو

واذا بيتاخرو اكتر من هيك ..........رح حطلكم إيميلاته الأكثر سرية




________

رقم تنين : المحامي أحمد ضامن

مدير مدرسة تعليم اللغة السريانية <<< بيفيدنا كتير B) B) B)
إيميل + ماسنجر : jdaa68@hotmail.com


________________---

رقم ثلاثة + أربعة : الأستاذ محمد منير شمعة

مدير المنتدى وصاحب الكلمة الأولى والأخيرة

إيميل + ماسنجر <<<< احترت اي واحد اكتب ...رح خليها للمرحلة التانية من العصيان

* طبعا ابو منير ( تلاتة واربعة ) لاهميته وفاعليته


________________________________________ _______

اما غير هيك اخبار ...فعرفت من مصادري الموثوقة انو في شغل بالخلفية كبير عم ينشغل فيه حاليا , ووعد مدير الموقع الأستاذ خالد أكتر من مرة انو رح يظهر منه شوي اولا باول ....بس ماصار شي


ازا طول علينا اكتر من هيك ..........بعتقد انو رح احسن وصل للشي يلي عم يعملوه ...ورح سربه هون واسبقهم ....ومن خلفي الطوفان


حاليا هاد الموجود ..........الطلاب يلي متلي وعم ينتظرو المدرسة وحابين ينضم لحلف المعارضة ازا اطلقناه ( لا قدر الله ) يبعتولي رسائل خاصة حتى نعرف شو بدنا نعمل بها التأخير



مع التحية للجميع
المحامي احمد ضامن
07-02-2008, 12:57 AM
خليها لله يا ابو ياسر انا بضم صوتي الك وانا معك معارض و انا عندي اكتر من طالب على الماسنجر ويوميا انا واياهم بندرخل كم كلمة بالسرياني وانا جاهز لكل شي مع العزايم اذا بدك
الفينيقية
07-02-2008, 05:54 PM
يعني ما استفدنا شي.



المطلوب بشكل محدد :

تعيين موعد واضح لبدء دروس تعليم اللغة السريانية عالموقع

لا أكتر و لا أقل


و يعطيكم العافية .
الفينيقية
28-02-2008, 08:13 PM
http://www.syriane.Com/loadimages/uploads/420153768a.gif (http://www.syriane.Com/loadimages/)
admin
28-02-2008, 08:56 PM
والله يا نايا
انا شايف انو الشباب منيمين موضوع تعليم السريانية نومة طويلة
يعني ممكن نسميها سبات

يعني المبادرة الشخصية معدومة هالكم يوم

وبنأمل تتغير الأحوال الى أحسن

بالقريب العاجل
د.هناء صبح
23-03-2008, 02:16 AM
انا من جهتي برشح المحامي أحمد ضامن لهذه المهمة فهو خير من يقوم بها خاصة وان له بداية تجربة سابقة لم تكتمل
منال
01-04-2008, 12:24 PM
:) لغة جديدة ارغب بتعلمها خصوصاً لفظاً فلا اعتقد الكتابة تهم إلا الخبراء
د.هناء صبح
02-04-2008, 12:05 AM
منال:
اتصلي بالأستاذ أحمد ضامن فهو صاحب تجربة وخبرة بهذا المجال
Picasso
30-04-2008, 11:37 AM
لقد زرت المنتدى ورأيت أنكم تحتاجون إلى مدرّس للغة السريانية. وتواصلت مع صديقي السرياني الذي يعيش في السويد. وقد وافق مشكوراً على تعليمها. أنشأت له هذا الاسم: "yohanen" والذي يعني: "يوحنّا" ليشارك من خلاله. لدينا مشكلة صغيرة هي أنه لا يتقن العربية. لذا، سيدرّس السريانية من خلال الإنكليزية. وسأكون هنا لمساعدته في ترجمة ما يكتب من الإنكليزية إلى العربية.

وأتمنى من الزملاء أن يتواصلوا مع جميع المهتمين لإخبارهم أنْ أصبحَ بإمكانهم تعلّم هذه اللغة الجميلة.
yohanen
01-05-2008, 09:45 PM
لقد زرت المنتدى ورأيت أنكم تحتاجون إلى مدرّس للغة السريانية. وتواصلت مع صديقي السرياني الذي يعيش في السويد. وقد وافق مشكوراً على تعليمها. أنشأت له هذا الاسم: "yohanen" والذي يعني: "يوحنّا" ليشارك من خلاله. لدينا مشكلة صغيرة هي أنه لا يتقن العربية. لذا، سيدرّس السريانية من خلال الإنكليزية. وسأكون هنا لمساعدته في ترجمة ما يكتب من الإنكليزية إلى العربية.

وأتمنى من الزملاء أن يتواصلوا مع جميع المهتمين لإخبارهم أنْ أصبحَ بإمكانهم تعلّم هذه اللغة الجميلة.

مرحبا هناك. اسمي yohanen وأعيش في السويد. وانا اعرف كيف الكلام والكتابة وقراءة في السريانيه. وسأكون سعيدا لمساعدتك على الرجال ، على الرغم من بلادي العربية ليست جيدة ، لذلك فإنني سوف تحتاج الى المساعدة من لكم جميعا وخصوصا "بيكاسو
الفينيقية
01-05-2008, 10:12 PM
الأستاذين Picasso .. yohanen

نشكر لحضرتكما هذه البادرة ..
إن كان لديكما رغبة جدية في المساعدة بتعليم اللغة السريانية ..
أرجو أن تقوما بمراسلة الأستاذ أبو حسام مدير الموقع .. فلربما كان لديه بعض الاستفسارات بهذا الخصوص وليشرح لحضرتكما كيفية المساعدة ...

طبعاً بإمكانكما مراسلته إما على بريده الخاص في الموقع أو على بريده الالكتروني :

syriany@hotmail.com (syriany@hotmail.com) وسيقوم مشكوراً بإجابتكما على كل ما يتعلق بهذا الموضوع.

أهلاً بكما في المنتدى.

نــــــايــــــا...
Picasso
02-05-2008, 07:28 AM
أشكركِ على الإيضاح آنسة نايا، وقد عملتُ بنصيحتك وراسلت أبا حسام مدير الموقع.


مرحبا هناك. اسمي yohanen وأعيش في السويد. وانا اعرف كيف الكلام والكتابة وقراءة في السريانيه. وسأكون سعيدا لمساعدتك على الرجال ، على الرغم من بلادي العربية ليست جيدة ، لذلك فإنني سوف تحتاج الى المساعدة من لكم جميعا وخصوصا "بيكاسو


لغتك العربيّة أحسن ممّا كنتُ أظنّ :)

لكَ كل المساعدة في الخير الكثير فيما تبادر إليه.
yohanen
02-05-2008, 11:19 AM
حتى كم عدد هؤلاء الذين اراد ان يتعلم السريانيه في هذا المحفل ومنظمة الصحة العالمية حسام؟
اكليل الورد
03-05-2008, 12:30 AM
Picasso .. yohanen

اهلا بكم في منتدى سرياني

وانشالله نفيدكم ونستفيد منكم

بامكانكم مراسلة

مدير الموقع لاي استفسار حابين تسألو عليه

هلا ومرحبا فيكم مرة تانية
قمر الزمان @
24-04-2009, 01:09 AM
مرحبا يا أساتذة

و انا بدي أتعلم سرياني

بس ما بقدر إجي على جبعدين

يعني إذا بتدلونا على اسم الكتاب لنتعلم منو شي شوي قبل ما ننزل على البلد

و يا ابو حسام كساب فيني ثواب و علمني :D
فوزي سيلان
24-04-2009, 12:15 PM
الإخوة طالبي تعلم السريانية من خلال موقعنا الموقر السلام عليكم ورحمة الله وبركاته وأهلا ومرحبا بكم
كنا قد بدأنا يا إخوتي الأعزاء بدراسة السريانية لفظا وكتابة حسب أبجدية سهلة اختارها مدير الموقع وهي عبارة عن اللغة العربية نفسها مع تعديل لبض الأحرف لتتماشى ولفظها بالسريانية وفعلا بدأنا بدرس أدوات الإستفهام وانتقلناإلى درس الأرقام وسنتابع بإذن الله ولكن قلة الإهتمام من قبل الطلاب وعدم اعتماد برنامج ممنهج من قبل البعض وكثرة المواضيع جعلنا نتوقف قليلا كي لا يصعب على الراغبين في التعلم الفهم وكي لا يضيعون من كثرة المعلومات والمفردات
وانتظرنا حتى يتم مناقشة الدروس والإجابة على الأسئلة بقصد الفائدة ولكن عدم الإهتمام من قبل الطلاب جعلنا كما ذكرت أن نبطئ قليلا أتمنى لمن يريد التعلم مراجعة الدروس السابقة ووضع الملاحظات والأسئلة لكي نتمكن من المتابعة
كما وأرجو من الإدارة الموقرة تسجيل أسماء الطلاب الراغبين في التعلم كي نتمكن من تحديد مستوى الطلاب ومستوى الفائدة والتقدم كي نقرر هل سنتابع أم لا وهذا يعتمد على نسبة الفائدة والنجاح كما أنني أقترح إسنادالواجبات ومن خلال الموقع للطلاب وخاصة الغير ناطقين باللغة السريانية وإنجازها من خلال الموقع لتعم الفائدة وتصبح أكبر ويمكن أن نحدد درجات من خلال المتابعة والمشاركات والإمتحانات التي ستقررها الإدارة لاحقا ليتوج هذا كله بشهادة من المنتدى بنجاح الطالب في مدرسة تعليم اللغة السريانية
هذه مقترحات أرجو أن نناقشها ونرى مدى إمكانية تحققها والله ولي التوفيق
قمر الزمان @
24-04-2009, 04:03 PM
مرحبا استاذ فوزي شكرا لك على أهتمامك

ما عم تابع دروسك مو قلة اهتمام

بس أنا ما عم اعرف اقرأ في كلمات ما عم أعرفها و حاولت كتير بس ما طلع معي شي

و أنا مالي من جبعدين يعني ما بعرف سرياني ابداً و لا عم اقدر افهمها

مشان هيك ما عد تابعت الدروس .

و شكرا مرة تانية لأهتمامك
فوزي سيلان
24-04-2009, 11:16 PM
الأخت قمر الزمان أهلا ومرحبا بك إذا دققت جيدا في الدروس ستجدين مرفقات صوتية تدلك على النطق الصحيح للمفردات والأحرف كما أننا نكتب باللغة العربية مع بعض التعديل فأرجو منك إعادة قراءة الدروس (أدوات الإستفهام والأرقام ) وتحديد النقاط الغير مفهومة لنتمكن من إجابتك عليها وننتقل للواجبات في نفس المواضيع إن شاء الله
أتمنى لك التوفيق وشكرا لإهتمامك
anas163138
16-10-2009, 09:29 PM
شكرا للاعضاء بس لا يوجد محادثات بالسرياني وترجمتها الى العربي
الفينيقية
06-12-2009, 01:09 PM
ويــســتـمـر.. ويــســتـمـر..

ويــســتـمـر........;)
ريم البوادي
08-12-2009, 10:18 PM
نحن بانتظارك يا استاذ ........................................ ..................
anas163138
10-12-2009, 02:04 AM
شكرا للك يا استاذ بس ياريت تحط كل كلمة سرياني وترجمتها الى العربي
اميرةمحمدوفاالطويل
11-12-2009, 10:20 AM
والله أنا سريانية من جبعدين
بس تلخبطت الامور عني مصطلحات تونسية واخرى خليجية وهندية كمان ههههههه
يعني بدي إعادة تنشيط وانا جاهزة لتثبيت لغتي الاصلية السريانية اللي بفتخر بيهاfe13
rirosemary
15-01-2010, 11:52 PM
لا اعرف كم عدد سكان المنطقة والكل بيحكي سرياني ومافي مدرس بيعلم الاحرف والارقام بالسرياني fe01