* نجمة * ...في لقاء الأحبـــة

[مذيع لقاء الأحبة]

<div align="center">


http://www.4img.com/up/07/10/04/925e5f7995ae447b6e3da079575c556c671df70f .gif (http://www.4img.com/up/07/10/04/925e5f7995ae447b6e3da079575c556c671df70f .gif)



http://www.4img.com/up/07/10/04/82f4bd7b2537313741b980ee2c42d322ff0c4dc7 .gif (http://www.4img.com/up/07/10/04/82f4bd7b2537313741b980ee2c42d322ff0c4dc7 .gif)


لقاؤنا اليوم يتجدد مع عضوة لامعة من أعضاء المنتدى

نجـمــة

كان بدايتها قوية في المنتدى , ما لبثت أن اصبحت دعامة من الدعائم التي يقوم عليها , حتى ظنها

الكثيرون من بنات جبعدين , اترككم الأن مع أجوبتها على أسئلتنا المعروفة :


http://www.4img.com/up/07/10/04/ecb17dd1f235d10a1b6ae2a0327e5673dc15407d .gif (http://www.4img.com/up/07/10/04/ecb17dd1f235d10a1b6ae2a0327e5673dc15407d .gif)

<span style="color:#666600">

الاسم الحقيقي :

اعتدت الدخول لعالم النت باسم سنا حداد ...يمكنكم مناداتي به ، هذا ليس اسمي الحقيقي...

سنا صديقة من الابتدائية ... كانت الصديقة الأولى ...

حداد : هي العائلة الأكثر انتشارا في الدنيا .... كل مدينة فيها أشخاص من هذه الكنية ... لذلك

هي عائلتي على الشبكة الالكترونية


تاريخ الميلاد ( يوم - شهر - سنة ) :

10/ 6 /1980


المستوى التعليمي :

بكالوريوس هندسة مدنية


ملخص عن إنجازاتك في الحياة ( الأعمال التي قمت بها , زواج , خدمة علم , ......) :

ما بعرف شو بدي خبرك ... بنيت 100 بيت بس ما بنيت بيتي ...

اتعلمت عالج كتير مشاكل .... بس ما بعرف حل مشاكلي ..

رحت أماكن ما كنت أتخيل أمشي فيها ... و بعتبر حياتي مغامرة بعيشها كل يوم

فيك تعتبرني بأول الطريق


صورة العضو ( خاص بشباب منتدى ) :

بلالك هالشوفة ....


من هو قدوتك في الحياة ( بعد النبي صلى الله عليه وأله وسلم )

لا يوجد شخص معين ..كثيرون من أعجبتني صفاتهم .. و الذين اعتبرهم قدوة ... و عموما أقول :

أي إنسان أفضل مني بشيء واحد على الأقل اعتبر نفسي غبية إن لم أتعلمه منه ...


http://www.4img.com/up/07/10/04/ecb17dd1f235d10a1b6ae2a0327e5673dc15407d .gif (http://www.4img.com/up/07/10/04/ecb17dd1f235d10a1b6ae2a0327e5673dc15407d .gif)


ما الذي تتمنى أن تفعله ولم تفعله حتى الآن؟

كثير .... شو بدي عد لحتى عد ...

بدي أتعلم و أشتغل و أسافر و أحب و أربي أطفال .....


ما هي السلبية التي تحاول التخلص منها ؟

الحزن و الانطواء على النفس


ما هو الكتاب المفضل الذي قرأته ؟

أكيد القرآن الكريم ..و بحب كتب الدين عموما ... علم الأديان المقارن و الفلسفة و الشعر و

الميكانيك

و الفيزيا والعمارة ...وبحب أقرأ الأشيا اللي بدها تركيز

يعني بتعتبرني قارئة نهمة جدا ... اليوم اللي ما بقرأ فيه ساعتين أو ثلاث بحس ناقصني شيء...

أحلى شغلة أنو شغلي بده قراءة و إطلاع دائمين ...

يعني بقرأ لأعيش و بعيش لأقرأ


ما هو المكان الذي ترتاح فيه ؟

البولمان بالسفر ... الوقت المثالي للصفن و التفكير و محاسبة الذات


ما هو الحيوان المفضل لديك ؟

الصقر

http://www.4img.com/up/07/10/04/5a7e25a20edbcadefb1e6a0b0ea35fc90f394ddc .jpg (http://www.4img.com/up/07/10/04/5a7e25a20edbcadefb1e6a0b0ea35fc90f394ddc .jpg)


ما هو الحيوان الثاني المفضل لديك ؟

الخروف


http://www.demochoice.org/img/zoo/sheep.jpg


ما هو الشيء الذي تتميز به عن الأخرين ؟

بدون مبالغة و لا شيء ...

يمكن بالشكل ما بشبه العرب أبدا حتى بفكروني روسية أو شركسية دايما ...لوما الحجاب


http://www.4img.com/up/07/10/04/ecb17dd1f235d10a1b6ae2a0327e5673dc15407d .gif (http://www.4img.com/up/07/10/04/ecb17dd1f235d10a1b6ae2a0327e5673dc15407d .gif)


ما هي المدة التي قضيتها في المنتدى , وما رايك فيه ؟

سنة

حلو بس لازمه عناية أكثر بالمواضيع السريانية


من هو العضو الذي أعجبك جدا من خلال المنتدى ؟

كلهم على سلامتهم ...

اللي ما حبيته لثقافته حبيته لذوقه أو طيبته أو تعاطفه مع الآخرين

الفينيقية ، الامبراطورة و سلام و جبعدينية و ريم و أسماء و هنا و .....

ومن الشباب مع حفظ الألقاب : جمال و طه د. تاج و بسام و عمار تغريد الخيال أحمد


من هو العضو الذي تتمنى أن تراه ؟

و الله اللي بدي شوفه شفته ...


لو كنت مدير المنتدى ....ماذا ستفعل لتطويره ؟

على سلامته ... الأستاذ خالد ما حدا بيقدر يعمل أكتر منه

يمكن خدمة الترجمة ناقصة ... كمان في تراجع واضح بالدراسات و تعليم السريانية

و هي مسؤولية كل الأعضاء مو بس الأستاذ خالد ... حتى اللي ما بيعرفو سرياني

مثلا ببدا بنفسي أنا لقيت شرح موسع لكل حروف الأبجدية السريانية مع الصور على النت

بس ما نزلت هيك موضوع مهم من قلة المروة


http://www.4img.com/up/07/10/04/ecb17dd1f235d10a1b6ae2a0327e5673dc15407d .gif (http://www.4img.com/up/07/10/04/ecb17dd1f235d10a1b6ae2a0327e5673dc15407d .gif)



لو أصبحت ملك العرب , ماذا تفعل ؟

هلق أنا بنت و ما بصير أستلم هيك شغلة ... بس يمكن بنصحه يعيد الخلافة الإسلامية ..


ما رايك بالخلاف ما بين حركتي فتح وحماس في فلسطين ؟

في قصة بدي أنشرها بصفحة الشعر بتذكرني بالخلاف بينهم ...

<span style="color:#FF0000">ملاحظة من المذيع : القصة أصبحت منشورة هنــا (http://www.syriane.com/forums/index.php?showtopic=6438&st=0&)


ما رأيك بحركة طالبان في افغانستان ؟

الله ينصرهم و يرحم شهدائهم و يكفل أيتامهم و أراملهم - لا يوحشنك بطريق الحق قلة السائرين فيه


هل تؤيد الزواج المبكر ؟

حسب ... كل حالة و إلها خصوصية يعني حسب وضع البنت ببيت أهلها

و حسب نفسية الشب و نفسية البنت كمان

بس إذا البنت و الشب قد المسؤولية أكيد الله يوفقهم ...

أما إذا مآسي بدها تخلفلنا مآسي .... بلالهم هالشغلة ليكبروا


هل تؤيد استلام المرأة لمناصب قيادية ؟

لا.... قلي المدير مرة بدكم مساواة.......!!! ألقوا إذا بتلقوا ...

البنت لازم تشتغل صحيح لتتعلم قيمة المال و صعوبة الحصول عليه بالحلال ...

البنت لازم تتعلم ... ليكبر مخها و تبطل تصير سخيفة و تهتم بالقشور

بس والله عكس ما الكل مفكرين أنا ضد المساواة

و روح قلبي لاقي شي حدا وزت عليه مسؤولياتي ...

يمكن بسبب الحرية الواسعة و حرية القرار اللي بملكها

بس الحرية متل ما اكتشفت مسؤولية

و المسؤولية ابتلاء .... شو بدنا بوجع الراس


لنفرض أنك في الصحراء وتعاني من العطش ..وفجأة وجدت بئر ماء ولكنه مكهرب ...ماذا تفعل ؟

المسلّم الله ... بشرب شو بده يصير يصير


http://www.4img.com/up/07/10/04/ecb17dd1f235d10a1b6ae2a0327e5673dc15407d .gif (http://www.4img.com/up/07/10/04/ecb17dd1f235d10a1b6ae2a0327e5673dc15407d .gif)



لماذا تحب جبعدين ؟

لأنها البلد اللي ربت رجل حقيقي ، والدي الثاني ... الرجل اللي مد ذراع قوية

و انتشلني بأكتر لحظات ضياعي و فشلي ...

الرجل اللي علمني إنو دايما الله ما بيتخلى عنا... و إنه الناس الكويسين موجودين ولو بأسوأ

الأماكن ..

للأسف الشديد هو لا يدخل المنتدى ... أتحدث مع أهله أولاد عمه و أولاد أخيه و أولاده ... كلهم

رائعين مثله

لم أكن مخطئة حين قررت أن أعرف عن القرية ككل ...

قابلته من سنه ... و ما قدرت إنساه و أنسى جمايله علي

بدعيله دايما بصلاتي بطول العمر و بالصحة و الخير

سألت عنه هو من وين ؟ قالوا من جبعدين كانت أول مرة بسمع بهاي البلد ...

و بديت أقرأعنها و حاولت أعرفها لشوف كيف بتربوا أولادكم حتى بيكونوا كبار لهاي الدرجة

أنا اليوم مستعدة أبدل مدينتي الحلوة مقابل غرفة صغيرة بجبعدين


ما هي سلبيات جبعدين ؟

ما لها سلبيات غير إنو أهلها مو دايرين بالهم عليها .... بتستاهل منكم عناية أكتر

على قد ما فهمت إنه مناخها مصيف حلو ... و طبيعتها ساحرة ...


ما هي المشاريع التي تقترجها لتطوير بلدتك ؟

ما شفت جبعدين ... بس أعملها زيارة بقلك

بس بتوقع بدها لمسات من المهندسين و البلدية و بتصير شغلة


</span>






http://www.4img.com/up/07/10/03/5d38265a685f7c58abd1a515c1b33b39aaf46f33 .gif (http://www.4img.com/up/07/10/03/5d38265a685f7c58abd1a515c1b33b39aaf46f33 .gif)


شكراً شكرا للأخت نجمة على أجوبتها ...والأن دور أسئلة الأعضاء :


</span> </div>

[جمال فيصل]

<span style="color:#FF6666">جميل هو لقاء النجوم

فكيف ان كانوا نجوما مهندسين ؟؟؟؟؟

لقاء رائع
فيه مقتطفات.... يجب أن يتم تسليط الضوء عليها

1- بكالوريوس هندسة مدنية

2- بنيت 100 بيت بس ما بنيت بيتي

3- أي إنسان أفضل مني بشيء واحد على الأقل اعتبر نفسي غبية إن لم أتعلمه منه

4- لأنها البلد اللي ربت رجل حقيقي ، والدي الثاني



5- اليوم اللي ما بقرأ فيه ساعتين أو ثلاث بحس ناقصني شيء...


6-يعني بقرأ لأعيش و بعيش لأقرأ

7- البولمان بالسفر ... الوقت المثالي للصفن و التفكير و محاسبة الذات


8-البنت لازم تشتغل صحيح لتتعلم قيمة المال و صعوبة الحصول عليه بالحلال ...

9-البنت لازم تتعلم ... ليكبر مخها و تبطل تصير سخيفة و تهتم بالقشور



10-لأنها البلد اللي ربت رجل حقيقي ، والدي الثاني ... الرجل اللي مد ذراع قوية

و انتشلني بأكتر لحظات ضياعي و فشلي ...


وبعد هذه المقتطفات:

أصبح السؤال الواجب الاجابة عنه:
من هي تلك المتميزة التي تعبث بمنتدى سرياني عبثا هندسيا طفوليا متألقا؟؟؟

والجواب يظل عند المهندسة نجمة المنتدى
الى اللقاء</span>

[الفينيقية]

<div align="center">لقاء رائع لنجمة الموقع المتألقة .. و لو ما كنت حسيت أنك " نجمة "

و من زمان .. ما كنت اخترتلك هالاسم ...

بصراحة .. عندي أكتر من سؤال .. سؤال رئيسي و بقية الاستفسارات

ثانوية .. بس بصراحة .. ما بحب أسأل و ما لاقي إجابة .. خصوصي أنو الهرب

وحدة من أهم عاداتك ...

لهالسبب .. حأجل مروري شوي لبعد ما آخد وعد منك تجاوبي على كل شي و بصراحة .

http://finouka2.googlepages.com/96.gif

</div>

[نجمة]

الأستاذ جمال .... يمكن حضرتك من الأشخاص الرائعين في المنتدى ....

ومن الأشخاص اللي فيهم 100 شغلة لازم أتعلمها ...

هدوءك و التزامك عطاءك ثقافتك .... شو بدي أذكر كتير و شو بدي أنسى أكتر...

منشان نقاط تسليط الضوء على حد تعبيرك ...


1- بكالوريوس هندسة مدنية ... قسم هندسة إنشائية ...

سجلت ماجستير ... ثم تراجعت عن الفكرة فيك تقول أجلتها ... هلق لازم أتفرغ للشغل ..

و بيجي يوم بتكون الأسرة رقم واحد و بضطر أترك الشغل و قتها بكمل دراسات ...


2- رسمت كتير بيوت و اشتغلت بأكثر من مكان ... بس ما عندي بيت ....

طبعا الله يخليلي والدي و يديم حسه علي بالدنيا بيته كتير مريح ...

بس أولا و أخيرا أنا ضيفة عنده وكل إنسان لازم يدور على الاستقرار ...

3- هذه من حكمي الأساسية ...

كل إنسان مهما بلغ مستواه و تجربته هو أحسن منك بشيء و لو صغير


4- طبعا والدي الثاني ... الله يطول عمره و يديمه و يحفظه و يشده بتوب الصحة

صدقا ما حسيت حالي صغيرة بعمري غير أمامه ...

قد ما حكيت عنه مارح وفيه حقه ... إنسان نبيل و كريم و محترم


5- 6 - حاليا أنا أعمل في شركة مساء ... مكتب للدراسات الاقتصادية و الهندسية ...

تحديدا دراسات المعامل و بناءها ... لذلك يجب أن تقرأ مطولا عن السلعة التي ستنتجها ...

مثلا آخر الدراسات التي عملتها كانت عن صناعة الإسفنج .

يجب أن تبحث عن المادة الخام ... خواصها و أسعارها ..

وطريقة إعداد الخلطات و الكلف و أماكن التوريد و الأضرار البيئية و درجات الحرارة و الآلات و المساحات و كل شيء..

و بتمر الساعات و أنا عم أقرأ وراسل شركات و أساتذة ...

و ما بحس على حالي غير صرت قارئة عن الموضوع كتب ... و مجلدات من دون ما حس

و كل ما تغير الموضوع بتتغير القراءة ...

حتى صرت أقرأ حتى لو ما عما عد و لا بحث ... لازم أقرأ لأنو ما بلاقي حالي غير و أنا عم أقرأ

7- كمان نتيجة الشغل أحيانا بضطر أنزل على الشام أو على غير محافظات ..

و بما أنه ما عنمدي سيارة و ما برضى أطلع بسيارة أحد ... بسافر وحدي بالبولمان ..

و بفكر بأخطائي كل الطريق ... أحيا نا بذكر ربي

و أحيانا ببكي لأني بحس أنو الله هو الوحيد اللي كان معي ... بحب هاي الساعات كتير

8- 9- لما بشوف تفاهة البنات غير العاملات بتجيني الجلطة ...

صدقا المرأة اللي بتشتغل بالأرض أو بالمشغل أو حتى موظفة بكونوا عقلاتها أكبر..

و ما بيكون أسوأ شيء بالدنيا أنه راحت على الحفلة بنفس الفستان .. و أنو ما جابت سيرلانكية تساعدها بالبيت

أنا بلاقي مستوى تفكيرها أعلى من القيل و القال و الصبحيات و الزيارات و النكد


10- أستاذ جمال لو كنت بعرف شو ممكن تكون ردة فعله ... كنت قلت هو مين ..و أنا مين

بس ما مكن أسمح لنفسي سببله إزعاج لو بدي أخسر حياتي ...

متل ما قلت هو والدي الثاني و أنا بفتخر إنه نادالي يا بنتي ...

الله يطول عمره

على كل شكرا كتير لمرورك شرفتني أستاذ جمال

[نجمة]

فيفي خانم .... شو وين السؤال ؟؟؟؟

لا تلفي و تدوري ... ولا انعديتي مني ... ;)

أسألي و بحاول جاوبك بصراحة على الأقل برسالة خاصة إذا ما قدرت على النت

أنتي غالية و ما بدي عيد كلامي عنك ...

شكرا تيدي على القلب الكبير ... و سلامته ومن السهم ... ;)

[نجمة]

الأستاذ أبو ياسر ... شكرا لك على التنسيق المميز

يا جماعة الصور ذوق الأستاذ عمار ... حلو الصقر نظرة حادة تنبأ عمن لا يخشى شيء ...

و الخروف .. أبيض و بريء و ساذج ... و عايشين كلنا على خيره ...

شكرا أبو ياسر

[جمال فيصل]

نجمة المنتدى

شكرا لايضاحك
وتسليط الضوء على بعض النقاط التي تدل على شخصية مميزة
وليست من الشام
وقلبها واسع
ولا تنسى المعروف ابدا
وقارئة ومثقفة من الطراز الاول

شكرا لك
واترك المجال لغيري

[ابو العلا]

هلا فيك يا نجمة أخت عزيزة

اجيبي اذا سمحت عن الاسئلة التي تستطيعين ":



ما هي مشكلتك التي تعانين منها واظنها السبب وراء الانطواء ووراء غمامة الحزن السوداء ""اذا اردت"" ؟

ما هي الاماكن التي قلت انك سرت فيها ولم تكوني يوما تتوقعين ذلك او بشكل اعم هل سافرت والى اين وماذا استفدت من السفر ؟

وما رأيك بسفر الفتاة من اجل طلب العلم ؟

اذا اعطيت ثلاث دعوات مستجابات فبماذا تدعين ؟

حياك الله يا نجمة

[نجمة]

شكرا لك سيد جمال ...

هذا أكثر مما استحق ...

شكرا لكرمكم و ذوقكم و طيبة قلوبكم ...

شكرا لكم جميعا .... أشعر فعلا أنني أنتمي لكم بطريقة ما ....

[نجمة]

أهلا أستاذ تغريد ...

أكثر ما أعاني منه هو عدم تكافؤ الفرص ... بمعنى آخر الواسطة و المعايير المزدوجة بالبلد ...

شو بدي أحكيلك من أنا و طفلة يلعبولي بعلاماتي بالموسيقا و الرياضة و العسكرية

منشان يحطوا بنت أمين الفرع أولى ...

حتى مرت علي سنوات ماعدت أدرس منشان ما أزعل يوم توزيع العلامات ...

و بالجامعة كانت العلامات تنحط على ذوق الدكتور .... و ياويلك إذا كشيت بوجهه ....

و قلتيله أنه سخيف و دمه تقبل و مزحه بلاطعمة ...

وبعد التخرج ... ما بخبرك وين فرزوني .... محل ولا فيك تداوم فيه يوم واحد ...

حتى بالقطاع الخاص ... متل ما خبرتكم بشتغل بمكتب دراسات و عملي مكتبي ...

مع هيك لازم يكون أجر الصبية أقل من أجر الشب

يا عمي جينا معك بالعمل الميداني ... ليش بالعمل المكتبي كمان ؟؟؟؟

إنك تكون إنسانة ملتزمة بهيك أوساط ... خاصة بجو محافظتي اللي متفلت على الآخر ....

شغلة ما بس بتجيب الحزن ..... شغلة بتجيب الاكتئاب ...

2- الأماكن .... كتيرة ... شو استفدت ....عرفت أنه دايما الله معي ...ما بيتخلى عني ... دايما بيلعتلي مين يساندني

3- من أجل طلب العلم أو غيره .... سفر البنت مو مظبوط وحدها خاصة برا القطر ...

صحلي قبول بجامعة ألمانية لمتابعة دراستي في الهندسة .دكتوراة

بس ما قدرت سافر لأني ما فيني كون غريبة وحدي بدون محرم ببلد أجنبي

كمان مرة صحتلي فرصة السفر على الخليج براتب خرافي .... كمان ما تابعت لنفس السبب

في مبادئ بحياتي ما فيني دوسها حتى منشان مصلحتي .... ديني ,أهلي ، أخلاقي ... بيعوض الله إن ما بالدنيا بالآخرة أكيد ...

4- الدعوات المستجابات ...

1- الله يغفر لي ذنوبي أنا وكل المسلمين و يرفع سخطه عننا و يدخلنا الجنة
2- الله يحفظلي أهلي بابا ، ماما و أخواتي الستة بأحسن الصحة و الخير
3- الله يحققلي أحلامي الدنيوية على كافة الصعد العملية و العلمية والاجتماعية




تغريد شكرا .... كل ذوق و لطف .... انشاالله كون قدرت جاوب منيح

[ابو حسان]

اهلا بك اخت نجمة

تعقيبا على سؤال الاخ تغريد حول الانطواء لاحظت انو بفقرة لقاء الاحبة
كل ما يكون اللقاء مع احدى صبايا المنتدى تتحدث عن مشكلة الانطواء والانعزالية والوحدة التي تعاني منها
فما بعرف شو القصة حبذا لو توضحولنا يعني لازم يكون النجاح العلمي مرتبط بالانعزالية
ما بيسوا تكون البنت اجتماعية وغير انطوائية وناجحة دراسيا
طبعا سؤالي استفساري وليس استنكاري فيا ريت ما تفهموني غلط اني عم جرح لا والله انا حابب اعرف شو السبب من الاخت نجمة ومن غيرها
واهلا بك مجددا يا نجمة المنتدى

[alihasan]

<div align="center">وهذا الرابط</span> </div>


<div align="center">http://www.syriane.com/forums/index.php?showtopic=6493 </div>

[نجمة]

السيد أبو حسان ...السلام عليكم ورحمة الله و بركاته ..

ردا على سؤالك حول الانعزالية التي أنا و بعض البنات نعاني منها ... سأجيب عن نفسي ...

ربما لأنه هناك تعريف سائد عن الاجتماعية في عالمنا العربي

1- إذا كانت الاجتماعية تعني طق حنك مع أي وحدة ساعات على التلفون ...

2- إذا كانت الاجتماعية الزيارات و الصبحيات و ضياع الوقت بغير طاعة الله ...

3- إذا كانت الاجتماعية صداقة أشخاص غير مستحقين للسلام ، من باب المسايرة و زيارتهم و وصلهم ...

4- إذا كانت الاجتماعية نزهات و سفريات و رحلات ( مخلوطة ).....

فيسرني إنه اعتبر حالي مو اجتماعية .... و أميل للانطواء على النفس

أما عن العلاقة بين التحصيل العلمي و الاجتماعيات فلا أعتقد بوجوده ... ربما السبب هو التربية و ليس العلم

الحذر في العلاقات و انتقاء الأصدقاء بعناية حسب النوع و لايهم الكم .... هو من نتائج التربية و ليس من نتائج الدراسة



على كل سررت كتير لمرورك .... و أهلا بك مرة ثانية

[نجمة]

أهلا أستاذ علي....

هات سؤال محدد و بحاول جاوبك علي ....لأني ما فهمت شو لازم رد عليك

شكرا على دعاءك و تعاطفك .... مني و من صبايا الموقع ....( " لك الشكر ")

[الفينيقية]

<div align="center">.. السلام عليكم و رحمة الله و بركاته ..</div>

قبل كل شي .. بتمنى ما أقرأ بردودك عليي أي إشارة استفهام .. و أنو ما تجاوبي على استفساراتي بأسئلة .. لأني ما حأقدر جاوبك بهالموضوع على أي شي .. و بتقدري تسألي اللي بدك ياه بغير موضوع لحتى جاوبك .
و كمان شغلة .. بتمنى ما تتدايقي من وضوحي و صراحتي و يا ريت تجاوبيني بأسلوب مباشر .

الـــــــــــســـــــــــــــــؤال الــرئيــــــــــــــســـــــــــــــي :

بتعرفي أنك من الأعضاء القلائل جداً جداً اللي تم التعارف بيني و بينهم خارج الموقع عن طريق الدردشة عالماسنجر .. و مع أنو التواصل بيني و بينك أنت بالذات كان كثيف و شبه يومي .. و كنا نتعامل مع بعض بصراحة و تجرد .. لدرجة أنو صرنا نعرف عن بعض كتير شغلات .. مع أني لهلأ ما بعرف اسمك و لا شخصيتك ..

السؤال : ليش لهلأ و لهاللحظة ما عم تقدري و ما بدك تصدقي أنو الفينيقية بنت ( أنثى ) مو شب ؟؟؟
و كل مرة منحكي فيها لازم ينتهي الحوار بإصرارك أني شب لبق و محترم حسب تعبيرك و أنو أسلوبي عالموقع أبعد ما يكون عن أسلوب الأنثى.. حتى بعد ما نشر أبو ياسر اللقاء معي و احتوى معلومات واضحة و صريحة عني .. كان تعليقك: ( في شي جواتي عم يصرخ أنك شب .. حدسي ما بيخيب .. شب لو بتطيري ..) ومن هالحكي . و كلما كتب أحد الأعضاء أي معلومة بتخصني .. بتعتبري أنو الموضوع تم بالاتفاق بيني و بينه مشان وصّلك أنت بالذات هالفكرة .
ومع أني عرضت عليكي تتأكدي من أحد الأعضاء الموثوقين بالموقع و اللي جرى بيني و بينه تواصل هاتفي .. رأيك ما تغير .
بصراحة .. بالبداية تفاجأت و قلت أنو من حقك ما توثقي بمعلومات النت مع أنو كتير أعضاء ما بيعرفوني بس قدروا يستنتجوا أنا مين من خلال مشاركاتي عالموقع و تعاملوا معي على هالأساس .. و طبعاً بالنهاية .. و للأسف .. انجبرت أقطع أي تواصل بيني و بينك خارج الموقع طالما المنتدى هو المكان الوحيد اللي بتقدري تتعاملي معي فيه متل ما بدي .. بعد ما صار أسلوبك مزعج و وصل إصرارك لدرجة التجريح ..

يا ترى .. شو تفسيرك لكل شي صار .. وليش الإصرار على موقفك .. و من وين جبتي هالشعور الواثق .. و برأيك شو بدو يخليني أنا الشب " ميرڤت " على اعتبار أني أصغر منك بكم سنة .. أتقمص شخصية بنت و غشك .. هل يا ترى مشكلة نفسية عندي و لا شي تاني .؟؟ مع أني متعودة أتعامل مع الناس عالثقة .. و دائماً كنت أتمنى أقدر خلي تواصل النت بيني و بين شخص مميز متلك يتطور لصداقة حقيقية و قوية بس شكك كان يمنعني .علماً أنك وقت نزلتي عالشام من 5 أشهر و طلبتي تتعرفي عليي بشكل شخصي .. ما كان عندي أي مانع و إجيت حسب الاتفاق مع 4 صبايا رفقاتي حبوا يتعرفوا عليكي .. و أنتِ تخلفتي عن الموعد بحجة أنك إجيتي بس خفتي تقابليني ..... يا ريت تجاوبي بصراحة و وضوح .

2 – من أي محافظة أنتِ ..؟ كونك مو حابة تحكي اسمك و تعرفينا عن شخصيتك .. هاد حقك .. بس شو الضرر من ذكر اسم محافظتك .. و ليش هالرفض و التعتيم الإعلامي اللي كأنو زاد شوي عن حدو الطبيعي ..؟؟؟ على العموم أنتِ حرة .. بس مجرد استفسار .

3 – ليش دائماً بتوحيلي أنو شخصيتك ضعيفة و ما عندك ثقة بنفسك و عايشة حالة خوف و عم تفتقدي للأمان و أصعب شي بحياتك هو اتخاذ القرار .. علماً أنو الأمور اللي متوفرة لحضرتك و الطريقة اللي عايشة فيها بيفتقدولها كتير بنات .. و مع هالشي .. وضعهم مو متل وضعك .
يعني الغريب أنو اللي بتسافر لحالها بالبولمان وبتتنقل بين المحافظات و بتتأخر بالرجعة عالبيت و ما عندها بعلاقاتها مع الآخرين أي إشكال .. إضافة للكم الهائل من الثقافة .. عدا عن الاطلاع و التجارب و هامش الحرية الواسع .. ما بعتقد أنو بنت متلك بكل هالمواصفات الخيالية شخصيتها ضعيفة أو متل ما أوحيتيلي ....
يا ترى أنتِ مين .. و هل الصورة اللي رسمتيها لنفسك هي شخصيتك الحقيقية أم مجرد قالب عم تتخبي وراه لتوحي بشي معين ما قدرت أفهمه ؟

4 – قلتي أنك عمّرتي كتير بيوت بس لهلأ ما عمرتي بيتك ..شو السبب برأيك ..؟ مواد البناء مو متوفرة .. ولا التصميم ما عم يركز معك .. ولا خوف من الفشل .. ولا نرجسية .. ولا شو القصة .. ؟؟ ويا ترى .. الموضوع عدم قدرة أم عدم رغبة ...؟؟؟

5 – لا حظت أنو بعض إجاباتك عاللقاء كانت دبلوماسية .. و أنا بعرف أنو بعض الأمور اللي كتبتيها مغايرة لمعلوماتي اللي حكيتيلي ياها بنفسك سابقاً .. من دون تحديد ..
يا ترى .. أنت واضحة معي و لا بأجوبتك عالموقع .. و لا تقولي أنو وجهة نظرك بهالأمور تغيرت خصوصي أنها " ثوابت " ؟؟؟

6 – بما أني تاركة الموقع آخر الشهر كحد أقصى .. و عم اتبع حالياً سياسة الانسحاب التدريجي .. يا ترى بعد طريقتي اللي يمكن تكون مزعجة بطرح الأسئلة .. حتستفقديلي ..؟

هاد أهم شي و مو كل شي .. و تأكدي تماماً أنو بغض النظر عن هويتك و شخصيتك و طبعك و طريقة تفكيرك .. ما بقدر أعتبرك غير شخصية مميزة و نادرة .. و مرحلة حلوة بحياتي أضافتلي أشياء كتيرة .
كان التواصل بيننا مؤنس و ممتع و مفيد .. تعودت تسأليني " كيفك " و أنا بغض النظر عن وضعي لازم جاوبك " ممتازة متل العادة "..لأني ما بقدر و ما لازم كون غير هيك .
بتمنالك من كل قلبي التوفيق بحياتك .. الله يحميكي و يعطيكي أكتر مما بتتصوري .

<div align="center">" الـفينيـقيــة "

http://finouka1.googlepages.com/hikids.jpg</div>

[نجمة]

أهلا و سهلا .... ست الكل : فيفي خانم ... هلا بالغالية ... و الله شايلة بالقلب كتير ...

مو مشكلة أنا راح حاول جاوبك تقريبا على كل الأسئلة اللي محيرة الغالية ...بنبدأ نقطة نقطة ...

و بلا إشارات استفهام و بلا إشارات تعجب كمان على راسي حارتك و تكرم عينك ...

طبعا أنا بطول كتير لأكسب شخص و ما مستعدة أخسره ...مهما قسي علي منشان هيك ما تفكري بيوم إنك تكوني غير فيفي الغالية :

كنتي شب أو بنت ...مع أني بفضلك متل ما بتقولي على طول مدينة بنفسج ...سحرني عطرها و مشاني وراءه

1- ليش كنتي مفكرتك شب ...السبب بسيط جدا ... إنه بحياتي ما حبتني بنت للأسف الشديد ...

دوما أنا شخص مكروه في المجتمع النسائي ... و مهما حاولت اتقرب للصبايا ما في فايدة .... لا رسايل و لا غيره

حتى ردودهم على مواضيعي و آرائي بتكون غالبا "سقط عتب" مثلا أول ما فتت على الموقع " قبل ما تجي حضرتك "

كان في بنت مميزة من جبعدين اسمها سلام ... كانت تكتب بالشعر و بالنفس و بالمواضيع العامة و كانت مشرفة مغارة النثر ... عبث حاولت صادقها ..

مارح أذكر بقية الأسماء ... بس قصدي واضح خاصة أنه هاد الشيء بيهزني من جوا .. و بخليني أفقد ثقتي بحالي ...أكيد العيب فيّ ما بكل بنات الدنيا ...

و هدا كمان من أسباب حزني اللي ما قدرت بوح فيها ...على العكس من علاقتي الجيدة مع الأساتذة بالمنتدى

في الحياة الواقعية .. كل البنات زميلاتي بيصبحوا علي و منشتغل سوا بالمشاريع ... و لما بطلع من المكتب بيشكوني للمدير ...

و بيقولوا ليش عم تعامل نجمة غير شكل و ما بيعجبك غير رأيها و ما بتسمع غير إلها ....

و بتنتهي القصة إنه بيعاقبني من دون سبب منشان يسكتهم عموما بقدر ظرفه معذور ...

منشان هيك تحولت لإنسانة دبلوماسية لأبعد حد .... لأنه دايما أنا بوادي و البنات بوادي .... فلتخفيف التشنج بحاول سايرهم و غض النظر عن أخطاءهم

و بحاول قدر الإمكان خلي علاقتي سطحية فيهم .... بالرغم من أنه وحدتهم لما بتوقع بمشكلة بتجي أول شيء و بتحكيلي منشان انصحها شو لازم تتصرف...


و فجأة وبعد تاريخ عدائي مع الإناث استمر 26 سنة وما طلعت فيه غير بصديقة وحدة .... فجأة إجت بنت لقتني كويسة و قررت تصادقني ....

جديدة هاي ...يعني بعد أكثر من شاب في الموقع ... بتجي بنت ... شي لازم يخليني أشك ...و ليش بس أنتي ... ما بعرف

ثم طريقة طلبك لمعرفتي ...إنت انتسبتي بـ 11/3 و طلبتي تتعرفيلي بـ 13 /3 .... شو هالسرعة لتعجبي بآرائي ...

خاصة إنه كانت مشاركاتي بالبداية نادرة و ضليت ثلاث أشهر أقرأ بالموقع قبل ما انتسب ...

بعدين انتسبت و كنت أكتب رد بالجمعة مدة شهرين بعدين غبت شهر ...

ثم فجأة خلقت شخصيتك اللي عجبتها آرائي اللي مو موجودة على الموقع أصلا بحكم كتاباتي اللي كانت كتير قليلة قبل ما تجي فيفي ..

هادا الشي خلاني أعتقد إنك عضو قديم باسم جديد ... تحليل مو واقعي بس وارد ...

و عضو ما عضوة لأنو البنات عادة ما بينتحلو شخصية الشباب ... بس العكس شائع جدا

أما عن أنك شخص لطيف و لبق ... فلساتني عليه سواء كنتي شب أو بنت

2- بعتذر عن الجواب ...

3- متل ما كتبتلك مرة

<div class='quotetop'>إقتباس</div>

تقولين في رسالتك أنك أحببت مساحة الخصوصية الكبيرة مع نفسي و تلوين حياتي كما أشاء ...
هذا أمر حسن آخر يجب أن أشكرك عليه ، إنه يعني لي الكثير ..طالما كانت هذه المساحة حاجزاً بيني و بين الناس ، يمنعهم من دخول قلبي و عالمي و عليّ هنا أن أجثو على ركبتي لأشكر الله أنك كنت كما تمنيت : تقدرين قدسية الخصوصية، هذه المساحة يا فيفي هي وطني و أفخر أنني أستطيع أن أقف تحت الشمس و أمسكها و أقول .. وطني : لقد أخذتها و لم أعطها .. لو تعرفين يا غالية كم بذلت من العناء حتى أصبح لي وطن ، يرى الأطفال عادة في الأم وطناً ... و يرى الرجال في المرأة وطناً ...أما الفتاة فأين وطنها ؟؟ سؤالٌ كبيرٌ استغرقني سنوات حتى وجدت له جواباً ، وطن المرأة الحقيقية هو نفسها ، ربما لهذا السبب يا فينيقية قدّس أجدادك المرأة و اعتبروها رمزاً للتجدد و الخصب .

أصدقك القول لقد دخلتي قلبي و لولا هذا القفص الذي أحكمت حبكه بيدي لذهبت إليكي و لكن أخبريني من يستطيع أن يترك في لحظة واحدة بناءً صرف عمره في نحت حجارته و رصفها حتى لو كان هذا البناء سجناً له يعزله عن العالم .. لست خارج قفصي حالياً و لا أستطيع الخلاص منه في يوم واحد ..


حتى تحصلي على وطن عليك أن تتخلي عن كل الامتيازات المزيفة التي يمنحك إياها الناس عامة ، لا يوجد شيء بلا ثمن صدقيني و أنا لم أرد أن يكون الثمن يوماً حريتي أو إنسانيتي ، عليك أن ترفضيها رفضاً كاملاً ... حتى تحصلي على وطن عليك أن تتنازلي عن كل الرعاية و الوصاية و الحنان و الدروب الممهدة التي يقدمها الأهل عادة للفتاة ... و تحلي مشاكلك بنفسك و تؤمني احتياجاتك بنفسك و تأخذي قراراتك بنفسك و تتحملي تبعة نتائجها وحدك ... و تشقي طريقك الوعرة في الحياة وحيدة ومهما سقطت و جرحت و مهما كان ليلك حالكاً و دربك تيهاً لولبياً ...لا تطلبي سنداً إلا من الله عز وجل .


أن يكون لك وطن يعني بأبسط ما يعني أن تحيي حرة : الكلمة كبيرة المعاني .
حرة في اختيار ملابسك و دراستك و عملك و شريكك ، حرة في كل شيء ،الحرية كل واحد لا يتجزأ يؤخذ و لا يعطى .. و أقصد بالطبع الحرية الملتزمة المشفوعة بالأخلاق العالية و المسؤولية ... الحرية التي تحترم حريات الآخرين و لا تسيء إلى حياتهم و خصوصياتهم ، ارصفي دربك بنفسك لأن الدروب تصنعها الخطى ..

طالما استغربت حياة هؤلاء الذين يستطيعون أن يحييوا في الظل و يبلغوا رقيا في السلم الاجتماعي و الثقافي و هم يعيشون في وصاية ذويهم .. هم يخالفون أبسط قواعد الطبيعة : " أشجار السنديان لا تنمو في ظلال بعضها بعضاً "
لا أريدك أن تفهمي من كلامي أنني معلنة للحرب و الرفض بشكل كامل لكل ما هو حولي .. على العكس علاقتي مع أهلي أكثر من ممتازة .أنا لا أرفض ما يقترحه الأهل لكن ما يفرضونه .... هناك فرق يا فيفي بين اتفاق المصالح و تقارب وجهات النظر و بين فرض الآراء ، تماماً كما هو الفرق بين القيد و القلادة و بين التناحة و الإرادة و بين القتل و الشهادة .... بين الحب و العبادة !
[/b]


الحرية مسؤولية أبدا مو امتياز ... ما في أصعب من أنك توقعي بمشكلة و ما تقدري تحكي لوالدك .... لأنك كبيرة و لازم تتعلمي تحلي أمورك بنفسك

ما في أصعب من أنك تكوني منكادة وما تقدري تحكي لوالدتك ...لأنك صرتي واعية و بتعرفي توزني الأمور ...

طريقتهم صح كتير بالنتيجة لما بتشوفي أديش أنت كبرتي قبل رفقاتك ... و أديش أنتي بتعرفي تتصرفي بحكم خبرة الأخطاء الماضية

بس كمان بتجعلك حذرة من العواقب بشكل دائم ... لأنو أنت اللي بتتحملي النتيجة شو ما صار ...وحدك المصيبة بتوقع على راسك



فيفي أنا بعذرك أكيد ... فعلا أنا كلي تناقضات ... بس الله بيشهد أنه ما كذبت عليكي بشيء .... ببساطة أنا ما فهمانة حالي ...

لا تجربي تفهميني حاولي تقبليني متل ما أنا ...

4- أولا الزواج نصيب من الله ....يمكن متل ما قلتي ... الخوف من الفشل ... أكيد مو نرجسية ... على الأقل من وجهة نظري ...

عدم قدرة لا و الحمد لله ... صحتي كويسة عال العال و الحمد لله ... وما عندي تجربة عاطفية مسبقة مع أي رجل لا منيحة و لا عاطلة لتترك أثر عنهم

طول عمرهم مجرد زملاء أو معارف .. لا أكثر ... بحترم فيهم أنهم عادلين أكثر واقعيين و عمليين أكثر .... كمان عندهم مجال أكبر للخطأ و السماح

عدم رغبة كمان لا ... كل إنسان متل ماسبق و قلت بيدور على الاستقرار ...

متل ما قلت ... الشغلة نصيب من رب العالمين ....


5- أنا متل ما أنا معك أو على الموقع ... ثوابتي نفسها ...

ديني ثم رغبات أهلي ...

إصراري على علم الفتاة و ثقافتها و عملها ....

قياس الناس بأخلاقها و ليس بنجاحها الدنيوي ...

الأسرة أولا ... الصبر على سوء الأوضاع و العمل لتحسينها ...

شو اللي تغير معك ما فهمت

6- أنا ما بس راح أستفقدلك ... أنا بدي قلك لا تتركي الموقع يا غالية ...

طبعا أنا راح ضل أكتبلك لأني اتعودت عليكي متل الياسمينة اللي على شرفة غرفتي إلي منها كل يوم نجمة أو نجمتين ...

بتتمنى كون قدرت جاوب و لو على جزء بسيط ... من تساؤلات فيفي الغالية .... هلا فيكي

[ابو العلا]

سلام الله عليك يا نجمة

اخر سؤال من شان خليك تتفرغي لعبادتك وسأعود بعد العيد لاتابع تن شاء المولى

ما هي صفات المرأة التي ترينها تناسب كل زمان ومكان وبدونها لا تصبح الانثى انثى؟

ما هي الصفة التي تحبين ان تمتلكينها او تحاولين الوصول اليها ؟

طالما لديك اطلاع على الامور الدينية فهل تعتقدين ان لغة الحوار تجدي نفعا مع اعداء الله اي الكفار مع وضع البرهان ؟

ونفس السؤال السابق ولكن مع المذاهب الاخرى "" كالصوفية والشيعة باقسامها ؟

بلّغك الله ليلة القدر واستجاب دعواتك ورجائك يا اختي نجمة

تقبلي تحياتي

[نجمة]

السلام عليكم و رحمة الله ............

هلا فيك أستاذ تغريد مرة ثانية .... و برحب بأسئلتك هلق و بعد العيد ....

1- يقول نزار قباني .... " إن الأنوثة من علم ربي " أي إنها تركيبة سحرية وضعها الله في بعض النساء ... ليس كل إمرأة أنثى و إن كانت كل أنثى إمرأة


من وجهة نظري ... الصفات التي تمنح المرأة طابع الأنوثة ... الحنان بالدرجة الأولى ... التلقائية و العاطفية " قلب طفلة و عقل عجوز " ...

الاهتمام بالأمور الأساسية و النظر بسعة أفق .... هنالك صفات سلبية و لكن لا أدري لماذا يفضلها الرجال في المرأة منها

1- الأنانية : تخطئ المرأة حين تجعل الرجل يعتقد للحظة أنه رقم 1 بحياتها ... أنظر كم المرأة الأنانية مدللة و مرغوبة

2- تدليل الذات ... عندما تهتم المرأة بنفسها بالدرجة الأولى ... يعني أن تسرح شعرها أهم من أن تنظف البيت ...

3- الاتكالية : يحب الرجل المرأة التي تعتمد عليه و تلقي عليه مشاكلها و ما يزعجها و تطري به اهتمامه بتفاصيل حياتها و عمله على إسعادها


يمكن أن تدرج هذه الأمور السلبية و التي طالما لفتت نظري تحت باب حقيقة و لكن ..!!؟


2- الصفة التي أحاول الوصول لها ... الرضا بقدر الله و اليقين به

3- لا ... ساعات بحس الكفر معقد بقلبهم .... وما ممكن يطلع لا بالحوار ولا بغيره ... منشان هيك بقول ع طول " إنك لا تهدي من أحببت و لكن الله يهدي من يشاء "

لو علم الله فيهم خيرا لهداهم ......

يقول أحد الدعاة إن آية الكرسي وردت تشرح عظمة الله عزو جل الذي بيده ملكوت كل شيء ... و تلتها آية لا إكراه في الدين ...

إن ترتيب الآيتين بأن أمر الله نافذ في الأرض و في السماء كونه الملك الواحد القهار ... و حتى لو آمن الناس أم لا ...

فلا تكرههم و لا تبخع نفسك وراءهم حتى يؤمنوا ... قد تبين الرشد من الغي ...



حسب بعد الفئة عن الطريق القويم .... هناك فئات شديدة البعد و هناك فئات لا تكاد تختلف إلا بأمور بسيطة و قد يجدي معهم الحوار ..

أهلا فيك يا سيد تغريد ... شكرا لدعائك

[خيال الزرقا]

بصراحة في شوية غموض بالإجابات من شان هيك انا رح خلي الأسئلة عامة وبعيدة عن الخصوصية

<div align="center"><span style="font-family:Arial">ما أجمل شيء أحببتيه فـي المنتدى ؟

متى يقسو قلبكي؟

هل حدث أن انتصرتي على نفسك يوما وأحصيتي عيوبكي ؟
متى تخجلين من نفسك ؟

السؤال الأخير ::::في زمن البحث عن المادة .. عن ماذا تبحثين أنتي؟</span>
</div>

[نجمة]

السلام عليكم و رحمة الله و بركاته ....


100 مرحبا بالخيال .... يا سيدي لا غموض و لا شيء ... لا تسألني مين أنتي و بعدها إسأل اللي بدك إياه ...

أكبر دليل أسئلة فيفي ... بحترم كتير جرأتها و أسلوب المباشرة فيها ... و بيسعدني كتير تطرح أي سؤال و حاورك فيه ...


1- أجمل شيء حبيته بالمنتدى ... شو اللي ما حبيته بالمنتدى ... ياسيدي أهم شيء

طيبة أهله ... و تلقائيتهم و عفويتهم و بساطتهم و أخلاقهم العالية .... صدقا بيشتاق لكم متل عيلتي ( حالة نادرة بس ما بعرف كيف و صلت لها

يعني أنا ما بتهمني المواضيع بقد طريقة الحوار فيها ...

2- يقسو قلبي ( صعب بجد السؤال ) ...

يمكن وقت بنسى ليوم واحد إنني من أساسين ( مادة و روح ) يعني لما بتطغى دنيتي على كل نهاري و ما بيكون في جانب لربي و حياتي الخاصة

بروح على سريري و أنا حاسة إني كنت اليوم سيئة و ما منيحة و قلبي قاسي ... مهما كان اليوم جيد ماديا

3- انتصرت على نفسي ... نعم و الحمد لله كثيرة هي المرات التي ترفعت فيها عن لذة الانتقام ... كثيرة هي المرات التي جربت فيها الإحساس بأخطائي

و الشجاعة على إصلاحها مهما كلفني .و المرات التي كنت أستطيع فيها أن أخطأ و توقفت فقط لأني لا أريد أكون صغيرة أمام نفسي


أما بشأن عيوبي .. كثيرة ... التردد ... سهولة التأذي ... الشك الزائد و عدم الثقة بالآخرين ... ظن السوء ...

4- أخجل من نفسي عندما أسبب الألم لشخص أحببته ... ربما من دمع أمي ..

5- أبحث عن الإنسان ... أبحث عن شخص ينظر إلى القلب لا إلى الجيب .. إلى العين لا إلى الكحل ...إلى الروح لا إلى الرداء





خيال أسئلتك أحاى شي إنسألته لهلأ ..... عن جد شكرا لك ... بارك الله فيك

[خيال الزرقا]

<div align="center"><span style="font-family:Arial">شكرا لصراحتك ولأجاباتكي الدقيقة وجهزي حالك للأسئلة الجايي لأنها أصعب شوي</span> </div>

[نجمة]

أهلا فيك متى من بدك ...

أنا و أنت بتجمعنا شغلة مهمة .... بس أنت ما انتبهت : نحنا مواليد نفس اليوم ... بس أنا أكبر منك ( بالعمر) و أنت أكبر بالقدر B)

[عاشقة الورد]

<div align="center">السلام عليكم 00000
لقاء حلو كييترما شاء الله عنك يانجمة علم وفهم ...عجبني كتير رأيك بالدراسة للبنت وبشغلها .....
بس أنا بتمنى أعرف من وين إنت مثل ما سألتك الفينيقية00؟إزا ما عندك مانع00؟؟؟
بتمنالك حياة حلوة مع كل شي بتتمنيه فيها......
وبمناسبة قدوم عيد الفطر السعيد....
بهنيكي فيه من كل قلبي وكمان بتمنالك تمضي فيه أحلى الأوقات وتحققي فيه الفرص اللي
بتمحيلك كل الهموم والآحزان/ يلي ما لها نهاية/وبتأمنلك البيت يلي عم تتمنيه...........
:P وبالنهاية بتمنالك إنت وكل الأعضاء عيد سعيد0000 </div>

[خيال الزرقا]

<div align="center">الله يسلمك يحفظك بصراحة أنا أنتبهت أنو نحنا مولودين بنفس اليوم وكنت رح أكتبلك ياها بس والله ما بعرف بشو إنشغلت ونسيتها على كل حال لنا لقاء أخر</div>

[د.تاج]

<div class='quotetop'>إقتباس</div>بكالوريوس هندسة مدنية [/b]

يعني صرلك متخرجة أربع سنين وعمرتي فيون 100 بيت ...
بهنيك عل التفوق...

<div class='quotetop'>إقتباس</div>رحت أماكن ما كنت أتخيل أمشي فيها [/b]

الاقدار تأخذنا الى أي مكان تريده ...

<div class='quotetop'>إقتباس</div>الناس الكويسين موجودين ولو بأسوأ

الأماكن ..[/b]

لا شك بذلك...
لو خليت خربت...

<div class='quotetop'>إقتباس</div>الرجل اللي علمني إنو دايما الله ما بيتخلى عنا[/b]

وأينما تولون فثمة وجه الله.....

<div class='quotetop'>إقتباس</div>وبعد التخرج ... ما بخبرك وين فرزوني .... محل ولا فيك تداوم فيه يوم واحد ...[/b]

وين ممكن يكون هيدا المكان؟؟؟
مارح تقولي وين متأكد من هل الشي...


<div class='quotetop'>إقتباس</div>و لولا هذا القفص الذي أحكمت حبكه بيدي لذهبت إليكي و لكن أخبريني من يستطيع أن يترك في لحظة واحدة بناءً صرف عمره في نحت حجارته و رصفها حتى لو كان هذا البناء سجناً له يعزله عن العالم .. لست خارج قفصي حالياً و لا أستطيع الخلاص منه في يوم واحد .. [/b]

بدون تعليق...

<div class='quotetop'>إقتباس</div>تماماً كما هو الفرق بين القيد و القلادة و بين التناحة و الإرادة و بين القتل و الشهادة .... بين الحب و العبادة ![/b]

جميل هذا الكلام , ورائع معناه ....

سرنا أنك أعجبت بقرية بكاملها من خلال هذا الرجل الذي تحدثت عنه ,

هكذا

كل واحد فينا ,تصرفاته وسلوكه تعكس فكرة عن تربيته , عن أهله ,
عن مجتمعه....

أتمنى أن تكوني بخير وأنتي تقرأين الجمل التي استوقفتني....

[نجمة]

السلام عليكم ورحمة الله و بركاته ...

أهلا بوردتنا الغالية .... شلونك ياطيبة ... و أنتي كمان كل عام أنتي و أهلك و الغالين عليكي بكل الخير و الصحة

شكرا كتير على الإطراء .... و على التعاطف و الدعاء مو غريب أبدا على إنسان رقيق ربط اسمه بالورد ...

بتمالك أنتي تحققي كمان كل أحلامك ... و تفوزي بسعادة الدارين

[نجمة]

السلام عليكم و رحمة الله و بركاته

احترت كيف لازم رد على حضرتك د.تاج يمكن لأنه مافي أسئلة مباشرة ...

شو لازم خبرك ... الحمد لله على الصعيد العملي اليوم حياتي أصبحت مثالية ... مرت سنوات من التخبط .. لكن اليوم أنا مستقرة جدا

الأشخاص الاستثنائيون لا ندري كيف تلقيهم الأقدار في طريقنا ... كان هذا الرجل أحدهم ..
<div class='quotetop'>إقتباس</div>

<div class='quotetop'>إقتباس
و لولا هذا القفص الذي أحكمت حبكه بيدي لذهبت إليكي و لكن أخبريني من يستطيع أن يترك في لحظة واحدة بناءً صرف عمره في نحت حجارته و رصفها حتى لو كان هذا البناء سجناً له يعزله عن العالم .. لست خارج قفصي حالياً و لا أستطيع الخلاص منه في يوم واحد ..
[/b]

بدون تعليق...

[/b][/quote]


هذا المقطع قسم منرسالة طويلة كتبت للفينيقية من حوالي ستة أشهر ... الحمد لله اليوم تحسنت أموري جدا ...

و تخلصت من هذا الشعور السيء الذي لازمني مدة من حياتي



في النهاية أتفق معك في الرأي ... كل منا يعكس التربة و البيئة التي نبت فيها ...

بارك الله بك ... كل عام و حضرتك و العائلة بأتم الصحة و الخير

[جمال فيصل]

تماماً كما هو الفرق بين القيد و القلادة و بين التناحة و الإرادة و بين القتل و الشهادة .... بين الحب و العبادة !


قول... مدهش
واكثر من رائع

[نجمة]

السلام عليكم و رحمة الله و بركاته ....


يمكن أنا ما بحب كرر نفسي ... و عيد كلامي ... بس رسالتي الأولى للفينيقية كان لازم تكون لكل القرية الرائعة ... منشان هيك رح أنشر قسم كبير منها ...

هاي الرسالة اللي بتشرح قسم كبير من مفهومي عن الاتصال على الشبكة .... و ليه أنا من الناس اللي عندها ولع شديد بالانترنت ..



<div class='quotetop'>إقتباس</div>

جلست في غرفتي و نظرت طويلا إلى رسالتك الغالية ، و تخيلت من حروفها قسمات وجهك ..

لكني لم أتلفظ بكلمة واحدة ... أما أنت فكنت تحدقين بي و تهزين رأسك و تبتسمين ابتسامة من يجد لذة في تشويش جليسه ..!

لم يكن سكوتي سوى سكوت الحيرة و الالتباس ، جلست لأحدثك لكني لم أجد ما أقوله لأنني كنت أشعر أنك لم تتركي لي سبيلا للكلام ، و لأنني أحسست أنك تريدين بأسئلتك الكثيرة قطع الأسلاك الخفية التي تنسجها يد الغيب و تمدها بين فكري و فكرك و روحي و روحك .. أرجوك اتركي يدك تكتب لي على سجيتها و لا تقيديها بتفاهات العالم المادي .


ماذا أقول .. ماذا يمكن أن تقول صبية عندما ترزق بصديقة انتظرتها زماناً . هل هي سعيدة ..؟ هل هي خائفة ..؟ هل هي غريبة عن هذا العالم ..؟ لا أدري و لكني أسألك ما إذا كنت تريدين أن تبقى غريبة عنك أنت أيضاً .. ما إذا كنت ترغبين بمحادثتها بلغة أنت أعرف الناس بها ...أولست أنت أيضا غريبة عن العالم .. بعد خاطرتك الجميلة لماذا ..؟ شعرت أنك كذلك ..ألست في الحقيقة غريبة عن محيطك ..أخبريني هل في هذا العالم كثر يفهمون لغة نفسك .. كم مرة وجدت من يسمعك و أنت صامتة ، و يفهمك و أنت صامتة .. و يطوف معك في مجاهل الحياة و أنت تجلسين قبالته في منزل من المنازل ...



أنا من الذين حباهم الله بالأخوة الكثر و الأصدقاء الكثر و المريدين الكثر و لكني لا أجد نفسي مع كل هؤلاء المخلصين ..أشوق إلى غريبة أخرى تشاركني وحدتي و انفرادي ... تقول لي لست وحدك بعد الآن ، أنا مثلك ..نحن اثنتان ..!

في جنوبيّ الأرض صبية ليست كالصبايا .. كلماتها القليلة تعكس سحر موهبتها و غزارة إطلاعها .. وحسن ذوقها .... سرني كثيرا أن تأكدت أنّ وراء أذنيك أذن خفية تسمع الأصوات الدقيقة الشبيهة بالسكوت ، تلك الأصوات التي لا تحدثها الشفاه و الألسنة بل ما وراء الألسنة و الشفاه ...تحدثها القلوب المتعبة ..!


إن حديثنا الذي أنقذته من سكوت الأيام ، لا ولن أسمح له أن يتحول إلى محضر في أحد المخافر .. سأخبرك عن بعض الأسئلة .. و سأحاول أن أقبل بكل ما تقولينه لاعتقادي أنه يحسن بنا و كل المسافات الطويلة بيننا أن لا نضيف فترا واحدا لهذه المسافة بل نحاول تقصيرها ...



حياتي حياتين ... حياة أصرفها في العمل و السفر و القراءة و البحث و مخالطة الناس ..و أخرى أثمن بكثير أصرفها في التأمل و التفكير و استقصاء الأسرار الخفية في النفس و الروح ..، أسافر في أفكاري بعيدا عن الناس و أعود من تلك السفرات النفسية بالعينات و الصور ، أعود و أنا أشعر أن الضباب يلف أفكاري ، و أحيانا أسمع دقات قلبي كلهاث طفل صغير أضناه الجري .

هذا جواب سؤال صغير أما الأسئلة الكبيرة فسأتركها إلى فرصة أخرى ..إلى يوم آخر لأن يومي هذا قد شاخ و هرم و أنا لا أريد أن أكتب لك في ظلال الأيام المسنّة .

ها قد بلغنا اليوم معا قمة عالية في سفرنا ...لا أستطيع البقاء هنا طويلا و لكن لن أترك المكان إلا و أنت فرحة ولن أخطو خطوة واحدة إلا و أنت مطمئنة ...


افتحي يمينك ... حسنا هذه نجمة و دعوة لله عز وجل أن يحفظكي و يرعاكي ....[/b]

[salam]

حلو انا نتعرف عنجوم بالأرض
و أحلى صفة للنجوم انها عالية وشامخة و صعب انو نطولها
و هي الصفات أكيد موجودة فيكي
و الصفة الأحلى هية الاخلاص الي عندك احترمتي و حببتي شخص فا أحببتي كل شي بيتعلق فيه و هيك محبة و اخلاص صارو نادرين بهنيكي عحالك
بهنيكي عثقافتك العالية بهنيكي على مقدرتك عالتأمل الي كلنا بحاجة الو
على فكرة لما قريت رسالتك للفينيقية حسيت حالي و كأنو عم بقرا لجبران خليل جبران
أما عن السؤال أو الاستفسارفهو

أنا حسيت انو في تناقض بشخصيتك من خلال أكتر من جواب
يعني مثلا بحب الصقر و الخاروف
حيوان قوي وحيوان ضعيف بنفس الوقت
رحت أماكن ما كنت أتخيل أمشي فيها ... و بعتبر حياتي مغامرة بعيشها كل يوم

و

السلبية التي تحاول التخلص منها ؟

الحزن و الانطواء على النفس

يعني انسانة مغامرة الها كل هالحرية متلك كيف فيها تكون منطوية وحزينة


بس هيك

على كلن بتمنالك التوفيق و بتمنى انو تكوني متل اسمك مو بس بمنتدانا بحياتك العادية نجمة مضوية و بتضوي علي حواليها

[نجمة]

السلام عليكم و رحمة الله و بركاته ...


هلا بسلام أخت عزيزة و صديقة غالية ...

لك الشكر بداية على إطرائك المميز .... نجمة : هو الاسم الذي أطلقته الفينيقية علي ...

النجمة في اللغة : نبات شديد الخضرة رائحته جميلة ... ينبت مباشرة من الأرض بدون ساق ...

و منه سميت النجمة في السماء ...

ما قصدت قوله ..إنه دوما كنت قريبة من الأرض جدا ... لا أدري لم يعتقد الجميع أني بعيدة و عالية ...

شكرا مرة ثانية .... من ذوقك يا غالية


**************************

وين التناقض إذا حبيت الصقر و الخاروف ...

أنت ما بتجبي الشجاع .... و الكريم ....

ما بتحبي الأبيض و الأحمر ...


الصقر صورة لشجاعة و قوة و بأس لا ينتهي ...

الخروف صورة للبساطة و الكرم و الطيبة التي لا تنتهي ...

********************************

رحت أماكن ما كنت أتخيل أمشي فيها ....منها كنت أشعر بالانقباض الشديد فيها كما لو كنت في سجن ...

و منها ما كانت جميلة كالحلم ... مدهشة كنعمة الله ...


<div class='quotetop'>إقتباس</div>

حياتي حياتين ... حياة أصرفها في العمل و السفر و القراءة و البحث و مخالطة الناس ..

و أخرى أثمن بكثير أصرفها في التأمل و التفكير و استقصاء الأسرار الخفية في النفس و الروح ..،

أسافر في أفكاري بعيدا عن الناس و أعود من تلك السفرات النفسية بالعينات و الصور ،

أعود و أنا أشعر أن الضباب يلف أفكاري ، و أحيانا أسمع دقات قلبي كلهاث طفل صغير أضناه الجري .

[/b]



في الحياة الأولى أنا جدا بسيطة وواضحة ... في الثانية لا أكاد أفهم نفسي ...

طالما حاولت أن اخفي حياتي الثانية ... ربما لأننا جميعا كالقمر لدينا جانب مظلم ..

في داخلك أنت أيضا ذلك الجانب ..ابدئي بالبحث عنه ...

دمت بكل الخير و الصحة .... لك الشكر مرة ثانية ....

[ريم البوادي]

انا بصراحة احترت والله حيرني لانه الاعضاء سألوكي كل الاسئلة وما خلولي شي اسئله

لكن حبيت اعرف شو السبب الرئيسي في انك تخفي شخصيتك الحقيقية بما انك ماشاء الله عليك مهندسة ومثقفة وواعية
يعني من شو عم تتهربي في حدى بيعرفك بالمنتدى اكيد لحتى مابدك تذكري اسمك وانت من وين ؟

وانا عن جد بهنيكي من كل قلبي لالتزامك بحجابك ودينك وبدعيلك انو الله يثبتك على طاعته وعبادته رغم انكي ذكرتي بانك من محافظة مو محافظة

نصيحتي لك اختي الصغيرة في سنك والكبيرة في عقلك ان تثقي بنفسك اكثر وتفخري بها
انتي علم يرفرف خفاقا بعلمك وادبك واخلاقك واذا لم تحبي ذكر اي شيء يخصك لشئ ما باستطاعتك ان تكتبي لي على الخاص
على فكرة انا قرات كلام الفينيقية وانو انت مو مصدقة انها بنت ليش يعني في طريقة تشوفوا بعضكم على الكاميرا وقتها بتتاكدي
اذا كانت بنت ولا شب هلاء صرنا بعصر التنكة لوجيا يعني مو صعب ابدا او انكم ممكن تتقابلوا في مكان عام بالشام وتتعرفوا على بعض اسفة طولت عليكي وعلى فكرة انت قلتي انو ما حدى بيحبني من البنات مين قال هاد الكلام
انت جربتي وطرقتي بابي وانا ما فتحتلك انا بحب الكل وحاسستكن انكم اهلي البعاد عني واخواني واخواتي الي امي ما ولدتهن

تحياتي لك نجمة (star)

[نجمة]

أهلا و سهلا بأختي ريم البوادي... و صدقا مالقيت أحلى من هيك لقب لأني بالفعل بحسك متل وحدة من أخواتي ... و طبعا إلي الشرف تقبلي ....


بدي أشكرك على نصيحتك ... شكرا ياغالية ... وصفك هدا ما بستحقه على كل الله يكافيكي عني و يعطيكي على قد قلبك الطيب و روحك المتسامية

و من شان الفينيقية ... الموضوع أخد أكتر من حجمه على كل متل ماهي بتحب ... منخلي علاقتنا على صفحات المنتدى و بغض النظر عن كونها شب أو بنت ..و بغض النظر عن موقفها مني ...أنا بعتبرها شخص لطيف و طيب قضيت معه وقت حلو بفترة كنت فعلا بحاجة فيها لرفيق

شكرا مرة تانية ...نورت يا ريم

[منيف نجم]

ماشالله عنك
مثقفة ومرتبة ومحترمة ومؤدبة وعقلك وقلبك كبار
كل هالمواصفات الفول اوبشن ولهلئ ما ارتبطي
بالظاهرحاطة شروط صعبة وميزات كبيرة على كل الاحوال بتستاهلي
أحسن حدا بهالدنيه
أسف اذا تدخلت بشي ما بيعنيني
مع كل المحبة