المساعد الشخصي الرقمي

مشاهدة النسخة كاملة : صعق مميت وتفحم شاب

الطير الشادي
31-07-2007, 04:13 AM
<span style="font-family:Times">..............................الطير الشادي
ابو العلا
31-07-2007, 08:27 AM
أين قلوب المسؤولين

ماذا ينتظرون اكثر من الحوادث والموت كي يوقظوا ضمائرهم ؟؟


اللهم لا حول ولا قوة الا بك



شكرا يا طير
الطير الشادي
18-02-2008, 12:16 AM
وإزا ما في قلوب وضمير .....؟
نجمة
18-02-2008, 03:48 PM
بناء على قانون تنظيم السكن غير النظامي ... القانون 26 يتم تنظيم مناطق المخالفات ... في مدينتي قام مجلس المدينة بتنظيم أكثر من 14 منطقة مخالفات و الجهود التي بذلها المهندسون كانت كبيرة فعلا ... حيث تم رفع شعار : مدينة بلا صفيح ... المفاجأة المذهلة أنه قبل الانتهاء من التنظيم و الخدمات بشكل كامل ... بدأت المخالفات ... طبعا لست نصيرة للحكومة ضد الطبقة المسحوقة .. و لكن إذا لم يكن هناك وعي من المواطنين فلن يحل أحد المشكلة !!

مشكلة السكن العشواي سببها الأساسي الهجرة من الريف للمدينة ... يعني بدل ما نحسن الريف السوري و نهتم فيه لتصير الضيعة مدينة صغيرة كاملة الخدمات كما يجب أن تكون حقوق المواطن أينما كان بطرق معبدة و مدارس جيدة و صرف و خدمات ... صارت المدينة عبارة عن تجمعات سكنية مخالفة ...


الحق على مين ... كلنا علينا حق
الطير الشادي
19-02-2008, 04:20 AM
[color="#3366ff"]يا ترى وين مدينتك ست نجمة حتى هيك مدعومة </span>
نجمة
20-02-2008, 03:59 PM
الطير الشادي ..

القصة مو قصة دعم و لا شيء ...لأنه تنظيم المخالفات له أسس راح أشرحها بشكل مبسط ..

القانون 26 أو قانون المنطقة المغلقة .. يتم العمل عل أسس ..

1- جرد البيوت و أبعادها و عدد الساكنين ..
2- لجان تقدير بدائية .. و حساب الملكيات و الحصص
3- مخططات للمرافق و أماكن الاكتساح .. فرض نسبة من مساحة المنطقة كمرافق ( شوارع - مدرسة - حديقة - نقطة طبية - خدمات كهربا و هاتف - ...)
4- فكرة صندوق المنطقة المغلق : الاكتساحات تعوض قيمتها بالشرفيات ( رسوم تفرض مقابل تحسين أوصاف العقارات ) ..
5 - يتكفل مجلس المدينة فقط بتكلفة التنظيم و الخدمات

يعني فيه تعب بس مافي مصاري .. لأنه متل ما قلتلك صندوق المنطقة مغلق أي ما يدفعه المواطنون شرفيات يصرف كبدل اكتساحات و مصاريف تخديم و تنظيم ..


مدينتنا مهندسيها شغيلة ... مو مدعومين أبدا ... و أمامك نجمة عينة ... و لا عندك رأي تاني ؟؟؟ ;) :lol:
الطير الشادي
21-02-2008, 03:07 PM
وشكرا
نجمة
21-02-2008, 10:25 PM
المدينة لا خيالية و لا شيء يا طير ... قلتلكم مرة أنه تعلمت من الرجل العظيم اللي قابلته من جبعدين أهم درسين بحياتي .. أنه الله ما بيتخلى عننا و أنه الناس الكويسين موجودين دايما و لو بأسوأ الأماكن...

أنا مابنكر أنه الجهات الحكومية ينخر فيها الفساد .. و القطاع العام خطواته قليلة و متعثرة .. و لكن عندي إيمان بالشرفاء .. الناس اللي عم تحارب و تبني .. إيمان أنه هالبلد الحلوة بلدنا كلنا ... و لازم نتعاون كلنا منشانها ..

مافي مصاري .. قصدت فيها أنه مافي دعم من الوزارة .. لا أزال أذكر المعركة التي خاضتها زميلتي في الوزارة حتى أقنعت الوزير بزيادة البدلات النقدية للمتر المربع من البيتون من 2800حتى 3800 ل.س ... كأنه عم يدفع للناس الفقرا و المعترين من جيبته ... ( و متل ما وضحتلك بالرد السابق الدولة لا تدفع شيء .. الناس بتعوض بعضها بتنظيم من لجان التقدير )

لن أخبرك كيف سهرت أسبوعين على إعداد الجداول و الحسابات و الكلف و مطابقة بيانات القيد العقارية و سندات التمليك وحساب الشرفيات .... و المخطط الحلو اللي رسمه المهندس طارق ... و انتهت الشغلة و سلمنا لنتفاجأ بعدشهر بأنه مواطن عمر بيت بنص الطريق و سد الشارع ..

لما قلتلك أنه كلنا علينا حق كنت بعرف تمام شو عم أقول ... لأنه هيك تصرف كان لازم سكان المنطقة هنن اللي يمنعوه قبل مجلس المدينة .. و ين إحساسهم بالحارة .. و لا شاطرين بس يتفرجوا على المسلسلات ؟؟

على أثر هالحادثة أنا غيرت الدائرة كلها .. و رحت على مكان تاني .. بلكي منصلح شي الناس عندها رغبة يتصلح .. لأنه مناطق المخالفات حسيت أنه صحابها هم اللي مارايدينها تتصلح