هل من الممكن ان تحب شخصا لم تراه في حياتك ؟؟؟

[خيال الزرقا]

سؤال محير وشائع في هذه الايام !!

هل من الممكن ان تحب شخص لم تره في حياتك؟؟؟

هل ممكن ان تحب شخص تواجد في المنتدى اوالمسنجرمعك او تتحدث معه عبرالهاتف فقط !!!

طبعاً الكلام شامل معنى الحب في الله :

سؤال أحب معرفة جوابه من بنات وشباب المنتدى ..

هل محادثات المسنجر او التلفون تكفي كي نحب الشخص او تؤيد ان النت

عباره عن مقالب وصدمات في الاشخاص فهو عالم خفي لا نعرف طرقه ومتاهاته ؟؟

باب حوار جديد وحول ظاهره شائعه يمشي فيها الكثير الكثير هذا ما لفت نظري إليها ..

وأعتقد الأغلبيه يتسائلون مثلي ..

فتعالوا نتناقش ونحاول أن نصل إلى حل إلى هذه المشكله الشائعه ..

قرأت هذا الطرح وأحببت ان تشاركوني فيه بطرح ارائكم

أرق التحايا

[ريم البوادي]

بصراحة سؤال وجيه وانا كم من مرة سألت نفسي هذا السؤال والجواب هنا ربما له اكثر من وجهة نظر اوتفسير لان يا اخي خيال في ناس بنحبهم عن طريق النت ومابنعرفهم لكننا بنحب اسلوبهم وكلامهم ووووووو الخ واحترامهم للاخرين وصحيح اننا ما منعرفهم بس بنحبهم يمكن للتعود عليهم وعلى حسن معاملتهم عن طريق النت فقط يقول المثل الاذن تعشق قبل النظر ويمكن بس نشوفهم ما نحبهم مثل ما منحبهم قبل

يا ما يا ما في ناس منشوفهم وعشنا معهم وعاشرناهم وبعدين طلعوا ولا شي يعني خسارة الحب فيهم خسارة كل شي فيهم حتى الخسارة خسارة فيهم

وياما في ناس ما بنعرفهم ولا عمرنا ما شفناهم لكنهم عايشين بداخلنا من موقف ما او تصرف او نصيحة بطريق مباشر او غير مباشر ولو من غير قصد ويمكن يكون احن من اقرب الناس النا ايضا في مثل بيقول رب اخ لك لم تلده امك


وانا شخصيا بحبكم كلكم ولو كنت ما بعرفكم الا بالمنتدى لكني بعتز فيكم وبصحبتكم لاني متأكدة من اخوتكم ومن وقفتكم معي لو احتجت اي واحد منكم
وهون في شغلة صغيرة بحب ضيفها انو الانسان ما بتعرفو مظبوط الا لتعاشره او تسافر معه وقتها بيبين على حقيقته انا هيك بسمع
الك بتعرفوا قال ايه بعرفوا الك عاشرتو قلت لاء قال اصبح مابتعرفوا

[خيال الزرقا]

<div align="center">أخت ريم شكرا على ردكي المميز والرائع وأنا بإنتظارآراءالجميع</div>

[الامبراطورة]

سؤال جميل وانا بصراحة سالت حالي هالسؤال كتييير ........

انا برايي مو شرط انو تشوف الشخص الي عم تحكي معو لانو الشكل مو مهم
ا
المهم هو الروح وياما في ناس بنشوفهن ونحكي معهن وشكلهن حلو بس طريقة

كلامهم وطبعهم مابيكون متل مابنحب....

وانا من فترة اتعرفت على بنت عن طريق النت سبحان الله من طريقة كتاباتا

وحكيها معي حبيتا مع العلم اني بحياتي ماشفتها بس من طريقة كلامها معي
حسيت اني بعرفها من زمان وبس احكي معها برتاح كتير بحس بسعادة ...


بعكس ناس بعرفهن من زمان وقاعدة معهن وشايفتهون بس وجودهم وعدم وجودهم بحياتي عادي واذا غابوا عني مابحس انو صار في نقص بحياتي....

وفي النهاية متل مابيقولو: الاذن تعشق قبل العين احيانا

[خيال الزرقا]

يا ريت الاعضاء الجدد يعطونا رايون بهذا السؤال؟؟؟؟؟؟؟؟

[قمر الزمان @]

اكيد ممكن تحب شخص من دون ما تشوف وجهه
لإنك حبيت روحه الحلوة تشابه معك بالاخلاق و الطبائع مشان هيك كتير ممكن أنك تحبه

أنا من أربع أو خمس أشهر أجتني رسالة على منتدى كنت مسجلى فيه جديد
و الرسالة إجت بالغلط لعندي , رديت عليها , قامت صاحبة الرسالة رجعت بعتت رسالة شكرتني فيها و أنا طلبت أتعرف عليها و هي كمان طلبت تتعرف علي بعدين أكتشفت أنو هي البنت هية معي بمنتدى سرياني و بعرفها و بتعرفني بس ما بتعرف أسمي و الله حبيتها من كل قلبي
كتير ظريف و ما حسستني إني غريبة عنها
بتعرفوا مين هي البنت ( السيدة ريم البوادي )
عرفتها بالصدفة و حبيتها و صارت تراسلني و راسلها , بشكرها من كل قلبي .

[خيال الزرقا]

قمر الزمان سرني مروركي وردكي على الموضوع

[ريم البوادي]

لك تحبك العافية يا قمورة ربي يخليلي ياكي حبيبتي القلوب عند بعضها

[خيال الزرقا]

الله يديم المحبة بين الجميع