المساعد الشخصي الرقمي

مشاهدة النسخة كاملة : وين الزجل والشعار

APOLO
16-01-2006, 11:28 AM
بعلمي زجّال القلمون
ما بينشقلهم غبار
وين الزجل والشّعار
وين الردة والأشعار
ضووّ حجارة هالمغار
خلو الردة تهب النار
نبيل فيصل يا مغوار
شعرك كان يهز الدار
لما تقول الشعر السهل
تخلق من شوكة أزهار
وين قوافي الشعر الصعب
ارميني فيها متل اجمار
نبيل فيصل
18-01-2006, 04:05 AM
يا ( أبّولو ) الليلة سْماع --------- أشعاري ما إلْها حدود

من شعري بعطيك شْباع ------- وعنا الجود من الموجود

شعري ألوان وأنـــــواع ------- معنـّــى ومخمس مردود

قافيتي من بــحر الــقاع ------- و إلهامي الرب المعبود
APOLO
19-01-2006, 09:43 PM
حذّر بحرك يا نبيل ــــــــــــــــ عصا موسى بإيدي اليوم
موهبتي منّا تحميل ــــــــــــــــ عَ فلوبي وعَ سيدي روم
عندي البيت بيطرح فيل ــــــــــ وبقعدك شهر عَ السيروم
بلا تجريح ولا تنكيل ـــــــــــــــــ ولا رح ألقي عليك اللوم
رح قلك وبلا تجميل ـــــــــــــــــ وما بدها إشمام ورَوم
مضى عهدك يا نبيل ـــــــــــــــ تروك الزجل لأهل اليوم


الإشمام والروم: حكمان من أحكام التجويد يُظهر بهما القارئ للناظر إليه حركة لا يلفظها.


كتبت هذا مع اعترافي بقلة بضاعتي أمامك واعترافي بروعة شعرك ومعانيه واحترامي لمكانتك الأسرية ولكن.... لزوم أن أرد عليك :wink: :roll:
عاشق الليل
19-01-2006, 09:56 PM
شو يا .. صاير تعرف تكتب ؟؟ ..

الله ايسمعنا الأخبار الطيبة ..

:wink: :wink: :D :D
نبيل فيصل
20-01-2006, 03:59 AM
عا موج البحــر الهادر --------- أوعا تـْــقربو يا مـْــجانين

موسى ولا انت قادر -------- ترد الموجــــة يا مسكين

بعطيك الشعر النادر -------- و مين بـْـيتحداني ميـــن

وعهدي مفصلـّو شادر ----- من سورية لـْـبحر الصيـن
APOLO
21-01-2006, 06:07 PM
شد الشــادر يا نبــيل ---------- ريحي بتضرب برق ورعد
تعصــف وتقــتِّل تقتيل ---------- ما بتخلي فرحَ ولا سعد
وموجك ما بقدر يشيل -----------خشبة صغيرة لأصغر بُعد
لا تقــلي كيـلو أو ميل ----------- لو سانتي ما فيك تعد
إنـت وكــل كبـار الجيل ----------- وعد عليي اغلبكم بعد
احــذر منــــي يا نبــيل ---------- مو من عهدي خون الوعد
نبيل فيصل
22-01-2006, 12:55 AM
رح شد الشادر والكيس --------- تبقى جوا مـِــتـْـهني

وتغني يا حادي العيس --------- كِــيف الصحة طمــّـني

عهدك للعالم تفقيـس ------- عامــلّــو طـــنّــة ورنـّــة

بيقولو عاهد ( ابليس )-------- أتباعوا يْـفوتـو الجنـــة

----------------
أبو عبد الرحمن
22-01-2006, 01:17 AM
يا سلام .........


من زمان كنا حابين نقرا ونستمتع ..........


زيدو

لنشوف ونحنا منحكم .....
نبيل فيصل
22-01-2006, 03:16 AM
تكرم عينك ابو ياسر
وبدي اعمل صفحة خاصة بالتحديات
ومنشوفك انت وغيرك
:mrgreen: :mrgreen: :mrgreen:
عاشق الليل
22-01-2006, 03:37 AM
... شي حلو ....

شو رأيكم يا شباب نفتح صفحة للتحدي حتى ايكون التحدي أكبر وأحلا .. لإنو شايفين في كتير مواهب ..

ومنشوف مين الكبير وقتها :mrgreen: :mrgreen:

بدنا ردود وجواب .. مشان انقلوا للمشرف الأستاذ نبيل يفتح الصفحة .. :D
admin
22-01-2006, 04:06 PM
فتحت الجلسة.....
عفواً الصفحة..............

وتم تحديدها كموضوع مثبت في المغارة

شدوا الهمة ....