المساعد الشخصي الرقمي

مشاهدة النسخة كاملة : فرنسي...الدرس الأول.

الفينيقية
15-04-2007, 10:18 AM
بناء على طلب بعض الأعضاء الكرام.. سأقدم لكم الدرس الأول في اللغة الفرنسية..

وسأضعه هنا في مغارة الانكليزي/ من بعد إذن السيد المدير /..

بتمنى كون عم أقدر وصل معلومات بسيطة ومفهومة.. وأي سؤال بهالخصوص أكيد أنا جاهزة.

طبعاً بالنسبة للفظ يمكن تلاقو شوية صعوبة لأنو الفرنسي بحاجة لسماع حتى نعرف نلفظها صح..

لهالسبب حيكون التركيز على المباديء الأساسية وكيفية تركيب الجمل والعبارات الشائعة بالفرنساوي

وإذا حبيتو الفكرة منتابع كل أسبوع درس مشان يكون أمامكم وقت كافي لقراءة السابق...
أسماء سيلان
15-04-2007, 11:27 AM
اكيد فكرة حلوة كتير :D :)

نحنا عمننتظرك تبلشي الدرس :rolleyes: :mellow:
أحمد عيسى
17-04-2007, 11:41 PM
جزاك الله خيرا , بس على مهلك شوي شوي أنا مخي سميك و ما بيتحمل . ونحنا بانتظار الدرس التاني , بس الحمد لله ما في تسميع.[size=3]
أبو عبد الرحمن
18-04-2007, 12:21 AM
أنا مخي أسمك من مخ أحمد عيسى


________________________________________ __

وسمعتلك سمعة الله لا يسمعك ياها يا أستاذ أحمد

قال مو بس في تسميع....في وظايف وفحوصات ومدري شو هدول

نحنا بطلنا من المدرسة منشان هالشغلات


إن شاء الله تكون الحكايا سهلة
المحامي احمد ضامن
18-04-2007, 01:11 AM
الاخت الفينيقية شكرا لك على درسك الاول ولكن لاتصعبي على ابو ياسر كتير فحرفR : تلفظ ( غ ) كما قلت ولكن هذا في لهجة جنوب فرنسا اما في الشمال الفرنسي فتبقى /ر /مثل الانكليزية ولما كان ابو ياسر كما قال مخه سميك فلفظ مركورودي اسهل من
( مِغكغُدِي )
salam
18-04-2007, 01:43 AM
و الله عم نبلش نحفز و نهتم باللغة و مشكورة عأول درس عم نستنى باقي الدروس و عقولة الأخوة الي قبلي لا تصعبي الدروس علينا و حبة حبة
لان في فرق كبير بينا و بين الانكليزي بس بظن انها أسهل و فيا دلع و غغغغغغغ أحلا شي بالفرانساوي
المحامي احمد ضامن
18-04-2007, 02:23 AM
يوجد موقع ممتاز لتعلم الفرنسية وهو

www.kaboose.com
الفينيقية
18-04-2007, 09:56 AM
الحمد لله أنو الدرس عجبكم و حبيتو الفكرة ..وان شاء الله ما بيكون الموضوع صعب ..
وأي سؤال بهالخصوص أكيد أنا جاهزة...

للأستاذ المحامي أحمد ضامن ..شكراً لمرورك الكريم عالموضوع وعلى عنوان الموقع بس المشكلة أنو كل شي مكتوب بالانكليزي وما فهمت شي....!!!!
أبو حسام
18-04-2007, 06:56 PM
شكراً أختي الفينيقية على هذا الاهتمام الكبير

بالنسبة للملف المرفق بهذا الدرس يعمل بشكل سليم


وقد قام الأعضاء بتحميله إلى أجهزتهم 16 مرة حتى هذه اللحظة

الآن وصلتني رسالتك على الموبايل ....

وأنا أدعو الله أن يكون بعونك وأن تخرجي مما أنت فيه قوية كما الفينيقيين...
أبو عبد الرحمن
19-04-2007, 01:37 AM
الله يسلم هالديات وشكرا على الدرس الأول

بدو حفظ ...الله يعينا

________________________________________ _______
بس سؤال خارجي :

كيف عملتي الخلفية ( المتموجة ) لورقة الورد ؟؟؟
الفينيقية
19-04-2007, 09:31 AM
شكراً للجميع على الاهتمام بالموضوع....

وبالنسبة للأخ أبو ياسر..كيف ما بدك تلفظ R لفظها لأنو متل ما قال المحامي أحمد

ممكن نلفظها ( ر ) أو ( غ ) بس أهل باريس بيقولوها ( غ ) وطبعاً هيك أحلى.

و لما بدأت أتعلم فرنسي كان عمري 3 سنين وهيك متعودة ألفظها..يعني على راحتك.

أما بخصوص كيف عملت صفحة word مموجة فالموضوع بسيط كتير :

بعد ما تفتح الصفحة اضغط على : تنسيق format

اختر : خلفية Background ......تأثيرات التعبئة Fill effects ....

لونان Two colors

وبعدها تختار التنسيق الذي يعجبك.........على فكرة.. كتير بتطلع الصفحة مرتبة.

وأنا كل كتاباتي بتفنن فيهم بهالطريقة...

وطبعاً أكيد شكراً كتير كبيرة للسيد أبو حسام على كل شي...
أبو عبد الرحمن
20-04-2007, 01:13 AM
اي يسلموا ايديكي

زبطتت شغلة الورد

ورح الفظها ( غ) ....يمكن لانو بسمع الفرنسيين بيكترو من الغ بكلامهم

* لا تتأخري بالدرس التاني ...وخليللنا الدروس تفاعلية
horein
21-04-2007, 12:43 AM
[size=4]شو هالتواضع يا أبا اليسر
نحنا بنعرفك من المتفوقين
ما شاء الله مخك زي البرلنت.......
أبو عبد الرحمن
22-04-2007, 12:46 AM
الله يخليلنا ياك يا أبو عماد

ويجبر بخاطرك


كلامك تاج على روسنا جميعا , إن شاء الله
خيال الزرقا
22-04-2007, 03:58 PM
مجهود رائع من الأخت الفينيقية انا دارس فرنسي وعندي فكرة منيحة ولما قرأت الدرس الأول فعلا فيه شرح ممتاز وسهل لمن يريد أن يتعلم اللغة يعني المبتدئين سلمت يداكي وبإنتظار المزيد
الفينيقية
23-04-2007, 10:55 AM
شكراً لاهتمامكم بالموضوع....

الدرس الثاني جاهز بس عندي مشكلة بالمرفقات .. ما عم ينضافو معي .
أبو عبد الرحمن
24-04-2007, 01:37 AM
الأخت فينيقية :

إذا كنت تواجهين مشاكل في المرفقات عن طريق التحميل في المنتدى

يمكنك رفع هذه الملفات على موقع مستقل , ومن ثم تكتبين لنا الرابط

يمكنك استخدام : www.4shared.com
الفينيقية
14-07-2009, 10:18 AM
تمت إعادة إرفاق الملف التعليمي للدرس الأول فرنسي...fe10